عباية الفراشة

السلام عليكم يا حلووين

يا بنات يا حبايبي العباه للستر مو للتكشخ

الله يهديكم

السلام عليكم
اشحالكم؟
ابي موديل العباية الرومانية اذا ممكن............
وتسلموا........

الغاليه COCOmademoisell ليش تعصبتي والله اني عارفه انج راح تلبسينها في المناسبات

والحفلات النسائيه بس وانا مثلج تماما احب الاناقه واحب اليديد وكذا مره لبست عبايات والله ما

تخطر على بالج شيك وستايل من العبايه الموسلين وعبايه صينيه وعبايا حروف واشياء كثيره بس

حياااااتي في بناااات والله اعرفهم تشوفينهم عندنا في الامارات لابسه عبايه شك من فوق لي تحت

في السوق وتجيلج بالعبايه المخصره في اماكن الريايل وما عارفه حدود الموضه والذوق يعني

عبايه شك في سوق!الغاليه يوم كتبنا جذي هذا واجبنا كأمه واحده وكمجتمع واحد مترابط ننبه

بعض وانا مثلج احب العبي اليديده ولو كنت out of style \مثل ما يقولون ما راح احط موضوع باسم

عبي اعراس والغاليه عشان خاطرج لو تبين راح اصور لج عبايه الرومانيه لو حصلتها عسب بس ما

ما تزعلين وهاي بوسه على الراس

السلام عليكم ورحمة الله وبركاته

هلا فيكم خواتي ..

انتم فاتحين الموضوع للنقاش والا لالفاظ البذيئه ..
ليه كل هذا انا ودي اعرف ..
انتم مو كلكم مسلمين مو المسلمين يكون بينهم نصيحه ليه انتم تزعلون من النصيحه ..
ما اقول لكم لازم تنفذونها كل وحده تعرف مصلحه نفسها وتعرف الصح من الخطا ..


مو كل وحده منا داخله تهاوش وتنافخ هذي تنصح .. لكن يكون اسلوب النصح بالحسنى ..
والثانيه تقول ما لك شغل فينا ليه حنا مو مسلمين .. مو كل وحده حقها على الثانيه تنصحها وتقولها هذا ما يصلح وهذا خطايمكن تكون وحده ما تعرف الحكم وتاخذاجرها واجر كل من اهتدى معها..
ما يحتاج للزعل والعصبيه اللي ما لها داعي ..


واذا كان على العبايه لها مواصفات حددت شرعا واذا كانت مطابقه لها ليه الزعل من كلنا ..
انها تكون ساتره لجميع البدن وما تكون شفافه وما تكون تبين شكل جسمك او عضو من اعضائك وما يكون فيها شي ملفت للنظر ..
ما اتوقع وحده منكم ماتعرف هالشروط وانا كتبتها للتذكير فقط ..
واذا بغيتوا اجيب لكم الشروط انا حاضره ..



والله يوفقكم خواتي ..
شكرا لكم ..
جزاكم الله خير ..



اختكم في الله ..
milk..

[grade="FF4500 4B0082 0000FF 000000 F4A460"]بصراحه عبايات الفراشه هي الوحيده اللي عجبتني

لانها ساااتره مره ومريحه وانا من الحريم الي يحبون العبايه الواسعه

واللي يكون لونها اسود بس يعني ما تلفت الانظار

واشكر خواتي على التنبيه اللي اضافوا لمشاركاتهم

ويزاهم الله كل خير ان شاء الله

ووصلوا على النبي يا بنات ولا تتضايقون من النصيحه [/grade]

