من زيي ولادتها في رمضان...او في شهر اكتوبر بالميلادي بالله تعالو نشوف اخبار بعضنا ال

مسلمة مصرية
الله يسهل عليك ولادة التوأم ياااااارب

وان شالله مامتك اكيد بتساعدك لان الام اكثر وحدة تحس ببنتها
بس ماقلتيلنا هم بنات او اولاد؟؟

عروس اللولو مبروك عليك خلاصك من الغرفة عقبال الشنطة يارب

انا زيك توني ماسويت فيها ولاشي:eek2:
كل ما اسأل امي وش احط فيها تقول يوووه بدري تو الناس
مع اني الحين بالشهر الثامن

بالنسبه للسنتيانات انا ناويه اشتري 6 بس ما ادري وين الاقيهم ياليت الي تعرف تفيدنا بليييييييز

بنات وش رايكم بعد الولادة نشترك بنادي عشان نشد البطون؟؟؟

ولا ماينفع؟؟


ياليت الامهات الي جربوا يفيدوننا هل ينفع اننا نسوي رياضه بعد الولادة ولا لا؟؟؟
بصراحه انا شايله هم الكرشه بعد الولادة و فكرت بالرياضه للبطن بعد الولادة بس خفت انه خطر ولا وش رايكم؟؟

إزيكم يا أمهات أكتوبر ان شاء الله تكونوا بخير انتم والنونوات

مسلمة مصرية

ما شاء الله تبارك الله ربنا يخلي لك التوأم وتقومي بالسلامة ان شاء الله، علشان كده كنتي مختفية بقالك فترة

بنات افكر اول التاسع ما يبدأ اروح اصبغ شعري عاوزة اعمل نيو لوك تفتكروا شعري ممكن يجرا له حاجة خصوصا انه بعد الرضاعة بيضعف؟ ولا ايه رأيكم، الدكتور بيقول ما فيش أى خطر على البيبي بس انا خايفة على شعري تنصحوني بايه من جربت تصبغ قبل الولادة او بعدها مباشرة؟

سلااااااااااااااااااااااااااام لاحلى بنات باحلى طابووور....:clap:

طولون اظن تلقينها عند محلات العساف او الريس حقون قمصان النوم وهم موجودين بكل سوق....


بالنسبه للرياضه اكيد عادي بعد الاربعين خلاص كل شي تمام تقدرين تسوين الي تبين....


انا ان شالله بجرب اربط شماغ على بطني مثل صديقتي واختها وعلى الله تضبط:pain:

bridetobe:
إزيكم يا أمهات أكتوبر ان شاء الله تكونوا بخير انتم والنونوات

مسلمة مصرية

ما شاء الله تبارك الله ربنا يخلي لك التوأم وتقومي بالسلامة ان شاء الله، علشان كده كنتي مختفية بقالك فترة

بنات افكر اول التاسع ما يبدأ اروح اصبغ شعري عاوزة اعمل نيو لوك تفتكروا شعري ممكن يجرا له حاجة خصوصا انه بعد الرضاعة بيضعف؟ ولا ايه رأيكم، الدكتور بيقول ما فيش أى خطر على البيبي بس انا خايفة على شعري تنصحوني بايه من جربت تصبغ قبل الولادة او بعدها مباشرة؟

شوفي ياعسل انا ماانصحك قبل الولاده مدري بس احنا عندنا مانصبغ ونتزبط الا

بعد الاربعين يعني قبل مانطلع لازواجنا نجلس ذيك الفتره كلها حمامات مغربيه وحلاوه وصبغه واسواق وقمصان وحركات لها حلاوه والله بعد التعب وطفش ادوية الاربعين وريحتها تجي باخر الايام تتسوقين وكانك عروسه جديده وتطلعين معاه لاقرب اوتيل ....

هذا بالنسبه لنا وماادري وش راي البنات صح على ولا خطا...

بدر البدور .. صدق مع المشي البطن يعور و أحسه يشد لتحت لما أوقف ..


