افكار رومانسية للمتزوجات

اليوم بقولكم افكار حق المخطوبات:cool2:
اذا تبين تسوين جم فكره بوقت الخطبه بقولج جم وحده وانتي اختاري
تقدرين تكتبين له رساله حلوه واذا كنتي طالعه معاه قبل لا تنزلين لما يوصلج بيتكم حطي الرساله وروحي
وتقدرين تعزمينه على غده او عشى
وتقدرين تحطين له هديه بالسياره ولما تدخلين البيت ادقين عليه وتقولين له نسيت شي بالسياره شوفه مو جود والا لا
وتقولين له عن مكان الهديه
عجبوبج والا تبين غيرهم
ولا تنسين المسجات لها تاثير :o
او لما تكونون بالسوق تقولين له انا محظوظه انك اخترتني من بين كل هالبنات
او تقولين له من بين كل هالناس حبيتك :shy:
عاد لا تنسون تقولون رايكم
:up:

بقولكم فكره تصلح حق مفاجاه او مناسبه مثل يوم زواجكم او يوم ميلاده(f)

اول شي لازم تشترين طقم مواعين يديد وتكون الوانه حلوه ونفس مفرش الطاوله والقلاصات بعد اذا تبين تسوين العشى على راحتج بس افضل تطلبين من مطعم عشان تقدرين تهتمين بنفسج :flower:
المهم غيري شراشف الفراش ويفضل انه يكون لبسج والشراشف نفس اللون اوكي واكيد بتكونين شاريه هديه (g)
غلفيها بنفس الوان المفرش ولو كان احمر يكون احلى مثلا احمر واخضر او احمر واسود او اي لونين مع بعض
وعقب حطي الهديه بوسط الفراش ونثري عليها ورد مجفف مقطع على شكل قلب حب وتكون الهديه بنص قلب الحب ويفضل انه الورد يكون نفس الالوان الي اخترتيها اوكي :yes:
وعقب حطي لج طاوله صغيره وحطي عليها كيكه فيها شموع وقلاصين عصير وخلي المفارش الطاوله تكون نفس الالوان
يعني لبسج وتغليفة الهديه وشراشف الفراش ومفارش الطاوله كلها نفس اللون والشموع بعد
وخلي الاضاءه على ضوء الشموع
اوكي خلصنا من غرفة النوم
نروح حق الصاله اشتري لج بالونات وتكون مناسبه مع بدلتج يعني قميص النوم غير واللبس الي تستقبلين فيه زوجج غير
ووزعي البالونات بصاله ولا تنسين تكتبين عليهم كلام مثل احبك , كل عام وانت بخير, ......... ومن هالكلام
ولا تنسين الشموع بعد واذا عندج شريط زواجكم او صور زواجكم عشان تقعدون تطالعونهم وتتذكرون اوله ليله
الحين نيي حق التنفيذ
طبعا عقب ماتلبسين وتتمكيجين تنطرينه واول مايوصل تستقبلينه و انتي عليج الباجي
وعقب تقولين له ياخذ له دوش وغير ملابسه بس لا تخلينه يدش الغرفه اذا في غرفه ثانيه وحمام يروح يتسبح فيه احسن
وتكونين شارتله مجموعه عطر والشور جل والبدي لوشن ماله ومزهبتله اللبس الي بيلبسه وعلى مايتسبح تزهبين العشى وعقب تقعدون تتعشون (بالعافيه) وعقب تقعدون تشوفون صور زواجكم وتسولفون واخر شي تروحين تلبسين قميص النوم وتنادينه عشان ايي غرفه النوم وتكونين مزهبه الكيه والعصير ويدخل وعقب .......... عليج الباجي :smile:
شرايكم :up:

ياااي افكار روعه تسلم ايدك

[CENTER]تسلمييييييييين كونان على هالمواضيع

واتمنى منها المزيد لن الصراحه زوجي واايد يحب هالسوالف وانا ما اعندي افكار مثلج

يا شاطره انتي ماشاء الله عليج

اهنيج على افكارج العجيبه

بنات جربتوا مره تاخذون مفتاح سيارة ازواجكم وتحطون فيها كفر حق الكلينكس ومعاه تكرمون زباله ومعطر حق السياره و تعلقون على المنظره الي تكون فوق على يمين الي يسوق قلب حب او اي شي يتعلق او حتى لو دعاء ركوب السياره بس يكون شكله حلو
وتحطون بالمقعد الي يمه علبه حلوه فيها كاكاو :smile:
ومعاها بطاقه فيها جم كلمه حلو او دعوه حلوه :cool2:

[CENTER]مشكوره اختي كونان على الافكار

ويعطيج الف عافية

ونتتظر المزيد

:up::up::up::up::up::up:

ماشاء الله عليك ياكونان .. عليك أفكار حلوة حلوة حلوة ..

الصراحة كل فكرة أحلى من الثانية ..

أعتقد إن كل وحدة تشجعت إنها تسوي الأفكار إاللي قلتي عنها .. لأنها أفكار حلوة ورومانسية وبسيطة وغير مكلفة ..

وإنشاءالله راح أطبق فكرة من الأفكار ..

في افكار بسطيه وانشالله تعجبكم
اشتري لج علبه حلوه وحطي فيها مصحف صغير وادعيه الصباح والمساء وكتيب حصن المسلم وكتاب ديني (قصص , مواعظ , عبر, وحصاله صغيره)
وبطاقه كتبي فيها فكرت بهديه قيمه ومالقيت هديه اكثر من هالديه اللي تجمع بين سعادة الدنيا وسعادة الاخره
والحصاله يستخدمها انه كل يوم يحط فيها مبلغ بسيط ولما تنترس يوديها حق احد اللجان
فكره ثانيه
اختاري موضوع ديني او قصه دينيه اعجبتج وقوليها له وتناقشوا مع بعض
ولا تنسين يوم اليمعه قبل لا تبخرينه حق صلاة اليمعه عطيه المصحف وذكريه بقراءة سورة الكهف
ها بنات شرايكم اعجبوكم؟ :up:

واشكر كل اللي ردوا على موضوعي:flower:

بنات جربتوا مره تسوون حق ازواجكم ريوق وتيبونه له بالفراش بالصينيه اللي تصير طاوله
وتحطون ورده بالصينيه وتكونين كاشخه وحاطه مكياج خفيف وناعم وتقعدين توكلينه طبعا باليوم اللي يكون ماعنده دوام عشان تاخذون راحتكم:cool2:
او تقدرون تطلعون وتتريقون بره على البحر بس يكون الصبح يعني 7 او 8 ادري مبجر بس بيكون الجو حلو ورومانسي :shy:
هذي افكار بسيطه واتمنى تعجبكم :o
عاد ابي اسمع رايكم باي فكره اعجبتكم من افكاري :up:

[CENTER]تسلميييييييييين اختي كونان على هالأفكار اللي فعلاً روعه

بس حبيت تساعديني لو سمحتي ويمكن في غيري بعد يحتاجون للأفكار اللي بتقدمينها

حبيبتي انا عندي مناسبتين عيد زواجي و عيدميلاد زوجي في نفس اليوم

انا جهزت الهدايا والكيكه بس ابي اعرف بعض الاشياء اذا ممكن،لأن فعلا محتاجه للأفكارج الحلوه...

1- شلون يكون العشا؟ واحط عشا ثقيل والا خفيف؟
2- متى احط الكيكه؟(انا ماعندي افكار في هالسوالف)
3- ابي افكار غريبه (اقصد في اشياء للعيدميلاد يستخدمونها ممكن انا استخدمها)

وانتي بعد زيديني من افكارج الحلوووووووووووووووه

مسامحه على الازعاج واني خذيت من وقتج

:smile::smile::smile::smile:

BnT^aLbA7rAiN
هلا والله حبيبتي حياج الله باي وقت
1_ حطي العشى قبل لا ايي واول ما ايي سلمي عليه وباركي له وتعشوا يفضل يكون عشى خفيف
2_ اذا بتطبقين فكرتي انه تكون الكيكه والعصير بغرفة النوم خلي الكيكه بالثلاجه وعقب مايقوم يغسل من عقب العشى طلعيها وحطيها بالغرفه ولبسي قميص النوم وناديه:shy:
3_ افكار غريبه مثل انج تقولين له انا جنيه الحب وبنفذ لك اي طلب تبيه وممكن تلعبين معاه العاب حلوه مثل انه واحد منكم اييب ملعقه ويحط عليها كره ويمسك الملعقه بحلجه ويمشي والطرف الثاني يلمي اي مكان من جسم الي معاه الملعقه والمفروض اللي معاه الملعقه ماتطيح منه الكره:cool2:
وفكره ثانيه تييبين اوراق مقصصه بالتساول وتقسمينها قسمين القسم الاول تكتبين اعضاء الجسم والقسم الثاني افعال مثل بوسه قرصه عضه و......... :o وعقب تصفطينهم وتسحبون من كل مجموعه ورقه وبتطلع شي تسوون مثل بوسه وخد يعني تبوسينه على خده واذا اهو طلع له يبوسج على خدج
هذوله افكار واذا عندج اي استفسار انا حاضره:up:

جزاكم الله خير

[CENTER]تسلمين أختي كونان على افكارج الرووووعه

الله يعطيج العافية انشالله

الصراحه فدتيني واااايد بس في فكره عندي ابي آخذ رايج فيها....

ممكن انفخ بالونات اقطهم على الارض،،،

في شرايط ملونين يقطونهم على الارض او يلفونهم على المراوح والمبات،،،

واذا يات في بالج اي افكار جديده قوليها لي لأن ابي اسوي اشياء اخليه يستغرب،،،

ويعطيج الف عافية

كللللللللللللللللللل افكارك حلوه ياحلوه
انت رهيييييييييييييييييييييييبه:up:
:clap::clap::clap::clap::clap:

عودي زوجج كل لما يدخل غرفة النوم يدور شي تكونين انتي خاشته مثل
بطاقه فيها كلام رومانسي
او
بيت شعر اعجبج
او

حكمه
او

حديث شريف

او

بيجاما يديده

او

هديه بسيطه

او

يحبه

واذا عندج اشياء ثانيه تقدرين تحطينها
وقوليله يدورهم وعنده 3 محاولات اذا ماعرف وينها ينفذ لج اي طلب انتي تطلبينه


ها
بنات












شرايكم
:shy:

[CENTER]تسلمين اختي كونان على الافكار العجيبة

وننتظر منج المزيد

والله يعطيج العافية

:clap::clap::clap:

أنا عندي فكرة لذكرى الزواج
وخاطري اطبقها بذكرى زواجي

ألبسي قميص النوم مالج مال أول ليلة إذا كنتي محتفظة فيه
أو ممكن تشترين واحد لونه أبيض

وتحاولين تسوين شعرج مثل يوم عرسج وتحطين مكياج مثل يوم عرسج

ومن الافضل الكفر لونه ابيض أو على لون قميص نومج في اول ليلة
وتكونين طبعا مجهزه الهدة والعشا أو السويت والشموع في كل مكان والجو معطر
وممكن بعد العشا تتفرجون على ألبوم عرسكم أو تشوفون الفيديو

والله بتكون ذكرى حلوة
ماعرف إذا مكررة من قبل

نايس