السلام عليكم ورحمة الله وبركاته
شوفوا الموضوع يبيله قعده
ترا السالفه ومافيها ان الدنيا تتغير يعني لو صج الدين عسر مثل ماتسوونه انتوا كان رحنا فيها
يعني ايام الرسول صلى الله عليه واله كانوا النسوان اكثر شي في بيتهم ومايطلعون ابدا الا للضروره وعباياتهم عباره عن شي اسود كبببببببببببير وعريض ويمتد طوله 3 امتار عند بعض الحريم
واللي كانت تطلع بعبايه شوي مختلفه كانت تجلب الانظار وماكان الرسول يمنعها بس لنها تجلب الانتباه
ليش عندنا القرضاوي والمفتيين؟ مش عشان الدنيا تغيرت وفي مواضيع بالدين ماعندنا فيها جواب يعني مثل اي شي غريب طلع يعني الموبايل فحرم فيه اشيا مثل استخدام البلوتوث
وانا ادري ان في ناس يقولون ليش جبت هالمثال انا اقول لكم لو في بنت تلبس عباية الراس الساده ايام الرسول كان بتطلع شاذه ويمكن كان يعتبرونها شي خطير بس المجتمع بتغير الحين
يعني العبايات الملونه العاديه ماتلفت النظر على حسب البيئه فالجين عند السعوديه غير عن قطر وعن الكويت يعني مش كلامي معناته اني البس واتبرج لا البس شي حلو ومستر ومو عيب النقوش والعبايه الفراشه بالعكس يا اختي لازم تستانسين انها طلعت موضه وانا سويتها حلوه ليش لا خلي الموضه تفيد المجتمع عادي مش عيب ولا حرام
يعني مثلا انا كنت ادرس بجامعه بره قطر وكانت ظاهره هناك يشربون الرد بول ترا بدون مقومات ولا اساس بس جذي تقليد انا غيرت المجتمع اي نعم انا قمت اجيب نوع عصير برتقال غريب باجنيه استرليني وقاموا يشوفوني اشربه فحسوا شالسر فيه وكنت متعمده اني اشربه فلما شربته وحسوا ان فضولهم بدا يشتغل كلهم بعد شهر يشربونه ولذيذ ومفيد وغيرت مجتمع جامعه بكبره الى الشي الصح بالعكس لازم ننشر الشي الصح حتى لو كانت موضه غربيه الاستفاده بالنهايه لنا
وشكرا لكم وعذرا للاطاله

صلــــــــــوا على النبــــــي يا بنــــــــــــات و اهدأو شووي

اللهم صلي على محمد و آل محمد

يااااااااااااااااارايقين ماعندكم شغله وعلى معتقدكل واحد يحاسب نفسه وربي فوقه مالكم داعي

والله مادري العبايه ستر وش هالموديلات رومانيه ومادري وشو

مشكورة يا هناديولباقي البنات بس انا بس ابي اقول ان مافي فايدة بالنصيحة دام انها باسلوب سيء ولو مهما كنتي تعرفين بالدين ماعتقد انه في فايدة من غير اخلاق لان الدين الاسلامي دين اخلاق قبل كل شي ... يعني لو بتدخلين وبتتهمين مجموعة بنات بالاستهتار ومادري شنو مابتستفيدين غير كل املشاعر السلبية اللي صارت .....
وبعدين مرة ثانية شلي يخلييج تظنين ان انتي بس اللي تفهمين وتعرفين بالدين والاسلام يعني كل البنات اللي هني عارفين وفاهمين وين تلبس هالعبي ووين يحبون يلبسونها يعني مب كلمن فيكم قرى كلمتين ولا سمع له شريط يعني خلاص صار من حقه يتهم الباقي بالاستهتار وغيره يعني احنا شنو رادنا ورى غير هالكلام وهالنظرة للناس الثانية.... الله يهدي الجميع


وبعد ابي اشوف العباية الرومانية هنادي انا انتظرج وآسفة على التطويل

اللحين انا ودي اعرف ليه الا سلوب هذا ..

كل وحده تنافخ على الثانيه ...
اللحين انتم تقولون ان عبايه الفراشه ساتره خلاص البسوها احد قالكم لا ..
وانتم تقولون العبايات اللي فيها الوان عادي يلبسونها وان الرسول امر الصحابيات انهم يتستورون باي شي صح ولا لا ..
زمن الرسول صلى الله عليه وسلم غير زمنا حنا اللحين فرق ياااااااااااااااااناس افهموا الموضوع بعدين ردوا ..
اللحين انتشرت عندنا فتن نسال الله ان ينجينا منها اللحين المراه ما تامن تمشي من دون رجال معاها ...
افهموا كلامي ..

