يوميات بنوتة مفروسة

mai salah 20-06-2005 143 رد 12,949 مشاهدة
أ
هاه كملي يامي وبعدين !!!!!!!
أ
اعذريني عزيزتي بروح انام
لكني برجع وراح اقولك رايي في الجزء الرابع
تصبحي على خير
و
على أحر من الجمر


قاعدين على أعصابنا
m
عيونى ليكى ام العوامر بكمل حاضر من عنية
m
ولية قاعدين على اعصابكم مرايم مفيش كراسى ولا اية ابعت اجيب من القهوة اللى على اول الشارع
هههههههههههههههههههههههههه
الجزء الرابع فى الطريق مش حتاخر وعد منى
m
أول ما حطيت رجلي في التراس (الفسحة إياها) لقيت رشا بتشاور لي من مكانها ..رحت لها وأنا بادندن "واثق الخطوة يمشي ملكا" للست أم كلثوم ألف رحمة ونور عليها ..و أول ما قربت ناحية الترابيزة، فوجئت بأن العريس هو نفس الشخص اللي أخد مكاني في الركنة، ومن زيادة ظرفه لما رشا ومصطفى بيعرفونا على بعض قال:

- مفيش داعي للتعريف.. سبق واتعرفنا.

( كان نفسي ساعتها أدلق كباية العصير عليه اللي سيادته كان بيشربها أثناء ما كنت أنا بلف حوالين النادي بادور على ركنة في عز الحر.. وبما إني مفروسة منه حبيت أحرجه قدام صاحبه)

- أصل الكابتن حشر عربيته مكان ما كنت أنا هركن (كنت متخيلة إني فعلا بحرجه ...لكن الظاهر أني قلت له نكتة).

- هاهاهاهاهاها أيوة ده حصل صحيح .. هاهاهاهاهاها أصل الدنيا فرص يا آنسة ما بتتعوضش ...شفتي أنت أتأخرت إزاي على ما جيتي!

( كنت عاوزة أقوله إن قلة ذوقه هي اللي أخرتني مش تضيعي للفرصة... وحبت رشا تلطف من الجو، فطلبت لي حاجة ساقعة، وأتكلمنا في موضوعات كتير .. عامة الجدع كان مثقف إلى حد ما لكن كان استعراضي بشكل يشل لدرجة إني فكرت أأقوله يقدم في فرقة الـ "راشن شو")

- لما كنت في إيطاليا دخلت برج بيزا وكان..... ولما كنت في الهند ركبت الفيل أما لندن فشعبها بارد صحيح لكن.. وأما باريس... ولما كنت في ماليزيا قابلت .....

(يااااااااااااااااااه ملهوش قفله ده!!! الله يسامحك يا رشا ده محدش فينا اتكلم بغير عبارات التأييد وهز الراس... هيسكت إمتى ده!! وأدن علينا المغرب فوجدتها فرصة أريح فيها وداني شوية فقلت أستأذن وآخد رشا عشان نصلي... وبالفعل أخدتها وإحنا في السكة).



- ها يا صابرين إيه رأيك ؟

- إنتي تخرسي خالص...إيه الراديو ده!!

- ليه يا بنتي! دي أول قاعدة بتبقى تعريف ببعض.

- أيوة يا ستي نتعرف ببعض..مش يعرف نفسه بس .. ده مش ناقص غير أنه يحكي لنا يومياته... ده لغاية دلوقتي ما يعرفش عني حاجة بالله عليكى بعد ما نصلي ..حاولي تقصري يا رشا أنا صدعت.

- يا بنتي الواد كويس ...طب إدي لنفسك فرصة تانية.

- فرصة إيه بس؟ تعالي بس نلحق الصلاة.

(وصلينا ورجعنا للجماعة فسألت رشا خطيبها )

- صليت يا مصطفى؟

- لا قايم أهو...مش هتقوم معايا يا خالد؟



(طلع اسمه خالد... ما كنش عنده وقت يعرفني باسمه لكن مش ده الغريب..الأغرب انه قال لمصطفى) :

- روح أنت وأنا هاحصلك.

