علامات الولادة بينت عندي .. بس محتاجة اجوبتكم لا تتأخرون علي

آه صحيح معلومة سمعتها من الأخوات المجربات

لما ييجي وجع الولادة حاولي تاخذي استكانة أو فنجان قهوة من ماي الورد وينحط معاه زعفران

يقولون يساعد على تسهيل الولادة وزيادة الطلق

سمعتها من كذا واحدة

اخذي من وقت للثاني استكانة وربنا يسهل عليكم

مرحبا أخواتي

صار لي اتابع الموضوع من البداية ..

لاحظت اختي عيون ما دخلت صار لها فترة انشاء الله ولدت يا رب والله يسهل على الباقيات

يالله عيون و الاخت جيمي والمخلصة الكل ينتظر والله الميسر بشرونا عاااد . بس اختي عيون انصحج تمشين بس. واذا حسيت بألم اخذي ماء مع زعفران.

ربي يسهل عليج ان شاء الله أختي عيون ...

انا بعدني هني :down: اشكركم على اهتمامكم .. ربي يوفقكم كلكم ان شالله... :)

انا اظن المغص اللي ايني ويروح من زيت الخروع الي شربته امس في الليل ... لاني احس بنفخة في بطني وعقبها بطني يمشيني عزكم الله.. واحيانا اقول لا هذا طلق لان فيني الم في الظهر... كل شي بيبين في الليل ان شالله...

اختي المخلصة امشي من اللحين وان شالله ما تتأخرين في ولادتج...

عزيزتي الرقيقة انا ما نزل مني ماي ولا شي بس هذاك الدم المخفف مرة وحده وعقبها خلاص.. وماشي الم عشان اسير..:sad: غير جي الاغلبية قالوا لي انه من الفحص نزل..

بنت فلسطين.. ماي الورد يشربونه جي من غير شي؟؟ احسه وايد ثقيل.. وغير جي متى لازم اشربه؟؟ وقت الطلق واللا اي وقت عادي؟؟ غير جي ما يسبب اسهال؟؟؟

اشكركم ودعواتكم

السلام عليكم.......اختي الحبيبه عيون تدرين ليش الطلق مو راضي يجيك؟؟؟
لانك تفكرين وايد بالموضوع ومخليته على طول في بالك...........حبيبتي انسي موضوع الطلق لان كثر التفكير فيه ماراح تجيب نتيجه صدقيني........الوقت الي الله سبحانه كاتب للولد يطلع فيه بيطلع صدقيني ماله داعي تحاتين...آنا اقول حاولي تلهين بدراستك ولا تفكرين بالموضوع وخلي الطلق يجيك طبيعي ويفاجأك وانشالله امور الامتحانات كلها تتدبر والله يسهل عليكي وعلى الجميع يارب

عزيزتي noraleslam
والله ما تتخيلين كيف اطنش ... وهالدراسه كرهتها من كثر ما انا ذابحة نفسي فيها ... الألم الي فيني رغم انه خفيف بس يتعب ... طاقتي تروح .. شو بسوي وقت الولادة ؟؟ يعني احس بتعب بارهاق دوم .. لأنه شي بطيء .. وصار له قرب الاسبوع فيني .. لو ابا انسى ما اقدر انسى .. لانه ماسكني طول الوقت ...

انا افكر اني اسير مستشفى خاص ( دار الشفا) واخلي الدكتورة تكشف علي او تسوي سونار .. وبخبرها عن كل شي فيني .. على الاقل بتسمعني و بتخبرني لو في شي يحمي الطلق اسويه .. مب مثل المستشفى يطلعون الكلمة بالموت كأننا نشحتها ..

والله تدرون شي .. امي مرة كان طلقها جي خفيف بس تعبانه وايد .. في المستشفى دشت عليها دكتورة وقالت لها بسوي لج شي يحمي الطلق بس لا تخبرين حد من الدكاترة .. والله واتقوم اتدخل يدها وما اعرف كيف حركت يدها او البيبي .. ومن عقبها وامي تقول الطلق عندها صار نااااار ورا بعض :D2 وربت الحمدلله .. واخت ريلي دكتورة بعد اتقول في دكاترة جي يسوون حق الحريم ..

والله العالم شو بيصير

بنات لو صار جماع اليوم :o عادي ؟؟ بالذات بعد ما نزل لي هذاك الدم ؟؟

خبروني بلييييز

الله يسههههههههل عليج ويفكج من الامتحانات

اعتقد عادي لأن كد قريت ان الجماع في الشهر الأخير يعجل من الولاده.....هذا والله اعلم....اتأكدي من حبيبه و فوانيس

هيه انا بعد قالوا لي هالشي .. وفوانيس ما قصرت بعد .. وحبيبة قالت نفس الشي .. بس انه في منه خوف ..

