إللي موعد ولادتها في شهر أبريل (وإذا قبلة, مو مشكلة), تتفضل للإفادة

صباح الخيرات يا حوامل الثامن...! :bigsmile:
..............
...........................
......................
.................

مو مصدقة وصلنا الثامن ؟؟؟؟:think:

حبيبتي غلا المشاعر ..:flower:
الله يسلمك .. و يسهل علينا جميعا يارب ...
و البرنامج صدق ما يتفوت .............البرنامج ما يتفوت حلو ..!
و بالنسبة لريلج ما سويتي لها تدليك؟؟؟؟؟؟؟؟؟؟؟ غريبة شلون طبيعة العوار ؟؟؟؟الله يساعدك !!!!:cry:
أنا ييني شد عضلي و الحين هلأيام ما شوفه ياني !
الله يساعدنا في هالفترة الأخيرة الجسم خامل و كسول ...:pain:

و أنا بيني و بينكم اريد اسوي لي برنامج مشي مع زوجي حتى اتنشط شوي ....:dd:

و اليوم بروح اقيس الضغط بس ،
و يوم الأربعاء القاادم ان شاء الله موعدي مع الطبيبية ادعوا لي يا بنات ..! تطلع النتائج سليمة!

خبرونا بخباركم..
مع السلامة

السلام عليكم ورحمة الله وبركاته

بعد غياب طويييييييييل وبقلب حزين على وفاة أمير القلوب جابر الخير رحمه الله وأسكنه
فسيح جناته ان شاء الله ............
أرجع لكم وأقول

أولا : سامحوني على الغيبه الطويله لأني انشغلت وااااااااايد وااااااااايد..

ثانيا : اشتقت لكم ولسوالفكم الحلوه شخبار الثامن معاكم !!!!

وأخباري اهيه :

أنا باقي لي 10 أيام وأدش التاسع ومثل ماقالوا بعض البنات متشوقه حق الولاده وودي
أولد اليوم قبل باجر ؟

رحت حق موعدي قبل اسبوعين وقالت الدكتوره راس الجاهل تحت والضغط زين بس السكر مرتفع عندي وعطتني برنامج ريجيم عشان اخفف الحلو والكاوكاو :(

ورحت لها هالاسبوع بعد ماسويت الريجيم وسويت تحليل سكر قالت اشوا نزل السكر عندج وقالت لاتاكلين كاوكاو وايد لانه مو زين على الياهل والولاده ...

أنا جهزت أغراض البيبي كلها وخلصت بس باقي اسوي الشكولاته حق المستشفى

وعلى طاري الشد اللي بالريل انا يصير معاي بالليل وقت النوم وسمعت يقولون هذا من قلة الكالسيوم لازم تشربون حليب

أحس مرات لما انام على جنبي جنبي كله يعورني حيييييييل وماارتاح بنومي :(

وبنات بسألكم انا طلعت لي تشققات تحت سري ولونها غامق وتفشلني جدام زوجي
والدكتوره ماعطتني شي بس انا ادهن جسم ببيبي أويل شرايكم ؟؟؟؟ وهذي تروح عقب الولاده ؟؟؟ متضايقه منها بصراحه ؟

أدري طولت عليكم بس شسوي هذي أخر أخباري لكم ؟؟؟؟؟؟؟؟

صج عندي سؤال لكم : شلون عوار الطلق مثل شنو ووين أحس فيه بالظهر ولا البطن؟



أشوفكم على خير

أن شاء الله
:*

سلام بنات...

صار زمان ماكو لا حس ولا خبر... شلونكم؟؟؟

أنا بطني جاية تكبر يوم عن يوم, مع إني أشوفها زغيرة...

عدي موعد بعد اسبوعين... إنشاء الله بداية الشهر, أروح أجهز أثاث البيبي...

مشتاقة أشوفه و ألعب معا....

السلام عليكم
شخباركم يا بنات انشالله طيبين
شخباركم ويا الشهر الثامن من المل بدا التعب اكيد والثقل قاعد يزيد
وحركات البيبي صارت تعور لما يرفس او يفتر اااااخ صار يعور :sad: والحاله النفسيه تعبانه
الله يعينا يااارب

ملييييييييييييييت ابي اولد بسرعه !!

تعبت :(!

[frame="10 80"]شخباركم يا حلوين .... ليش هالكثر متمللين ؟؟:dd:

زين وصلنا الثامن .... و الحمد لله على كل حال ..:up:

أنا انسحبت من الجامعة هالفصل و أحس بملل ،
أحاول اشغل نفسي بالرسم و القراءة و الطلعات .... بس أحس بفراغ.. انا نفذ صبري :angry:

و خلصت شراء لوازم البيبي الأساسية و اشتريت من مختلف المقاسات و ان شاء الله تناسب ...

........ ودي اطلع اشتري بس علشان اغير جو شوي... تدرون بس خلصت الأغراض .. قاعدة انتظر البيبي بفارغ الصبر..