( وراح مصطفى وصلى ورجع والعشا أذنت وأخينا ماقمش من مكانه... واستعدينا نمشي وفي المواقف اللي زي دي ..كنت أتوقع أن العريس يقوم بدفع الحساب ولو من باب الذوق لكن المفاجأة لما قال) :

- لا يا جماعة ...إحنا نمشي نظام إنجليزي ( يقصد إن كل واحد يدفع حساب طلباته).

(طبعا مصطفى وخطيبته شكلهم كان وحش جداااا..وحاول مصطفى يداري الموقف...لكن البعيد صمم إنه يدفع ع الأقل لنفسه..لأنه تربية إنجلترا والحق ما يزعلش حد.. ده حسب ما قال.. وروحنا بيوتنا وحكيت للغالية اللي حصل فاتجرعت ألمها وقالت جملة واحدة:

- حسبي الله ونعم الوكيل.

الجملة فعلا عادية، لكن غير العادي هو حُرقتها وهي بتقول الجملة، وفعلا صعبت عليا أمي وصعبت عليا نفسي ما هو الإنسان طاقة برضه ... واتصلت بيا رشا تعتذر عن العريس والإحراج اللي سببه لنا كلنا..وكان مبررها أنه صاحب مصطفى من بعيد - مش صاحبة أوي يعني- وطبعا قبلت اعتذارها بصدر رحب وأنا حيلتي غيره

يتبع
أ
هلا عزيزتي مي
هاه كملي ..كملي وبعديـــــــــــــن
ر
طيب وبعدين شو صار اجزائك مختصرة طوليها شوي ...
بس عن جد يسلموا ايديكي يا حبابه ....
m
عيونى ليكى حبيبتى ام العوامر اكملك من عيونى
m
عيونى widdo بس حلاوتها فى اختصار اجزائها علشان التشويق
ومشكورة على الاهتمام والمتابعة يا غاليتى
e
كملي يا مي ما تبقيش كده بخيله يعني بتدينا بالتقسيط ولا ايه؟


يلا ننتظرج
m
حاضر يا المها انتى تؤمرى يا حبيبتى
ازود القسط شوية من عنية
e
هههههههههههه

انتي خطيره في التلاعب بالاعصاب وقلب الكلمات الى ضحك ما شاء الله عليج

يلا بلا دلع يا مي وهزي طولك قصدي اصباعك واكتبي كل الاجزاء دلوقتي.هههههههه
p
حلوة اوي يا مي يلا كملي احنا هنستناكي
{
إيه يا مهون هون


لووووووووووول
وربي عجيبه..
يعطيك العافيه يااااالغلا ..



ريمـا
ك
عزيزتي
انا مستنية التكملة على احر من الجمر
ولا تخلينا نستنا اكثر من كدة
&
قصتك وايد حلوه ومشوقه
حرام ما رح اقدر انام الا وانا مكمله القصه
يالله عاد
ت
بسم الله الرحمن الرحيم


مــــــــــــى


e
استلقي وعدك يا مي اهم كلهم مستحلفين لك زي مانتي شايفه

هيفضلوا معلقينك في المروحه اياها ومش هينزلوووووكي انا بقولك اهو من دلوقتي

كمللللللللللللللللييييييييييي
m
هههههههههههههههههههههههههههههههههههه
طيب خلاص والله صعبتوا علية حكملكم وامرى لله ولونى كنت ناوية احط الجزء الخامس بكرة
قلت يعنى كل يوم جزء بس بجد صعبتوا علية خالص
علشان كازبلانكا تنزل من على الجمر زمانها يا عينى استوت
وبنوتة مسقط تقدر تنام حرام تفضل سهرانة
وبعدين انا اخاف تنثر الكون عطرا بدأت تتنرفز وتتعصب وتتطلع دخان وممكن اتكرش من المنتدى
انا بقول الطيب احسن
X