موسوعة المشاريع التجارية النسائية... أرجو المشاركة حتى تعم الفائدة

بالنسبه لي عندي هوايه الرسم علي الحرير ورسم الزيتي وعمل الاشغال الفنيه يعني اجيب ابجورات او صحون الاكل الساده وازينها وعندي افكار وايد وان شاء بعد ما اخلص الجامعه افكر اني اسوي لوحات واشغال فنيه وابيعها بسعر رمزي واذا زاد الطلب ارفع الاسعار طبعا(r)

بالنسبة لى بديت اشتغل عبر النت مضيفة برامج للمرأة

أنا بعد ادور شغل بس وانا ف6ي البيت اشتغله يعني علي النت مثلا وابي احد يساعدين بليييييييييييييييز

الي تقدر تساعدين وياريت ترسلي علي الخاص علشان اشوفه لان مدري من وين دشيت اهني

ومشكوووووور اختي ليمونة علي الموضوع الراااااائع ذي

جزاج الله خير غاليتي على طرح الموضوع المفيد بس حسيت من كلامج انج تبينا نفيد بعض بالافكار وحبيت افيد لاني انا عندي تجارتي في البيت فحبيت افيد

احس اهم شي السمعه الطيبه لازم اللي يشتري من عندك يفرح بشغلك لدرجة مايمنع نفسه من المدح قدام الكل وهذي احلى دعايه
وبعدها التجديد والسعر الزين يعني مو تكونن في البيت لاتدفعين اجار ولا عمال بعد اغلى من السوق ولا نفس السعر

اسمحولي ع الاطاله وبالتوفيق

السلام عليكم

حابة أشارككم باللي أسوي واللي يسونه صاحباتي

بالنسبة لوحدة من صاحباتي فاتحة حضانة للأطفال عندها ... من سن الرضاعة حتى سن 4 سنين
وفيه وحدة ثانية فاتحة روضة .... رخيصة ببيتها .... وعاملة حركات ... ورحلات وهدايا ... والناس متشجعين عليها وما شالله صاير عندها 80 طالب

ووحدة من صاحباتي ... تسوي أبحاث وتنسق ... وبسعر معقول ومناسب ... بالذات إنه القرطاسيات بدووا يرفعوا أسعارهم

وفيه كمان ... وحدة تطبخ بالبيت وتبيع ... تقول إنها كل يوم تسوي أطباق لأنه زوجها يبي كذه وبالتالي تبيع باقي الأكل وأكلها نظيف وحلو ...

بالنسبة لي مسوية لي استيديو منزلي ... أصور فيديو وفوتوغراف ... بالذات بعد ما خلصت دارسة بالجامعة ... وانتو عارفين الوظايف ... كيف عاملة ... علشان كذه ... أنا مرتاحة بأني أسوي شي بالبيت وخاصة إنه عندي ولد بالدنيا كلها ... وما ودي أخليه وأشتغل بمكان بعيد

حالياًُ ... مصممة لعبة زوجية .... حلوة مرة .... وكمان أطبع على البلايز ... وعلى الأكواب ... ورح أسوي موضوع خاص عن هالشي قريباً إن شالله

أتمنى أكون أفدتك يا أختي

كمان نسيت بنت خالي تشتغل مندوبة لشركتين تجميل وتقول إنه العمولات حلوة ...

تحياتي .... هدرت وايييييييييييييييد

مشكوووره على الموضوع

بصراحه الموضوع وايد حلو
انا يخاطري في خياطه عندي موديلات دراريع وشيلات وجنط حلوه

وأبي تشجيع


بس خايفه اني اني اتوهق بعدين بالكميه الي عندي لأني أفكر أسوي معرض بالبيت


أبي نصايح من خواتي وأفكار

الموضوع جدا رائع وانا محتاجه العمل المنزلي لتحسين وضع المعيشه لكني ماعندي هوايه معينه فياليت أي وحده تعرف كيف ممكن أجد عمل عن طريق النت تقوللي
والأخت شوشو مشاكل أيش تقصدين بمندوبة مبيعات اورفليم
والأخت ثقيلة الروز ممكن أشوف تصاميمك يعني ترسليلي على الخاص ممكن اتعامل معاك ويصير بننا بزنس

اختي ثقيلة الروز ردي علي

بعد ادور شغل بس وانا ف6ي البيت اشتغله يعني علي النت مثلا وابي احد يساعدين بليييييييييييييييز

الي تقدر تساعدين وياريت ترسلي علي الخاص

ليموونة:
اخواتي العزيزات حبيت اشارك بموضوع اعتبره جدا مهم خاصة للسيدات.. وهو عبارة عن المشاريع التجارية المنزلية بشكل خاص و النسائية بشكل عام..حيث انها انتشرت بشكل سريع في الفترة الاخير و انا اعتبره بشارة خير لنا نحن النساء لعدة اسباب اولها انها تجعلنا نبدع ونطوع دراستنا فيها زائد ان الموظفة الام بشكل خاص تواجه العديد من الضغوطاات حيث عليها الاهتمام بزوجهاو أولادها وبيتهاو ايجاد وقت لنفسها ايضا وهذه معادلة صعبة في الحقيقة حيث لابد من التقصير في ناحية من النواحي المذكورة.

اما اذا استطاعت ان تجد لها مشروع تجاري مناسب ولو كان بسيطا من حيث الفكرة فانها ستجد مزيدا من الوقت لها ولاسرتها و ستشعر بأنها انسانة مبدعة غير روتينية وهو من اجمل المشاعر.وستزيد من دخلها.
لذالك دعونا نفتح باب المشاركات و تبادل الاراء في المشروعات التجارية المناسبة لنا كتنساء عربيات

و سأبدءأ بنفسي حيث كنت محتارة في اختيار مشروع تجاري: فمن صالة العاب تعليمية للاطفال…. الى محل خاص بمستلزمات النساء كافة.. الى تصميم الجلابيات النسائية.. ولكن أخيرا بدأت في مشروع المكياج من المنزل حيث اني احب المكياج والابداع فيه وقد أخذت دورة صقلت فيها موهبتي وها قد بدأت والحمدالله بعد فترة طويييلة من التفكير.
كذالك اعرف من بدأت مشروع تصميم و خياطة العباءات و الشيل النسائية في البيت
و سمعت ايضا عن فتاة بدأت مشروع حلويات من خلال البيت مثل حلويات أطايب و غيرهم ولكن مع وصفات اوروبية غريبة..


فدعونا نتبادل الاراء و الخبرات المتعلقة بالمشاريع التجارية

تنبيه: الرجاء من الأخوات عدم عرض بضائع أو الترويج لها.. وعدم تبادل الأرقام عبر الخاص أو الاشاره الى قيامها بالبيع .. والهدف تبادل الخبرات.. وشكرا..

انا اريد انشاء مشروع ملابس واريد مشاركة احدمعي اختكم ام فراس:salam:

:salam:

فراس22:
انا اريد انشاء مشروع ملابس واريد مشاركة احدمعي اختكم ام فراس:salam:

السلام عليكم
مشكورة أختي ليمونة على الموضوع اللي حيفيد الكثير من البنات

انا عن نفسي أخذ موديلات من اللباس المغربي من عند الخياط وبعرضهم على البنات في الكثير من المنتديات والحمد لله الشغل ماشي

وأفكر أعمل مشروع احتياجات المواليد لكن لسا ما عرفتش كيف ابدأ

انا عاملة مشروع عبي وشيل ... لانها هوايتي .. والان بفكر اعمل بلايز طويلة .... بس مشكلتي في التسويق .. لاني ماني متفرغة والصراحة اكره ابيع وما اعرف ابيع يعني انكسف اقول للناس ادفعوا ... هوايتي تصميم وبس ياريست الاقي وحدة تسوقلي ... فكرت اعمل نشرات ولا موقع على الانترنت بس خايفة موديلاتي تنسرق لانها مميزة ومتعوب عليها ... ايش رايكم ايش اسوي

بنااات انا عندي عدة هوايات والحين وايد حابه سالفه الخلطات للجسم وخاصه نكهات للجسم بعدة انواع بس المشكلة ماعندي طريقه شلون اعرض شغلي في النت او اشلون اسوق ياريت حد يساعدني علي الخاص ومشكورين خواتي وشكرا علي الموضوع

شوفوا انا كنت اعمل ببيع ابيجامات وقمصان النوم لكن انتقلت نقلة كاملة وصرت مسوقة عقارية ولقيت ارباحها معقولة من اي شيء اخر

موفقين ..

يارب


انا اذكر تجربتي بالنت .. لان قبل ماكان لي اي نشاط تجاري ..

وممكن الكل يستفيد منها .. ويطبقها ..

انا بديت اروج لعمتي وعطور .. وكسبت سمعه ..
عن البضاعة ,, ووسهولة الاتعامل معاي الخ .. الخ ..

المهم ..
كنت مقتصرة على هالنشاط .. بس ..

ومرة يركد السوق وما فيه طلب .. الين مرة صرت اتصفح في موقع ثاني ..

وبعض التاجرات تطلب من يوفر لها كذا وكذا ..فعرضت خدمتي انا وكثير من البنات ..

ووقع اختيار البنت انها تتعامل معاي
وجبت لها اكسسوارات .. لمحلها . . بس انا ما الزمتها بها كلها خليتها تختار ..
وكملت وبعت الباقي منها ..

وبنفس المكان سالت عن شدو كلاسيك ولقيته بسعر حلو .. وعرضت منه كمية بسيطة وطارت ..

وصرت شغالة فيه احلى ما يكون لان عليه طلب ..

وبعدين فكرت فكرة .. مههممممممممممممممممممة جددددددددددددددددا ..

انا من قطر وشوي بالامارات وشوي بقطر واهلي بقطر ..

قلت اغلب المنتجات الغريبة مو موجودة بقطر ..

وصرت اطلب من كل وحدة تعرض منتج غريب .. بالجملة ...

واوفره لبنات بلادي ..

وعلى هالشغلة ..

حتى صار كل يوم تجيني اتصالات نبي الش الفلاني يكون انا لا عارضته ولا شي

بس يقولون انه ام تركي بتلقين عندها كل شي ..

وصرت اذا شفت كذا وحدة تسال عن المنتج اطلبه وانزل له اعلان .. .. وهكذا

ومؤخرا ا ..

بديت بتجارة الجملة هالاسبوع .. ولقيتها افضل بمليون مرة ..
بس بعد بابقى ابيع المفرق ..

تجارة الجملة .. تكون لازم رخيصة مثلا ربحي يكون 5 ريال والله في درزن الكحل ..

او ريال ونص بالحبة ..
او للمنتج الغالية شوي 60 ريال ربح الدرزن كامل يعني الحبة ربحها 5 ..

بس تجيني 60 ريال ربح احسن ما ابيع حبة فيها ربح 20 والا 25 ..
60 في كل ددرزن حلوة .. وتسوى التعب ..

لان الحبة تربحين فيها بالكثير 25 ريال ..

والحين توني بادية اعرض طلبات الجملة لمنتجات بانافع ..لانها مطلوبة وجودتها حلوةوايد ..
وسعري كالعادة رخيص وربح بسيط جدا .. بس يجي مرة وحدة ولاتتكدس عنددي بضاعة ..

والله ييسر الامور

الزبــــــــــــــــــــــــــــــــــــــــــــــــــــــــدة

كل وحدة ماعندها موهبة خاصة تطلب اغراض بالجملة ..
وتبيعها على بنات منطقتها ..او مدينتها .. وتنزل موضوع .. عنه ..

ومهم تكونين بالبداية .. تتعبين .. كثير .. وتتساهلين .. مع البنات .. حتى تكونين سمعه ..
وبعدها هم بيجونج .. لين البيت ..



ايه تذكرت بعد ..

تجارة الملابس .. متعبة شوي ؟؟ ليـــــــــــــــــــــــــــــِش ؟؟
لان المقاسات تجيب المرض .. وتبقى قطع بكبدج .. لين تروح موضتها .. وتقضي على الربح ..
انا جربت تجارة الجلابيات .. ما عجبتني ..

وتجارة العطور والدخون مربحة وحلوة .. ومستهلكة ..
صرت اوزع بالكميات واتساهل مع الزبونة او اللي بتروج لي انزل لها شي بسيط في كل شي ..
يعني يكون اللي نزلته ربح لها . .

واللي ما انباع ترده لي .. بس اول باول . لان مكن يمشي عندي .

والله يوفقكم يارب ..
تحياتي

ان ابغي ان اعمل مشروع واحتاج اي من يدعمني الي كل من يعرف جمعية تدعم المشاريع اومؤسسة ارجو ان يراسلني وانا من فلسطين وامي واريد ان اصرف علي عائلتي من خلال المشروع

يزاكم الله خير على عرض هالتجارب الحلوة

وان شاءالله يلقى الموضوع تفاعل اكبر

موضوع مفيد شكرا ليمونه

مشكوره أخت ليمونه وأنا مثلج أحب المكياج وتصفيف الشعر وحلمي وأتمنى أفتح لي صالوووووووووووووووووووون وأدعوا لي يتحقق لي اللي ببالي بس مشكلتي صقل الموهبه أبي دورات مكياج وتصفيف أكثر من اللي أخذتها بس ماني لاقيه