ارجوكم..هل ا تزوج باخرى؟؟

ياناااس ياااعاااااالم إلى فاهم وضع الحرمه عندنا هنا هو اللي يقدر يحكم بس

نعم المرأه تعلمت وتوظفت وصارت تملك العقار واشياء اخرى وتفوقت على الرجال في كثير من الحقول لكن ترجع بالاخير محتاجه للرجل مهما كان
وقد يكون عدم قيادتها للسياره اكبر مثل لاحتياجها للمحرم او الرجل

الحمدلله المرأه عندنا مكرمة وعزنا الله بكامل حقوقنا بالاسلام
فالمرأه عندنا لا تخرج من البيت الا بمحرم
ولا تدخل الجامعات او الكليات الا بموافقه المحرم
ولا تسافر الا بمحرم
والحمدلله هذه نعمه ان كرمنا لله وتحسدنا عليها الكثير من النساء الغربيات
فالمرأه عندنا كالملكة والجوهرة عند اهلها وذويها وحصونه ومخدومه

فلا عجب ان نرى اخي السائل يبحث عمن يكون له سندا لبناته وله بعد عمر طويل ان شالله

ويا اخواتي لماذا هذا التشاؤم لماذا تقولون ماذا يدريك ان الله سيرزقك بولد او هالولد بيكون عاق لاتتفاولون على الرجال

الرجال نيتة سلمية وانما الاعمال بالنيات
ان شالله ربي بيرزقه الولد والعشره اولاد اذا كانت نيتة طيبة على نفسه وعلى بناته

وفي السماء رزقكم وماتوعدون
ويرزق من يشاء بغير حساب

هو ماطلب الولد للفخر فيه ولا طلب الزواج حتى يغير روتينه او يكسر بنفس زوجته

انما هو لسبب ولسبب مقنع حسب وجهه نظره

فيا اخواتي ادعو لاخوكم ان يرزقه الولد الصالح وان ينفع به والديه واخواته
واتركو عنكم النظرة التشاؤوميه


اخي الكريم لاتنسى ان تستشير وتستخر كثيرا وادعي لبناتك ولبنات المسلمين بالستر

وان شاء الله راح يعطيك على قد نيتك


لاتنسوني من صالح دعاكم


اختكم بالله

ام ميرال

كاتب الرسالة الأصلية : عروسة03
سلام عليكم..

تعليقي على كلامك هذا..

المقصود أخي الكريم بتحديدك أنت للجنس..

ان الرجل عنده نوعين من الحيوانات المنوية.. حيوان يحمل (Y)و حيوان يحمل (X) أما المرأة فعندها (X) فقط ..
و عشان يصير الحمل بذكر لازم يلتقي حيوان منوي من جنس(Y) مع البويضة اللي تحمل (X) عشان يصير المولود ذكر(YX) ..
أما اذا التقى حيوان منوي من نوع (X)مع البويضة الي تحمل (X)فالناتج انه الجنين بنت و هي (XX)..

هذا معلومات فقط عشان تعرف شلون الرجل هواللي بامكانه يحدد جنس المولود..


هذا أولاً أما ثانياً..

أنت محق في كونك تملك الحق في أن تتزوج بثانية و ثالثة.. و رابعة.. و لكن تتزوج و أنت ما تزال قريب من زوجتك الأولى و حتى لا تكون بزواجك الثاني قد حطمت زواجك الأول.. اكسب زوجتك حتى يكون زواجك الثانية بركة و خير و يرزق الله بالذكر ان شاء الله.. شاور زوجتك و اقترب منها اكثر .. و احصل على رضاها و و فقكم الله لمراضيه.. :up:

صراحه هذا الرد كفى ووفى .. والشورى شي حلو وصلاة الاستخاره احلى واحلى لانه ماندم من استخار ربه .. ورد اختي هذا كان علمي اما انا كنت ابي اعطيك نص القرآن بس للأسف ما حصلته وانا متأكده من ردي وهذا مو غلط ... وارجع لشيخ دين واسإله وراح تتأكد انشالله .


والله يوفقك انشالله ولاتنسى استشير مرتك

الاخوات
رودين’’’حواء,,,عروس 3,,,,ميكي ,,,,شريفة,,,
شكرا على الردود والمشاركة والتي في مضمونها لاتختلف عن الردود السابقة (الصبر,,,الدعاء,,,العدل,,,,,,,الخ).
يااخوات كل اللي قلتوا عليه صاير من سنين,,,,,ندعي ونستخير ونتراجع ونعالج ووووووووووووو.بس مافيه فايدة.

