الزعتر والأسهال والمغص..كل شي فيني

انا قمت اتخيل حمام عربي و اقعد و انش بس 3 مرات و احس اني ما اقدر اتنصخ اوقف

تصدقين انا احس الصلاة وايد مفيده سبحان الله توني الاحظ هذا الشي فيها تقريبا كل الحركات اللي ينصحون فيها يعني السجود و الركوع حتى يوم بتنشين و تقعدين

الظاهر الخوات الله سهل عليهن

يارب أتسهل عليهن واتفرحهن وتقر عيونهن

يااااااااااارب آميييييييييين ...

صدقج يا جامي الصلاة زينه حتى احيانا احس بتعب واستانس .. اقول ان شالله هالشي يساعدني عند الولادة

عيون وجامي

ما ااوصيكم بالمشي امشووووووووو وايد عشان ما تتاخرون في الولادة اربيعتي عطوها موعد
12-5 وهي كسولة كله يالسة وما تمشي وطاف موعدها والدكتورة قالتلها بعطيج فرصة هالاسبوع لو ما ربيتي بعطونها طق صناعي


انا كان موعد ولادتي15-5- بس ما شاء الله ربيت30-4 بس كنت امشي واااااااااااايد

انزين الغالية ام مهرة كم كنتي تمشين ؟؟ :pain: انا تقريبا امشي كل يوم مرة نص ساعة مرة ثلث ساعة ومرة ساعة بس ما كثرت اكثر عن جي .. :sad: اتعب ما اقدر ...

وغير جي مادري اذا لازم يكون مشي سريع واللا بطيء واللا كيف ؟؟ لاني انا مرة جي ومرة جي

انا امشي بس نص ساعه لان ريلي هو اللي يتعب ههههههههههههههههههه

بس انا اكون بعدني ما تعبت

يعني شو المدة اللي لازم نمشي فيها انا اليوم قعدت اصيح ههههههه ياتني حاله نفسيه

كله اضايق و صرت عصبيه مسكين ريلي ما يروم يقول كلمه الا عصبت و زعلت

هلا بنات....

والله سولفكن تذكرني بعمري يوم حامل في بجري سيف....كنت مثل الخبلة ايلس ويا عمتي طول الليل وانا في التاسع وايلس اسألها هلكتها من الاسئلة....

المهم حبيباتي والله انه بتشوفن الولادة والطلق يكون مثل الحلم الحلو يعني بعد تعب والام تلقين شي منج بين ايديج في لحظه ..والله تكون لحظه احلى منها ماشي تبيعين العالم كله وتشترين هاي اللحظة بعمرج..... وتيلسين تضحطين على عمرج شو سويتي حزة الولادة شو قلتي شو خرفتي وعادي ريلج يضحك عليج بس طبعا يكون حابنج زيادة وزيادة وده ياخذج وتطيرين وياه انت والبيبي...

انزين وايد رمست اتذكرت عمري بعد الولادة فحبيتكم تشاركوني

بخصوص الرياضه انا اول مرة اسوي 10 مرات عقب شوي شوي ازيد طبعا لا تجهدين عمرج اللي ترومين عليه سويه.....
وبخصوص ال 4 اصابع يكون من تحت الصدر على طول حطي ايديج وشوفي اذا قياس 4 اصابع هذا يعني انه بطنج نازل امشي شوي زيادة والله بيسر عليج انشاءالله و بتولدين ولادة سهلة انشاءالله.

يقولون الحامل بالولد تربي قبل الموعد ةاللي بالبنت نفس يوم الموعد ولا اتطول بس انا ما اؤؤمن بالشي هذا لانه الميسر الله ....انت اخذي بالاسباب والله المسهل انشاءالله...

اهم شي انج ما تصرخين في الولادة لانه طاقتج وقوتج كلها تروح في الصريخ....

تمي قولي يالله ..يهرب...يا ميسر....واقري اية الكرسي والمعوذات ...والله انا الحمدلله عن تجربه اتكلم... الخمدلله ولادتي في الاثنين كانت سهلة لاني متوكله على الله واذكره على طول...

سوري على الاطالة....الله ييسر عليكن يياااااااااااااااااااااارب

ماشالله عليج ماما سنفورة ترفعين معنويات الواحد :up:

والحمدلله رب العالمين انا دوم ادعي الله ... وربي يسهل لنا كلنا ان شالله ..

البارحة سويت هالتمرين.. واخر شي تعبت حسيت عضلات ريلي اشتدت :D2

جامي حبيبتي ماشي وقت معين لازم تمشينه .. اهم شي تمشين وخلاص .. عشان تحركين عضلات الرحم ..

بس انتي سالفة بعدج ماربيتي .. ان شالله تربين اليوم قولي آميــــــــــــــــن

ههههههههههههه بعدني اقاوم ما ربيت ولا ياني ويع شي ابد

امسات سويت تمرين الحمام ريلي يقولي شو الاخت مستويه ضفدع :angry:

اليوم خلاص بمشي ساعه او لين ما احس اني تعبت

السلام عليكم .. خواتي الحمل .. :smile:
انا سألت امي الخبيرة الله يخليها لي ..اتقول ان امهاتنا الاوليين كانوا يشربون (الحلول) وكان ينفعهم.. ونصحتني اقولكم تشربونه في التاسع وامشي بعدها .. لانه يسرع عملية الولادة ويخفف عليكم الانتفاخات ...

والله يسهل علكم.. يا رب

انا كنت امشي نص ساعة او ربع ساعة الي اقدر عليه ما كنت اهلك عمري بس مع التعود بروحج بترومين تمشين وايد

عزيزتي ام خلفان .. ربيعتي خبرتني مرة عن الحلول .. بس انا الله رزقني بأم خوافه .. :pain: وتخليني انا اخاف مثلها ...

لانها تقول كيف تشربين شي وانتي مافيج طلق ؟؟ تخاف انه يزيد الويع علي وماينفتح الرحم عندي ..

يعني الحلول يسرع من الولادة ..؟؟ لو شربته اليوم مثلا اربي باجر واللا بس الوحدة تشربه وقت الطلق ؟؟

تدرون شي والله انا احس انه فيني طلق خفيف .. وصار لي وايد على هالحال مب راضي يزيد :sad: ها الي متعبني اكثر ..

جامي .. تدرين اليوم سرت ايوب وحصلت كنادير خفاف مع قماطاتهم ...:bigsmile: تذكرتج كنت باخذ لج بس المصيبه كيف اوصله :D2

عيون تسلمين ما تقصرين انا شفتهم و قعدت اتشاور اخذ لا ما باخذ اخذ لا ما باخذ

و قررت اني ما اخذ و اذا حسيت اني محتاجه بسير اخذ


انا مرة قلت حق امي ابا حلول قالت عندي حلول من الصيدليه اخافه ما ينفعج خوافه طالعه على ام عيون هههههههههه
و عمتي قالت انا ما بعطيج شي مالي خص خوافه ثانيه

السلام عليكم .. انا وحدة يديدة في دوري الحمل والولادة .. بعدني ما اكتسبت الخبرة فيها.. بس عندي خبرة ويا خواتي .. وكنت دايما اسمع امي اتقول ان احسن شي لتسهيل الولادة شرب (الحلول) وبعدها المشي وامي اتقول ان الحلول يخفف الاورام الانتفاخات الزايدة إلي في الجسم .. وتنصح شربة بس في الشهر التاسع ..


وانشاء الله .. الله بيسهل عليكم الولادة وبتربون بالسلامة

هيه بس المشكله امج تشربه وقت ما تحس انه فيها طلق واللا قبل عادي ؟؟

البارحة احاول اقنع امي هاوشتني :sad: قالت لي ايلسي العبي بعمرج انتي .. من الله يباه ينزل بينزل ..

وعطتني محاظرة شكبرها .. تخاف انه يصير شي مع انها تعرف حريم يشربونه بس ما تأمن تخليني اشرب..

تدرون شي بنات :pain:

اليوم وانا في الجامعة كنت يالسة فحسيت انه شي نزل مني دفعه وحدة وكان حااار شوي .. وقوي وهو ينزل .. خفت :pain: قلت ليكون بتوهق وبينزل الماي علي وانا في الجامعة ...

واتريت 5 دقايق ورد ونزل مني مرة ثانية بس شوي اخف عن المرة الأولى ...

انا شكيت انه ماي لأني قريت انه الماي ينزل شوي شوي اول بعدين ينهد مرة وحدة ..

ولما جيكت في الحمام ..عزكم الله .. حسيت انه شي نفس الافرازات بس مخففة اكثر من قبل ... ومادري اذا هذي بداية نزول الماي واللا لا ..

امممممممم.. امي قالت الوحدة اول ما تدخل التاسع تبتدي تشرب الحلول .. وبالعكس مايضر ... وانا دايما اسمع من الدكتورة زينب إلي ولدت تقريبا 1/2 حريم دبي كلة تنصح بالحلول عشان تسريع الولادة ...والله اعلم.. بس لا اتخافين .. الله بيسهلها عليج وبتربين بالسلامة.. ولا تستعجلين على نفسج..

مشكورة الغالية ام خلفان ..

انا باجر عندي موعد بسأل الدكتورة عنه عشان امي تقتنع ... احسن حل .. .

هاااا...

طمنونا على عيووون....

ربت ولا لأ...؟؟؟

:D2 انا بعدني هني ... وراكم وراكم والزمن طويييييييل :D2

بس جامي مادري وينها .. من البارحة ما بينت يالله عسى تكون ربت ان شالله ..

اليوم كنت في المستشفى عندي موعد والالم قاص ظهري نصين اما بطني الم خفيييف .. بس ظهري وايد متعبني ما اطيق عمري ما اقدر ايلس ..

سووا لي تخطيط طلع مافي ويع :down: لكن وقتها انا كنت اتألم والله ما اثق بجهازهم ما دري ليش ..

قالت الدكتورة تبيني افحصج قلت لها لا ... مافيني اتبهدل ..

والحين الوجع مستمر فيني متعبني والله .. والله يسهل ان شالله ..