الله يسهل علينا..

خلونا نغير جو... بسألكم سؤال و جاوبوني عليه ....

بالنسبة للأولاد ...

و بالنسبة للبنات...

ما هي اللوازم و الثياب اللي شريتوها ؟و المقاس ؟ و العدد؟؟

يمكن شيء ناقص عندي..:think:

يالله لا تبطون علينا بالرد

و سلامتكم حبايبي:flower:!![/frame]

الصراحة أنا ما اشتريت هواية أغراض للبيبي.... أمي وأخواتي ايعصبون علية, ايقولون أكثر الملابس ما راح اتلحقين اتلبسينها للبيبي, لأن يكبر سرعة, يعني الملابس اتكفي اسبوع, و كل اسبوع تقريبا يختلف قياسه... بس أنا من لهفتي اشتريلا و ما أقول.... بس أكثر الأحيان أطلع ويا أمي وأشوف شغلات تعجبني اهواية, بس ما تقبل أشتري.... :sad:

السلام عليكم

كيفكم حوامل

ودي انظم اليكم

موعد ولادتي باذن الله 3/4

ربي يقومنا كلنا بالسلامة

انا انشالله موعد ولادتي 31/3/2006
وهذا اول حمل لي الله يسهل علينا انشالله :shy:

miss honey
حبيبتي انتي صدق من الدنمارك ؟
اذا من الدنمارك اسمحيلي لازم اقااطعج لانج من الدنماارك :bigsmile:

هلا حوامل اللي دخل الثامن والا بعدهم في السابع
انا السبت الجاي باذن الله ادخل الثامن, الاسبوع هذا كان عندي موعد وكل شي تمام وطلبت اجازه مطوله للشغل عشان جتني تقلصات ولاده مبكرة وانا في اول السابع ونمت في المستشفى عشان يتجنبون ولاده مبكرة ونصحوني بالراحة وكل ما بروح الموعد بمدد الاجازه.

بالنسبه للفحوصات كل شي بخير الحمدالله بس البيبي ما نزل راسه وقالت اذا ما نزل راح يولدوني بقيصري قبل موعدي, وانا موعد ولادتي 30\4 قالت تقريبا قبل الموعد باسبوعين يس ادعولي انه حبيبي الصغير ينزل راسه باذن الله وعندي موعد تاريخ 11\3 وراح يقررون كل شي والله المستعان ان شاء الله.

هااااااه خبروني عنكم شو الاوضاع

بنات انا ضايق خلقي وصاكه فيني الدنيا قولولي شسوي من بعد ماكان البيبي من الشهر السابع واهوا راسه تحت
توني امس رحت مراجعتي وانا باول يوم من التاسع طلع رد مكانه على جنب شسوي اخاف اولد ولاده قيصيريه ابي حل ضايق خلقي وهذا اول حمل لي ادعولي ينزل راسه تحت يارب !

تتوقعون المشي ينزل راسه؟

هلا بالحوااااااااامل الجدد


ميهودة

مسرة

حلوين المشم

انتظر مشاركاتكم الفعالة في الموضوع..

المحمدية

اختي SamBateeka

لا تحاتين وخلي ايمانج بالله قوي وفي مجال ان شاء الله البيبي ينزل راسه انا في اخر السابع والبيبي ما نزل راسه بس ما فكرت في الموضوع لانه صدقيني اول شي يهمني هالبيبي وسلامته سواء ولدت طبيعي او قيصري وتأكدي انه ربك اذا أراد شيئاً يقول له كن فيكون فوكلي امرج الى الله وكثري من الدعاء, انا قريت في المنتدى انه وضعية السجود تنزل راس البيبي وراح اجربها واشوف الموعد الجاي ان شاء الله.

اختي المحمدية ان شاء الله راح يكون تواصلنا اكثر واكثر.

في انتظار مشاركات باقي الاخوات

مرحبا شخباركم

سلاااااااااااام بنات
حبيت اسلم عليكم
و على miss honey تحديدا ...
الله يقومج بالسلامة و تتهنين بالبيبي ان شاء الله
و باركي لي...ترى انا حامل و في الشهر الرابع بعد .
مع السلاامة

ألف ألف مبروك..... والله فرحتلك.... إنشاء الله اتقومين بالسلامة, وديري بالك على نفسك... والله فرحت.... إنشاء الله ربي يرزق كل محرومة.....

ميهوده:
miss honey
حبيبتي انتي صدق من الدنمارك ؟
اذا من الدنمارك اسمحيلي لازم اقااطعج لانج من الدنماارك :bigsmile:

هاهاها.... إي والله من الدانمارك... بس على فكرة, أغلب الدانماركيين ضد إللي صار....

تسلميين مس هوني

بعد 6 شهور من المعاناة حملت و الحمدلله
و الله يرزق الجميع يااااااااااااااااا رب

شنو سويتي... بلكي اتفيديني لمرة أخوي...