يوميات بنوتة مفروسة

mai salah 20-06-2005 143 رد 12,949 مشاهدة
m
ان شاء الله بنفرح كلنا ناردين او ما بنفرح حنشوف ودة اللى حنعرفة فى الجزء التانى قريييييييييييييييييييييييييييبا جدااااااااااااااااااا
مشكورة حبيبتى على المرور
m
انا متاخرتش اهو

بس الموضوع مش هيخلص في حلقتين عشان موضوع صابرين معصلج حبتين

المهم نيجي للجزء التاني



كنت غرقانة في سابع نومة بعد يوم مرهق في الشغل ...صحيت على صوت أمي العزيزة.

- انت لسة نايمة!!! الراجل قرب يجي.

- راجل مين؟

- راجل مين؟ العريس ياصابرين قومي بأه.

( رميت لحافي على جنب وأنا أتمتم بكلمات الامتعاض بصوت خافت خوفا من ان تسمعني أمي وانكد عليها في يوم زي دة)

- هتلبسي إيه؟

- العباية البيج بالايشارب بتاعها.

- عباية إيه !!! لا البسي التايير الفسدقي ...بلاش العباية بدل ما يفكرك معقدة وإرهابية!

- طيب بلاش.

- أبوكي جاب جاتوه وطبق حلويات شرقية... هنقدم معاهم الحاجة الساقعة والشاي بس؟؟؟

- بس إيه!!! ما تدخليه المطبخ معانا أحسن...هوه مش هيقعد ساعتين ويمشي؟ ولا ناوي يتعشى!!

- وماله يا بنتي ؟!

- ماله إيه؟!... استغفر الله العظيم ...هروح ألبس.

(بعد ساعة تقريبا رن جرس الباب وفتح له أبويا العزيز ووقفت من موقعي أترقب شكله شهقت شهقة كان قلبي هيقف فيها... إيه اللي لابسة ده)

قعد العريس مع أهلي يجي نص ساعة ودخلت وسلمت شفويا وقعدت وتفضل والدي بتقديم العريس

- ده مصطفى مغاوري مهندس في شركة .. وابن حلال وطيب بيواظب ع الصلاة معايا.

- أهلا وسهلا

(وطالت لحظة الصمت وسيادة العريس كما أبو الهول الرد على قد السؤال و كنت بتأمل لبسه كان لابس بنطلون كحلي وبلوفر مشجر بألوان زاهية والقميص كان كاروهات...طبعا الشكل العام للعريس كأن أقرب للوحة من الفن التشكيلي لفنان مبتدئ..)

وسأله والدي عن مرتبه فقال وكله فخر ونشوة:

- أنا يا عمي باخد 500 جنية بحالهم.

(بلعت ريقي من الدهشة لأني لما فكرت فيها لقيت أن لأهله نسبة من المرتب غير إيجار الشقة دة إذا كان معندهوش فما بالكم بمصاريف الحياة اليومية!!!) - وعندك شقة على كده؟

( سؤال طرحته أمي ...وكان بودي أحط ايدي على بؤها ....شقة اية يا غالية بيقولك بيقبض 500 يادوب تجيب له شقة بطيخ)

- بصراحة لأ مجبتش ، بس محوش مبلغ أدفع بيه مقدم لشقق الإيجار الجديد.

- مش مهم يا ابني ... احنا بنشتري راجل.

( راجل !!! وأنا عاوزة أشتري استقرار، قلت لما أسأل أنا بأة لان الوضع مقلق حتى الآن)

- بتقضي يومك إزاي؟

- والله انا من الساعة 8 لغاية 4 ...قولي كده بوصل البيت 5 يادوب أتغدى وأنام وأصحى أشرب كباية الشاي مع الحاجة .وأنزل أشربها تاني مع أصحابي ع القهوة.

(قهوة!!! هو بيتفضل في المرتب حاجة عشان تصرفه ع القهاوي!!!)

- على كده مفيش أي موهبة أو رياضة بتمارسها؟

- هاهاهاهاها لا طبعا معنديش وقت.

- طيب إيه طموحك في الحياة؟

(رد ببلاهة) :

- هه!! يعني القناعة كنز.... بصراحة وأنا راضي بحالي كده.

