أنا و تكيس المبايض و الحجامة و الحمل

علوجة يابسة .. أنا الحمدالله .. أخباري طيبة ... مشاء الله عليج .. ان شاء اتكونين حامل يا رب و يفرح قلبج

بس حبيت أقولج .. انه في وحدة سوت الحجامة .. نزلت عليها الدورة عقبها بيوم .. بس الشهر اللي عقبه ما نزلت الدورة على الموعد.. بعدين ما عرفت شو أخبارها بس هي كانت دورتها منقطعة كم شهر ... الله يعافيها يارب

بس عشان أوضح لج .. مب اييج احباط كل حالة تراها مختلفة عن غيرها .. و انتي اصبري و شوفي .. و الله يرزقج من فضله

GIS .. الغالية انتي وين من زمان .. طرشت لج على الخاص ..ما وصلني رد .. لما فتحت الرسايل يقولي المجموع 66 رسالة .. بس ماشي رسايل .. صفر .. شو صار وياج اللحين .. شو الأخبار ..طمنيني عليج

اهلا بيج يا عروس اللولو طولت الغيبه علينا ...... و الله انا طرشتلج رساله على الخاص بس الظاهر انها ما و صلتج
و الله اخباري مثل ما هي و الحين اعلاج في مستشفى توام ..... و ان شاء الله خير

الله يرزقني و يرزق كل بنات المنتدى يا رب

انتي شو اخبارج ويا الحمل ؟؟؟؟؟؟

GIS مشكورة حبيبتي على دعواتج يارب تكونين حامل وياي
مشكوره حبيبتي عروس الؤلؤ على ردج طمنتيني بس لين الحين ما نزلت والله واسير النادي اخاف اكون حامل الله كريم بصبر

حبيبتي علوجه يابسه مشكوره على الدعوه ....... بس للاسف انا هذا الشهر اخذ منع حمل لان كان عندي كيس كبير في الرحم و بستانف تنشيط المبايض الشهر الياي ان شاء الله ..........

الله يعافيج حبيبتي ان شاء الله تحملين الشهر الياي :up:
اللهم لا تذرني فردا انت خير الوارثين يا رب ارزق اختي GIS بالذرية الصالحة

مشكوره حبيبتي على الدعوه

الله يرزقج و يرزقني و يرزق كل بنات المنتدى بالذريه الصالحه يارب


و طمنينا عن اخر اخبارج

ماشاء الله الف الف الف الف مبروك الحمل

والله يتتم لكي على خير
ويارب عقبالي ادعيلي بالذريه الصالحه

علما اني سليمه انازوجي جبت بنوته وماحملت بعدها وشجعتني على الحجامه

GIS اتعرفين اليوم يقولي المجموع 68 رسالة .. بس الموجود 3 رسايل بس !! ما أدري شو مستوي عندي .. بعدين تعالي شو سالفة كيس الرحم .. ألياف و لا كيس .. لأني أول مرة أسمع بكيس الرحم .. وشو سببه أصلان !

ان شاء الله العلاج اييب نتيجة جريبة و ما يطول .. و ان شاء الله تحملين بأسرع وقت

أحين انتي انسي لحمال ..وراج مناسبة خاصة لازم تستعدين لها :cool2:


=======================================


علوجة يابسة .. من أسمج يابسة ..شو يوديج النادي :) ما أعتقد الرياضة تأثر وايد على الحمل في بدايته .. المهم ما تكون عنيفة و ثجيلة .. ناس تركب خيل و تحلق في السماء ما صار فيها شي ! بس اسألي الدكتورة عشان تتطمنين أكثر .. و ما عليج شر


=======================================

روز ... الله يبارك فيج أختي و ما قصرتي .. و يحفظ لج البنوتة ... ان شاء ربي يرزقج جريب


بنات الله يوفقكم و يرزقكم بالذرية الصالحة و يسهل عليكم ..آمين

:smile:

مبروك والله يتمم حملك ويعطيك الين يرضيك


[frame="7 80"]*·~-.¸¸,.-~* ادعولي بالولد الصالح*·~-.¸¸,.-~*[/frame]

حبيبتي عروس اللولو ....... انا قصدي ان الدكتور لما عطاني منشط للتبويض

ما طلع مني اي بويضات لكن استوالي بدالهم كيس حجمه 3 سم ........ و حاليا استخدم منع حمل لمده 30 يوم و بعدين برجع اعالج مره ثانيه ....... ادعولي الله يوفقني و يرزقني يارب

فوانيس >> مشكورة أختي على المرور


===================================

زهرة الكمليا .. الله يبارك فيك ... و يرزقج بالذرية الصالحة ....آمين


===================================

GIS .. أحين الكيس نزل و لا بيشيلونه .. و كيف ... و الدورة كيف عندج اللحين .. بس بالحبوب تنزل !!

ربي يعافيج و يكتب لج الأجر يا رب

اختي عروس اللولو بسألك اللحين الحجامة الي سوتها على مكان المبايض ناشفة ولا بدم؟؟؟؟

الحجامة الرطبة اللي يطلعون فيها الدم بالمشرط

هلا اختي عروس اللولو انا قريت تجربة احد السيدات في الحجامة الي للمبايض والرحم قالت ان الحجامة للمبياض والرحم تكون حجامة جافة علشان تشيل الهواء وميلان الرحم وتكيس المبايض..اما الحجامة الرطبة تكون بالظهر واسفل الرقبة

صح كلامج اخت عروس السماء سويتلي حرمه ناشفه صوب المبايض بس ظهر والرقبه الرطبه

انا يوم سويت الحيامه قالتلي الحرمه تعالي بسويلج كاسات هواء على مكان المبايض بس انا ما سرت لان الدرب بعيد ..... و يوم سرت عند الدكتور حسيت ان ما في امل اني احمل طبيعي ما اضن انها راح تشوفني موليه

مرحبا هذا اقتباس من رد أحد الأخوات وانا لقيت انه رد شافي وكافي ووافي يختصر كل التساؤلات

السلام عليكم و رحمه الله و بركاته ,,,

انا عندى خبرة بهالموضوع(( أحم أحم .. بدا التفلسف )).... أولا للتوضيح البعض هنا يخلطون بين الحجامه اللى بالظهر و الرقبه للتخلص من الدم الفاسد وبين الحجامه الجافة اللى هي اسمها كاسات الهواء لتنشيط المبايض وسحب الهواء من الجسم و خصوصا الرحم و هناك فرق كبير بينهم... و للعلم الأولى للتخلص من الدم الفاسد و ينوب عنها التبرع بالدم و وهذى نفسها اللى فيها شفاء للأمراض و اللى ذكرها الرسول صلى الله عليه و سلم و هو نفسه كان يعملها ,,,, و النوع الثاني خاص فقط للى يبون ينشطون مبايضهم و يبون يحملون... يعني مثلا اللى عندها ضعف بالمبايض أو عندها سقوط او ميلان بالرحم تعمل الحجامه الجافة لانها تنشط المبايض و خصوصا انها يعملونها فوق مكان الرحم و المبايض مباشرا

انا عن نفسي سويت كاسات الهوا أو مثل ما يسميها البعض الحجامه الجافة مرتين وكنت اسويها ثاني يوم الدورة لمده ثلاث أيام و هي معروفة لتنشيط المبايض و تعديل و ضع الرحم و أرجاعه مكانه أذا كان مايل,,,, انا إلى الأن ماحملت بسبب ارتفاع هرمون الحليب بس اختي كانت تعاني من ضعف المبايض وسوتها وثاني شهر حملت على طووووول,,,


و سوتها لى وحده مصريه عندها خبرة بالتدليك و التداوى بالاعشاب وأذا كنتي بتجين الكويت خبريني ابعث لك على الخاص رقمها وعنوانها ... وهي بنت حلال ما تاخذ كثير تعمل لك تدليك و ترديد + كاسات هوا لمدة 3 أيام و تقرا عليك قرآن مع أعطاء عسل منشط مخلوط بالأعشاب وتحاميل و حبوب جنين القمح كلــــــــــــــــــــــــــــــه بـــ 25 دينار اللى هو حق العسل بس يعني الباقي لوجهه الله ,,,,,

اتمني اني اكون افدتك