عباية الفراشة

هتــــان:
هلا والله اختي ..

الفراشة والله للحين هم عليها بس اللي عندنا تكون قصاتها اوسع من اللي شفتهم بالكويت واللحين اشوف الاختيار جايب قصة جديدة تكون وسيعه من الكم ووباقي العباة تكون سيدة بس ماعجبتني مو حلوة .. يقول مرره ماشية بالرياض ..
انا من فترة سويت الفراشة بس مو اللي واسعه مرره .. وطلعت مرره مرتبة سويتها عند الملكة في شارع السويكت انصحج فيه خياطة مررره مضبوط وعنده موديلات جديدة .. وشفت عنده اللي تقول عنها رحيل بس ماادري ماعجبتني ..

rain .. الفراشة تكون العباة وسيعه .. تصير سوارة على الكم وبعدين من بعد الاسوارة تبدى العباية وسيعه .. يعني تقريبا نفس قصة العبايات اللي على الراس .. بس اللهم تكون على الكتف وتكون قطعة وحدة ..

هتـــــان

ممكن توصفيلي مكانه وين بالضبط؟؟؟بكم سويتيها الفراشه عندهم؟؟

هيهيهيهيهيه................... بنات الوصف مالكم خطير ..

نحن الحين عدنا موديل عباه صيني ........... الصراحة اذا كان غير مبالغ فيها تتطلع وايد راقيه ومميزة...

غزل

السلام عليكم ورحمة الله وبركاته

الويل لنا من اعداء الله .. ومن اعداء الاسلام .. فيوم من الايام كان اراجوز فرنسي يقول لحاكم فرنسا انا اقدر اخلي لك كل المسلمات مثل السبال مالي اللي يلبس خلق ملون

ساله شللون

قال له بتجوف .. وعقب فترة انتشرت عندنا الشيلات الملونة ... وعقب فترة كل يوم وطلع لنا شي في هالعبايات اللي تلفت النظر اكثر مما تسترنا

والله حراااااااااااااااااااااااااااااااااااااااااااااااااااااااااااااااااااااااااااااااااااااااااام وبنتحاسب عليه

النساء مقود النار ليوم الحشر .. مو من عذر دام ان هذا تفكيرنا وهذا لبسنا الحمد لله والشكرررررررررررر ربي ...

الكويت كل يوم طلعت لنا موضة شكل في العبايات و الشيل واحنا علينا التطبيق

في الثياب معليه في اللبس معليه .. بس بالعبايات والغطا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟!!!!!!!!!!!!!!!!!!

عيل ليش انتغطى

والسموحة ع الصراحة
في أمان الله

دمع الليل
عفواً عزيزتي اخالفك بالرأي .. وسحمي لي ان ابدي رأيك بصراحة

إدا كان الفرنسي قال ما قاله .. فهو مخطأ .. لانه عمرة إلى لبس الالوان ما كان سبال .. وإلا فالسبلان عندهم قبل ما يكونوا عندنا .. استغفر الله نحن بني ادميين، كيف نصف انفسنا والغير بالحيوانات .. الحمدلله الله مكرمنا عن سائر خلقة له الحمد والشكر ربي

وأعلمي ايضاً انها من بعد دراسات حثيثة في هدا المجال .. اتضحت ان العبائة هي عادات وتقاليد اكتسبناها .. لم يفرضها لا دين ولا شرع.. الدين والشرع يقول اتستري فقط .. لم يقول لكي بأسود او بني او اصفر .. فقط تستري .. فالستر يا اختي مش باللون ابداً

وعلى سبيل المثال عبايات الخليج سوداء .. وعبايات المغرب العربي حمراء !! هدي عادات وتقاليد

كون ان البنت تمشي على الموضة يعني تكون انيقة ومعاصرة لكل جديد هاد كمان مش خطأ دام انه في حدود المسموح شرعاً .. فصلت عباية رومانية او فراشة او عادية .. فهاد شي يرجع للبنت حبت تتستر وسعتها حبت تظهر محاسنها خصرت قد مافيها .. والله كفيل بعبادة

وبعدين هناك دول لم تصل لهم عادات العبائة .. فهم يلبسون ملابسهم الفضفاضة والحجاب بألوان عديدة.. فهل ستقولين لهم انتم غير مسترين!! لا يعقل عزيزتي

حبيت اقولك بالنهاية اختلاف الرأي لا يفسد للود قضية .. وانت اخت وبنت ديرة وعزيزة وغالية



تحياتي،،

هلا اختي mrs_monalisa

عباية الفراشة فصلتها عند الملكة .. بتلاقينه عند شارع السويكت الرئيسي .. يعني خلي الخبر بلازا على يمينك وامشي سيدا .. على مااعتقد بتلاقينه على يدك اليسار .. انتبهي للوحته خضرة صغيرة مكتوب عليها ( الملكة للعبايات والعرائس ) بالأصفر ..

