كل وحده تدخل تقول شلون تعرفت ع زوجها

السلام عليكم

موضوع رووووووووعة و مسلّي

تسلمين اختي نونابسام على الفكرة الحلوة

...............................................

أهو من اهل امي بس انا ما عمري شفته في حياتي وابوه يصير ولد عم امي

انا كنت توني متخرجة من الثانوية و كانت العطلة الصيفية

كانت اخته توها متزوجة و قالت امي بتروح تبارك لهم بس انا واختي مارحنا معاها رحنا بيت خالي "يم بيتهم تقريبا"

راحت الوالدة الله يحفظها بعد صلاة الظهر و يوم بتطلع من عندهم أمه ما خلتها قالت لها لازم تتغدين معانا
و قعدت تحن عليها الا تتغدين ، اتصلت امي حقي و قالت انا بتغدى تعالوا

في البداية ما كنت حابة اروح لأني ما اعرفهم عدل و ما كنت ازورهم لما كانت الوالدة تروح لهم

فحنت اختي العودة علي الا تيين معاي و وافقت اني اروح

رحنا وسلمت على امه واخته و قعدنا

و الصدفة انه نازل اجازة من المعسكر

شوي والا امه تقول: تعال محد غريب هاذي ام فلان >> تقصد امي

و دش يسلم وكان مستحي لأني كنت موجودة و هو ما يعرفني

سلم على امي و اختي العودة لأنه يعرفهم و انا خطرني >>مسكينة

بس انا ما فكرت اني ارفع راسي و اشوفه >> حتى بعدين استغربت من نفسي اني ما طالعته خبركم ملقوفه

و احنا نتغدى الظاهر انه كان يبي يدش لأن امه كانت تقول تبي تعال اتغدا هني لا تقعد تطل من الباب>>> هههه فشلته

بعدين يه سوه روحه يعدل في قنوات التلفزيون حق يسترق النظر و راح تعب عمره و سوه عصير موز على قولته بشربكم عصير ما شربتون مثله في عمركم

بس انا ما شربت منه كان حار من غير ثلج

و طلعنا

و عقب اسبوع تقريبا يت اختي تقول انها شافت عمه و قال لها شخبار اختج تراهي محجوزة و مشى عنها
انا اشتغربت محجوزة حق من!!!!

و امي كانت رايحة عرس و شافت امه هناك و قالت لها شخبار ... >>تقصدني

استغربت امي شمعنى انا سئلت عني و اهي اصلا ما تعرفني وما سئلت عن خواتي اللي تعرفهم

و عقب اسبوعين تقريبا يه اهو و ابوه و يده البيت كانوا بس يسلمون و قالوا انهم بيون مرة ثانية

عقب فترة اتصلت امه و قالت انها تبي تخطبني حق ولدها و ححدوا يوم و يو

يوم يت قالت انه مللها من كثر ما يسأل كل مرة ايي من المعسكر يسأل شخبار الجماعة اللي كانوا عندنا؟؟!!

مسكته مرة الا تقول شعندك كل مرة تسأل عنهم و عن بنتهم تبي تخطبها؟؟
استحى وتبلعم و قال لا ثواني الا يقول بصراحة اي عجبتني و صرت وايد افكر فيها :shy:

و كل ما احصل وقت فراغ اتيي ببالي ما دري ليش

بعدين حزة اللي لازم اشوفه ويشوفني حق يصير موافقة او رفض كنت مستحة ارفع راسي اناظره
بس بعدين تجرأت و طالعته >> سبحان الله قمرررر

ههههههه

و بعدين وافقت عليه و اتفقوا الاهل على كل شي :salam:

و احنا الحين مخطوبين

و ننتظر قفصنا الذهبي يجهز حق نتزوج

والفال لكم يا بنات

و مسامحة على الاطالة(f)