طولون ..أنا شريت ستيانات الرضاعة من Wool Worths اللي اتييج حبتين بعلبة وحدة على 109 درهم .. وايد مريحة الصراحة لما لبستها .. في بعد من ماركس وسبنسر موديلاتهم حلوة .. بس بفكر اذا باخذها و لا

و الملابس الداخلية .. باخذ من مذركير .. اللي يستخدمونها مرة وحدة .. جربتها قبل فتر الحمل و عجبتني .. خمس حبات بعلبة وحدة و سعرها 15 درهم

و هاي صورتها


و بعد خذيت مثل هاي المخدة من toys ur us >> لأني ذيك الأيام ما حصلتها في مذركير .. اتساهد الأم على الرضاعة ان ما اتوخي على الياهل و ما تعورها ايدها من شل النونو



. و حق النونو خذيت بس 6 لبس نوم اللي اللي اتييج 3 قطع بعلبة وحدة .. و 7 قطع داخلية اللي اتييج في علبة وحدة



ما حصلت اللي خذيتها بس هاي مجموعة الأولاد



.. بعدين بكمل لكم أغراضي كلها

:clap::clap::clap::clap::clap:


راااااااااااااااااااااااااااااااائع انتظر البقيه....

هلا بنات ..شخباركم و شخبار الكروشات وياكم ..أشوفكم غطيتوا ومالكم حس و لا خبر

الكروشات كل مالها وفي ازدياد في الحجم........الظاهر البنات قاموا يحسون بالثقل وماقاموا يدشون النت:think:

هلا والله بالحلويييييييييين................................انا وايد تعبانة خلاص مب قادرة اشيل عمري
عروس اللولو انا اشتريت ستيانات الرضاعة من نعومي وايد اوكي...و باخذ من جيني روز اللي في برجمان
بنات اقولكم احس بالم في هذيك المنطقة مثل الم عضلي ما ادري كيف اوصفلكم....ويزيد بالليل يوم اقوم من النوم للحمام....منو ايها هالالم...والله خاااااااااااايفة :cry:

لا حبيبتي لا تخافين تصير احيانا تقلصات والالام في هذيك المنطقه وتروح

أنا واااااايد تعبانه ... طول الليل ما رقدت .. والرقاد ما يحلا الا بالنهار

مشكلتي اني أداوم .. والله اليوم يوم نشيت من الرقاد قعدت أصيح أبا أنام ..

شنطتي بعدني ما بديت فيها ... وأغراض البيبي ما خلصتها .. والمشي ما بديت فيه وأحس فيني احباط

فيه مناطق بجسمي بدت تسمر .. جسمي قام يتورم خاصه ويهي وايدي وريلي.. والخطوط بدت تظهر بخاصرتي ما عني مهتمه جدا بوضع الكريم ..

ولما رحت للدكتورة صدمتني وقالت لي شكلج بجدمين اسبوعين ما راح اتكملين شهرج ..

بحاول أخلص أغراضي قبل لا أدخل التاسع ..

مخاوف الولادة بدت فيني ... طول فترة الحمل أعد الايام يوم بيوم .. والحين ما أبي أربي

بنات أنا واايد تعبانه نفسيا وجسديا ..

انااااا كمااااااااااااااااااااان ماعاد انااام وعندي

دوام وربي جننت زوجي من الصراخ احس

بيجيني انهيار عصبي وبنجن من قل النوم اعطوني حل يااااهوووووووووووووووووووووو:mad2::cry::mad2::cry:

الحال من بعضه مافيه راحه بالنوم ابداااااااااا
ودي انام نومه صح زي اول :cry:
كل شوي وانا صاحيه مااغط في النوم ابد
وكله كوم وبداية النوم كوم بلشانه في هالكرشه مدري وين اوديها مافيه اي وضع مريح احط المخده والمفرش على جنبي واتسلق فوقه كني راقيه جبل
زوجي دايم يضحك على نومتي :sad:
ياليتهم يجربون اللي احنا نجربه عشان يعرفون يتريقون علينا :mad2:
ياسلاااااااااام يابنات اشتقت للنومه على بطني بس يالله هانت كلها وقت بسيط ونعديها ويجون الحلوين اللي مايخلونك تنامين ابد ابد ولا تشمين حتى ريحة النوم يعني حنا الحين بنعمه عند بعد مايجون فااشبعووو نوم قبل لايجي اللي يصايح فوق راسك واااااااااااااا وااااااااااااا :bigsmile:

