يالله يالله اريد حلا..ساعدوني يأهل المنتدى..

مشكوره وايد على الردود اولا
و حبيت ارد على بعض الردود


الاخ صارع انا لجأت لمستشار اجتماعي و ملتزم ومثل ما قلت و رد علي نفس رد الاخت قطاف...

الاخت منال انا حاولت كل المحاولات بس ماشي فايده
جلست معه كذا مره
وحاولت اعطيه الثقة في نفسة حتى شخصيتة تقوى
وأخر شىءلجئت له هوالطلاق
بعد حسيت اني عاجزه تماما...

مشكوره اختي قطاف .... وايد و ما عندي اي تعليق على كلامج لانج درستي مشكلتي...

يعني محد يسأل..... محد بيشارك ....؟؟؟؟؟
انتظر ردودكم...

:think::sad::think:

الله يعينك ويصبرك على ما بلاك ..

اختي هل زوجك يدري انك تريدين الطلاق ؟؟ وإذا كان يدري شنو ردة فعله من الموضوع ؟

وإذا ما كان يدري حاولي انك تخوفيه بالطلاق يمكن تطلع من ردة فعل إيجابية ..

وإذا ما اهتم لموضوع الطلاق ما انصحك تقعدين معاه لحظة وحدة ..

والله يصبرك ..

الغاليه بصرااحة انا ما عندي اي خبرة في هالامور وما اقدر اساعدج

انا بس اقدر ادعيلج ... ربي يفرج همج ويعغينج على ما بلاج ويهدي اهل ريلج وريلج .. وان شاء الله كل شي يتصلح

بنفسوجة

الله يعينج الصراحه


احس مشكلتج معقده شوي

عيوني الردود جدا كثيرة ما عندي مجال لقراءتها لكن الله يكون بعونك اذا ابوك ما وقف معك مين بيوقف معك
بعدين لو الزوج ضعيف واهله ناس فيهم خير وطيبين كان المشكلة ينصبر عليها لكن المصيبة انه حتى اخوه يتعدى عليك وغير كذا لا تأمني الأيام انه يجيك ضرر من أهله وبذات اخوه وزوج أخته عاد من يوقف معك لو تضررتي منهم الله يبعد عنك الشر
وزوجك بصراحة مو درع مصون لك ولا بر آمن عشان ترسي فيه يقولك تخرجي من البيت طيب فين حتروحي يعني كمان لما تخرجي وضعك آمن طيب لو المشاكل بتدوم ويرجعوا اهله يجلسوا معكم مرة ثانية كمان عشان تسلمي من المشاكل تخرجي من البيت
زوجك ولا حتى ابوك واقفين معك
عيوني اذا الأمور استفحلت مالك الا الطلاق واذا ابوك ما وقف معك روحي المحاكم وحتى لو زعل ابوك
تقدري تواجهيه بخوفك على نفسك اذا ما عجبه الكلام عسى ما يعجبه
طاعتهم قدر المستطاع لكن في حالات ماالواحد يقدر يرضيهم
بعدين الحمد لله ان ما جوك اطفال بالله فين حيتربوا ماهما حاولت تحفظين وتربين المجتمع بيأثر خاصة ان مالك لا سند ولا قوة
استخيري واستشيري وفي النهاية الحياة حياتك ما حد بيعيشها غيرك ابوك ما تأمني اليوم او بكرة حيعيشها ام لا

مشكوره غاليتي هند3 على مرورج... و على ردج...

[mark=669999]ولله تأثرت بما كتبتِ وقرأته لعدة مرات ووقفت مطرقة الرأس
أسأل الله أن يعوضك في الدنيا والآخرة وأن يكحل عيونك بالسعادة وراحة البال
ويا أختي وإن لنفسك عليك حق
كل هذه السنين تناسيتي نفسك أمام هذه الضغوط وأنه لو جبل لنهار
صبرتي على إنعدام الأمان والراحة والغربة وعلى الإظطهاد وليت النتيجة زوج يستحق كل هذا الصبر
والحمدلله أن هذا الزواج لم يثمر بااطفال
رأيي أن تطلبي حريتك وتنظري لنفسك وتعيشي حياتك فأنتي لن تعيشي مرتين
والطلاق ليس عيب صحيح قد تعانين من قصور البعض إتجاه حياتك الجديدة ولقب مطلقة لكن لن تكون بحجم معانتك مع هذه العائلة

أرى ان تطلبي الإنفصال وقبل كل شئ إستخيري ثم إستخيري

موفقة غاليتي وبدد الله همك [/mark]

مشكوره غاليتي خايفه .... و اشكر ردج ...

