اش الموقف الحلو او المحرج اللي صار في حفلة زفافك\خطوبتك\ملكتك ...

انا يوم خطوبتي ..

كان فستاني وردي ,,,

وكنت حاجزه المسكه ورديه طبعا" بعد ماخلصت المكياج والشعر رحت اخذها ...

تخيلوا لقيتها اي لون









اصفر فسفورري واخضر @@

والله انصدمت والشكل غير انا اللي اخترتها صغيره وهذي كبيره ودفشه ..

رجعتها وقلت لهم بدلوا الألوان ..

انا ماعجبتني كلش بس يوم شافوها هلي وبنات خالتي قالوا حلوه وتناسب الفستان ... الحمدلله عدت على خير. ..


الله يستر من مواقف العرس ...




والله يرزق كل بنت الزوج الصالح ..

والله مواقف محرجه من قلب الله يعين بس

انا الموقف اللي صار لي في حفله خطوبتي و اللي للحين ماقدر اشوف شريط الحفله بسبتها
اني دخلت منرفزه شوي و يات خالتي زادت الطين بله .. تنثر فلوس و حلاوه علينا .. اليهال ماصدقو .. بسطو على فستاني لان ذيله كان طويل و انا حزتها الدخان قام يطلع من اذني من القهر
ويوم وصلنا المسرح وقفنا شوي ... تنطفي الكهرباء عالصاله ... انا خلاص ماعاد احس بشي من القهر مغير اصرخ على أي احد و أي شي :mad2:

حفله زواجي قلت بسوي اللي كان خاطري فيه و ماسويته في الخطوبه .. يعني وصيت على ديكورات ورد و بالونات حوالين الكيكه و حركات في السقف ينزل منها غلتر و زينه لما نمشي .. يعني صرفت شي وشويات عليها
المهم . انا كل ساعه اتصل على الفلبيني اتاكد ان كل شي تمام (( متعقده من حفله الخطوبه)) وهو يقولي مدام كل شي اوكي وارجع اتصل فيه الساعه 8 اتاكد ها خلاص ركبت كل شي؟ كل شي تمام؟ يقولي وهو يضحك عشاني كل ساعه متصله : مدام لاتخافين كل شي تمام انا من العصر هني في صاله ......
انا وجهي صار جذي >>>>:eek2: :eek2:

اقول له ماسمعتك انت وين؟؟؟

مدام انا في صاله ......

وانا عرسي كان في صاله غيرها و كانت الساعه تقريبا قريب 8 و نص يعني شوي و الناس قاعده توصل .. متى بيلحق ينزل الاغراض و يرجع يركبها في صاله عرسنا

كلمت صديقتي عطيتها الرقم قلت لها كلميه انا ماقدر اتكلم لاني قعدت اصيح بس بدون دموع عشان المكياج :D2


بس الحمد لله على الساعه 9 و ربع كان كل شي في صاله عرسنا وارتاح قلبي شوي <<< كنت خايفه من خالتي في الحفله تنثر فلوس بعد :)

مراوي ألف مبروك :clap:

موقفج لا تحسدين عليه

بس تلحقتوا الوضع في العرس، لازم يصير شي والوحده ما تقدر تعتمد على أحد في التأكد من ترتيب الصالة وما إلى ذلك

الله يهنيكم(g)

مره رحت عرس كان كل شي مرتب وحلو والريحة الطيبة تنشم من بعيد >>>> يعني صج عرس

بس صار موقف كلش مو شي يعني دخلوا المعاريس وكانوا يركضون في الممر >>>> عاد مو يركضون يعني يمشون بسرعة

والظاهر إن المعاريس هم اللي مرتبين كل شي، يعني إذا يبغون شي يأشرون
وإلا ينادون أحد وكل واحد مبطل حلجه على وسعه >>>>>>>>> وع ما أحب جذي ولأن صوت الموسيقى كان عالي
بس حتى ولو هذي مب عذر

حركات كل ناس ولهم طريقة بس المعاريس لازم ما يتكلمون لأن الحفلة في صالة ضخمة

والعروس مب عارفة تمشي في الفستان لأن كان وايد ضخم وطويل وله ذيل

فحبيباتي العرايس الفستان اللي ينلبس في الحفله ثقيل فإنتي ما تمشين فيه بطريقة عادية لازم ترفسينه مع كل خطوه عشان يتحرك

