إللي موعد ولادتها في شهر أبريل (وإذا قبلة, مو مشكلة), تتفضل للإفادة

مساء النور والسرور ..

وانا صارلي 3 ايام من دخلت الخامس .. واحس باوشياء غريبه .. بس مرت اخوي تقوولي هذي حركة الامعاء .. مع اني احس بنغزات تنقزني .. اقوولها احس انه يتحرك تقووولي لا تو الناااس !!

وبطني ماشاء الله بين زياده .. حتى صرت استحي منه لما اقعد ويا اخواني لانهم يضحكون علي ^^ <<< اووونه ما يتخيلون انه بطني يصير عود واني اصير ام خخخخخخخ اووونه شكلي غلط لوووووول

اما ريلي مستانس على بطني كل شوي يحط اذنه على بطني اووونه يوثق اواصر الابوه بينه وبين بنته .. لا ويقهرني لما اوونه يساسرها عسب انا ما اسمع << من الحين بديت اغار منها .. لانا كل ما نطلع يقووولي خل نسير نطاع ملابس حق بنتي << جنها بنته بروووحه =(

يلا الحمد لله .. انا واااايد مستانسه من فرحته بها .. الله يخليه لنا ولا يحرمنا منه ..

هلا بيش حبيبتي (( غلا المشاعر )) ، من زمان ما بينتين ؟ الحمد لله انت بخير ...:smile:

الصراحة أنا أحس بعد بحركة غريبة نوعا ما تكون بألم ؟ مثل ما انت قلتي ... وإن شاء الله موعدي للدكتورة تاريخ 13/11/2005 .... يعني بعد اسبوع و بخبرها عن هالأمور.. هذا أول حمل إلي و ما عندي خبرة في هالسوالف... و إذا عندكم أسئلة اكتبوها لي حتى أسئلها و نستفيد ......:cool2:

بالنسبة لبطني بان شوي حجمه تقريبا مثل كرة السلة .:up:....ههههههههه ، حلو نحس بشعور جديد ، صح؟

و بدأت من كم يوم أستعمل الكريم علشان تمدد الجلد ، ضروري لمنع ظهور آثار ما بعد الولادة...

وين الباقين يعرضون الينا آخر أخبارهم؟؟؟؟؟:eek2:

آسفه على التأخير.... أنا ساكنة في الدانمارك أختي... بس الحمد لله, أمس زوجي طلعني وافترينه لما رجلينا تعبت :D2

أنا بديت أحس بآلام بأسفل البطن... يشبه ألم الدورة... وما جاي أحس بحركة الطفل و بطني بعدهه زغيرونه يا دوب مبينه....

حاسه بتعب شوية... وما بيه حيل اطلع أي مكان....

هلا خواتي الحوامل وكل عام وانتن بخير وعافية إن شاء الله

أنا دخلت الخامس وحسيت بحركة البيبي والحمدالله ، بس حاسة بثقل في بطني ،وعلى فكرة حصل البيبي على أول عيدية من خالته وقالت علشان يعرف إنه كنا ننتظره بفارغ الصبر .

وإن شاء الله موعدي بتاريخ 13 / 11/ 2005م، مع الدكتورة وإن شاء الله أعرف جنس المولود بإ

هلا خواتي الحوامل وكل عام وانتن بخير وعافية إن شاء الله

أنا دخلت الخامس وحسيت بحركة البيبي والحمدالله ، بس حاسة بثقل في بطني ،وعلى فكرة حصل البيبي على أول عيدية من خالته وقالت علشان يعرف إنه كنا ننتظره بفارغ الصبر .

وإن شاء الله موعدي بتاريخ 13 / 11/ 2005م، مع الدكتورة وإن شاء الله أعرف جنس المولود بإ

أهلا و سهلا أختي روينا .. أنا موعدي القادم معاك في نفس اليوم 13/11/2005 ، الأحد القادم ، و بكتب ان شاء الله بالتفصيل ايش بيحصل معاي ....

و انت بعد اكتبي اللي يحصل ....