اهلييييين امهات رمضان والله لكم وحشه
...................
عروس اللولو
مشكوره حبيبتي ذكرتيني بالمخدة حق الطفل
....................................
Lovley_Eyes
ان شالله بروح نعومي واشوف سنتياناتهم حق الرضاعة
..................................
عجيبة
سلامتك من التعب ماتشوفين شر بس ان شالله هي فترة وتعدي على خير باذن الله
يابنااات لاتنسون تحتسبون الاجر كل ما حسيتوا بالآلام والتعب
...............................
محبة للخير
والله كانك توصفين حالتي اول ما انسدح ابي انام ابلش بالكرشه مدري وين احطها مره يمين ومرة يسار
هههههههههههههههههههههه
الله يعيننا بس

والله آنه بعد تعبااااااااانة
لما رحت للدكتورة قالت لي فيج تقلصات
وخايفة أولد بسرعة
مو محصلة جلابيات للولادة حق أول الأيام في المستشفى
وخايفة بعد من الولادة وآلامها
والله صايرة ثقيلة وتعبانة وطبعاً مافي نوم الليل والنهار دوام
أمس فتحت كل الملابس الي شريتهم وغسلتهم بصابون سائل ريحته واااااااايد حلوه ((نسيت أسمه))
لأن خواتي أنصحوني بعدم أستخدام صابون انفيليتي لأن ريحته كريهه بالثياب
واليوم أول ماأرجع من الدوام بإذن الله باروح آكويهم المهادات والملابس
وباحطهم في الشنطة وباوديهم غرفتي ببيت أمي

Lovley_Eyes
الله يعينج صدق الحركة اللحين ثجيلة و النفس بدأ يكتم عندي و آلام ايي فجأة بأخر الظهر و تروح .. بس صدق مؤلمة ...


أنا خذت ستيانات الرضاعة من ماركس و سبنسر بعد .. و بشوف اللي عند نعومي و حيني روز

*****************
عجيبه

ما أدري كيف كنتي متولهة على الولادة ... أنا من أول يوم احاتي .. يا ريت في طريقة حد يربي بدالي ... ابدي بالشنطة أبرك لج و أخير ..عشان اتكونين مستعدة نفسيا و ترتاحين من همها

و الله يعينج
**********************

بدرالبدور

خلي ريلج ياخذ اجازة منج ... لا اتخبلينه من صريخج ... هو وحليله ما يقدر يسوي شي ... أنا الأسبوع اللي طاف كله أنشش ريلي .. و حليله طول الأسبوع كان تعبان و غمضني الصراحة .. ها الأسبوع خليته يرقد و منعت نفسي أنششه .. بس أحس بعده ارهاق الأسبوع اللي طاف ما راح عنه كامل

أنتي هدي عمرج و شغلي قرآن بعد ساعة بترقدين ان شاء الله ..لأن الشيطان ما يبيج تسمعين

*************

محبة الخير

ذكرتينا بأيام زمان يوم الرقاد على البطن.. صدق لازم الوحدة اتسوي جبل من المخدات و المفارش عشان اتنام عدل

*******************
طولون

صدقج الوحدة لازم تحتسب الأجر بهاي الألام .. و الله يجعلها كفارة لنا

****************

تحفة الأبرار

حبيت أذكرج تاخذين شي للعيد لج و للنونو ان شاء الله ... لأن احنا بنربي برمضان ان شاء الله وما شي وقت تتزهبين فيه عقب

و الله المستعان

انا بعد ياحبيباتى احس بتعب وامس ما قدرت انام من الالم فى بطنى وظهرى بصراحه تعبت واايد حتى انى نمت وانا قاعده المهم هانت ما بقى شى على الولاده راح الكثير وبقى القليل .

بغيت اسألكم هل وزنكم صار يزيد بسرعه او لا لأن انا وزنى صار يرتفع بسرعه يعنى كل اسبوعين ازيد 2 كيلو بس فى بدايه حملى حتى الشهر السابع ما كان وزنى يزيد واايد

اي والله وايد زاد وزني
والخوف انهم ماينزلون ((الكيلوات)) بعد الولادة
بنات محد جاوبني
وين أحصل جلابيات خاصة بالولادة أمس درت السوق دوارة ولا حصلت شي