كل وحده تدخل تقول شلون تعرفت ع زوجها

أنا عن نفسي ما شفته الا يوم الملجة

زوجي لا اعرفه ولا يعرفني خطبة عاديه اتصلوا فينا وقالوا بنخطب بنتكم

وشفته وشافني وعجبنا بعض وتزوجنا ولله الحمد والحين عندي ولييييييييد الله يخليه لنا

والفال لكل البنوتات ياااااارب

انا كنت مااااااا احب اقعد مع ربيعات الوالده وامي ما تجبرني ابدا اني اسلم عليهن وكله قاعده بحجرتي ادرس يعني هادئه وانطوائيه وخجوله..ومره كنت لابسه وبطلع جان تقولي امي دشي سلمي على فلانه ومادري شو ياني ودشيت اسلم عليها
بعد اسبوع كلمت امي وقالت انها تباني لولدها
وهو كان مو راضي ابدا ويا بيتنا مجبور لانه امه حطته جدام الامر الواقع وحددت يوم لزيارتنا مع ولدها وهو ما حب يفشل امه وابوه
وهو كان يبى يعيش حياته وما يفكر في الزواج
المهم يوم دخل يشوفني يعني النظره الشرعيه..هههههههههههههههه...ما شل عينه عني لدرجه اني بغيت اصيح من المستحى
وفي موقف طريف استوى
اختي كانت تدخل على ايميل اخته لانهم ربيعات الروح بالروح وصدف اني كنت يالسه يم اختي وكان اخو ربيعه اختي اون لاين وطبعا يتحرا انه اخته اللي اون لاين مش اختي
وكان هو بره يدرس وبعدنا ما ردينا عليهم خبر اذا موافقين ولا لا
جان على طول يكتب اختي حبيبتي قولي لامي تتصل فيني ظروري الحين لانه رصيدي مخلص وماقدر اتصل
واختي ملقوفه قالتله ليش؟؟ جان يقولها والله من شفت قلبي راضي وانا مش قادر ارقد بموت ابغي امي الحين تكلمهم وتعرف منهم اذا موافقين ولا لا اخاف البنت تروح من ايدي
خخخخخخخخخخخخخخخخ وطبعا ياني شعور غريب وما رقدت الليل هاك اليوم :shy:
وهو لين الحين ما يعرف انه اختي وانا اللي كنا داشين على ايميل اخته ههههههههههههههههه
وما يقولي انه كان متخبل علي ههههههههههههههه اونه يكابر بس انا شكيته هاك اليوم
السموحه طولت عليكم بس حبيت اشارك في الموضوع الحلو

انا متزوجة تقليدي من ولد عمي.....بس هو اللي عشقني اول شئ...لأنه شافني لما خطفت عنداله

فله السوالف
ليش مانكمل ؟!؟!

وعد وعد وعد وعد وعد

بسسسسسسسسسسس

اتزوج

اقول لكم اشلوووووون

ما اعتقد راح اخذ واحد يصيرلي لانهم مو عاجبيني:dd:

تسلموااااااااااااااااااااااااا

لا عرفه ولا يعرفني، وحده من صديقات أخته مكلمتهم عني، قالت بيمر مكتبك إيشوفك، قلت خلاص خل يمر، عاد آنه في بالي واحد طويل وضعيف وأسمر وقاعدة آنتظر واحد جذي، جان يمر علي واحد متوسط الطول ومتين شوي وأبيض جان ماعطيه ويه المسكين ماعجبني، أتصل يسلم وقال آنه الي مريت الحين وكلموك عني متى نقدر نمر عليج؟ قلت له الحين مايصير خلني آفكر.... مسكين بعدين كسر خاطري قلت شلي سويته خلقة ربنه هاذي.. بس عاد وافقت ،، لا والحلو في السالفة أن زوجة أخو معانا بالشغل تصدقون كانت بالمصعد والمصعد طبعا يطل على الشارع وشافته داخل أتصلت فيه الملقوفة تسأل شنو الي جايبك عندنا....

