علامات الولادة بينت عندي .. بس محتاجة اجوبتكم لا تتأخرون علي

مشكورات خواتي على ردودكم الطيبه وعسى الله يرزق كل وحدة مننا ساعة سهله آمين ..

توني كنت امشي .. بس مشيت ربع ساعة لاني تعبت .. والظهر مشيت في المول ساعة كاملة ..

فوانيس مشكورة حبيبتي .. شكلي بشرب خروع اللحين .. ودعواتكم انه يساعدني مب يبهدلني ..

الله يسهل عليج يا رب ولا تنسن تدعين لنا :)

اختي لا تشربين الخروع كل يوم على الاقل كل ثلاث ايام حتى الدكتوره زينب تقول هالكلام...

واذا ياج الطلق اتحملي تشربين الخروع عشان ماتسوينها في غرفة الولاده اشربي زعتر بداله على الاقل مايسوي اسهال مثل الخروع...

خاينه ما احبج خـــــــــاينه

انا بعدني تعبت صارت نفسيتي صفر
لدرجه ان ريلي قعد يقولي لو سمعت وحدة تكلمج و تخوفج عن الولادة والله بضارب وياها حتى لو كانت اختي
و هو مب مقتنع من الخروع يقولي من اسمه يلوع بالجبد كيف بتشربينه

عيون حبيبتي اتحملي بعد هاذا كله من ربج مو انتي الي تحددين الموعد

والله يوفقج ويسر امرج

انا موعد ولادتي 6_10يعني خلااااااااص واصله حدي من الثقل ودي اربي اليوم قبل باجر

بس يالله الله كريم


jami

سالفة ريلج نفسي لانه انا اول مره والكل الله يسامحهم يخرعوني شنسوي حريمنا

مشكلتهم مايركزون الا على الاشياء السلبيه في الولاده للاسف والله يسهل عليكم وعلي ان شالله.

مشكورات خواتي على تفاعلكم وياي :smile: البارحة شربت الخروع .. صار لي 3 ايام ورا بعض اشربه .. بس انا احط ملعقة كبيرة ما ازيد .. وتوني الصبح اقول حق ريلي خلاص ما بشرب مرة ثانيه ..

الحمدلله صح انه يسوي لي اسهال .. بس مب وايد .. يعني من ادش الحمام عزكم الله مرة وحدة ما ارد ادش مرة ثانية ..

والحين الصبح حاسه بشد في ظهري .. يعني عسى خير ان شالله ..

جامي شو اسوي حبيبتي .. شدراج يمكن انا الي صار لي هذا كله وما اربي .. والقاج انتي ربيتي قبلي :cool2: انتي امشي وايد..

واطلعي وانزلي على الدري .. حسيت هالشي مفيد وايد .. وبعدين قبل انا كنت اشرب الزعتر كل يوم .. جربي ..

والله يسهل علينا كلنا ان شالله

تعرفين انا ما عندي فكرة عن هالشغلات بس احب ادعي لكم ان الله يقومكم بالسلامة ان شاء الله

وتبشرونا عنكم

طمنينا عليك حبيبتي 3yoOon_AD

3yoOon_AD
ايش رايج اني كنت اروح المستشفي واكون 5 سم وماعندي اي ألم وكنت اوصل 6 والممرضات ايحكون راسهم من الصدمه لأني ما احس بأي الم فيضطرون يفتحون لي كيس الماي ويحطون لي طلق صناعي وهني عاد احس بالوجع العدل
روحي المستشفي

عيوون انا من يومين وأنا قاعده اتابع مواضيعج واقول ماأدري ربت والله لحين.

بالنسبة لنزول الدم انا صادني في ولادتي الثانية وكان اصلاً فيني الم خفيف وبعده بإربع ساعات ( من نزول الدم ) ولدت. بس قولي لي انتي فيج بنت والله ولد إذا بنت عادي دايماً الي اعرفهم فيهم بنات يتأخرون بعد علامات النهائية للولادة.

يالله انشاء الله تبشرينا قريباً بولادتج.

:eek2: سبحان الله ..

بس المشكله يبهدلوني .. التخطيط ما يبين انه في الم .. والفحص اخر مرة 2 سم .. وانا اشك اني اكون من هالنوع ..

اقول ياربي انا كيف بعرف اني لازم اسير واللا لا ...

على العموم انا فيني ويع خفيف الحين و عسى افتك ويزيد

بحرينية عسل ... مشكورة حبيبتي وربي يسمع منج واربي .. .

انا فيني ولد ان شالله .. والله ما اعرف شو بيستوي بي .. يعني هالياهل يعطيني اشارات وعقب يهدي اللعب :D2

:smile:

اهلييييييييين عيون

للحين ما ولدتي.. ان شااااااااااااااااء الله تولدين

اليوم وتقومين بالسلامه :)

والله شقولج يا عسوله .. انا صرت ما اعرف شو فيني .. لدرجة اني حاسه وقت الويع ما بعرف انه الم ولادة وما بسير المستشفى :D2
لأن الحين انا فيني شد في ظهري احس ماروم ايلس منه .. وبطني يشد كامل على فوق .. ومب عارفة شو اسوي غير اني اصبر واتريا .. وعسى خير ان شالله ..

وغير الضغط الي تحت .. يارب اني اظهر الحين من الجامعة واسير اربي على طول قولوا آمين :D2

بنات بعد شي وحدة من ربيعاتي قالت لي عن حركة مادري ان سمعتوا عنها واللا لا ..

قالت لي انه شي وحدة من هلهم كانت في نفس حالتي وقالوا لها ما بتربين لين تقريبا كم يوم جدام.. وقامت هيه وتمت تحبي وايد .. نفس الياهل وعقب ساعتين قامت تصرخ من الويع ...

حد منكم سمع عن هالحركة ؟؟ انها تسرع الولادة واللا لا .. افكر اسير اسويها :D2

سلامتج عيون الله يسهل عليج ان شاء الله وتربين اليوم ..

اما بالنسبة للحركه هذي اول مرة اسمع عنها ..

انا اعرف ان وضعيه الحبو زينه بس ما ادري ان الحركه فيها و الحبو يساعد ولا بسويها تعبت امس سرت امشي على البحر و بعدني ما احس بالالم بتخبل كيف الدكتورة تقول فيني ويع و ما صار شي لحد الحين

والله ان مانصح اي وحده تستهتر خاصة اذ نزل معها دم او شي لونه اخضر او ماءءءءء
لانه اذ مارحتي المستشفى يمكن هالي نزل شي من المشيمه او الطفل مختنق وينزل هالاخضر او الماء يقل من الرحم
وهذا خطرررررر

وبالتوفيق

لاااا انتبهي الحبي ينفع للي الجنين مقلوب يعني وضعه مو صح
راسه فوقه ورجيله تحت يساعد الحبي ان الجنين يعدل وضعه فقططططط

فاخاف انتي تحبين وبدال ماتجي الولاده ينقلب ويصير راسه فوق لا سمح الله انتبهي

عيوووون اشحالج انا اليوم داخلة المنتدى حتى اشوف ربيتي ولا لأ الله يسهل عليج
بنات بغيت اسألكم عن الله يعزكم الامساك أنا موعدي في 7-6 وهالامساك والله دابحني شو تنصحوني اشرب وعلى فكرة انا لين الحين مابديت امشي لأنه بنتي كان عندها امتحانات وكنت خايفة اربي قبل ماتخلص واليوم آخر يوم الحمدلله بس هل تعتقدون ادا مامشيت بيأثر على تأخير الولادة جاوبوني الله يسعدكم:think:

يا الله .. عورتولي قلبي

الله يسهل عليكم .. صرتوا مجموعة تنتظر تربي

يالله يا عيون صرتي خبيرة ولما ييجي موعدنا بنسأل عن كل شيء صار معاج وشسويتي

الله يهون عليكي ..بس شكلك راح تولدي بعد الامتحانات .. :D2

مو لازم تأقلمي نفسك على كل شي

ألحين ادرسي وربنا يختارلك اللي فيه الخير

عادة البكر تتأخر لو كان حملها طبيعي وما فيه شي

يعني لا ضغط ولا سكر مصاحب للحمل فما يحتاج التوليد المبكر

هيك بسمع بس ما يندرى

الله يسهل لكم أموركم ويرزقكم ولادة سهلة ويقر عيونكم بشوفة النونو