إللي موعد ولادتها في شهر أبريل (وإذا قبلة, مو مشكلة), تتفضل للإفادة

شلونكم بنات والله اشتقت لكم ومس هني مالها صوت منخشه .........

المهم شو الاوضاع معاكم وشنو أخر الاخبار ؟؟؟؟؟؟؟

وشنو مواضيع الحمل ؟

تصدقون أحس مليت من الحمل أبي
أولد عشان البس على كيفي مرات أحتر في شغلات بخاطري
أشتريها لي بس ماتصلح لأني حامل ....

بس الحمدلله يااااااااااااااااارب على نعمة الحمل والله يرزق كل محرومه
انشالله ............

سلاااااااااااام عليكم يا أحلى حوامل ............ !!

شخباركم ... اشتقت لكم ...

اختي سامبتيكا ..
الظاهر كلامك مثل كلام الوالدة الله يحفظها بالنسبة للبطن المسطح للولد و البارز للبنت ... بس تدرين اختي الكلام ما يخلص و كل وحدة خبرتها غير.... المهم السلامة و الصحة ..

اختي مس هني...
شخبارك ... ؟
بالنسبة للرياضة ... تمشين كم في اليوم؟ و عادي احنا نسوي رياضة بالشهر السادس ؟ انا لما رحت العيادة عطوني تمارين بس مكتوب للولادة ... و انا رياضية : احب الرياضة و التمارين و المشي لمسافة طويلة ، حتى بعد الزواج انا اتأخرت و ما حملت مباشرة و بقيت العب رياضة حتى اكون بالحمل خفيفة ...
اذا عندكم تمارين رجاءا حطوا لينا صور... الله يخليكم!

اختي ريماس ..

رجاءا اريد الموقع اللي تكلمت عنه! مع خالص الشكر...

سلام بنات... شلونكم؟؟

مشكورة أخت سامبتيكا و المحمدية على السؤال.... والله هل أيام عدنا بالدانمارك christmas, وأكيد في كل البلدان..... ومعطلين, رحنا زيارة لبيت عمي و أمي سافرت على الحج.... وجاي أحضر نفسي للإنتقال للبيت, و همين عيد زواجي قرب... بكرة إنشاء الله...
أما عن الرياضة, فأنا عندي كتاب من الدكتورة, وفي رسمات عن طريقة الرياضة...

يلله, أشوفكم على خير... راح أحاول ما أتأخر عليكم....

وينكم يا حوامل؟؟

لا حس ولا خبر....

سلام عليكم ياحوامل.. كيف حالكم؟؟
أكيد مشغولين بالتجهيز للعيد وهالسوالف؟؟؟؟ والله انا هنا زهقانه موووت وماعندي شي جديد أسويه... حتى تجهيز للعيد مو هالكثر عليه... لآنو مافي زيارات ولاشي... بس اشتري فستان جديد لبنتى ونروح نصلي صلاه العيد ونرجع....

هاليومين مثل ماقالت مس هوني كريسمس والسنه الجديده جايه .. فالأوضاع هادئه والناس كلها مسافره تقريبا لزياره أهلهم...

حملي هاليومين حلو.. أحس بحركه الطفل بشكل كبير... وحتى انو الحركه تقعدني من النوم...
ماأصدق بس متى أولد وأرتاح من الحمل ويجي التعب من الأربعين... الله يعين
أمس كنت أتفرج على تصوير فيديو لولاده بنتى الأولى... وكيف كان شكلي بعد الولاده وهالكلام... الصراحه حسيت بأن حمل كبير جاي على ظهري.. لآنو هذيك الفتره كانت جدا متعبه والواحد مايقدر ينام... وولادتي هالمره زوجي بيكون بعيد عني وماراح يساعد.... :cry: بزهق لآنو هو الى يصور ويسوي حركات تونس...

المهم في حركه حلوه انا سويتها بشريط الفيديو. أني صورت كل ملابس الطفل وأغراضه الى شريتها وألى أمي شرتها بالكاميرا وتعليقي طبعاً وأيضا صورت نفسي في هذيك الفتره... الصراحه كان مره حلو.... ذكرني بأيام حلوه... حتى انو شكلي تغير كثيرررررر....
كل وحده فيكم تجهز كاميرتها وتصور أخر 3 شهور حمل لها... صدق راح يصير أحلى فلم.... ولاتنسون تصورون البيبي لمن يولد... وكل هالكلام...