الله يوفقكن خواتي الغاليات ويسعدكن بحياتكن الزوجية

وإلي مالجة ومخطوبة الله يتمم لها على خير

وإن شاء الله يوم الله يرزقني وأعرس بخبركن .

اما انا كنت يالسه مع اختي المرقده في المستشفى ومرهامه يات زارت اختي الصبح ولمل شافتني قالت ماشاء اماعطيها ويه واروح اكمل رقدتي وبعد كم شهر الا اشوفهم داقين الباب يبوني حق ولدهم وانا شرات الهبله كنت منخشه فوق السطح واطالع الريال من فوق ومره يت اخته وسرقت صورتي وانا مادري وعطته وقال خلاص يباني وصار اللي صار وانا من الموضوع كله كنت فرحانه لان انا بكون نجمه العرس لاني توني صغيره بروح الثاني ثانوي وعمري كان 16 ولو رد الزمن وكنت عاقله لاخترت ولد خالتي اللي كان يباني وانا مو حاسه فيه لكن شو اسوي اللي مكتوب على الجبين لله ولا انا لازم تشوفه العين ودمتم سالمين

هو ربيع اخويه ما كنت اعرفه ولا اعرف من وين طلع لي ولا طعت اشوفه في النظره الشرعيه لاني ما كنت اباه بس انجبرت غصب عليه من دون ما عرف عنه اي شي غير اسمه بسسس لكن عقب الملجه وانا في قمة قهري وغيضي رفعت عيني وشفته ومادري ليش حسيته كتكوووت وااايد مع انه مش صغير بس شكله كان واايد طيووب وكتكووت ويشرح النفس ومن هاك اليوم سبحان الله حبيته وعرفت اني كنت في خاطره من زمان سنه تقريبا وكان ناوي من هذيج الفتره يخطبني بس كان يتريا اخوانه الكبار يعرسون اول وقبل ما يخطبني بفتره كان هو وربيعه متفقين ان واحد منهم ياخذني والثاني ياخذ اخت ربيعهم الثاني وريلي استحى من ربيعه وطلب منه انه هو يختار اول فاختارني اول شي ربيعه وخطبني لكن ما صار نصيب لسبب وعقبها راح وقال لريلي الظاهر انها من نصيبك سير اخطبها انته وفعلا خطبني وخذني والحمدلله النتيجه زي الفل وعقبال البنوتات كلهم يا رب

هههههههههههه

عاد انا من لقافتي دخلت

انا بعدني شوي ياهل بس انخطب عقب بخبركم هههههههههههه

الله يسعدكن يابنات والله طرقكم حلوه وقريبه من الافلام الهندية هههههههههه

يسلمو ع الموضوع

هلا

اني بعدي :o

بس داخلة لقافة

والله حلوة قصصكم

أخو صديقتي الروح بالروح و اللي أعرفها من 11 أو 12 سنة ..

كان يسمع عني كل خير و أنا بعد لكن ما كنت حاطته في بالي تماماً و لا كنت أفكر فيه و لا أخته كانت تزينه في عيني و لا لمحت

إنهم ممكن يخطبوني أنا له هو بالذات .. بس كشخص وشخصية يعجبني و تمنيت لو

اللي بارتبط فيه تكون فيه من مواصفاته .. لهيت أنا مع الجامعة و هو تخرج و توظف و لما صرت في آخر سنة لي خطبوني اهله و انا

مب مصدقة لأن التاريخ كان 1/4 يعني ممكن تكون كذبة أبريل خخخخخ

و اللي يضحك إن أخته كانت تقول لي في فترة إنهم يدورون لأخوهم فلان ,, و أنا كنت مشتغلة

خطابة أدور معاهم و أساعد في الإختيارات D :

و صارت السالفة جذي انخطبت في اول شهر 4 و في آخره تمت الملجة و لله الحمد .. بس الغريب و المفاجأة اللي صيحتني من الفرح

هي مصارحته لي بأنه كان حاطني في باله من 8 سنين بالعربي يحبني

و أنا اللي كنت أدور له وحدة ثانية و إنه وصل للي وصل له الحين بفضل الله اولاً و عشاني

ثانياً : ) و الله لا يغير علينا ..