عيدكم مبارك جميعا وأدري اني طولت عليكم بالغيبة بس تدرون وقتي مو ملكي :shy:
ان شاء الله الكل قضى عيد حلو استانس.. انا بالنسبة لي مثل miss honey عيدنا هنا خطيييير مره من صلاه العيد وكل واحد على شغلة ولا محاظرتة ... وانا رجعت البيت اطبخ طبخة العيد والحمد لله كانت ناجحه وزوجي انسبط عليها.. واليوم الى بعده كان في ألعاب ناريه في المنطقه مو عشان عيدنا عشان مناسبه يحتفل بها البريطانيون كل سنه... كان مره حلووووو واليوم الى بعده كان في عزيمه لكل المسلمين على الغداء وكل وحده تجيب معاها طيقها.. وكان ناجح وحلو بعد.. وبس هذا هو

أما بالنسبة للحمل فأنا موعدي لسه بدرييييييييييي والحمد لله دخلت الخامس .. انا من اكثر من اسبوع احس بألم شديد ببطني جهه اليمين يعني لمن اتحرك زياده واشتغل يجيني الم حاد ويصير يابس يعني لمن يجيني لازم ارتاح ولا اسوي شي.... اقول لزوجي اتوقع انو حركت الطفل بس ما ادري احس انها غير.. لمن اروح للقابلة الأجتماعية هذا الخميس بقولها والله يستر يارب.....

الله يساعدك أخت remaas ،

المهم أنه في اجتماع للجاليات المسلمة في الدول الأجنبية ،

على فكرة يا بنات اليوم رحت الى العيادة , و أخذوا مني دم :cry:على صيام و بعدين أكلت ، و بعد ساعتين أخذوا مني بعد دم لتحليل السكر .....
رحت اليوم لأن موعدي للدكتورة الأسبوع الجاي و لازم تطلع النتائج قبل الموعد....

إن شاء الله ياربي كل شي تمام...:bigsmile:

هلا اختي المحمدية إن شاء الله أول من أرجع من المستشفى راح أخبرك وش صار معي والله يتمم علينا على خير وكل البنات

بس عندي مشكلة وهي البواسير ، رغم إنه ما عندي إمساك(الله يكرمكم) ، بس ما أدري يمكن من السعال القوي ، لأني أول من حملت والكحة أو السعال ما راضية تروح عني ، وأمي تقول يمكن إنت مشتهية شئ وما تقولين ولازم تقولين علشان الكحة تروح عنك ، بس أنا فعلا مو مشتهية شئ والله يعين ، وإن شاء الله هالموعد بخبر الدكتورة عن البواسير



روينا

هلا عزيزتي المحمديه تسملين حبيبتي محد حس بمعاناتي غيرك، لآني من جد اتألم مع انو هذا ثاني حمل لي...
ويلا معلش أذا على الدم انا سحبوا مني مرتين دم وانا صايمة وأول مره كان دم كثيير بشكل مخيف سحبوا مني 7 انبوبان او 8 عشان يسوون لى تحاليل شاملة
والحمد لله ماطلع فيني شي... وخبرينا لمن تروحين للطبيب شنو صار معاك ولاتنسين تاخذين صوره للبيبي عشان تورينا اياها

والأخت روينا الله يعينك على مافيك وان شاء الله تكون بسيطه.. ونبغيك بعد تخبرينا شنو يصير معاك مع الطبيبه...

في عندي سؤال واحب انو الكل يشارك... هل الطلق الى يجي قبل الولاده له أنواع؟؟؟ يعني قد يكون الطلق بالظهر ولا البطن ولا كله نفس الشي؟؟؟

لآنو انا طلقي الأول كان في ظهري وكنت بمووت من الألم وماكنت اقدر اتحكم بمسأله عدم الدفع وانا بعدني ماوصلت 10 سنتمتر والى الآن احس انو ظهري خلاص رايح فيها كل يعورني مع نهايه اليوم... ياريت تفيدونا

هلا بنات اشحالكن اخباركن .. ان شاء الله بخير ..

باااركووو لي قبل كنت احس بحركة البيبي بس الحين حسيت فيها واهي تشووت حتى ريلي لما حط خده على بطني حس بضربات البنت واستانس واايد وقام كل شوي يحط خده عسب يحس بضربها لوووووووول << الصراحه احساس جدا جميل الله يحرم البنات منه يا رب ..

وبالنسبه لي عندي موعد يوم السبت .. 13\11 بسير العياده اصور البيبي فيديووو ^^

اختي ريماس للاسف انا ما عندي خبره بالطلق مع انه هذا ثاني حمل لي بس يعتبر اول بيبي .. ان شاء الله الي عندها خبرهـ تفيدنا ..

روينا بعيد الشر عنج الغاليه .. ان شاء الله ما يكون عندج شي .. وطمنينا عليج الغلا ..

بنات عندي لكن سؤال الحين النونو لما يتحرك لازم احس بنغزات وبعوار لانه العوار هـ الايام وااايد زايد عندي .. وانا الحين خلصت الاسبوع الاول في الشهر الخامس !!

