لعيونها:
مشكورة اخواتي على الردود....
اختي RoOoOmy_M صح كلامج صار له 8 شهور من عرضته ..... بس حاسه اني ما اكتفيت ابي ردود اكثر
و انا في بيت ابوي بعد الاستخاره .... و احس ابرااااحه ما ذقتها من قبل.....
مشكورة اختي
أختي الغاليه لعيونها :)
المشكله أساسا إنه مافي مشكله وإنتي شوي مكبره الموضوع حبتين .. صح في البدايه كانت في مشكله لما كانوا أهل ريلج معاج لكن ولله الحمد خلاص صار البيت لج إنتي وريلج بس وهالكلام من 8 شهور يمكن إلي مخليج تفكرين إنج تكرهين ريلج هي الفتره الأوليه للزواج لكن بعد ماصرتوا بروحكم ليش تكبرين الموضوع إلي أشوفه إنج تتوكلين على ربج وتردين لريلج ومسألة إنه ريلج شخصيته ضعيفه فهالشي يمكن مايكون ضعف في الشخصيه يمكن ردة فعله كانت إحتراما لأهله وطيبة قلبه لازم نشوف الوجه الحسن من الموضوع لاتكون نظرتنا دايما سلبيه وبعدين إلي يراعي أهله تأكدي إنه بيراعيج ولو هو مايبيج سوري بس جان طلقج من زمان (بسم الله عليج )
وبعدين مثل ماقالت الأخت رومي الموضوع صارله 8 شهور وإنتي للحين تبين حل .. قلتي تبين ردود أكثر ..أختي الغاليه إسمحيلي بس المشكله مش مشكلة بنات المنتدى وإنتي إلي عايشه الوضع نحن بنحاول نبين النقاط إلي ماتشوفينها (بعين الغضب وإلا من الضغط إلي تعيشينه ) بس محد يعرف الجواب إلا إنتي ... إنتي وبس :yes:
تبين شوري أساسا الجواب جدام عيونج وإنتي مب منتبهه :think: ... شفتي توقيعج
اصعب لحظات حياتك
عندما تبتسم للحياة , وتقول ان التعاسة قد فارقتك
اخيراً, فتفاجأ بأنك قد خسرت اعز الناس اليك...
هذي هيه قصتج لكن الفرق بين توقيعج وقصتج ..إنه إنتي الفرصه للحين بيدج علشان ماتخسرين أعز الناس لج :yes:
وأي شي أنا في الخدمه يالغاليه :flower:
أختج سهوووووووره