الاخت ام ميرال:
وضعت يدها على الجرح الذي اتحدث عنه,,,نعم المراة السعودية تعلمت واشتغلت ولكنها لاتستغني عن اخيها ذو الاربع سنوات او خمس سنوات,,
ياناس حنا مو عايشين في المريخ حنا نحس ونعيش ونشوف((المراة عندنا وضعها في تراجع مستمر)) يعني ماعليها متكل الا في المطبخ والبيت،،،ولنفترض ان بناتي واصلوا تعليمهم وتخرجوا فهل توظيفهم مضمون واذا توضفوا من بيوديهم ويجيبهم واذا ماتوضفوا من يضمن انهم بيتزوجون كلهم(البيوت مليانة من العوانس) انا نظرتي غير متشائمة ولكنها الواقع,,,,والله لو نحن نعيش في مصر ماقلت الشئ هذا(هل تستطيع البنت ام 15 او 16 سنة الخروج للبقالة المجاورة؟؟ لجلب علبة بيبسي او موية تشربها))) طبعا لا والف لا بينما طفل ولد يدبر عمره ويدبر امور والدته واخواته.

اقول للأخ الكريم
ان اخي الكبير زوجته انجبت له 5 بنات مش 4 وسبحان الله لم يفقد الأمل

مع انهم 5 ورا بعض وجزاه الله بعدها ب3 اولاد خلف بعض والصدمه الكبري

انه بعد الأولاد الثلاثه 0000000تزوج علي زوجته :D2

بيت الجيران عندهم 9 بنات.. و تلاقيهم جابوا هالعدد بس عشان يجيهم ولد و بعدين بعد ما تزوجوا كم وحدة من البنات اخيرا وصل الولد..
بس طبعاً احنا الوضع عندنا غير وفقكم الله لمراضيه...

انين الجراح!!!!!!!!!!!!!!!!!!!!!!!!!
هههههههههههههههههههههههههههه
والله اخوك ماعنده يمه ارحميني!!

والله مادري ليش الرجاجيل على طول يفكرون بالزواج لين الله مارزقهم بالولد مع ان هم اللي يحددون جنس المولود والحرمه اصلا مالها دخل وصدقني اخوي هذا مش خرابيط ولا شي لان اصلا انا دارسه هالموضوع بالمدرسه والجامعه وانا من رايي انك تشيل هالفكره من بالك وصدقني اشدراك يمكن عشر بنات صالحات وبارات احسن من ولد عاق والله يرزقك بالولد البار من زوجه محبه لك والله الرازق بالاول والاخير :up:

انزين اخوي شكلك انت معزم عالزواج وتبي اللي يشجعك ..

بناتك ما عندهم عمام ؟ او خوال ؟؟ يعني يقومون معاهم بالواجب انت ليش متصور ان الولد اللي راح تييبه لهم من زوجة ابو راح يسعدهم .. راجع نفسك الف مره ترى هذا سبب مو مقنع للزواج بثانيه .. عالعموم لك الحق تتزوج وحده ثانيه بس اعدل فيما بينهم ولا تنسى عشرة الاولى ..

الاخوات

شعاع القلوب والمشتاقة لله

شكرا على مروركم ومشاركتكم

بس انا سبق وقلت وانتم عارفين الشئ هذا ( الاعمام والخوال كل واحد بحلان في نفسه وعياله واذا اجتهد سنة او سنتين ماراح يجتهد العمر كله والله لايتكلنا على عمانا او خوالنا وتراهم قريبين من الخير بعيدين عن الشر).

وبعدين ليش اترك بناتي عالة على خلق الله؟؟؟؟

اما مسالة 10 بنات بارات فهذا خطا؟؟؟؟؟

البنت البارة بوالديها مالها حيلة الا الدموع والبكاء ولكن لاتحل ولا تربط وش استفيد من بنت معي بكل مشاعرها وتزورني كل وقت وتعايدني وووووو وبعدين؟؟؟
انا ابيهم عند المصائب وش يسوون؟؟يجلسون يبكون؟؟هذا اللي يقدرون عليه؟؟
والا اجيب هندي يخدمني ويخدمهم ويدبر امورهم؟؟؟
ليش ما اجيب ولد واخ لهم من لحمهم ودمهم؟؟؟؟
حتى لو طلع داشر وعاق(سنة وسنتين ويعقل) لكن هل استمر واتكل على عيال سيلان وبنغلاديش والهند!!!!!!

:pain::pain::pain::pain::pain::pain::pain:

تحيه وبعد....

انا راح احكي لك تجربتي فقط وانت على اساسها تقرر...

الحمدالله احنا 6 بنات ولا عندنا ولا ولد وانا اكبر اخواتي...

صحيح ابي يتمنى ولد عشانه وعشانا لكن مو انه يتزوج عشان ولد حتى لو كان من حقه الشرعي...

انا اتمنى انه يكون لي اخ لكن من امي وليش من زوجه ثانيه.... ما ابغى يكون لي اخ على حساب حزن امي....

دعمه من عين امي اغلى من كل ولد.... الحمدالله ابي متفهم الوضع ولا يفكر اطلاقا بالزواج بثانيه مع ان امي لا تفكر بالحمل لكن ان شاء الله ربي يرزقها وما في شي على الله بعيد..

انا الوحيده من اخواتي الي متزوجه وصار لي سنتين وزوجي كمان ما عنده اخوان يعني عيالي ماعندهم لا عمام ولا خوال الله يجيبهم بالسلامه

لكن الحمدالله البنات نعمه ...

عشان كذا اقولك اذا تبي الولد عشان بناتك البنات ما يبون هذا الولد على حساب امهم....

واذا عشانك ترى مابقى من العمر الكثير على ما تجيب ولد ويكبر وتعتمد عليه الا انت اصلا مو بحاجته ...وما تدري اصلا متى بيجي الولد

والاولاد نعمه والله يرزقني البنين والبنات .... ومن ناحيتي اشوف البنات ولله الحمد اقرب للام وللاب

حتى جدتي دايما تغني لنا ما ابي الولد مابيه :D2:D2

وان شاء الله ربي يرزقك الولد الصالح بالقريب العالج ... ولا تنساني من دعائك ربي يرزقني انا كمان الولد الصالح افرح ابوي وابو زوجي وزوجي :smile:

تحياتي

???

شكلك ما فهمت شي :eek2::eek2:

الي ابي افهمك اياه

اانا من السعوديه واحنا 6 بنات وماعندنا اولاد

والحمدالله مافيه اي مشكله..

وامي كمان لا تستطيع الانجاب ... لكن الفرق الوحيد ابوي متقبل الوضع جدا وفرحان في بناته

السلام عليكم ورحمة الله وبركاته

اخى فى الله:
ماذا ستفعل لو ظل ابنك عاق دائما وليس فى سنتين كما تقول؟ وعذب بناتك ولم يكن بار بك؟ واذا تفعل لو انجبت الزوجه الجديده بنات ايضا؟هل ستقتلهم!!!!!!!!!! وماذا ستفعل حينئذ؟من بعدك سيقوم بخدمتهم؟ وماذا اذا لا قدر الله وافتك المنيه قبل ان تنجب؟اليست الاعمار بيد الله؟:pain::pain::pain::pain:

فكر جيدا فى كلامى وفكر فى بناتك وزوجتك التى لم تخطأ فى حقك وربت بناتك خير تربيه وعلى فكره انا متزوجه وزوجى يود ابى وامى ويخدمهم اكثر من اخى الذى انجذب لاهل زوجته .

اخي الكريم ..
ادري انه صعب تتخذ قرارك في موضوع مثل هذا .. لانه قرار مصيري !
لكن .. ثبت علمياً ان الرجل هو من يحدد جنس الجنين .. وليس المرأه
يعني تزوجت او ما تزوجت .. هالشيء فيك انت
لكن بما انك تقول زوجتك لا تنجب ولا نفعل اي طب ولا شيء غيره
فكر في هالشيء مع نفسك انت لحالك ..
لو تزوجت وزوجتك الثانيه جابت لك كم بنت بعد
بتشيل هم اكبر لان بناتك في هالحاله بيزيدن وهمهن بيزيد معاهن
ما حد يعرف المستقبل غير الله
ادري اني ما قلت جديد .. بس متعاااطفه معك كثير
لان من كلامك واضح انك تحب بناتك وتخاف عليهن
وما رحت تتزوج .. كذا من الله وبدون سبب
فكر فيها لحالك .. عشان ما تندم وتحمل غيرك السبب
وصدقني ادعي لك من كل قلبي
بالتوفيق ان شاء الله في اي قرار تتخذه
لانه من حقك مهما كان
:up:

أخوي العزيز الله يرزقك بالولد الصالح الي تقر عينك فيه وان شاء الله من أم بناتك الله يعطيها العافية
من جد أخوي مستغربة سؤالك في منتدى نسائي مثل هالسؤال يعني ماتدري أن نموت ولاتجينا شريكة تبي أحد يقولك تزوج مستحيل أحمد ربك على النعمة اللي أنت فيها
عن نفسي لوزوجي يفكر يتزوج علي مجرد تفكير أذبحة

العيد مبارك
يبدو عليك يا اخي انك تريد الزواج نتيجة للملل.
الرضي بالنصيب والقدر من الايمان لا احد يستطيع ان يمنعك من الزواج من اخري متي ما عزمت خاصة عندما تختمر الفكرة وتصبح مسيطرة
عموما 38 في راي عز الشباب والكثير منا شباب وشابات خاصة في هذا الزمان بداو حياتهم في هذه السن او بعدها وياملون في ان يرزقوا بالبنين والبنات لكن يبدو انك تزوجت في سن صغيرة .احكي لك قصة قصيرة في ايام العيد قابلت شخص قال لي انه لديه 11 بنت قلت له ما شاء الله ثم قال بعدها انه تزوج ثلاثة مرات وطلق زوجته الاولي ولكنه ارجعها فيما بعد ولم يرزق بولد ذكر حتي تاريخه- لا بد ان تحدد موقفك وتقتنع انت اولا وبعدها تقنع الاخرين علما بام زوجتك حسب كلامك ليست من ضمن الاخرين سبحان الله.

