اش الموقف الحلو او المحرج اللي صار في حفلة زفافك\خطوبتك\ملكتك ...

ول ول ماتخيل عمري مكانج ....


في عروس طاحت وهي تمشي وقت الزفه...محد ضحك بس الكل شهق خايف عليها...وبعد شوي قامت العروس وكملت مشي لين ماوصلت الكوشه

والسموحه منكم

هاي بنات رجعت لكم بسالفة تضحك ههههههه

أخوي توه مالج على بنت الخال، إحنه عادتنا نييب المليج في البيت ونزين المكان ونحط حلاوة وما شاء الله عليهم بنات خالي فنانات يعني سوو الغرفة خيال ألف ليلة وليلة الكل طلعت عينه، عالعموم هذي مو سالفتنا، يوم دخل الشيخ الكل تغطى ويلس يسأل العروس إنتي فلانه جان تقوله إي >>>>>>> أحد يقول حق شيخ إي ، وجان هو ما سمعها جان يسألها مره ثانية جان تقوله


شنو تتصورون


قالت له





بعد نزلوا



قالت له




لا وقامت تضحك>>>>>>>>>>>>>>>>> تتخيفف مع الشيخ ( فشلتنا)



لا ولما دخل المعرس سحبتني وقالت لي قوليلي شاسوي >>>>>>>>>>> آنه صار ويهي :eek2: لالالا جذي :s2


قلت لها بشطانه >>>>>>>>>>>>>>>>> سوي روحج تستحين ونزلي راسج


ما أدري شصار فيها ربشه ذكرتني بأغنية اللي يقول ربشتني ربشه خليتني مربوش


بس تعبت أرجع بعدين

قطاف موتيني ضحك كملي مواقفج

زين أقول لكم سالفتي

طبعا ما تحددت الملجة والحفلة إلا بوقت متأخر

وكان عندي إمتحانات فوزعت مهامي على

خواتي وأهلي وصديقاتي

بس أني رحت شريت الثوب والصندل

وقبل الملجة بجم يوم كانت عندي حالة عصبية وأنا إذا عصبت ما حد يطيقني

ضغط الإمتحان وضغط الحفلة

المهم يووووووووم الحفلة الصباح كان عندي أمتحان والليل الملجة

كلمت الدكتورة قبل بيوم قالت عذرج مو مقبول وهذا اللي زود الطين بله

زين توكلت على الله ورحت الأمتحان قبل كل البنات وأنا على راس المراقبة

خلصت أبغي أطلع وهي تقول تو الناس

وشوي إلا الوالد يدق على الجوال وكان صامت بس ذيج الساعة كنت باقوم أحذف الورقة وأطلع

جان تمر وحدة من القاعة الثانية

وقلت للمراقبة خذي ورقتي بطلع

ولما طلعت البنت اللي طلعت كانت تعبانة وعندها عذر والمراقبه أخذت تهزيئة من المشرفة

وأنا مستانسة

زين طلعت السيارة

وعلى البيت طيران الين ما رحت تحممت وأنا بصياحي >> ما جني عروس

ورحت الى الصالون وحضي حلو أحسن كوافيرة نزل أسمي عندها عشوائي

وطبعا الطقم أخذته ومسوين عليه حروف عشان جديه تأخر وأنا هناك أحاتي

وما فرحت إلا لما أتصلت لي أختي وبشرتني

إلى الحين ما صار شي شايد

بس يوم رحنا نستلم مسكة الورد

تخيلو شو صار

قال ما فيه حجز بذا الأسم

وأنا هنيه تعجبت كان الوضع عادي ما أنقهرت

وصورت

ورحت البيت مستانسة

جان الكل هناك والجو حمااااااس

يوم جا الشيخ بيملج مسكوني خواتي كان بيغمى على وشربوني ماي

وملجنا وقلبناها صياح لما جاو لي صديقاتي

وبعدين أبنزل للحفلة كنت مستحية ما بي أحد يشوفني

وسوو فيني مقلب

بنت عمي قالت

بندخل كلنا وياج وما حد بيشوفج

كان أنزل وأدخل أدور أهلى ما فيه ألا أنا أمشي لحالي


ورحت على الكرسي وقعت

جن وحدة في محكمة بس مع لمة صديقاتي تونست وفرحت مرة

الين جاء وقت الجد

وصل المعرس

ومن شفته تذكرت أحداث ذاك اليوم

وقلبتها نكد حتى أبتسامه ما عطيته ..

وأسمي ملجتي

ملجة المفاجآت

وأدعو ما تصير مفاجآت في الزواج

:D2

الله يسعدكم

اتيننون هههههههه

مرحبا خواتي
موضوعكم حلو بس ردودكم أحلــــــــــــــــــــــى

بالنسبة لي ... في مواقف وايده بس من أحرج المواقف:

1. قبل ملجتي بيوم واحد رحت الصالون عشان اسوي حلاوة، انا بشرتي من النوع الحساس ووووووووايد وبسرعه يتأثر.. اللي صار ان عند ذراعي الشيره عضت وصارت لي بقعه كبيرة من اللون البنفسجي .. المهم، فستان ملجتي كان شبه عاري فكانت العلامات ووواضحه على يدي !!!!!
الكل كان يسأل شنو ذي ؟؟؟ ولاحظت ان خطيبي كان يطالع يدي مستغرب بس ما قال لي شئ ... عقب فتره سألني شنو كان في يدج ؟ يقول انه خاف، توقع ان فيني مرض لا سمح الله !!!!

2. يوم حفله خطوبتي .. الحمدلله كل شئ مر على خير :)

3. بالنسبه حق تاريخ زواجي، انا ملجتي كانت 31/5/2004 وأخترت ان زفافي يكون تاريخ 5/5/2005 وفعلا حجزت و رتبت أموري على هذا التاريخ، بس المفاجأه انه قبل زفافي بشهر أكتشفت ان أغلب الناس والأهل والمعارف أفارحهم بنفس اليوم ... فأنا نوعاً ما زعلت وتضايقت وايد.. بس الحمدلله صار لي اللي انا بغيته وكان زفافي من أروع ما يكون لمدة 3 أيام وفي اليوم الربع سافرت و توني راجعه من 4 أيام :)

4. بالنسبه حق يوم زفافي... انا كنت وايد حزينة على أساس اني راح أطلع من البيت اللي عشت فيه سنين واني راح أفارق أمي و أبوي، فأي شئ بسيط راح يأثر فيني ....... اللي صار اني مأجره فستان ويوم جابوه لي البيت و قايسته طلع ضيق وغير مرتب وعووووورني قلبي وقمت أصيح و عفست عمري !!!!!!!

بس الحمدلله على طول بنت عمي رجعته و عدلوه لي في زمن قياسي و جابوه وكان فضيع :) بشهادة الكل.. والحمدلله رب العالمين صليت ركعتين شكر لله

رجعت لكم بس اليوم بتكلم عن نفسي
لأني مو متزوجه :shy:

1. خطوبة أختي
أولا فستاني كان كبير بس خام خفيف أنا صممته عشان أتحرك بسهولة وعشان ما أخرب على العروس>>>>>:D2ههههههههه
المهم كل شي كان تمام التمام الفستان والشعر والمكياج والجوتي ومن كثر ما كنت منهبله على عمري رحت غرفتي في الدور الثاني عشان ألبس الطقم ونزلت على الدرج اللي كان حديد وتصوروا اش صار ....................



تسلل الفستان يعني انسحب منه خيط وانسل >>>>>>>>>>. آه يا قلبي مو مكتوب لج الفرح يا نظر عيني:sad:
ولكن ولا أكذب خبر حاولت أغطيه ولا اهتميت وضحكت وفرفشت ولا على بالي >>>>>>>>> هذي أحسن صفة فيني

2. في ملجة أخوي
طبعا الملجة عندنا عادية وأهلية يعني الكل لابس عادي لأن كان في بيت >>>>>>>> ولكن قطاف تموت وما اتعب نفسها في الشعر
وعلى هالأساس راحت الصالون اللي هي آنه وقعدت في صالون لمدة نصف ساعة محد عطاني ويه :sقمت وطلعت ورحت صالون ثاني ما كان عندهم شغل مع العلم إن الصالون جديد


فقلت لهم أبي شعري يترول وبعدين يتكشكش >>>>>>>بكل ثقة وبكامل قواي العقلية:bigsmile:
يودوني 2 وحده تسحب يمين ووحده شمال >>>>>>>> قلت هذلين بيسووني واوووووووووو:cool2:
أنزين وآنه مستانسه على عمري وأتخيل شعري اشلون بيكون >>>>>>حشى ولا شعر كلوديا شفر
وأخيرا فقت من الحلم وفلو الشعر من الرول والفلبينيات مستانسين كل وحده تقول نايس نايس >>>>>>>>>وآنه انقلب ويهي حمر:mad2:
وكلي ربج هذي صالون اللي يشوفني يقول هذي يالسه من النوم وجايه انه كنت واضحه معاهم كنت ابي مكشكش مو منكش
وقلت لها هذي نايس سويه مره ثانية وخليتها تلفه لي ورحت البيت طبعا كنت اسوق بنفسي يعني شكلي في الشارع بالرول طنازه والشيله فوق راسي ما تنلف وصلت بسرعه ما كان بعيد ونزلت وتمكيجت ساعه كامله كلما أحط يتلخبط كاني من عمري ما حطيت والألوان ما إنضبطت هذي مش مشكلة فليت شعري صار حلو ولمسته ناعمه ع العموم لبست ورحت مع خواتي وطبعا أنا اللي أسوق وأول ما وصلت شلت الشيله إلا شعري راقد >>>>>>>>قوم هي قوم قوم مافي فايده راقد راقد :s2

إستسلمت وخليته يولي >>>>>> بس تدرون لو مسويته في البيت أحسن آنه أسويه أحسن من الصالون لكن خيابه

تعبت أرجع بعدين بسوالف لها أول ما لها آخر

مواقف مضحكة ....

عرس وحدة من قريباتي ... كنت ما احبها ...

وفي يوم عرسها ... نحن من تقاليدنا انو يشيلوا العروسة في رفاعة (شكله مثل الصحن ومغطي مثل البيت الصغير) ...

وشوي هي ما شاء الله وبدون شماتة سمينة ... لما عدو الى 3 علشان يرفعوها .. ولازم 4 ناس علشان يشيلوها .....

فا لما عدو للثلاثة في 2 ما سمعو العد ... و2 اخذوا بقوى و2 ما سمعو ... وشوي ويقلبوها على الطاولة ... ووقعت على

راسها ... وكسرت الطاولة والصحون وما شاء الله .. لو تشوفوني وانا اموت بالضحك ... ما قدرت امنع ... وشوي

وتحصل مضاربة بين عائلة العروسة ة النساء اللي شالوها .....

بس الحمد لله ما صار شي في العروسة ... ولما رجعت مرة اخرى ودخلت علينا ... وقفنا و صفقنالها علشان تنسى ........

وانا امسك الضحكة ورا ضحكة .....

:D2:D2:D2:D2:D2:D2:D2:D2:shy::shy::shy::shy:

الله يسعدكم دنيا و اخرة ...

فجر انتبهي لاتتطنزين والله تجيك

الله يستر عليك بس


اتخيل موقفها يجيك:D2

«®°·.¸.•°°·.¸¸.•°°·.¸.•°®»موقف الحلو .. وبعضهااااااااا :o

«®°·.¸.•°°·.¸¸.•°°·.¸.•°®»

دشيت عرض
بس حبيت أسلم عليكم

خخخخ
لا مب بس أسلم الا قريت بعد

ماشا مواقف حلوة

الله يوفقكم وينهيكم آمين يارب
وعقبالنا يارب

[mark=0000FF]هههههههههههههه
خوش مواقف يمكن موقف ملكتي اهون
ملكه اللي يخليها تضحك انه كل شي فيها عكسالسير يعني عكس التوقعات
ملكتي كانت اخر شهر 8 اللي فات
دقوا علينا اهل المعرس على ابو انه الملجه يوم الاثنين 30من الشهر
انا قلت اوكيه حلو خصوصا انه شغل زوجي مايسمح له الا هاليوم على كلام اهله
قلت انا وامي يوم السبت والاحد قبل الملجه نروح نشتري البدله ناعمه لانه الملجه عندنا عائليه بس اهله واهلي وعندنا البيت
ماحسيت الا يدقون يوم السبت الظهر يقولون انه الملجه تغير موعدها وصار الاحد لانه زوجي عنده ظروف بشغله ماتخليه يتفرغ للملجه الا بعد فتره
المهم
انا هني اتعفست
على مارحت الصالون والحف والتشقير والمنيكير والبديكير
وعلى مارحت السوق واشتريت بدله مارجعت البيت والا ورجولي خلاااص تقولين الوحده دبابه
المهم يوم الملجه
على ابو انه المملج يجي بعد صلاة العصر
جت حزة صلاة العصر والرجاجيل مالهم حس
الساعه اربع ماكوووو
ماجا الا الساعه خمس يعني يااااااللله الحق ارووح الصالون
المهم خمس ونص وو كنت بالصالون
ماخلصت الا على ال8
والا اهل المعرس جاييين
يااافضيحتي
والمشكله انه بيتنا
الصاله الرئيسيه جدام الدرج مال البيت
وييين البس؟؟؟؟؟ظ
لبست بالديوانيه ههههههههههههههههه
ودخلت من باب المزرعه؟؟؟؟؟؟؟؟؟؟؟؟؟؟؟
صج عفسه
المهم
دخلت سلمت قعدت
ماحسيت الا ربع ساعه والا اسمع هرناااات
ماحس الاا قلبي يبي يطلع من كثر مايرقص من الخوف
الاخ زافينه ربعه ومستانس وانا ارقص من الخوف
المهم دخل
لبسني الدبله والشبكه
هذا كله مر على خير
بس لما شربته العصير
فطس علي من الضحك
اشربه وايدي ترررررررررررررررررررجف
لدرجه انه مسك الكاس معاي
ولما اكلته الكيكه ماشي الحال
ولما اكلني اشوي واغص مادري ليش يمكن من الخوف
عقبها قالوا يالله خليهم يروحون للصاله الجانبيه يقعدون يسولفون على راحتهم
انا اهني احس عيوني نطت لي جدام من الخرعه ادور امي ابي اقول لا مابي
بس الاخ ماصدق خبر وعلى طوووول وقف جدامي ماد ايده يعني اعطيني ايدج اقومج
وانا كششتتته وكأنه مو موجود
المسكين مدها 3مرات وانا كااااااشته هههههههههه زين ماطقني باكبر ماعنده
لما وقفت ماحسيت الا اللي شد ايدي ومسكها انا اهني قامت رجولي تصافق ببعض
ياربي مادري ليش كل هالخوف؟كلها ملجه وشبكه؟
ويوووه لما قعدنا مع بعض مافي كلمه قلتها صح كلها بدليات
بس هو طلع مؤدب ولا ضحك على اي كلمه
سوري طولت عليكم
ويوفق الجميع انشالله
بس ادعولي ماتصيري مواقف بايخه بعرسي عشان زوجي مايقول البنت هذي من وين الله جابها لي بليييييييييييز
ويالله يارب تزوج كل اللي ماتزوجوا لين الحين بالزوج الصالح اللي يتمنونه بس لاتنسوني بدعائكم
:o[/mark]