انا سويت العباية مع الغطا ... بـ 420 .. بس طبعا السعر راح يختلف على حسب الشغل اللي في العباية وبعد على نوعية القماش اللي انت مختارته .. انا ماحطيت فيه شغل الا كم خط مخمل اسود على الاسوارة بس واخترت قماش الصالون ..

بس اشوف عنده كثييير طلبات على الكريستال الملون وبرضوا على القيطان الملون .. اغلب اللي بفصلون عبايات فراشة يختارون واحد من هالاثنين ..

أهلاااااااا

الصراحة محلات البحرين للعبايت كلهم عندهم

هذا الموديل ....بس الصراحة انا من طلع هالموديل مو عاجبني

أحسه مو مرتب ..ومبهدل

رحيـــــــــل:


يا عمري ... خلصت موضتها

ألحين طلعت عبايات بقصات جديده ..

لا تكررين الشي أخذي اليديد افضل لج ..

تحياتي


رحولة

رايي من راي الاخـــــــت رحولة ..

اخذي اليديد احسن ...:handup:

نحن توها نازله عدنا هالعبــــاه اقصد الفراشــــه ...

بالعكس هي تطلع حلوه على الطوال اكثر عن القصار ،، لان القصيره اتبينها متينه اكثر وتقصرها ..

اما عن العباه الرومانيه هذي ماجد سمعت عنها ... بس شكلها حلللوه.. ابا صورتها :((

تسلمي يا شيخه... بغيت ارد ولقيت ردج كامل ووافي لووووووووووووول
بس ابي اضيف شي...



اصلا فرنسا مالها حاكم... عندهم رئيس جمهورية:cool2:

السلام عليكم

اي ذكرتوني بالفراشة..............كانت نازلة في البحرين من اول ما طلعت عبايات الكتف واختفت والحين رجعت مرة ثانية

هي الزين فيها انها تستر لكن تصير البنت كانها خيمة مو شي .....لكن بعض البنات تصلح لهم بس قليل في نظري

حد يرد علينا شلون شكلها العبايه الرومانيه؟

والله سواء وحده لابسه عبايه على الراس ولا عبايه على الكتف ولا عباية الفراشه الرجاجيل لازم يطالعون دام شافوا شي اسود .. وبعدين حتى العبايه على الراس طلعوا فيها موديلات في دبي نشوفهم ونضحك لابسين عبايات على الراس وفيهن شك وشغل ومب من الامارات ... جت على عباية الفراشه يعني ومشالله ساتره ووسيعه عادي الحرمه حرمه لو من بين عشرين رجال دامها لابسه شي ساتر وعباية الفراشه زينه وساتره ماعليها كلام

هذا رأيي

اي عباية الفراشة راحت موضتها

الحين طلعت عباية جديدة

في البحرين انواع وحتى الكويت

بنات حطوا صوره العبايه الرومانيه شكللها حلو ه مبينه من اسمها

ماشاء الله عليكم

هههههههههههههههههه
حركات وعجايب
يالله نبي صور

صدقت الاخت موزه فوشيه وانا البس عبي ملونه وحركات بس حق التجمعات النسائيه والاعراس ودايما يوم احط موضوع عن العبي اكتب

هل العباره عسب ما احصل ذنب احد

(تنبيه العبايا الملونه حق الاعراس مب حق الاسواق والجامعات)

فأنا اعرف في نااس وايد ما تلبس العبي الا في المناسبات فجي شو رايكم كلما كتبنا موضوع عن العبي نكتب هل الجمله

رجاااء لحد يدش علينا ويسوي روحه يفتي ومصلح ديني علينا
احنا كلنا عارفين ديننا واجباتنا وحقوقنا ونعرف وين نلبس العبي هاذي
فياريت محد يغلط واللي مو عاجبه الموضوع لا يدش اصلا ولا يقعد يغلط على الناس

العبايه الرومانيه حوووووسه يعني قطعه فوق وقطعه تحت وما تناسب اي وحده

وان شالله اذا لقيت لها صورة حطيتها