وفي شي متعبني هاليومين.. أريد اشتري حمالات صدر مناسبه للرضاعه والعاديه... الصراحه تعبت وانا كل شوي رايحه وراجعه على نفس المحل... ماني عارفه شنو القياس الى آخذه؟؟؟ مع انو قريت انو الحامل فتره الحمل لين الرضاعه صدرها راح يكبر 4 مرات عن الحجم الأصلي... وخصوصا لو بترضع يصير الصدر منتفخ ومتحجر وكبير.. هل آخذ أكبر من قياسي الحين ولا أستنى بعد شهرين؟؟؟ مع العلم [انو حملى الأول ماتوفقت بمقاس الحملات.. كانو صغار؟؟!!

ما أطول عليكم.. نبي نسمع أخباركم ياحوامل

هلا والله فيكم

انا لسة بالسبوع الاخير لشهر السادس

بس اسبوع ادخل السابع والجو باردمرة بالسعودية وكل وقت حمام وصاير دوم بطني خشن وماقدر اتنفس

لان بطني صاير كبير اتمنى بسرعة اولد احس ماني قادرة من الم الظهر

طبعا خلصت تجهيز حق بنوتتي الحلوة

يالله الاقيكم على خير تحياتي

اختكم شمووع

هلا بخواتي العزيزات

وأنا لحد إلحينما جهزت شئ حق بنوتي الحلوة ، وإن شاء الله راح أبدأ الاسبوع الجاي

بس يا بنات أنا سمعت وحسب تجربة البنات أنه يصيد هالشهر أمساك وحرقات وحموضة ، بس انا لحد إلحين ما فيني شئ ، والغريبة ما حاسة لا بإمساك ولا حموضة ولا أي شئ ، علشلن جذي صرت احاتي وأفكر



روينا

ياهلا بيج عزيزتي الشمعه الباكيه... الله يقومك بالسلامه وانا بعد ما اصدق اني اولد وأرتاح.. انا كل الى شايله همه الولاده... ماني عارفه شبيصير

هلا بيج عزيزتي روينا... الأمساك والحموضه تختلف من شخص لأخر.. حمدي ربك انك بخير....
وانا بعد لسه ماشريت شي للبيبي... كمان شهرين بتسوق... لآنو معظم الأساسيات متوفره عندي...

أنا بسألكم ياحوامل... هل فكرتم وقت الطلق شنو الوضع الى حابه تكونين فيه؟؟؟ هل في اشياء تبغينها وقت الطلق؟؟ مثلاً مساج للظهر؟؟ ماء حار للظهر؟ لو كان فيه ألم بالظهر...
هل حاطه ببالك شنو نوع المسكن ألى حابه يعطونك اياه وقت الطلق؟؟؟ ها تناقشتي فيه مع طبيبتك عشان تفهمك كيفيه عمل المسكن؟؟؟
من الناس الى تبغينهم يكونون موجودين وقت الطلق؟؟؟


حابه أشوف ردودكم.. وبعدين اقولكم انا شنو خطتي....

سلام ياحوامل

بنااااااااااااااااات خلصت الامتحانات و رجعت...:clap:
شخباركم ؟؟؟ أنا مشتاقة لكم...:bigsmile:
فرحانة اني قعدت اجازة الربيع.... تعب الصراحة الحمل و الدراسة ،

أنا دايما هالايام اشتكي من ظهري ، و لما احط جسمي بنام الألم كله يصير في آخر الظهر...
حركة البيبي تضحكني لما اتقلب في الليل احس بحركته هو بعد يغير وضعيته في النوم ......
. أشعر بأوقات نومه واستيقاضه .. يوم الاثنين كان آخر امتحان عندي grammar و كان مدوخني عدل رجعت البيت اريد انام ما قدرت.. احزروا ليش ... لأن العزيز الغالي ..( البيبي ) توه قاعد ، و في اوج نشاطه و حركته ، و ما ادري كانه قاعد يلعب رياضة أو كوره ههههههههه:dd:
ما عرفت انام بس بقيت احس بكل حركة و انا احمد الله على هالنعمة لاني اول مرة اعرف احساس الامومة
... احبه من غير ما اشوفه و احس بأن مشاعري كلها تتوجه اله ( و لازم لأبو العيال):flower: النصيب الأوفر هههههههههه،،