هلا عزيزتي غلا المشاعر... انا ماعندي فكره عن العوار أثناء حركه الطفل بسأل الطبيبه بكره وبرد عليكم لآني اعاني من نفس المشكلة. بس يمكن العوار يجيك بسبب عدم الجلوس الصحيح والحركه الزايده .. لآنو الحوامل لازم تجلس جلسه مريحه ماتضغط فيها على البيبي وحتى لمن تمشين لازم يكون ظهرك مستقيم مش مقوس عشان مايتعور ظهرك..

سلام عليكم جميعا ....

ما صدقت رجعتون تخبرونا بخباركم ... و إن شاء الله كلكم سالمين بإذن الله..

أخواتي العزيزات... أو رفيقاتي في أيام الحمل:

روينا:
بالنسبة للبواسير كيف يكون للسعال القوي دخل فيها ... بالنسبة لخبرتي الشخصية البواسير تصير من الإمساك أو من الوضعية الخطأ ( و هي نفس الوضعية في المرحاض العربي ) عفوا على هذا التعبير .... ما ادري شلون اوضح لك الكيفية اللي تسبب لي دائما البواسير ( فقط شوي تبدى علي) وبعدين انتبه لنفسي و يروح لأن
و بعد طول المكوث في المرحاض ( اجلكم الله) يسبب البواسير... و إن شاء الله تشفين بسرعة .. أنا دائما اسمع عن المشاكل في هذه المنطقة اثناء الحمل و بعده ... فلا بد انك ما تخليها تزيد وبسرعة تعالجيها... الله يشافيك يارب..


remaas:
ان شاء الله هالأيام الحلوة تصير ذكريات جميلة ... مو معاناة!:D2

من كلام اللي ولدا يقولون احيانا الطلق يكون بالظهر و أحيانا بالبطن و أحيانا ينتقل من الظهر الى البطن على حسب مرحلة الولادة...
و يختلف من ولد الى بنت..:pain:
ان شاء الله احنا ما نحس بألم بتاتا......ههههههههههه:gum:


غلا المشاعر:
الله يبارك الك اختي على حركة البنوتة ... انا انتظر متى تكون الحركة ملحوظة لبرة حتى ريلي يحس بها ... كاسر خاطري كل مرة اقول له تعال البيبي يتحرك ... يقول ما اسمع الا صوت ماي هههههههههههه:D2

بالنسبة لسؤالك اختي .. عن الألم و النغزات ... قرأت ان هذا الألم بسبب توسع الرحم و بسبب ضغط الرحم على المثانة ...
أنا بالليل كل ساعة اروح الحمام ( اجلكم الله) بس ما ينزل شيء و أحيانا قليل لأن ضغط الرحم على المثانة يحسس الحامل بهذا الشعور و يصير مو معروف عندها فتروح الحمام احسن الها......ههههههه :D2


أختي miss honey:
من زمان ما بينتي ... بغيت أخبركم اني حسبت عند العزيزة مرووووووم و قالت ان موعد ولادتي يصادف 20/4/2006 يعني مثل تاريخ ولادتك ... :bigsmile: و أنا فرحانة ... كأنه تحدي و من بتغلب و بتولد قبل ؟؟ الله أعلم

قالت لي اني ( و انت بعد ) للحين ما دخلنا الشهر الخامس ... و بندخل 20/نوفمبر الشهر الخامس لأن حساب الأسابيع غير حساب الشهور.... أنا ما زعلت ! على العكس فرحانة لأني باكل السفرجل لأن عندي كمية كبيرة و مروي عنه في الأحاديث الشريفة أنه يجعل الطفل جميل ...... و ما أدري ليش لازم تأكله الحامل في الشهر الرابع بالذات:think:

يالله يا بنات طولت عليكم .. ...

ان شاء الله ما تمللتون مني... نشوفكم في سوالف ثانية

الى اللقاء:flower:

السلام عليكم ورحمة الله وبركاته
اضم مشاركتي للبطوطات المدعبلات
بالنسبه الي قصتي قصه بس الحمد لله على كل نعمه
عندي 3 اطفال
10 , 7 سنوات و واحد 8 اشهر
ابني الاخير حبلت فيه العام الماضي
كنت متشوقه جدا للحمل و للبيبي
واراقب وضعيه الطفل اول باول اسبوع باسبوع و كانما ما عندي طفل
بس كلش تعذبت فيه هم بالحمل و هم بالولاده
الله يبعد عنكم كل شر انشاء الله
بعد الولاده كان تتاخر عليه الدوره و كنت اقلق و اروح اعمل تحليل
يطلع ماكو حمل
بس مره تاخرت عليه الدوره صار عندي احساس قوي باني حامل
وبالفعل حللت بالبيت طلعت حامل ما صدقت عيني والله
قلت اكيد هذا التحليل غلط حللت ثاني مره و ثالث مره و اني بعدني ما مصدقه
يا عزيزاتي حبلت و ابني عمره 4 اشهر
لا عندي نفس اقرا مواضيع عن الطفل
حتى اني ما احسب كم يصير عليه و حتى اليسالني اقعد افكر و احسب يلا اجاوب
موعد ولادتي 1 في شهر الرابع
المشكله احس المسؤليه تراكمت و كبرت عليه
بس كل هذا و اقول الله اليعين

مراحب يا حلويين

اخباركم
اكيد محد سال عني عشان انا عضوة كسلانة ومب مواظبة على المشاركة

بس والله مشاغل الدنيا وكسل الحمل

انا الحين اعتقد في نهاية السادس

اصراحة بس لاتضحكون علي انا ما اعرف وين الله حاطني
ناس اتقولي السا\س وناس الخامس وناس بدخل السابع وانا خبر خير

بس صار عندي ويع اسفل البطن مرات ما اتحمله
غير الحرقة الي اتصيح اصياح
والله جربت كل شيء لها بس ماشيء فايدة مع ان اكلي قليل اصلن

يالله حد يخبرني انا في اي شهر ؟

مرحبا خواتي
انا دخلت الشهر الرابع بس بعدي ما حسيت بالبيبي والدكتوره اتقول انشاء الله ولد والعلم عند الله هذي اول حمل لي وموعد الولادة
29/4/2006 انشاء الله وموعدي الجاي 8/11 وما تبخلوا علي بمعلوماتكم تراني استفيد منها وايد وانشا الله بواصل معاكم

السلام عليكم ورحمة الله وبركاته

كيفكن يا حوامل :smile: إن شاء الله بخير

اختي أسيرة الرواح :clap:

مرحبا وسهلا بك وحياك الله ، معذورة انت على الكسل بس لا تتكاسلين علينا واجد لأنه بغينا نستفيد من بعض ، وإنت ادخلي موضوع

مرموم تحسب لك بأي شهر وأسبوع أنت وموعد الولادة بعد ما تكتبين لها موعد أخر دورة جات لك


هلا دلوعة الامارات :clap:

أنا داخلة بالخامس وحاسة بحركة الجنين بين فترة وفترة ، وإن شاء الله بعد شهر احس بحركته أوضح ، ونحن بالخدمة إذا في أي

استفسار


خواتي أما عن أخباري :up:

أمس رحت المستشفى وشفت البيبي ، بسم الله وما شاء الله حركة ، وقالوا لي تسعين بالمية بنت ، والحمدالله فرحت واجد وزوجي

بعد فرح كثير لأنه كان يتمنى أجيب بنت لأن البنات حنونات وحركيات ، وعطتني الدكتورة حبوب الحديد ، وخذو مني فحص دم خمس

غرش وعطوني ابرة التيتانوس:pain: بس ما شاء الله علي كنت شجاعة وما خفت ولا حسيت بشئ :up: وإن شاء الله موعدي الجاي

بتاريخ 30 / 11/ 2005,

وانتظر أختي المحمدية تحكي لنا شو صار معاها بالمستشفى لأانه موعدنا كان مع بعض بنفس اليوم:cool2:

خواتي وينها miss honey من زمان مو بينة ، عسى المانع خير :think:


:shy:
روينا

هلا خواتي الحلوات............

بكرة ان شاء الله بكتب الكم اللي صار معاي ...

اليوم داومت الجامعة ، و تعبانة و نعسانة ...، بقوم انام خخخخخخ تصبحون على خير.

مرحبا بخواتي الحوامل ..

اشحالكم ان شاء الله تمام ..

وينكن من متى محد بين منكن .. عسى المانع خير ^^

همممممممممم بالنسبه للاخباري سرت العياده والدكتوره قالت لي كل شي تمام بس المشيمه نازله !!! انا خفت من كلامها بس هي تقول عادي ..

بنات هل صحيح انه عادي تكون المشيمه نازله وانا في نص الخامس !!!

عمتي تقوول يمكن نزلت بسبة مرضي لاني زجمت واكح بطريقه فضيعه لدرجة اني ما ارقد .. ولما اكح كان اييني عوار في بطني .. فتقوول الكحه السبب وتقوولي ارقد وارفع ريلي !!