وارجوكم رجاء لا احد يفتي من دون ما يدري عن حكمها ..
لا احد يفتي ..لاي نوع من انواع العبي ..


السموحه منكم ..


اختكم في الله ..
milk..

السلام عليكم ورحمة الله

من أقوال المصطفى صل الله عليه وآله



قال الله سبحانه وتعالى في محكم كتابه

بسم الله الرحمن الرحيم



صدق الله العلي العظيم

لاحول ولاقوة إلا بالله

ماسأة أنه يكون أكبر همنا زخرفة العباة وتتبع موضاتها

وإذا العباية المقصودة واسعة وتطابق شروط الستر ليه زعلانين !!

وأشكر البنات على حرصهم على النصح وجزاهم الله خير



..

الموضوع حلو و ما فيه اي شجار ولا كلام بذئ بالعكس نقاش وتداول ارائ وكلنا متعلمين وفاهمين ديننا
والكل يتقبل النصيحه بصدر رحب بس حبيت اقول للي يقول فيه زعل يالعكس ما فيه اي زعل كل اللي كتب قلبه وسيع
وعلى فكره في زمن الرسول ما كان فيه عبايه سودا كان يلبسو اللوان ماظهر اللون الاسود الا في الزمن القريب
بس المهم هو الستر للبدن واللي يقرا عن حياة الرسول وحياة الصحابه بيجد ذلك وفيه اثر عن عائشه رضي الله عنها انها كانت
تترتدي عبائه حمراء غليضه عند الطواف يعني اشد الالوان التفات لا كان يحكمها لون ولا شكل افهمو الدين الله يرضا عليكم بعقولكم
اللي الله رزقكم اياها.

العباية الرومانية يا جماعة شفتها ..




كنت رايحة المجمع وشفت بنات شكثر لابسينها .. عمري في حياتي ما شفت عباية اوسع منها .. بالضبط هي مثل عباية الرأس في وسعها ..

يعني شوفوا لما تنزلون عباية الرأس على الكتف وتكون مسكرة من جدام بـ " طق طق " بالضبط نفس هالوسع .. بس عند كف اليد تكون اضيق ومووو وااايد كالعبائات المعتادة ..

ما ادري فهمتوا ولا لا .. بس العباية عجبتني ومحترمة جداً .. والي شفتهم كانوا وسااااااع ..


ونصيحتي الي بتسويها عليها بألف عافية .. لكنها للامانه تناسب الضعيفة والي قامتها طويلة فأطول .. يعني لقصيرة بتخليها مش باينة .. والتخينة بتخلي شكلها مفرطة في السمنة.. لاني شفتها على بنات طوال وتخينين و تخيلتها على لقصيرة انها راح تخليها اقصر واعرض



هذا والسلام عليكم ورحمه الله

آنا سويت لي عباية جديدة وألحين بلبسها بروح خطوبة أخو صديقتي ويكفي أنها مرتبة علي حييييييييل... وآنا عادة ماألبس إلا المناسبات... :gum:

بصراحة موديل الفراشة حلوة لعباية ومستور ...

بصراحة انا من الكويت من من الرياض

والله اني مستغربه

من حد يكتب عن موضوع العبي

دشو علينا البعض بالافتاء


انا لا اعترض في توجيه النصيحة .. ولكن في اسلوب

و الواحد قبل لا يوجه نصيحه لازم يعرف نية الاشخاص من وراء هذا العمل..

و اذا هو امسويين نفسهم مفتيات..ليش مايروحون مثلا على قسم المكياج .. ويقولون المكياج حرام..
ترانا انشوف بنات وايد يصبغون وجوههم ومايخلون مكان مايروحون له


يت المسألة على العبي...؟؟

بالعكس الفراشه تكون فضفاضه و مستوره

هاي
في الشرقيه عندش عبايات الصالح+ قطيفيات+ بوكنان+الراي الخير+الاختيار الاول
وو بس هذا الي اعرفه