اختي ريماس ،
تعجبيني دائما تطرحين نقاط حلوة للنقاش...
انت مجربة الولادة و تعبها و تدرين الصعوبات كلها كيف تكون.... الله يساعدنا .. واحنا مغمضين ما ندري بشي...
ههههههههههه الله يسهل علينا...جميعا،،

بالنسبة للولادة .. ما أريد يكون جنبي الا زوجي لأني استحي يكون غيره معاي و انا في ذيك الظروف الصعبة،
بالنسبة للمساج أو الماء الحار ... ما عندي خبرة أيهم احسن وقت الطلق...؟؟
و رايك انت ؟؟ و الأخوات؟؟:think:

[frame="6 80"]هلا بيج عزيزتي المحمديه.. ألف مبرووك لآنك خلصتي الأختبارات وأن شاء الله تنجحين بأمتياز... يارب

بالنسبه للنقاط الحلوه الى اطرحها للنقاش.. عشان الكل يستفاد ولآني انا طول وقتي أفكر بهالموضوع... تعبت من التفكير... وطرحتها لآنو حسيت بالفرق بالأهتمام بالأم الحامل عن أول حملي وحملي هنا ببريطانيا... انا الطبيبه قالت لى من أول زياره فكري بهالموضوع.. شنو الأوضاع الى تبين تولدين فيها.. تبين عمليه ولا طبيعي؟ شنو الحاجات الى بيوفرونها لراحتي وقت الطلق.. ومن هالكلام.... بس هي للحين ما سأتني شنو أستقريت عليه.. قلت أسالكم ياحوامل ياحلوين عشان أشوف شنو الخلفيه ألى عندكم...

بولادتي الأولى أصريت انو بس زوجي يكون موجود.. بس الوالده ماخلتني كانت موجوده مع اختى الكبيره يترقبون ولادتي... وبما انهم مايرضون انو أكثر من شخص يكون موجود داخل غرفه الولاده فصار التناوب بين أمي وزوجي وأختى... أمي تقرأ لى قرآن وزوجي حاطلي قرآن بجواله.. وأختى تتفرج وتصيح:cry:
لمن زاد ألم الطلق وصرت بلا وعي بصراخى جا دكتور تخدير وكان يقترح أبره الظهر.. زوجي توه بيسأله عن كيف؟؟ أمي قالت لألألألأ مافي
فعطوني Funny gas يعني يجيب الهلوسه.. كل ما أحس بالطلق أستنشقه عشان يخفف الألم وفعلاً كان مفيد بس شكلي كان يضحك كنت احاول أضل أشتنشقه لوقت طويل وهم يقولون لى بس خلاص راح الطلق ويشيلونه عني.. فصار زوجي متحكم بالكميه ألى يعطيني اياها وانا بتهاوش معاه عشان يخليه علي والله موقف يضحك.. يقول صرتي مثل المدمنه وكأنك *****ه من الدوخه ألى يسببها....

أنا ودي هالمره أولد بعد قيصريه عشان تكون تجميليه بنفس الوقت.. وما انحط بالطلق ولاشي... وللحين ماقلت للطبيب لآني بولد بالسعوديه... الله يسهل

ياريت الأخوات يشاركونا بالنقطه المهمه... وألى عندها خبره تفيدنا.. والله يسهل على الجميع[/frame]

السلامـ عليكنـ يا حواملـ ..

اشحالكن شخباركن .. ان شاء اللهـ تكونن بخير وعافيهـ

اسمحوووليـ عاد غبت عنكن فترهـ ..

بس الحين انا بظهر وباااجر بدخل اخبركن عن اخباري ..

بس الحين حبيت انكن تدخلن هنيه وتخبرني عن رايكن .. فيهن .. ^_^

.::. اتريااااااا آراءكن .::.

