موسوعة المشاريع التجارية النسائية... أرجو المشاركة حتى تعم الفائدة

سلام عليكم يابنات ... الصراحه الموضوع استهواني جدا وخصوصا إني توني فاتحه مشغل صغيرونو على قدي فبيت الوالد الله يحفظه ويخليه

بس بالبدايه تخبطت وايد وصارت لي وايد سوالف .. والصراحه أنا فتحته بعد ما إني طلعت من وظيفتي .. ومشكلتي مثل ماقالت الأخت دلوعة حبيبي .. إني استقبلت خياطه بالجمله فبدايتي إللي ما ربحتني شي كلللللللللللش .. وخليت أسعاري رخيصه شوي .. وقت ما كانوا العمال عندي قاعدين لا شغله ولا مشغله بس أعطيهم معاشات من دم قلبي على الفاضي :(

والحين إذا رفعت الأسعار شوي الناس تقول لااااا غااااااااالييييييييي شنو هذا

ولما يروحون حق باجي المشاغل يدفعون الضعف وأهم يضحكون

وتييلي ناس وتقولي سويلنا 12 شلاح بالقياس الفلاني وتكلفه الخام نعطيج ياه والخياط من بعد ما تخلصين .. ولما أسوي وأخلص يقولون لا مو حلو ومو عاجبنا ومانبي ندفع :(((((((((((((

وأكون إعتمدت على كلامهم وعلى ثقتي فيهم لأني ناس أعرفهم ويعرفوني وتالي يغدرون فيني :(

وتصدقون جم يوم ويوم يسوون فيني هالحركات وأظل طول الليل ما أنام والسبه هالموضوع لأن علي إلتزام بمعاشات الخياطين .. وآخر الشهر أشوف إني لازم أدفع من جيبي لأن فلانه وعلانه (الله ينتقم منهم) من بعد ما سويت وتعبت ورحت ورديت الأخوات مو عاجبهم وبالبدايه يبون أي شي يمشي حالهم وتالي يختلف الكلام :(

محتاجه نصايحكم يابنات

لا تبخلون علي فيها الله يخليكم

لا تخيطيلهم مره ثانيه .. ونصيحه يوم حد يبا يفصل عندج لاااااازم تخذين دفعه مقدما ,, عربون يعني .. جيه بتقل نسبة تغيير الراي عقب التفصيل ..

وعندي بعد فكره ..
شو رايج مدام الخياطين عندج فاضين .. تخلينهم يفصلون شنط ..

أذكر البنات أيام القرية العالمية .. يشترون الشالات الهندية اللي في تطريز ويفصلون من خامها شنط غريبه والله تكون روووعه ..

فإنتي خلي عندج مصمم شنط أو حتى بروحج إرسمي أو راويهم الصوره .. واشتري خامات وابتكري .. واعرضي كم عينه عندج في المحل وعقب فصلي على الطلب ..

بتحصلين إقبال هائل ان شاالله

بس اهم شي يكون عندج اسم ماركه ولا تحطين اسم اجنبي حطي اسم بدوي ..

شي مميز يعني


والله يوفقج ويوفق الجميع ..

مشكووووووووووووووووووووره اختي ليمونه موضوعج وايد حلوووووووووووووووووووووو

وان شاء الله كلنا بنشارك

وانا ارشح مشروع الدخون المنزلي

والله فكرتج روعه يا ثقيلة الروز ....

وفي ناس تفصل عندي شنط .. وشيل ... وأنا الله يسلمج لما الخياطين يكونون فاضيين أخليهم يسون شيلات :)

وماشالله الشيلات كلها تطييييييييير .. لأن هالأيام كلها الناس تبي شيلات والدارج طبعا كله شيلات هالأيام .. وأول دفعة شيلات خليتها باللون الأسود لأنه المرغوب كثير .. وبقى عندي ستوك جم حبه .. وحاليا قاعدين يسوون شيلات بألوان مختلفه .. أزرق وأخضر ووردي ومشمشي وهلم مجره

بس صدقتي لازم آخذ عربون من هالناس هذول وما أعتمد كلللللش على الثقه لأنها ما تنفع بهالزمن .. مو تقولون صديق والا أخو دنيا .. ماكو فايده كللللللللللللللللللللللللللللللللللللش ... الكلمة راحت بهالزمن وماتحصلينها إلا عند القله والكثره الغالبه إهي إللي تيي عندنا المشغل

والله يوفقنا ويوفق جميع البنات المجتهدات يارب


والأخت خيال شواخ

فكرة الدخون هم فظيعه .. أذكر في واحد صديق زوجي كان يسوي بالبيت عطورات ويبيعهم على ربعه بالدوام .. وأي واحد يعجبه العطر ويدمن عليه يسميه بإسمه

مثلا عنده عطر إسمه أحمد .. لأن صاحبه إسمه أحمد .. وعطر سوسن .. وعطر تسنيم .. وعطر مشعل .. وعطر خالد .. وعطر حسين ... بأسماء إللي دائما يرغبون بالعطر هذا


بصراحه عجبتني فكرته وايد

وزوجي هم عنده عطر ممييييييييييييييييز جدا على إسمه .. حتى أهلي إذا بغوا ياخذون عطر زوجي يقولونلي ييبيلنا عطر أحمد :)

السلام عليكم ورحمة الله وبركاته

اسمحولي ياااا اخوات من فترة ما علقت في هذا الموضوع لان كل ما افتحه يتسكر عندي الكمبيوتر....

بسم الله الرحمان الرحيم

عشااان جذي سويت جزء ثاني .. لاني احب هذا الموضوع و مااا امل من الكلام فيه

المهم .. عندي شي جديد

للمهتمات بافتتاح صالون.. حصلت سايت عجيب يصمم لج الصالون..

رووووووووووووووووووووووووعة

شوفوه
http://go.3roos.com/euGdVbI2LBC

يااا جماعة ولا تعلييق افااااااااااااااااااااااااااااااااااااااااااااااااااااااااا

مشكوره اختي وانشالله تستفيد اللي بتفتح صالون

مشكوره الغاليه

ريحانة

خبرينا شو مستلزمات افتتاح مشغل خياطة.. و التكاليف بما انج عندج فكرة عن هذا الموضوع...............عشان نستفيد

ياليت تعطونا افكار نقدر ننفذها لان الموضوع حلو

وانا من زمان ودي احد يساعدني

وبالذات ان ماعندي موهبه بشئ معين

الصراحه ودي ان اسوي مشروع تغليف الهدايا او الشموع واريد ان تساعدوني بخبراتكم

شوفوا توقعي راح يساعدكم

انا عن نفسي اسوي كنت توزيعات حق المواليد بس ما ابيع لا مثلا اذا كنت ابي ازور احد وايد اوكي واشياء حلوة وغريبة ومب مئلوفة وبعد اسوي ربطاب(شبرات ) شعر حق بنتي

][®][^][®][السلام عليكم][®][^][®][

الصراحه خواتي مشاريعكم حلوات وكل مشروع احلى عن الثاني انا الصراحه احب الاشغال اليدويه واحب اسوي الدخون والعطور والكل مدحني عليه وابيعه ولين الحين والحمد لله واسوي كريمات حق الجسم بريحة العود تهبل وبروايح مختلفه واسوي كريم شبه حق الباط الصراحه حلو يطلع ريحه حلو بدال العرق ومايسوي اسوداد تحت الابطين واسوي شغلات حق الاطفال مثل بجامه بيضه ساده احط عليها شغلات مثل رسومات حلو ورود او فرشات والكثير الكثير واحب الرسم على الزجاج والحين ابي اسوي مشروع وانشاء الله ربي يوفقني فكرة فيه في الفتره الاخيره بس عاد اكثر الاوقات مااكون فاضيه فيها مشغوله في البيت الزوج والعيال والدوام والاكثر الى اكون فاضيه فيه الاجازه الصيفيه عاد خلاص ماباقي شي اسبوع وبنزل اجازه وانشاء الله اشوي مشاريعي وانجح

ادعوا لي

][®][^][®][اختكم الجورية][®][^][®][

مرحبا ...............

الفكره جميلة.....وعندي أفكار كثيره..........مثل:

1_ البخور.
2_خياطة قمصان النوم.
3_الجلابيات .
4_الشيل والعبي.
ها الاشياء اللي أقدر أبدع فيها بس كيف أبدأ...............................:mad2:

في أخت سألت عن مشروع الجلبيات وحبيت ارد عليها

نا ما راح اكتب لج دراسة جدوى او اي شي من هل القبيل انا راح اعطيج نتيجة خبرتي كتاجره

بالنسبه للجلابيات سوقها ما شي وعلى قدم وساق ومبلغ 200 درهم مبلغ مناسب بس لازم اولا تراوين عدة اشخاص اعمالج وهل هي تناسب هل المبلغ وله ازيد يمكن اعمالج تستحق ازيد المهم ابسط طريقة لترويج لمنتج واللي ما راح تتعبين هي توظيف مندوبه يعني تتعاقدين مع مندوبه معينه تمر في المدارس او اماكن عمل النساء وتعطينها بعض من اعمالج مثلا جلابيات ويكون عندج كل المقاسات وتقدر تكتب الطلبيات لو سويتي كتالوج معين . وفي نوعين لراتب المندوبات
اما راتب ثابت يعني تقولين لها كل شهر راح احطيج هل المبلغ المعين ، بس انا ما انصحج بالراتب الثابت لانها راح تتكاسل وتقولج ما شي طلبيات لانها ظامنه راتبها

اما الطريقة الثانيه وهي انج تعطينها نسبه معينه يعني تقولين لها كل ما تبيعين 10 جلابيات لج 50 درهم او حسب ماديتج

ونصيحه ثانيه كل شي لازم يكون مسعر يعني عليه سعره

ثانيا بالنسبه للتوصيل ارامكس تعتبر ارخص شركه لين الحين بالنسبه للي دايما يتعاملون مع ارامكس عندي لهم نصيحه اذا انتي دايمن تطرشين اغراض عن طريق الارامكس او تدفعين للزبونه عن طريقهم بعد
فعندي لج شي وايد بتستانسين منه
اخذي من عندهم دفتر كوبانات (بغيت دفتر فيه 25 كوبون او 50 كوبون)
وينكتب عند الاسم business women
وتصير قيمة الكوبون الواحد 15 درهم بدال ما يكون ب 20 او 25 درهم وانتي اذا بتحولين الفلوس للتاجره عن طريق محل صرافه مثل الانصاري ما بياخذ اقل عن 20 اذا داخل الامارات وفيه الامارات للصرافه على 15 درهم


في اي سؤال انا حاضر

مرحبااااااااااااا
مشكوره اختي على الموضوع الي يهمنا كلنا
انه احب عمل الكاكاو وتغليف الهدايا

أنا جربت تجارة الأحذيه عن طريق اني استغل المحل اللي يبي يسوي تصفية فاتكون اسعاره وااايد رخيصه وابيعه شوي اغلى والحمدلله الله وفقني فيه لاني كنت ابيع حذيه غاليه باسعار رخيصه

والمشروع الثاني جربت اشتري سكارفات من بانكوك وابيعه

ونتريا مشاريع حلوه ثانيه منكم


اخويتكم الصيدلانيه

الصيدلانية .... فكرة التنزيلات هذي رووعة المفروض اللي اتفكر في التجارة تستغل موسم التنزيلات

أنا عن نفسي ،، أعرف اصمم بطاقات ... و تطلـع رااايقة و الحمدلله بشهادة الجميع ...
بس ما ادري كيف استغل هالموهبه لصالحي ... يعني افتح محل بطاقات و لا شولون ؟
خخخخخخخخخخخخخخخخخخخخخ

عموماً اذا ما قدرت استغلها مادياً بحاول استفيد منها لديني يعني اصمم بطاقات دعوية و بطاقات لمؤسسات الخيرية ..
و هذا اللي أسويه حالياً ... و الحمدلله مررة مرتــــاحة ...