الله يستر .. انا في الانتظار .. اشوف متى بيشرف ولي العهد :)

ماي الورد ينشرب جي نعم بدون تخفيف

وكلها فنجان قهوة يعني ابلعيها مثل الدوا ويكون منقوع فيه زعفران ولو ما فيه زعفران عادي مو قضية

المهم ماي الورد نفسه يحمي الطلق

وينخذ لما ييجي ألم الطلق .. جي أسمع من اللي مجربين .. مو قبله

يسبب إسهال؟؟!! .. يقولون ما يسبب إسهال لكن لو سبب ما بيضر بالولادة

يعني اللي أعرفه إنه اللي تولد تاخذه وهي بالمستشفى قبل الولادة علشان يزيد الطلق ويوسع فتحة الرحم ويكون فيها طلق أصلا

وربنا يعينك

وأنا أقول لك مثل ما قالت لك الأخت بصراحة لا تحاتين الولادة وايد ترى بتتلعوزين .. لا إنتي دارسة ومخلصة ولا انتي والدة ومخلصة

اتركيها لله وركزي بالدراسة ولما يريد رب العالمين راح ييجي البيبي

والحركة اللي تقول عنها الوالدة بعد أنا سمعت عنها .. تقول لي واحدة هذه حركة تنفض الجسم نفض

وتساعد على توسيع الرحم .. يعني اللي تكون 2 سم يخلونه 4 ونص بهالحركة

وربنا يسهل عليكي وتولدين بالسلامة

شخبارج عيون اليوم طمنينا عليج، بالنسبة للجماع عادي وهو زين لانه يسرع الولاده، انا بعد انصحج اتروحين مستشفى أو عيادة خاصة وحاولي تعملين سونار اذا الجنين اوكي خلج على ما انتي عليه وإذا فيه تعب عليه روحي لهم خله يحطون لج طلق صناعي اهم شيئ صحة الجنين.

الله ياخذ شي اسمه جهاز التخطيط .. قولوا آمين ... :mad2:

ويهدي الدكاترة الي ملوعين بجبودنا ...

تدرون انا كنت في المستشفى من شوي .. مب قادرة ايلس من الألم .. ظهري يتقطع وبطني وشد في ريلي .. تعبت وانا يالسة في الكلاس .. قلت خلني اسير لأنه الويع ازيد عن كل مرة ..

سرت.. سوا لي الفحص الكريه .. وعلى ذاك الويع قالوا لي .. بعده 2 سم الى 3 سم .. في هالحدود مت من القهر مكاني .. وسوا لي تخطيط .. والله العظيم وانا يالسة اتقطع من الألم وانقباضات قوية .. التقلصات تطلع في الجهاز صفر

يعني لو 10 كنت ببلعها لكن صفر .. شو ها .. والله هلكت .. لا والدكتورة في كوم بروحها .. اونه اتقول ترا مب زين كل شوي نيلس نفحصج نخاف الجنين يتأثر بمادري شو .. قالت لما تحسين انج ما ترومين تتنفسين تعالي .. اتخيلوا

يعني انا شكلي بربي في البيت ان شالله لأنه لاعت جبدي .. الويع اليوم غير والله انه غير عن كل مرة ... والافرازات زايدة .. هم مقتنعين انه عادي لأنه اول بيبي .. ماخذين انه البجر تتأخر ما يهتمون بالويع .. اونه بس كل ما يكون كل 5 دقايق تعالي ..

شو اسوي .. ولادتي ليش جي بطيئة استغفر الله .. والله اني تعبانه .. لو اني في البيت بتحمل لكن انا في الجامعة وهالآلام فيني .. شسوي ياربي .. :cry:

ادري اني عقدتكم .. بس انا اتعقدت اكثر ونفسيتي تعبت من الويع .. انا مب سايرة مستشفى خلاااااااص .. لين على قولتهم احس اني بموت بسير ..

هذا هو اليديد الي عندي .. :sad:

عزيزتي بنت فلسطين .. هالحركة ياريت يسوونها لي لكن للاسف ماظن

وعن ماي الورد .. اعتقد انه هو نفسه ماي الورد العادي مافي منه انواع .. شكلي اليوم بشربه .. والله المستعان .. استويت حقل تجارب كل شي جربته .. والجماع بعد ياحسرتي مب دوم يفيد .. انا خلاص هلكت والله لو يطوف موعدي وبدون هالتعب عادي ... لكن كل هالتعب واخر شي يقولون ماشي ولادة هني الهلاك

عيوووووووووون اتوقع اليوم بكرة بالكثير والده بشرينا عااااااااااد.

:D2 عيل لج البشارة يا بحرينية عسل ..

يالييت يا بنت الحلال لو باجر .. لكن والله ما يندرى شكلي بكملي شهري وزود .. الله يسمع منج

ياعمري يا عيووووووون والله رحمتك


بدعيلك من كل قلبي

:sad: صباح الخير انا هني بعدني ..

اكسر الخاطر والله .. :cry:

حالتي :down: الألم كل يوم يزيد بالتنقيط

يا حياتي الله يفرجها عليج ان شاء الله يارب
ويسهل عليج ان شاء الله

ان شالله آمين .. ويرزقكم ربي ان شالله بالذرية الصالحة