فمان الله .. ^_^

سلام بنات.... شلونكم؟؟ آسفة على التأخير... نقلت لبيت جديد و تعبانة موت و ماكو إنترنت... أنا هسه فبيت أهلي... إنشاء الله أكتبلكم أول ما أفرغ... ظهري ايموتني من الألم, شغل اهواية لازم أسوي.... مع إنو زوجي ما ايخليني أسوي شي....

أشوفكم على خير إنشاء الله....

[frame="6 80"]شخباركم يا بنات الشهر السادس....

ما هي مشاعركم و انتون في منتصف الطريق....

هل زاد عندكم الترقب ؟ أم انكم مشغولين بأمور ما تخليكم تفكرون بالجنين؟؟

أنا أترقب كل موعد بفارغ الصبر ... حتى أسمع دقات قلب الجنين ... و ترجع لي الحياة ...!

بصحيح أحلى شيء هو إحساس الأمومة اللي ما يتعوض بكنوز العالم كله! صح؟[/frame]

سلام عليكم ياعزيزاتي الحوامل
كيف حالكم وشنو أخباركم...
عزيزتي غلا المشاعر ننتظر مرورك علينا مره ثانيه وتكلمينا أكثر عن حملك

عيزني مس هوني الله يعينك على ترتيب البيت.. بس نصيحه لاتتعبين نفسك أكثر... خذي راحه كل ماألمك ظهرك... عندك الوقت كله....

المحمديه... عزيزتي نورتي من زمان عنك... والله انا زيك أنتظر بفارغ الصبر ولادتي ... ومتشوقه اشوف البيبي...

انا هالفتره ماعندي شي جديد غير حركه البيبي الحلوه...

أشوفكم على خير...

انت اخت ريماس .. دخلت السابع؟؟

انا بعد اسبوع تقريبا ادخل السابع...

بالتوفيق ،

في امان الله

هلا بيج المحمديه... شخبار الحمل معاك؟؟؟؟
ان شاء الله كل حاجه تمام

أيوه انا دخلت السابع هذا الأسبوع... وبطني بدت تبرز زياده وألم في ظهري بزياده... والكل يسألنى متى تولدين؟؟ :think:

بشرووونا عنكم ياحوامل

انا موعد ولادتي 29\4\2006
الله يتمم علينا بخير ويرزقنا الذرية الصاله

يا بنات ، شخباركم؟

أنا شوية خايفة من استعمال العطورات ، أنا تركتها فترة بداية الحمل و رجعت لها مرة ثانية، و هي أحيانا تصل اثناء الرش الى جسمي .... و هي اعتقد مضرة لأنها مواد كيماوية.....و تصل الى البيبي...

انا قررت ابتعد عنها و ما استعملها الى ان يتمم لي على خير و اولد....و ان شاء الله الجنين بصحة و بسلامة يااااااااااارب

و هل تستعملون أنتم كريم (بالمرز) بزبدة الكاكاو ..... هل هو جيد ؟ هل استعملته اختي ريماس و باقي الأخوات في حملكم الأول؟
و ماذا أيضا تستعملون..؟؟

أدعو الله أن يمن علينا جميعا بالصحة و العافية... و أن يرزقنا ذرية سوية صالحة من عنده!

تحياتي........المحمدية

السلام عليكمـ ورحمة الله وبركاتهـ

اشحالكن يا حوامل شخباركن عساكن بخير وصحهـ ..
وكل عام وانتن بخير وبصحه وسلامه .. وعساكن من عواده ..

وشخبار البيبيات ان شاء الله تمامووو ..

اما عن أخباريـ ..