كنت في المول في محل زارا بالتحديد وأشوفه يشوفني وانا بعد عجبني خصوصا عيونه الخضرا وتم يلاحقني لحد بيتنا وبعد شهرين خطبني وأنا ما صدقت قلت وااااااااااو الحليوي اللي في المول خطبني وعلى طول وافقت وإلحين اموت فيه وعايشين بسعادة
وشكرا"

الله ذكرى حلوة خص اللي يكمل كم سنه مثلي كملت 5 سنين
اليوم وانا في بيت اهلي كل وحدة من خوايت لما تجمعنا نتكلم عن كيف لما انخطبنا
انا الله يسلمكم كنت رايحة ثالث ثانوي
في اجازة الصيف اشتغلت في معهد تحفيظ قرآن
كانت في محاضرة عندنا
واللي تحاضر انسانة كان يبين من كلامها انها واعية وطيبة
وتلاقيت معاها كم مرة لأن بنتها كنت ادرسها
وكنت يوم الحفل الختامي انادي الاسماء المكرمات
وكانت هذي الحرمة المحاضرة موجودة وتكرمت لجهودها
المهم وخلصنا المركز
وخلصت بعدها لاثانوية العامة
وكان ثاني اسبوع لي بالجامعة
رجعت البيت ولقيته متغير
ومبخر ومجهزين دلال الشاي والقهوة
سألت امي منو اللي بينا اليوم
قالت ناس وضحكت
قلت يارب لأختي الكبيرة يكون نصيب
وطلع الناس يايين لي انا
وطلعت مديرتي اللي بالمركز هي اللي خبرت الحرمة المحاضرة عني
وان الحرمة خلتني في بالها لمدة سنه وشوي
ويت تخطبني
انا رفضت في البداية
بس خبرني اخوي ان اتريث لأن الخطيب بيسافر لمدة 3 شهور وعندي وقت افكر فيه
وصدموني ان بعد يومين راح تكون في زيارة رسمية وان راح يشوفي
وصارت الصدمة وشافني وانا ماكنت اريد اشوفه
بس اخوي قال لازم وقعدت اصيح بس اجبروني ودخلت الغرفة
ولما شافني اني كنت مستحية
قال ان رب العالمين شرع هذا النظرة ومافيها مستحى
وانا بخاطري اقول ياي يتفلسف علي

المهم استخرت والحمد لله رب كتبه من نصيبي وتزوجنا

وتوته خلصت الحتوته

انا تعرفت عليه من الانترنت
وهو من بلد غير بلدي
وجا خطبني
وانا وافقت
اهلي رافضين بقوة بس بعدين وافقوا لخاطري والحينة مخطوبين
وسلامتكم

:smile:خطابة شافتني بعرس وقالت مواصفاتج طالبها واحد وخذت رقم أمي ويوم زارونة الخطاب طلع ولد عمي بس عمري ماشفتة ولاشافني لأن الأهل متفرقين من زمان بس الحمدللة تزوجنا وإلتم الشمل ياسبحان الله :flower:

واوووووووووووووووووووووووو مشكاركاتكم اكدت لي نجاح الموضوع ونجاح صاحبة الموضوع شكرا لكم بس وين باقي العرايسسسس نبي نشووف المشاركات طبعا بادن من صاحبة الموضوع

داشه اقرا بسس خخ

والله حلوه قصصكم

آنا كنت رايحه العمره

واهو معانا في نفس الحمله

ما كنت عارفه انه معجب فيني ،، بس لما رجعنا البحرين تقدم وخطبني ..

عاد لما انخطبت قال لي السالفه

يقول شافني بلبس الاحرام وانهبل فيني ..

وكلم امه تخطبني ،، وآنا يا غافلين لكم الله