أرجع لكم بعدين سلام

:D2:D2:D2:D2

ياحبي لكم الله يسعدكم

في موقف صار في عرس صديقتي

وهي تمشي واغنيه الزفه شغاله

شوي والا تخترب السماعات ويخترب الصوت

يمكن مدة ربع ساعه والصوت مخترب ويطلع صدى قووووووووي يبط الاذن

انا الصراحه لو مكانها جان صحت عشان اختربت الزفه

نفس الشئ وحده اول ماطلعت وتبتسم

واول مابدت الموسيقى بدى الشعر على طول وحوسه والحريم ياشرون للحرمه المسئوله عن تشغيل الزفه انها تطفي الزفه لانا حاستها وقعدت البنت تقريبا عشر دقايق تطالع بوجيه الناس

انا لو مكانها هونت ورجعت

طفرااانة والله انك عجيبة
ضحكت عليك ضحك لوووووووووووووووووووووووووووووووووووووول

انا يوم جيت اقرى الموضوع ترددت تدرون ليش لان اي شي اضحك عليه يصيبني



بس مواقفكم حلوووووه وضحك عليها كثير



كل ما صليت دعيت ربي لا يبلاني

انا الموقف الي صارلي يوم ملجتي كنت اقطع الكيكه معاه وبعد ما قطعتها مع خطيبي كنت ابي اوكله قطعه ويوم شلت القطعه بالشوكه جت ناحيت ايده ووصخت اصابعه يومها ما ارتبكت ولا حسيت باي احراج وقعدت اضحك بس ضحك خفيف وما بين قدام الناس مع ان لو مو ماسكه نفسي كان ضحكت بهستيريا وعدت على خير بس الي ساعدني اني مو من البنات الي يستحون او ينحرجون انا من النوع الي يحول كل الامور السلبيه لامور ايجابيه لصالحي واهم شي يا بنات الثقه بنفسكم عشان لايحس خطيبج انه عندج نقص بثقتج بنفسج وانشالله تستفيدون من النصيحه واهو خطيبي بعد قام يضحك معاي ومشت السالفه

انا باقول لكم شاستوى يوم حفلة خطوبتي ..
العصر كنت في القاعة وجات راعية الدي جي عشان اسوي بروفة معاها على الزفة وشلون بادخل وكيف بتكون مشيتي و الحمدلله اجتزنا البروفة بسلام ..

خلصت من مكياجي وشعري وكنت حاطة في تسريحتي سلسلة خرز نهايتها كركوشة خرز فيها ثقل بسيط ومستانسة على شكلي و آخر وناسة ..

وكنت قاعدة في أمان الله أنتظر مسكتي يجيبونها لي , اول صدمة ان المسكة تماما مالها علاقة بالفستان أصلا مش هي اللي انا ابيها :no: قلت بامشي حالي بها وامري لله ..

النكتة لما جيت بادخل القاعة على الزفة , كان المتفق عليه إني أمشي بروحي ولا وحدة تطلع معاي في التصوير و لا تمشي معاي .. اللي صار إني مشيت عادي وبخطوات راكزة لكن أسرع من المطلوب كان المفروض أمشي 3 دقايق انا اختصرتها وصارت دقيقتين بس :D2

وبعد أمشي لحد مااوصل قبل الكوشة واوجه الناس واوقف وسطهم " أستعرض " هني شصار الإكسسوار اللي في شعري طاح على ويهي صادني أحباط ما بعده إحباط وصارت عيوني جذي @@ تداركت مرت أخوي الموضوع و عدلته لي ..

واللي زاد الطين بلة قاموا لي الحريم الكبار عشان يكتون علي الفلوس واختربت زفتي على آخر شي .. وقلت لا حول ولاقوة الا بالله ..

المهم ركبت على الكوشة و جلست جان تجيني بنت اخت زوجي بسررررعة وتبوسني وتقعد جنبي , والبنت تسولف وانا ماني بحولها .. ولما جيت باصور جنب الشبكة وانا واقفة جات البنت وعطتني حبة شوكولاته رميتها على الكرسي من القهر ..