اممممممم انا عقب يومين بكمل اسبوعين من دخلت السابع .. وحركة البيبي ماشاء الله بزياده .. حتى ساعات انقز منها .. << فديتها شيطووونه طالعه على امها ^_^

اما عوااار الظهر فحدثي ولا حرج .. هذا غير التنميل ايدي صارت بسرعه تنمل حتى ريلي ما ادري ليش ؟؟

وبالنسبه للترقب انا كل ما احس انه الموعد جرب اخاااف زياااده .. واتم اسال حريم خواني عن الولاده بس هن يخففن علي ويقوولن عوار يووم بس << الله يكون في عوني هاليووم ^^

وبالنسبه للتشققات انا من بداية الحمل وانا استخدم زيت اللوز واحيانا زيت الزيتون والحمد لله للحين ما جفت تشققات او اي اشاره عليها <<< الله يديدم يا رب ..لوووووووول

امممممممممم بالنسبه لسؤالج اختي ريماس في موضوع ملابس البنوته .. اممممممم اغلبية اطقم البيت من بيبي شوب .. بس تدرين يعني كنت اخذهن قطعه قطعه واسجل الالوان الي اريدها واسير اكمل عليها من مذكر كير او موناليزا او ادمز يعني ولا طقم كان كامل الا يمكن الي خذته من ادمز كان كامل بس بدون قماط << الي هو في اول صوره من اطقم البيت .. اما الباجيين كنت اشتري كل قطعه برووحها ما عدا طقمين او ثلاثه << بس بعد ما كانوو كاملين كنت اركب عليهم اما صدريات او قبعات او قفازات

ومن كم يووم بعد شريت بعض الاشياء ان شاء الله بحط لكن صورهن .. وخذت بعد ربطات حق الراس .. وبراويز شكلها كيووت من لايف ستايل وبعض الدباديب ..

وبجيه بشطب على الملابس << لانه ريلي صار يكره محلات الاطفال من كثر ما اذيته بالمشترى لوووووووول وقبل لا يطلعني يشترط علي اني ما امر على اي محل للاطفال لووووووول <<<<< بس سبحان الله اثنيناتنا عيوونا على طوول اتطير على محلات اليهال لووووووووول هو يطاع السراير واثاث الاطفال وانا اطاااع الملابس ومستحيل طبعا نطلع خاليين لووووووووول

والحين ببتدري اخذ المنز ( السرير ) << لاني بوديه افصل عليه كفر وطقم سله لاغراض البيبي مع لبسة للكلينكس ولزباله وانتو بكرامه ..

اما الكبت ناويه افصله لانه فيه ديزاين في بالي اتمنى بس النجار يضبطه لي ..

بس قبل بسير ايكيا اطاع يقوولوون عندهم سراير حلوه ..

ويمكن اغير اثاث غرفتي بعد .. وايد افكار في راسي بس احس انه ما شي وقت لانه ريلي الحين بيتنسب لدوره يعني محد بيكون فاضي لي =( << وبعد لاني ناويه اكمل تراياتي واخذ الليسن قبل الولاده ..

اممممممممم وبس هذي اخباري حتى الساعه الاخيره .. واسمحولي اذا قطعتكن فتره ..

فمان اللهـ ..

[grade="FF1493 DC143C 800080 FF1493"]أعووووووووود لحبايبي الحوامل بعد غيبه طويله وسفر وعيد


وأقولكم شخباركم وشلونكم ؟؟ وشلون الحمل معاكم ؟؟؟؟؟؟؟؟

ووحشتوني موت وسوالفكم وحشتني بعد


طمنوني عليكم عساكم مرتاحين وعسى النفسيه مرتاحه ؟:think::think:


أنا اللحين في ثاني أسبوع من الشهر السابع وكل اللي يشوفني

مايصدق اني بالسابع لأنه بطني صغير !

ورحت سويت سونااااااااااااااار توقعواااااااااا شنو طلع ؟؟؟؟؟؟؟؟؟


:think::think::think:
بنت ولا ولد ؟



أقوووووووووول
:no:


امممممممممممممم:think:

مااقدر اسكت ومااقولكم
(r)
طلعت بنوته حلوه والحمدلله عشان اصير نفسكم ونشوف ملابس البنات مع بعض ؟

وتسلمين غلاالمشاعر على الموضوع الحلو عن ملابس اللي شريتيها وايد حلوه

اما انا ببلش من الويكند الياي بتجهيز الملابس وكل شي

بنات كل مايقرب الموعد اخاف اكثر من الولاده ومرات احس اني اوسوس

بس الله يتمم علينا على خير وايمانه بالله قوي انشالله

أشوفكم على خير يالغاليين :*[/grade]