موقفي في ملجتي كان مو بس محرج الا عفن
تخيلي توه زوجي مالج علي ويوم انه قعد يمي لاول مره كانت فيه مصوره تاخذ لنه صور جان يقول زوجي للمصوره " تعالي صوري أمي اهم شي أمي تطلع بالصوره " طبعا انا اصدمت من هالكلام وانحرجت جدام الناس لما اسمعوه يقول جذيه بذمتكم مو جان حلاتها فلعته بالمزهريه اللي يمي ؟؟؟

عاشقة الجوري50

انا عشان احتاط ماراح اعملها ....

وانا مو سمينة ولله الحمد ...

الله يمرر ليلة العرس بخير



:D2:D2:D2:D2:D2:D2:D2:D2:D2:D2:D2

اختي ليلى
ههههههههههههههههههههه قسم بالله ضحكتيني اهم شي امه
لو مكانك فلعته
هههههههههههههههههههههههههههههههههه

مواقف حلوه الله يهنيكم

هههههههههههههههههههههههههههههههههههههههههههههههههههههههههههه

حلوه اهم شي امي

هههههههههههههههههههههههههههههههههههههههههههههههههههههههههه

انا في ملكتي...كنت ارتجف ارتجف

ويوم جينا نلبس الخواتم
جا بيلبسني وامد له اليمين وشوي قالت اخته لاالمفروض اليسار وبعد مالبسني للمره الثانيه قالت امي لا لا اليميييييييين ههههههههه

واحنا زي المخدرين يقولون وننفذ وويوم جيت انا بلبسه شوفوا التنااااااااااااااااااااحه

قلت وين البسك في اي يد؟؟؟

وبعد ماطلعت الصور طلعتتتتتتتت المفااااااااجأأأأأأأأأه

انا لابسه الخاتم في اليمين وهو في اليسار

ههههههههههههههههههههههههههههههههههه

شككككككككككككككككككككككككرا

الله يسعدكم يا بنات .. ...

ضحكتوني ... هههههههههههههههههههههه

وين العرائس ... لش وقفتو ...؟

:clap::clap::clap::clap::clap::clap::clap:

اش فيكم بنات محد دخل من زمان ليكون مسافرين أو مقطوع النت

على العموم في سالفة صارت وأحب أذكرها

صديقتي يوم ملجتها كان أول مره يشوفها بس جرئ (ما أحب الريال الجرئ من أول ليله)
وهي حفلتها في البيت عاد جلس جنبها ويبغي يمسك يدها
وهي مب راضية >>>>>> مستحية البنية :o

جان يقوم ويسحب يدها والكل يطالع مستغرب

لا ويقول لها

اش تتصورون











إيقول لها دافع فيج ما أمسك يدج :eek2:

كلش مب حلوه هالكلمه

لكن الحين هم عايشين سعداء وايد وخلفوا صبيان وبنات :clap: