افكار رومانسية للمتزوجات

مشكوره

حلوه الفكره بس تبا وحده ساكنه في بيت روحها عشان تاخذ راحتها اكثر

خطيررررره الفكره

:up:تسلمون واذا شفت تجاوب بقول افكار ثانيه

خطيـــــــــــره ،،
يالله بانتظار الباقي ،،

السلام عليكم
اليوم بقولكم طريقه ثانيه وسهله عشان ماتقولون يبيلها شغل
وانتي قاعده مع زوجج سالي جم سؤال ولازم يجاوب بصراحه
سالي شنو اكثر قميص نوم يعجبه
وساليه شنو المكياج الي يعجبه يعني خفيف والا قوي او اذا مره كنت حاطه مكياج واعجبه يقولج
وساليه عن اي عطر من عطورج يحبه
وساليه عن شعرج شنو يحب تسوين فيه
اوكي
وعقبها يصير دورج
قوليله اي لبست تحبينه عليه وشنو العطر اوكي:shy:
وعقب كل واحد يروح بغرفه ويبدل
وعقب الي يخلص ينطر الثاني بالصاله انتي طلعي عقبه احسن

وعقب بيشوفج مثل مايبي ومثل مايحب يعني بتعجبينه 100%(f)
لانه اهو الي اختار كل شي ولما يشوفج بتتاكدين انج بتعجبينه لانه كل الي مسويته اهو يبيه
وعقب يبوا لكم العاب وقعدوا لعبوا مثل اونو او اي لعبه تحبونها والي يخسر يعزم الثاني على العشاء وبجذي
بيقعد معاج وعقبها بتحصلين لج طلعه معاه حتى لو انتي الخسرانه على الاقل بتحصلين لج طلعه معاه

ها بنات شرايكم
اعجبتكم افكاري والا اسكت
اذا عجبتكم ابي اشوف ردود عشان اتشجع واقول افكار ثانيه:up:

ربي يعطيج العافيه
:up::up::up:
ماعليج أمر ،، حطي لنا كل اللي عندج

:up:خصصي انتي وزوجج يوم مثلا يوم اليمعه من كل اسبوع تقعدون بروحكم وكل واحد فيكم معاه ورقه وقلم
وتكتبون تقرير عن تصرفات الطرف الثاني بالاسبوع الي طاف
مثلا انتي تكتبين تصرفات زوجج من يوم السبت لما يوم اليمعه بليل شنو عجبج بتصرفاته هالاسبوع وشنو الي ما اعجبج
شنو الي ودج يستمر عليه وشنو الي ودج يتركه
ويفضل تخصصون حق كل واحد دفتر عشان تلاحظون التغيير مع الوقت هل هو للافضل والا لا سمح الله لاسوء
وكل واحد فيكم يتعهد انه يعطي الطرف الثاني هديه لما يشوفه قاعد يتعدل ويتطور للاحسن

شرايكم يابنات

لما ودج تعطين زوجج هديه وتبين تعطينه بشكل رومانسي
غيري مفارش السرير وخليه مثل تغليفة الهديه مثلا احمر واخضر او الفراش لونه اخضر وتنثرين فوقه اوراق ورد لونهم احمر وترسمين قلب حب على الفراش من اوراق الورد وتحطين الهديه بنص قلب الحب واذا عندج طاوله صغيره فرشيها بمفرش لون اخضر او احمر والصحون خليهم عكس لون المفرش يعني لو لون المفرش اخضر تكون الصحون حمره
ومعاها قلاصات فيها عصير وكيكه يحبها زوجج
وقبل لا يوصل البيت دزي مسج وقوليليه في هديه تنطرك بغرفة النوم
وخلي الاضاءه اضاءة شموع
وعقب مايدش ويشوف الغرفه تعالي من وراه وحضنيه وتكونين لابسه نفس الوان المفرش والورد

هذي فكرتي واتمنى تعجبكم:up:

بس ابي تجاوب معاي
والا بسكت:sad:

مواضيع تطير العقل الله يوفقك زيدينا

اليوم بقولكم فكره بسيطه
جربي مره تحطينه له رساله بمخباته او بسيارته ولما يطلع دزي له مسج وقوليله عن مكان الرساله
وبين فتره وفتره سويها له
بس الله الله بالكلام الحلو

واذا تبين يرد من الدوانيه مبجر مثلا اهو يروح الدوانيه كل خميس او كل اربعه قوليله
كل خميس او كل اربعه بسوي لك ليله رومانسيه عشى و .........
وطبعا انتي سوي العشى الي يحبه بس مو شرط يكون دسم عشى خفيف او حتى مرات تقدرين تطلبين ومع كيكه او حلو او ايس كريم اختاري واحد منهم او كل اسبوع سوي شي
وزهبي العاب يحبها او اي العاب تكون حلوه اونو او مونوبولي الخ
وعقب العشى قعدوا لعبوا او مرات قعدوا شوفوا صور زواجكم وعلقوا عليهم
او تقدرين تتسرين البانيو وتحطين رغوه وتتسبحون مع بعض اشتري لج مايوه حلو ولبسيه
واذا استانس كل اسبوع تلقينه متلهف يرد بسرعه وطبعا انتي دزي له مسجات للتشويق

كونان أنت رائعة أمتعينا بمثل هذه الأفكار الجميلة لأننا بحاجة لها... ستفيدنا حتماً.. خصوصاً وأنني أحب خطيبي جداً وسأفعل كل ما يرضيه بإذن الله.

اليوم بقولكم عن فكره يديده وانشالله تعجبكم
لما تشوفين زوجج قاعد ويكون مزاجه زين ومو تعبان من الشغل قوليله شرايك نسوي العشا انا معاك (اهم شي يكون مزاجه زين عشان مايزفج )
العشا في اكلات خفيفه يقدر يساعدج فيها
مثلا تقدرون تقسمون الشغل اهو يقطع سلطه ويسوي العصير وانتي تسوين الاطباق الثانيه او انتوا مع بعض تسووون كل طبق مع بعض يعني لما تسوون السندويشات تسونها مع بعض ولما تخلصون تسوون طبق الثاني
بتستانسون ومنها زوجج يتعود يساعدج بشغل المطبخ لو احتجتي له مره وصارت ظروف
وعقب قوليله روح تسبح على مايجهز العشا وانتي روحي بسرعه تسبحي ولبسي لبس اهو يحبه وكشخي وحطي شموع ونطريه لما ايي وتكونون مزهبين الطاوله قبل او انتي تسوينها عقب مايروح وعقب ناديه
وعليكم بالف الف عافيه
ها بنات هالفكره اعجبتكم والا لا ؟؟:smile:

ايش هالافكار يا عمي:clap::clap:
احترت بشو ابدا
يسلموا دياتك وازا عندك كمان لا تحرمينا

:cool2::cool2:السلام عليكم



ثانكس على الموضوع الحلو بانتظار المزيد

دلع:shy:

:clap:

انتي بكل معنى الكلمة في قمة الروعه موضوووووووووووووووووعج



جدا حلو

والله يوفقج ابدعينا بعد

لاعدمناك

الموضوع رائع كصاحبته

جزاك الله خير....

نحن بانتظار جديدك...

شكرا لك مره اخرى

:clap:

اليوم بقولكم فكره يديد
خصصي لج ولزوجج يوم تقعدون مع بعض بس تكون قعده دينيه يعني تتسابقون كل واحد فيكم يحفظ نص صفحه وكل واحد يسمع حق الثاني والفايز يطلب طلب ولازم الخسران ينفذه وعقب لعبوا مسابقات دينيه وعقب كل واحد يقول قصه من قصص الصحابه والرسول صلى الله عليه وسلم
اول شي بتاخذون اجر
ثاني شي بتكونون استفدتوا من وقتكم ويمعتوا اجر حق الاخره لانه الدنيا مرات تلهي عن ذكر الله
ثالث شي بيزيد حبكم البعض
رابع شي الله يوفقكم بحياتكم ويسعدكم:up:



شرايكم بنات
تكفون عاد ابي اسمع رايكم
مو تقرون ولا تبدون رايكم:smile: