أنا و تكيس المبايض و الحجامة و الحمل

اخت عروس ........
لحقي علي ........خلصت عني الدوره ........ اخاف انها ماكانت دوره عاديه

GIS الغالية ليش خيفانة ... يعتمد على كمية الدم اللي كان في الرحم ... أنا الدورة كانت محتبسة شهرين و نص فنزل 7 أيام بعدين تقدرين أتسمينها تنظيف للرحم لأن الدورة العادية لازم بطانة الرحم تنمو و الجسم الأصفر فبيطول أكثر ..

المهم الحين انتي المفروض تتريين الدورة الياية بس ... غير هالشي ما في شي يخوف .. بعدين أكيد بيختلف من وحدة لثانية مثلا بعض البنات اتييهم الدورة 4 أيام و بنات 7 أيام مثلي ...

بعدين لا تنسين انتي مصلية استخارة و الله يسر لج ... و هذا ترا من وسواس الشيطان .. اتعوذي من ابليس و لا تحاتين شي الغالية

أنا وياج على طول الخط :up:

مشكوره ................
يا رب الدوره ماتيني الشهر الياي و اكون حامل ..................يا رب

شو رايج استخير قبل ما اروح موعدي في توام ؟؟؟؟؟؟؟؟؟؟

أن شاء الله ربي بيعطيج .. و انتي لا تستعيلين ترى العيلة من الشيطان بس أنا أقول دورتين أحسن ... و عن موعدج في توام ما فيها شي الإستخارة .. أصلان الإستخارة بكل شي زينة لأنج تفوضين أمرج لله سبحانه و تعالى .. و ربي بيسخرلج شو الأحسن لج و لحياتج

المهم انتي اتحملي من عمرج و اتغذي زين و اتأكدي أنج تاخذين كمية زين من الفيتامينات بشكل يومي حتى لو دكتور بيوصف لج حبوب فيتامينات زين بس يمكن ما تحتاجينها

و ربي يوفقج و عن الوسوسة :flower:

ان شاء الله

اختي عروس الولو انا اتصلت على عيدات الطب البديل اسأل عن الحجامة وفوائدها وسألت عن تأخر الدورة وقلتها وأيضا تكيس المبايض وان الحجامة تعالج هالشي قالوا لي لا!
انتي متأكدة ان الحجامة هي السببب؟ اخاف بس من الأدوية الي تاخذينها

الله يبارك لك في حملك ويسهل أمرك وباقي الأخوات ياااارب يرزق كل محرومة
شجعتيني صراحة أسوي الحجامة لأن عندي تكيس والحين أستخدم علاج الجلوكوفاج
عندي الحمد لله طفلين لكن كان الحمل بالمنشطات وأنا أبي شي نهائي للتكيس

بس حبيت أسألك أختي ..بالنسبة لوزنك هل هو مرتفع ..هل خففتي وزنك بفترة علاجك..؟
لأني الحين جالسة أسوي رجيم عشان يخف التكيس ..

أسأل الله العظيم رب العرش العظيم أن يشفي كل مريض ويرزق كل محروم ويتمم حملك على خير

والله المستعاااان

عن النبي صلى الله عليه وسلم قال: الشفاء في ثلاثة: في شرطة محجم, أو شربة عسل, أو كية نار, وأنهى امتي عن الكي"

كما قال عليه الصلاة والسلام:" من احتجم لسبع عشرة, وتسع عشرة, واحدى وعشرين, كان شفاء من كل داء"

حبيت ابين من الحديثين ان كلام سيد البشر لا ينطق عن الهوى, فألف مبروك اختي عروس اللولو, والله فرحت لك من قلبي وافتكيتي باذن الله من الأمراض اللي فيكي بس تحملي على عمرك ولا تنسين انك حامل يعني لا تتحركين وايد واقري دايما المعوذات عشان الله يحميكي ويحمي حملك.

الف مبروك والحمد الله على سلامتك والحادث خوفك وفرحك ولله الحمد على كل حال

اهلين اختي عروس الؤلؤ مبرووووك عالحمل والحمد لله على سلامتج من الحادث والله يتمم لج على خير وتقر عينج بمولودج عقبال الحمله الثانيه والثالثه على خير ان شاء الله يارب .. بس بغيتج ترسلي لي عنوان اللي سويتي الحجاكه عندها ورقم تلفونها اذا ماعليج امر ... تحياتي

يا ريت ترسلون لي رقم الحرمة علشان أروح عندها ، وأبيكم تساعدوني الله يخليكم


روينا

عروس الؤلؤ شخبارج حبيبتي انا بعد سويت حجمامه بس ما يتلي الدوره سويتها بتاريخ 30/5/2005م والين الحين ما يتلي شو اسوي حبيت اذكرج انا آخر دورتي بتاريخ 18/4/2005م نزلت بالحبوب قبل ما اسير عند الحرمه ان شاء الله ادعولي ان اكون حامل :smile:
اليوم لازم تنزل الدوره على موعدها ولا لازم تنزل بعد تاريخ 30

يارب تكونين حامل يا علوجه

السلام عليكم و رحمة الله و بركاته

اسمحولي بنات للتأخير .. توني شفت موضوعكم

عروس السماء .. الغالية أنا وقفت الحبوب قبل الحجامة بفترة .. فما يخصه الدواء ... أنا بالضبط اللي كنت أخذه عشان الكسر .. كوب ماي مع 3 ملاعق عسل و ملعقة حبة سوداء مرتين باليوم ...مع حبوب فيتامينات يومية من الصيدلية .. لتخفيف الألم لأن المستشفى ما عطوني أي شيء و قالوا الكسر بيلتحم من نفسه ..

بس ما خذيت شي ثاني

والحمد الله .. كل شيء باذنه

سعودية وافتخر ..مشكورة و ما تقصرين على كلامج .. و الله يبارك لج بعيالج و يديمهم ذخر

و عن وزني مرتفع لحد اللحين .. ما خففت .. الدكتورة قالت لي خففي وزنج عشان اتزيد نسبة الحمل ..ان شاء الله بخفف بعد الولادة اذا الله كتب لي عمر

و الله يعافيج يا رب

حلوين المشم >> اللهم صلي و سلم على سيد الأنبياء و أشرف المرسلين .. عليه أفضل الصلاة و السلام

مشكورة الغالية على ردج الرقيق و الغالية .. و ربي يجازيج الخير

المدلعه .. رب ضرة نافعة ... سبحان الله .. الله يبارك فيج .. و مشكورة اختي

ولاء علي .. الله يبارك فيج و يسلمج من الشر .. جيكي الخاص عندك .. و ربي يرزقج من فضله

بس أعتقد مب شرط نفس المكان اللي أنا رحته .. أحس أي مكان عادي يسون حجامة رطبة يكون زين

المهم أنا طرشت لج الرقم مع العنوان

و ربي يعافيج

روينا .. أهلين أختي .. طرشت لج الرقم .. وربي يعافيج باذنه