( حطيت لساني في بؤي وسكت وفتح أهلي كذا موضوع عام كشف عن مدى سطحية التفكير أقصد القشور الباقية من التفكير وعدت الساعتين تقال على قلبي....يا ربي واحد مرتبه يا دوب ع الأد . ومالوش طموح ولا حتى حلم وما يعرفش الدنيا ماشية إزاي وله نفس يخطب ويتجوز!!! وعجبي...قام العريس وروح)

الصدمة ماكنتش في العريس بصراحة... الصدمة كان في سؤال أهلي عن رأيي!!!

وكان الحوار ساخناُ و محتداً والحق يتقال كان واضح إنهم مش مقتنعين بالمرة بالعريس لكنهم في الأول والآخر أهل وبلتمس لهم العذر في إنهم نفسهم يفرحوا بيا... لكن الفرح بالعقل يا ناس).

يتبع....................................................................
أ
هلا عزيزتي مي
اما انا فطست من الضحك لما قالت صابرين :
(و كنت بتأمل لبسه كان لابس بنطلون كحلي وبلوفر مشجر بألوان زاهية والقميص كان كاروهات...طبعا الشكل العام للعريس كأن أقرب للوحة من الفن التشكيلي لفنان مبتدئ..)
ههههههههههههههههههههههه
يلا عاد يمي لاتلعبي باعصابنا كملي الجزء الثالث بسررررررررررررررررررررعة
m
من عيونى ام العوامر انتى تؤمرى حبيبتى
m
اية يا بنات مش عجبكم القصة :think:يعنى مش حلو الجزء التانى طيب بلااااااااااااااااااااااااااااااااش منة بقى بلاااااااااااااااااااااااااااااااش اكمل
:no:
لاااااااااااااااااااااااااااااااااااااااازم اشوف تفاعل قوى تفااااااااااااااااااااااااااااااااااعل شديد
أ
مي
هو انا مش كفاية ولا ايه
!!!!
p
انتي ذي العسل يا مي يلا نشوف صابرن اخرتها ايه شكلها هتدبس في العريس الملون
احنا مستنين الباقي يلا انا في انتظارك
m
ازاى بقى حبيبتى ام العوامر طيب والله علشان خاطرك بحط الجزء الثالث كمان
m
من عيونى حبيبتى بوسى كات اكمل وامرى لله ولونى مش شايفى اى تفاعل بس مش مشكلة حنتغاضى خالص عن النقطة دى
m
معلش يا جماعة اتاخرت عليكم شوية الظاهر صابرين اتكسفت من طلب توحا

المهم نيجي للجزء التالت



كلمتني إمبارح صديقتي الغالية رشا ودي كانت زميلة لي في الكلية وكانت بنت جدعة ومحترمة م الآخر كده بنت ناس. - والله زمان يا رشا...فينك يا بنتي محدش بيشوفك

- فعلا والله يا صابرين آخر مرة شفتك كان في فرح هبة (صاحبتنا) ..إلا بالحق أخبارها إيه؟

- عقبالك...على وش ولادة أهوه. - ياااااااااه يعني أنا ما شفتكيش من 9 أشهر!!!

- أيوة يا ستي... إنما إيه سر المكالمة الغامضة دي؟

- عريس (قالتها وكأنها جايبة لي هدية...بلعت ريقي وقلت"يا خفي الألطاف نجنا مما نخاف")

- والله ... خير يا وش السعد؟

- طيار وعنده 30 سنة صاحب خطيبي (رشا كاتبة كتابها)، وعنده شقة في مساكن شيراتون.. قلتي إيه؟

- قلت إيه!!! هوه أنتي قلتي حاجة عشان أقول رأيي.... ما تقولي باقي التفاصيل.

- له أخ وأخت أكبر منه وأبوه متوفي من زمان ..والواد كويس مش وحش يعني مستواه المادي معقول.. بس هو طويل حبتين.

- ممممم ياريت تيجي ع الطول ...أهي محلولة بكعب عالي وخلاص.. والله مش عارفة يا رشا..أنت رأيك إيه؟

- أنا باقول شوفيه مش إيه حاجة ... بس لاحظي إن سفرياته كتير.. يعني لو هتشوفيه يبقى خلال الأسبوع ده ...قلتي إيه؟ - مممم وهو كذلك بس هاقول لأهلي الأول
وهاكلمك آخر النهار..ماشي؟؟

- ماشي... أسيبك دلوقت لأن عندي معاد مع مصطفى ومش عاوزة أتأخر عليه...ما هو أنتي عارفة قد إيه قماص.

- ولا يهمك يا رشا ومتشكرة إنك افتكرتيني .. يالا مع السلامة وسلمي على مصطفى.

- الله يسلمك ، مع السلامة. ( يا حلاوة يا ولاد طيار مرة واحدة...يالا على كل لون يا باتيسطة ..لما نشوف....وما كدبتش خبر ورحت وحكيت لأهلي ع المكالمة وطبعا انشكحوا الاثنين وقالوا على بركة الله، على آخر النهار كلمت رشا زي ما وعدتها واتفقنا على مقابلة في النادي يوم الأحد ع الساعة 5.. ويوم السبت سألتني أمي الغالية)

- هتلبسي ايه؟

- إيه رأيك في التايير الفسدقي إياه؟

- لالالا بلاش إلبسي الطقم ده ( ولقيتها محضرة ليا الطقم بالإيشارب!!!).

- وكمان محضراهم ...طيب مش هكسفك وهو كذلك.

- إسمعي ... ما تضحكيش بصوت عالي وخليكي رقيقة وناعمة ...ده طيار يعني الصنف الناعم معاه في السما والأرض.

- حد قال إني راجل...وبعدين أنا هابقى زي ما أنا ...إن كان عاجبه.

- هي رشا هتكون معاكم مش كده؟

- أيوة طبعا أمال هقابله لوحدي!! ومصطفى خطيبها كمان.

- ربنا يقدم إللي فيه الخير( وهي مولية الأدبار سمعتها تمتم بدعاء وبتقول: يارب والنبي يطلع عِدل المرة دي).

وجه يوم الحد ولبست الطقم اللي حضرته ليا أمي وطبعا قبل ما أنزل صليت الاستخارة كالعادة وطول السكة وأنا في العربية أكرر دعاء الاستخارة ومن حسن حظي لقيت ركنة للعربية جنب النادي ولسه هادخل بضهر العربية لقيت واحد ظريف حشر بوز عربيته في مكان الركنة ، ضربت له كلاكس بص لي وابتسم ابتسامة صفرا وشاور لي وقال:

- أنا اللي لقيته الأول.

- ما أنت شايفني بركن بعربيتي...بتدخل ببوز العربية ليه؟

- هاهاهاهاها نصيبك كده بأه ...شوفي لك ركنة تانية. ( طبعا اتخنقت منه ومن رخامته وقلت أأقصر معاه ما هو أنا مش ناقصة تأخير ولفيت حوالين النادي حوالي 3 أو 4 مرات على ما لقيت ركنة بطلوع الروح .. ودخلت النادي وأنا متغاظة من الظريف اللي أخد مكاني وكان سبب في تأخيري عن الموعد. وصلت للتراس (ودي فًسحة كبيرة فيها ترابيزات وكراسي) وكانت المفاجأة!!!!)

يتبع
e
ايه القصه اللي بتاخد العقل دي يا مي يا عسل

شدتينا يا بت يالله كملي بلا دلع
ههههههههههههههههه
m
الله يخليكى يا المها وميرسى ليكى خالص على التفاعل
اوعدك اكمل القصة من عيونى
p
يلا يا مي كملي انا مستنياكي
ت
بسم الله الرحمن الرحيم




عسل يامى

طبعا أكيد الظريف هو العريس الموعود

يللا بانتظار الجزء الرابع
د
حركاااااااااااااااااااااااااااات مي
التكمله لو سمحتي
م

السلام عليكم ورحمة الله وبركاته

قصــــة في منتهى الروعــــــــــة يا مي و الله...

حقيقي إتشدّيت لها جدا...

و المفاجأة شكلها زي العسل كمان...البنت دي موعودة يا عيني...

كمّلي يا مي :)

m
عيونى ليكى حبيبتى بوسى كات
m
غاليتى تنثر الكون عطرا الجزء الرابع جاى دلوقتى حالا مش حغيب عليكم
انتظرونىىىىىىىىىىىىىىىىىىىىى
m
عيونى جبيبتى دمعة الجزء الرابع فى الطريق جاااااااااااااااااااااااااااااى
مشكورة على الاهتمام والتفاعل
m
اختى مرموم بأذن الله بكملكم قريييييييييييييييييييييييب خالص بس انا مش قادرة وبنام على الاخر دلوقتى والديك صاح وستسكت شهرذاد عن الكلام المباح كوكوكوكوكوكوووووووووووووووووووووووووو

مشكورة مرموم على المشاركة والاهتمام والمتابعة
X