اختكم في ورطه....رجاء ساعدووووووووها

اختي خايفه: ما احلى كلامك ..تصدقين انك شجعتيني امسك اعصابي...الله يسعد ايامك كلها ياالغاليه...
الله يساعدني...
اختي جوجو: جزاك الله كل خير...وفعلا انا غلطت...لكن ان شاء الله ما اكررها...ومشكوووووووووووره يا العزيزة...

وينك يا اخت فطيم 19 استنى ردك
على احر من الجمر....تكفين الحقيني...
ويييييييييييييييييينك...

وينكم يااخوات ردوا علي...لان ردودكم تشرح صدري...

ترا الرجل مثل الطفل

خذيه بالزين ولاتكلمينه كنج تهددينه


قوليله انت زوجي وحبيبي وماصبر عنك بس اخاف من هذي ولي حق احاتي واخاف لاتزعل عليه واباك تريحني واطمني انك ماتخليها ولا تعطيها فرصه عليك باسلوب دلع لكن ماتكلمينه وانتي مبحلقه بعينج وصايره حمرا وترتجفين من القهر

قوليله مقدر انام منها احاتيك انا ماصبر عنك ولا اقدر اتخيلك مع غيري مالي غنى عنك هالله هالله على قلبي يا بو عيالي

مب تصارخين عليه وتتضاربون واحلى وقت قبل النوم خذيه في الاحضان وقوليله هالكلام وانتي تهمسين له عشان تكسبينه مب تنفرينه يا حرمه

وبالنسبه لهذيج راقبيها وعودي زوجج يقولج كل اللي يصير وانتي متفهمه

وصدقيني اذا مالقت اللي تباه في بيتج اللي هوه زوجج ماراح تنطر وتضيع سنين عمرها بتروح مكان ثاني ادور

وهذي السالفه صارت مع خالتي يوم كانت في بريطانيا لصقت فيهم وحده ووصلت فيها المواصيل كانت تنطر زوج خالتي عند باب العماره بس كانت ازمه ..الحمدلله وكانت خالتي على طول الفتره تحاول تكسب زوجها عشان يكون شبعان ومايشوف غيرها
والحمدلله خالتي نجحت ووصلت فيها المواصيل انها تصلي الثلث الاخير من الليل في الصاله جنب غرفة المعيشه وتصيح على السجاده وهوه كان يسمعها وهيه ماتدري انه يدريبها تبكي بس عقب يوم رجعوا الامارات كلمها قالها ماقصدت شي غصبن عني وحده لزقت بس لو الموت ماشوف غيرج لاتخافين

وكيف انهت خالتي الموضوع ؟

اول شي كانت خالتي تاخذ زوجها بالزين وصارت معاه رومنسيه لابعد الحدود وخلته يشوف انواع الدلع يعني الصراحه ماعتقد كان بيفكر في غيرها لانه ضميره مابيسمح له خالتي ماقصرت معاه

قعدت يمكن اربع شهور

بعدها المرأة مالقت اي تجاوب اي علامه ان زوج خالتي راح يعطيها سالفه وحاولت لدرجة انها كانت تقعد عند باب العماره او عند الاستعلامات وخالتي تنزل تهددها وزوجها ساعدها وايد بعد

واعتقد ضربتها بنعال بس مايت الضربه عدله على وجهها قام زوجها سحبها ووداها الشقه عشان ماتزيد المشاكل وبس من بعدها مايت

بس انتي لاتروحين تضربيها تحملي عن زوجج ينقلب ضدج انا بس قلت لج سالفت خالتي

لان المرأة تجاوزت الحدود وايد

مشكوووووووووووووووورة اختي فطيم 19 ...الله يجزاك خير على نصحي ..
وفعلا لازم اتعامل معاه بهدوء...مااحلاكم يابنات المنتدى فعلا صرتم اخواتي بكلامكم الطيب
ونصحكم لي ودعواتكملي بعد ...الله يوفق الجميع ..

لا شكر على واجب كلنا خوات والنصح واجب

بس ننتظر تبشرينا عقب

مع التحيه

لاتضايقين ولاتتكدرين عسب هالانسانه .............. ولا تعتقدين انه يوم من الايام زوجج يلتفت الها ........... لانه كل الرجال اذا شافو فتاه عليها حركات من اجل لفت انتباه الرجل ............. مستحيل يفكر فيها ولو حاولت لانه اكيد فكر ان لها سوابق ...........بس............ صدقيني اذكري ربج كثر ماتقدرين ............. وبتشوفينه ايسر لج امرج ............... والا ماتتغلبين على المشكله ................... لانه الله يمهل ولا يهمل ................ واكيد راح يجازيها لو كانت نيتها خبيثه............ بس خليج مرتاحه ولا تعصبين ........... لانه العصبيه تخلي الزوج غير مرتاح ............. بالعكس كل ما جا زوجج حسسيه انه راحته يلقاها بين زوجته وعياله ........... الله يفك سرج ويسر لج امرج وففقج مع زوجج وعيالج .............

مشكووووووووووورة يااختي العين الزرقاء....الله يسمع منك ...صراحة فرحتيني..
جزاك الله خيرا...الله يوفقك....

بشري اختي شصار معاج ؟ انشالله مرتاحه

طنشيهاااااااااا بس حاولي تشدييييييين زوجك لناحيتك

مشكورين اخواتي على نصائحكم...
اختي فطيم ....ما صار شي ..جدولهم نفس الشي ما تغير..
الحمد لله معاملته معي تغيرت ...بس طلعاته من البيت كثيره واذا سألته
قال:ادرس...

أختي محبة ذات النطاقين ...

راح أكلمك من واقع تجربة أنا حصلت على الماجستير من كندا وكان تخصصي إدارة أعمال ... في رسائل الماجستير والدكتوراه بالذات يكون هناك اختلاط خصوصا في مشاريع التخرج والجامعات هناك تتعمد بأن تجعل مجموعات المشاريع مكونه من رجل وامرأة ...

وأنا شخصيا عانيت من هذا الموضوع مع زوجتي في ذلك الوقت ، ولكن راح أعطيك مجمل ما واجهته وطريقة تعاملي معه ولك الخيار ..

&& الشخص الدارس الباحث عن العلم والشهاده لن يضع بالا لمن يكون معه في مشروع التخرج سواء امراءة او رجل لأن ما يهمه هو انهاء دراسته والعودة إلى أرض الوطن ...

&& لااخفي عليك خصوصا في الجامعات الشخص المميز في علمه وشكلة وحديثه يكون محط انظار الجميع وإن كان رجلا ستجدين كثير من الفتيات يلتفن حوله أما للأخذ من علمه والإستفادة منه أو الإستمتاع بطريقة حديثه واعتباره صديقا مقربا .. وهنا يأتي دور الرجل في تحكيم العقل على العاطفة ...

&& أنا اايد ماذهبت به أحدى الخوات بأن تلك الفتاة تريد مصلحتها فقط وذلك بالتقرب لزوجك وأخذ حصيلة جهده واجتهاده وهذا ما قد حصل معي فعلا فقد كانت زميلتي جزائرية ... ولكن سأكون صريحا معك بحكم طبيعة رسالة الماجستير كان يحتم علينا أن نكون سويا في أماكن كثير يجب على الرجل هنا الحذر منها ... على سبيل المثال في لحظة سريعة تصطدم الفتاة بجسد الرجل ... يبحث عن شيء وبالصدفه يضع يده عليها ... بحكم البلد قد يعترضها أحد فيضطر أن يدافع عنها ... يكون هاك زحمة يحاول فتح الطريق أمامها ... كلها امور تجعل من الفتاة تميل للرجل ... وتبدأ حيلتها الثعبانية ...

&& لكن من واقع تجربة إذا الرجل وضع نصب عينيه الهدف الذي جاء من اجله وقمت أنت بتوفير ما يلزمه كرجل من جميع النواحي فتأكدي لن يرى غيرك ..

&& أنا معك كإنسانه قد تستفزك تصرفاتها الوقحه ولكن عليك التحلي بالصبر وتلعبي معها نفس اللعبة من غير علمها بالمحافظة على زوجك وتهيئة الأجواء المناسبة له ...

&& ليحافظ زوجك على الصلاة فلن يجد له الشيطان سبيلا ...

تحيتي اختي لك وأدام الله عليكم السعادة والإستقرار وبارك لكما وبارك عليكما وحماكما من كل شر ...

والله موضوع مب هين

انصحك فتحي عينك عدل وخلك ذكية

واذا تبين الصج عاد انتي مالك حكم على بنت الناس انتي تقدرين على زوجك بس

اما هي ... فكل يوم بتطلع لج وحدة شكل ... عجل راح تتضاربين مع العالم

هو إلي دخلها بحياتكم اذن هو من يطلعها

واكرر واعيد فتحي عيني عدل ولا تضعفين وديري بالك على عيالك وبيتك

اخي اياد: مشكور على نصائحك الطيبة....وفعلا تصرفاتها تستفزني..واكرهها الا ماله حدود

علي اتحلى بالصبر والحكمة حتى احافظ على بيتي....ما هي ردة فعلك لما كانت زوجتك تزعل من احتكاكك بالمراءة...ولما كانت تفتح لك موضوعها؟
وكيف حياتكم لما رجعتم للوطن...هل فيه شك؟ هل فيه زعل؟ هل فبه........؟
......................................................................................................


اختي عذب القوافي ...مشككككووووووووره على نصيحتك الطيبة...والله يخارجنا على خير..


........................................................................................................

حبيبتي... الحمد لله ان زوجك يقول لك كل تحركاته.. وكل شي يسويه وبصراحة.. هذي دليل انه رجل محترم...
بس وضحي له انك مب مرتاحة من هالحركات ولازم يتذكر ان حركاتها مب من عاداتنا
ويفكر انها لو كانت اخته سوت نفسها بيرضى !!!
لازم هو يوقفها عند حدها..
يعني اهي شلون كانت عايشة هناك قبل لا تعرف زوجك!!

والا اش رايكم بناااات !!!

حبيبتي في حريم واجد من هالنوع وغلطتك دخلتيها بيتك وعشان كذا لازم تحطينلها حد ولاتنسين الرجال مثل الطفل وممكن اي احد يلف مخة وخصوصا هالنوع. اتفاهمي مع زوجك وبينيله انك مالك غيره وهو كمان وخصوصا بالغربة وبينيله صفاتها السيئة وحذريه انك تزعلين وتردين ديرتك اذا اكتشفتي انه على علاقة بها ولو من بعيد وهو شكله مايحب المشاكل وبيطيع الشور ويحاول يكلم المشرف يغيرها
والله يبعدها عن طريقك ويبعد هالاصناف عنا

اخواتي Hyercoolو show showعروس...اشكركن من اعماق قلبي على
نصحكم لي ...فعلا حسيت بغربتي بانكم اخواتي....يسلم جميع من واساني في
هذا المنتدى الرائع....