الزعتر والأسهال والمغص..كل شي فيني

باجر موعد ولاتي و ما فيني شي و الويع اللي كنت احس به قبل كم يوم شرد و ما رجع

بحاول اليوم امشي ساعه و اسوي تمارين

:D2 الله لا يوصلني هالمرحلة ان شالله .. والله ما احاتي شي كثر ما احاتي اني بطوف موعدي .. لأن بتضيع علي امتحاناتي :cry:

يالله عسى ان شالله تصبحين مربية يا جامي .. آمـيـــــــــــــــــــــــــــن ... وانا عقبج على طول ان شالله ..

ههههههههههههههههههههه
قمت اقول حق ريلي ان شاء الله تنش الصبح و ما تسير الدوام يزيغ يقولي ليش ما اسير الدوام ؟؟ اقوله توديني المستشفى هههههههههه

يقعد يقول بابا لا تطلعين لعوزي ماما :mad2:

:D2 عيل انا ريلي عكس .. يوم اقوله فيني ويع خفيف .. يقول يارب يزيد يارب يزيد

اقوله شو تدعي علي :D2 يقول لا عشان تربين بس ...

عندي سؤال ثاني ... انا لما كنت في الثامن الدكتورة قالت لي راس البيبي تحت .. وسألتها ان كان في الحوض قالت لي هيه ..

وانا قريت في المنتدى انه البيبي ينزل في الحوض من الاسبوع 38 .. يعني يصير ينزل قبل وللا لا ؟؟

وغير جي امي وكل الي يشوفوني يقولون لي بطنج فوق مب نازل.. وانا احسه عادي لا نازل ولا مرتفع .. :pain: فشو السالفة .. وهل لازم يبين هالشي واللا لا ؟

انا عن نفسي عمتي كله تقولي بطنج نزل و من اول ما لاحظت و هيه تقولي ياج الويع ؟؟ تحسين اب شي ؟؟ لين ما طار الويع ههههههه


بس ما ادري حرمه اخو ريلي كانت حامل قبل 6 شهور و بطنها نزل و خافت تربي في رمضان و كله كانت تدعي ان شاء الله ما تربي الا بعد ما تصوم رمضان كله و ارتفع بطنها سبحان الله و ربت في العيد بس ما كان نازل يعني يمكن شكل البطن مب مهم وايد دامهم قالو لج ان الراس تحت اظن هذا اهم شي

ممكن والله .. الله يعلم .. بس صدق انا هاليومين احس بضغط رهيب على تحت .. لا ارادي احس اني ابا اضغط على تحت ...

ونفس الشي كل يوم اقول شكلي بربي ولا يصير شي .. :D2

جامي انا متوقعة لج انج ما تكملين الاسبوع هذا اللا مربية ان شالله ...

ونتريا البشارة

حبيبتي عيون الله يسهل عليج ولادتج لاني حاسة فيج الله يكون في عونج

اما سالفة البطن ما نزل انا يوم ربيت بطني ما نزل ولا شي وربيت

اما انا شربت الزعتر يوم شفت ينزل مني شي نفس الزلال شربت الزعتر وعقب 3 ايام بالضبط ربيت

والدكتورة قالتلي لا تشربين زعتر لين ما اتكونين في الاسبوع 37 عشان البيبي يكون مكتمل فديتها

وعن الخروع انا ما شربته لانه بطني مشاني طبيعي يمكن من الخوف الي فيني والله

والرياضة الي ذكرتها سنفورة سويها لانها زينه يقولون اتسهل الولادة وتخلي راس البيبي تحت

فالله يسهل عليييييييييييج ونسمع خبر ولادتج قريبة وتقولينا القصة وكيف كانت ولادتج

مشكورة الغالية ام مهرة على هالمشاركة الطيبه منج ..

انا صار لي اسبوع الحين اشرب الزعتر عادي .. وايني الويع ويسير .. والله البارحة حسيت بألم قوي .. بالذات لأنه صار في جماع :o وانا كنت متعمدة عشان ادري انه الجماع يسرع بالولادة ..

والله ايسر .. اما الخروع انا ما افكر اشربه بس الزعتر هو الي امشيه عليه ... اما الافرازات فيني وايده .. احس دوم اني رطبه .. واقول ليكون نزل مني دم واللا ماي اربع اشيك .. والقى انها افرازات احيانا تكون شفافة واحيانا تكون بيضا ..

عيون لا تقولين اسبوع قولي عساج اليوم قبل باجر ...

انا اليوم موعد ولاتي و ما في شي بس حركه البيبي و بس

و الالم اختفى و ريلي كله يقولي الهدوء قبل العاصفه و سألت مرت اخوه قالت انا اختفى عني الويع و بعد كم يوم ربيت و ياني الويع بدون مقدمات ...


و اليوم ابونا محد و ما مشيت بنتظر التاريخ الثاني و باخذ موعد في المستشفى ادعولي تعبت و كل ربيعاتي يتصلن ها ربيتي ؟؟ اقولهن شرد الويع من الزنه و الحنه بس لحد يتصل حتى امي قلت لها لا تتصلين يوم بقولج تعالي بوظبي شلي عباتج و تعالي و انتي ساكته ههههههههه

عيون....حبيبتي الرياضة اللي قلت عنها تسةى من اول ما تدشين التاسع.....

بعدين سالفة البطن نازل....حطي ايديج تحت بطنج وقيسي...اذا قياس اريع اصابع بالعرض نفس حرف E بس باربع اصابع مب ثلاث ...هذا يعني انه بطنج نازل....

انا عن نعسي في البجر يوم كنت اصابعي وشفت انه قياس اربع اصابع كان بطني نازل ريبت في نفس اليوم.... بس في ولدي الثاني كان بطني عادي وربيت ....يعني مله خص مش دايمه تضبط هاي السالفة....

بس انا انصحكم بهاي الرياضة انا وايد نفعتني ...انا ما اكمل 2 اسبوعين من التاسع الا وانا مربية ...

بعدين ساعات يقولون انه البنت تطول ويعها بارد بس الولد العكس..انا في عيالي الاثنين..واحد منهم بس اتويعت 3 ساعات والثاني 2 ساعتين... الولد يمسك الظهر والبطن والبنت يقولون بس البطن...

سوري اني طولت بس انشاءالله افدتكن...

الله يسر على كل حامل يارب ويرزق كل اللي تبا ياااااااااااااااااااارب....

:D2 يالله عساج يا جامي تربين الليلة آميــــــــــــــــــــــــن ...

سنفورة ماشالله عليج معلوماتج زينة ووايدة .. يعني مادري ليش حسيت من كلامج انج ما شالله صدق وحدة فاهمة .. :smile:

البارحة سويت هالتمرين في الحمام عزكم الله بس مادري صح واللا غلط سويته .. تميت ايلس واقوم بس ما اقوم اوقف كلي .. نص وقفة مادري عاد جي صح واللا لا ...

وقست بطني من تحت .. لقيتها فعلا اربع اصابع .. بس انتي تقصدين الفرق يعني اربع اصابع .. يعني من نهاية بطني لين اول بداية المنطقة الحساسة ؟.. :o

جامي صح بقولج .. سوري لو كنت دفشه بس عليج بالجماع .. دام انج طفتي موعد صح انه مؤلم ومتعب بس والله بتحسين بألم كأنج بتربين .. شدراج يمكن هالشي يخليج تربين اسرع .. :bigsmile:

هذا اللي ما اباه ههههههههههههه كارهه الجماع و سيرته و ما اتخيل بحاول اجرب

و بجرب تمرين الحمام

بس امس باليل لاحظت شي غريب المفروض ان راس بنتي تحت و امس حسيت ان شي كبر راحت ايدي يعني مستحيل هذه ريل او ايد و كان ظاهر معقوله تكون انقلبت و صار راسها فوق ؟؟؟ ليكون اربي و البيبي مرويل ريلها تحت و راسها فوق .... شو اسوي ؟؟؟

نفس الشي انا والله اكره هالطاري :D2 بس مغلوب على امري ...

اما عن راس البيبي لا ان شالله الله لا يقول انه الراس ارتفع فوق .. حبيبتي انتي ناسية انه في مقعدة :D2

انا دوم في السونار اشوف شي كبر الراس اسالهم هذا الراس يقولون لي لا هذي مقعدة البيبي ..

لا تحاتين ..

ههههههههههههههههههههههههههه ضحكتيني و الله اتخيل شكلها ما تدها امس لبرع و انا العب فيها امسحها اقول شو ها ههههههههههههههههههههههههههههه

بس بعد عشان اطمن بشوف اذا قادره اخذ موعد عن قريب او اسير عند كاميليا مرة وحدة اشوف بنتي هههههههه

سيري اذا مب متأكدة احسن بعد ... والله انا دوم اشوف ورمة فوق نفس الكورة ... اقول هذي يا الركب يا اما المقعدة .. :D2 يعني اعرف انها مب الراس ..

بس هيه كبيرة على ركب الياهل يعني حجمها معقول يكون راس بس مقعده اول مرة افكر فيها ولا حطيت هالتفكير في بالي

و انا اخر موعد سرت له كنت في الاسبوع 36 و لحد الحينه ما راجعت او سرت لاي عياده

:D2 لا حبيبتي اتطمني .. هيه يا الركب يا المقعدة بس غالبا انها مقعدة ..اصلا لاحظي .. الرفس فوق اقوى من تحت ..

يعني فوق اتحسين احيانا شي يدش بين ضلوعج .. او رفس وتيبيس قوي .. اما تحت تحسين حركات خفيفة حتى احيانا اقول احس انها اصابع اليد تكون ضعيفة تحت ..

اذا كان جي الوضع غالبا ان شالله البيبي نازل لتحت ..

ان شاء الله تحت

عندي سؤال بالنسبه لسنفورة انا ما فهمت سالفه 4 اصابع
بس عن تمرين الحمام كم مرة يعني اكررها ؟؟ يعني معدل تقريبي كم مرة اقعد و انش

انا سويت تمرين الحمام كم مرة جي لين حسيت انه ريلي عورتني وقفت ..

بس ما كنت اوقف وقفة كاملة نص نشة يعني تقريبا ... عاد ان شالله سنفورة اتدش وتوضح لنا