السلام عليكم ورحمة الله وبركاته
اخي لقد قرأت جميع الردود وقرأت موضوعك
واريد ان اعطيك هذه النصائح
انا اخت لثمان خوات وليس لنا اخ وابي كهل كبير وامي عجوز
لقد وقفت منذو ان كان عمري 9 سنوات وقفة اخ وانا من السعودية
وكنت في حياتي كالرجل حتى مللت وتمنيت الاخ والاخوه
كنت اذهب واشتري المقاضي واتعامل مع جميع فئات الرجال حتي اصبحت خشنة مثلهم
النصيحة الاولى لك
بما ان زوجتك لاتنجب فتوكل على الله والله يرزقك بالذرية
النصيحة الثانية
صارحها ثم صارحها ثم صارحها اشرح لها الاسباب اجعلها تحبك بكلامك
واقنعها باسلوبك واعطها الهدايا وارضها ولاتكسر خاطرها فيكفيها
جرح عدم الانجاب وهي شابة وصغيرة
النصيحة الثالثة
اعدل فاذا تزوجت بثيب فابق معها 3ليلا ولاتزيد عن ذلك فهذا هو الحق
واذا كانت بكرا فاسبوع ولاتزيد عن ذلك
النصيحة الاخيرة
اجعل الزوجتين قريبتين من بعض في السكن وحاول ان تؤلف بينهم
وكذلك ان تحبب زوجتك الثانية ببناتك
واياك والسماع لكلتا الزوجتين وخاصة في النميمة ولاتنحاز لواحدة دون الاخرى فكل واحدة عدوة للخراى وستقول لك مايكرهك بالاخرى
لذلك خاف الله قبل ان تخاف زوجتيك
والله يوفقك لما يحبه ويرضاه
والسلام عليكم

يااااااااااااااااخي تزووووووج .... أنت حررررررررررررر .....

بس رجاااااااااااااء لاتكلم عن المرااااااه السعوديه بما لايرضييينا كسعودياااااااااااات .....

السلام عليكم ورحمه الله وبركاته
ما شاء الله ردود كثيره وفي اغلبها تصب في نفس المعنى
إنا استغرب لما يقولون ان الرجل هو المسؤل عن تحديد جنس المولود
هالكلااام كلنا نعرفه بس الرجال يقول ان زوجته ما تنجب
الله يمسح عليها بالشفا ان شاء الله
بس اللي إنا مستغربه له انت ليش تسال هنا
يعني انت وش تبي بالضبط
تبي احد يقنعك بالزواج واللا احد يقنعك بانك تترك عنك هالفكره
هالشي خاص بينك وبين زوجتك المفروض تفاتحهها هي بهالموضوع
مو تستشير في منتدى نسائي لان الرد راح يكون معروف مسبقا
بالنسبه لك ودك يكون عندك ولد هذا حق من حقوقك
وعمر البنت ما كانت مثل الولد وهذا مو انتقاص من قيمه البنت بس هذي الحقيقه
إنا سعوديه وعارفه وضع المراه السعوديه
المساله ما وقفت على قياده السياره وبس
على الرغم من ان البنت تعلمت وتثقفت بس تتم عاجزه في المجتمع اللي نعيشه
اخوي نصيحتي لك الفلوس اللي بتصرفها على زوجه ثانيه حاول تعالج بها زوجتك
وبعدين الجانب النفسي مهم جدا في هالحالات يعني اذا ما كان فيه سبب يمنع الانجاب ومع هذا زوجتك ما تقدر تحمل يمكن السبب يكون نفسي
الخوف والقلق هو اللي يمنعها من الحمل
اما اذا ما كان فيه مجال للعلاج لازم تتفاهم معها وتحاول تكسب رضاها وموافقتها
والله ان شاء الله يرزقك بالولد البار مو بس ولد ان شاء الله يعطيك لين يرضيك
بس هالله هالله في زوجتك
ولا تياس من رحمه الله وحاولو تعرفو السبب في منع الحمل اللي جاها وان شاء الله خير
اسفه على الاطاله