المفاجأة اللي صارت لما خوات زوجي لبسوني الشبكة والدبلة قالوا ان زوجي بيدخل بعدين صارت عيوني @@ " مع العلم إني ما قد شفته ولا شافني لا قبل ولا عقب الملجة " قعدت و ابتسامتي مافارقتني لكن فيني رجفة مب طبيعية أخاف من اللقاء الأول ..

انتظرته في غرفة تابعة للصالة والافكار توديني وتجيبني شلون شكله طويل عريض متين ضعيف ... الخ يعني من هالسوالف , لحد ما دخل وجات المصورة وكان باقي عندها صورتين بس وقالت باصوركم هني النكتة قالت له قرب منها قال لها : لا أكثر من 30سم خطر :shy: جاتني قالت لي لفي شوي عليه اول ما لفيت على طول هو لا شعوريا عطاني ظهره :eek2: وانا ميتة من الضحك غير الحيا اللي ذابحني .. وعدى التصوير على خير ..

المهم إن حفلتي على الرغم من الأحداث اللي صارت كانت روعة بشهادة الكل والكل خرج منها مبسوط والحمدلله , والأهم إني شفت زوجي لأول مرة و أعتقد إن لقائنا الأول ما راح ننساه بإذن الله ..

اسمحوا لي طولت ..

صراحة سالفة يطفون الليتات وفجأة ماتشتغل تستوي وايد واحس انه قفطه يعني لعوزه للعروس واحراج لها

المهم وحده قالت لي عرسها ماكان حلو سألتها ليش؟ قالت كنت أتريا الكوافيره طلبوها في البت تسوي لبنتهم المهم قلت شفتها تاخرت سرت للصالون عندهم


الله يوفقكم يارب

لووووووووووووووووووووووووووووووووووووول امبييييييييييه اي شيي خرب العرس مسكييينه

انا تو ماتزوجت لي تزوجت قلت لكم المواقف
لووول جاااااو

اولا اخواتي احب اسلم عليكم واقول انكم فعلا ونستوني وضحكوتني :clap: .. ربنا يديكم العافيه
انا في خطوبتي حصل موقف غريب ما ادري يضحك ولا يزعل
احنا في عاداتنا ان الخطيب يجي ازل من غير اهله بس معاه واحد من اصدقائه ويتقدم وبعد يتم الاتفاق مع اهل العروس حتى يجيب اهله ..
المهم خطيبي جاب معاه واحد صديقه مره وانا اعرفه .. المهم مفترض صديقه دا هو اللي يتقدم ويقول الكلام بتاع يشرفنا نطلب يد بنتكم وكذا
انا بابا بحب الونسه جدا جدا وصديق خطيبي نفس النوع .. ما اطول عليكم هما وصلو البيت الساعه 7 مساء وانا ما مفترض اطلع عليهم بس موصيه اخوي الصغير اني يجي يوريني الحاصل اول باول .. كل الشويه يجي يقول ما جابو سيرتك لسه يتونسون .. الساعه 8 جات و9 جات ولا في حد جاب سيرتي انا ساعتها زعلت وخلاص حبكي :confused: وماما تقولي لسه بدري خليهم يتعرفو
اتاري صاحبنا عجبته الونسه ونسى انه جاي يخطب .. اي والله لما لاقيته بعدها وسالته قال انه نسي انه جاي يخطب ..
وانا حموت هنا وخطيبي يقول لي انا كنت حقوم اضربه لاني مستنيه يتكلم عشان انا اتفق على باقي الحاجات وقال فكر يرسل له مسج بس استحى من بابا ..
المهم في الاخر على الساعه 10 ماما شافتني خلاص حموت من الزعل:sad: فقامت دخلت تسلم عليهم اول ما جلست سالت خلاص اتفقتو .. حتى صاحبنا ساعتها افتكر وبدا يتكلم
بس كان موقف غريب انا افتكرت انهم بعد ما وصلو البيت في حاجه خلتهم يغيرو رايهم كنت حموت
عموما كله مر تمام وزواجي بعد شهرين اتمنى انه ما يحصل فيه اي مواقف تانيه
ودعواتي لكل البنات اللي لسه ما اتزوجه انهم يعيشو الفتره دي لانها احلى فتره في العمر ..:ok: :ok:

ههههههههههههه والله مواقف انا يوم الملجه رايحه وجايه على الحمام وشعري يوم سويته جيت رولته ونزل انقهرت حاولت فيه اشياء وايد مافي فايده لو باقول ناعم سلسبيل يمكن عادي بس مايترول يقهرني ويوم ملجنا دخلت عنده وفي فستاني شكل خيوط ولا قعدت ناظرته طول الوقت امسك كركوشه وارد اهدها
ولا جاب لي ورده يعني انه رومانسيه وحركات سألني شنو اسمها اي ورد محمدي بس لدرجة اني نسيت اسمها قلت له روز اووونه الثقافه انجليزيه هالروز اللي ولا عمري قلتها طلعت الحين من قاموسي الله يفشلني
نجي حق يوم الخطوبة شاريه صندل وقبل الخطوبة بيوم جبت فستاني بالليل الا يطلع وايد طويل ولا اقدر امشي فيه بغيت اصيح قلت ان رحت غيرت الصندل وخذت ارفع يمكن اصير اطول منه فشله بيكون منظرنا انا اطول هههههههههه قمت ثاني يوم الصبح واودي الفستان وانطرها لين تعدله واشوه برزت ماشاء الله عليه طلعت قمر يوم الخطوبة جيت اسلم على امه مسكينه لمتني وتمت تصيح قلت خلاص باصيح بعد انا حساسه شاسوي بس خفت على المكياج ويوم جى يلبسني الشبكه لبسني الدبله والخاتم مال الشبكه غلط واهني قعدت اضحك ويوم طلعنا تقول لي امي يجرج جر مستعيل يبي يدخل المجلس ههههههههههههههههههههههههه
سوالف وايد نقولكم بعدين

هههههههههه.... حلوة المواقف بس حزته بس تكون محرجه..

أنا فخطبتي مابتصدقون شو سوا حطيبي؟؟

خواتا قالولا هيييي بيشوف خطيبته.. وهو مسوي عمره رجال وماله هالأشياء...

وهو راعي مقالب.. مابتصدقون شو سوو فيا.. أخوه العود ياب الدبل وشله من مكان وحط قولوا شو؟

خاتم ب 5 دراهم من فوق فراوله... هو اللي خاطبني استانس إن المهم أي شي .. المهم ألبسها..

ويو عنا وجدام خوالي وعمومي وبناتهم والريايل .. (ترى عادي يدخلون عنا الرياييل)

وطلع الخاتم.. طبعا" أنا يتني صدمه يوم شفته... انا كنت بقوله خذ خاتمك ماباه بس استحى وخذا على طول وحط الدبلة الحقيقية..

كان بيسويلي مقلب وبيستريل علي ويتطنز جدام أهله بس افتشل او استحى يوم شافني.. هههه

قال بس نبغي انجيس النبض.. او انتي إنسانه بتطيعين ريلج في المستقبل وتتقبلين وضعه وأي شي.. ولا بتكونين من هذيل اللي طلباتهن ماتخلص.. بس حررراااام خاتم فراوله.. لا والله.. يخطبني أوكي بدون دبله ولا هالخاتم..

هههههههههههههههههههههههههههههههههههههههههههههههههههه



مواقف تمووووووووت ضحك


ادعولي اتزوج واقولكم ع المواااااااااااقف :(

أما الموقف اللي صادني بيوم خطوبتي من فتره قصيره لي يومكم مقهوره علي


مالت الديجي حضرتها تأخرت علي ماياتني الا عالساعه 10 ونص والمعازيم ناااطرين

شسااااااالفه مافي لاصوت ولارقص وأنا أطالعهم من فوووق وحددددددي كنت متوتره

شوووي وأصيييييييييح ورفيجتي فديتها تحاول فيني تهديني


لكن مارتحت ويمكن فوق المليوووون مره ندق عليها


والأخت رااااااااااقده صج صج ارفعت ضغطييييي ويوم كلمناها الا تقول زحمه ومدري

شنو وبس من شرفت طلعت انا .... ماستوت ثواااااااااااااااني الا ريلي دخل وكل شي صار بسرررعه


حتى ماحسيت ب ولااااااااااااااااااااااااااااااااااااااااااااااااااشي