ي لعيونها اول شي الله يساعدك ويفرجها عنك انشالله وبعدين لا تستعجلين وتتسرعين بمسألة الطلاق حاولي باسلوب انه يطلعك في بيت بروحك او انه يخليك عند اهلك فترة الدراااسه وشي ثاااني ضروري يكون عند اهلك خبر بحاللتك ويكون لهم راااي وكلمه بهالسالفه لان الموضوع مو سهل وما ينسكت عليه ابد,,,

واذا ما نفع شي ابد وما تغير شي مع الاسف مالك الا الانفصال,,

دعواتي لك حبيبتي الله يفرجها انشالله,,,

ياقلبي الله يعينج

المهم

لا تطلبين الطلاق عطي لنفسج فرصه
اسكني انتي معه لحالكم
لا تستعجلين يااالغاليه

الله يوفقج ويسعدج يااختي

اختي المشكلة صار لها تقريبا 8 شهور من طرحتيها في المنتدى وللحين موعارفة وين الحل ؟

صحيح تحتاجي فترة طويلة للتفكير بس اذا انتي ترددتي وما عرفتي وين مصلحتك احنا ماراح نفيدك بحل

انتي الحين وين صرتي وهل انتي في بيت اهلك لو مع زوجك .. وايش اللي تغير بعد ما طلعوا اهل زوجك من البيت ؟

وكيف علاقتك مع زوجك ؟

مشكورة اخواتي على الردود....
اختي RoOoOmy_M صح كلامج صار له 8 شهور من عرضته ..... بس حاسه اني ما اكتفيت ابي ردود اكثر
و انا في بيت ابوي بعد الاستخاره .... و احس ابرااااحه ما ذقتها من قبل.....
مشكورة اختي

الله يعنيك أختي على زوجك وعلى الغربة اللي انتي فيها.

بس أختي الحين زوجك طيب معاك ؟ هل يعاملك بالطيب ؟ يا ريت لو توظحي لنا لأنه لو زوجك طيب معاك وسبب المشاكل كان أهلة ترا أهله خلاص راحو من عندكم فليش أختي انتي لحد الحين متحسسة من الموضوع أنسى ترا النسيان نعمه .صح هو صعب على وحده من بداية حياتها الزوجية تنصدم بهالكم من المشاكل بس الحين البيت خلا لك ولزوجك.
أنتي شغلي نفسك مثلا سجلي بدورة تعليمية أخذي لك شهادة وخاصة اللي يروح مثل هالبلاد ويجيب له شهاده ترا شي مو هين.
روحي المستشفي شوفي شو سبب تأخير الحمل تعالجي منه ويمكن ربي يرزقك بالطفل اللي يشغلك بالك بامورة وينسيك المشاكل كلها

بسم الله الرحمن الرحيم عزيزتي انا قريت مشكلتك كم مرة وما اقدر الا اني احييج علي قدرة التحمل والصبر كل هالسنين هم ثقييل مو اي واحد يقدر يتحمله الا ناس قليلين وانتي وحدة منهم ناس اكيد عندهم ايمان وصبر وقوة شخصية وصبرك هالسنين يدل علي انك انسانة صاحبة شخصية قوية وعندك مبدأ بس لكل انسان قدرات واكيد ياعزيزتي ان نفسيتك بتتاثر من هالمشاكل ولا اراديآ عقلك الباطن ايلوم زوجك علي ضعفه وسلبيته طول هالسنين واكيد في قرارة نفسك تلومينه لأن بسبب زواجك منه اتحملتي مالايتحمله اي بشر بس احب اهمس في اذنك كلمة عزيزتي لا تكرهين زوجك تراه مسكين مكبل بأغلال يمكن تربيته فيها الأحترام الشديد لأهله ولأمه بالذات خلته يقف مكتوف الأيدي قدام كل المشاكل
عزيزتي انتي قدامك تحدي الحين اللي خلاكي تصبري علي المشاكل والبيت مليان باشخاص سببوا لكي الكثير من المتاعب والأهانات والآلام يخليكي تعطي زوجك فرصة ثانية عزيزتي اعتبري زوجك ابن صغير ربيه علي ايدك غيري في شخصيته لأن انت ماكان امامك فرصة للعيش لوحدك معاه عشان جدي ما تتطبع بأطباعك وانتي اصغر منه في السن يعني بتكوني عزيزة علي قلبه وصدقيني استخدمي كل طريقة واسلوب مع زوجك وبتشوفي رجل جديد وعلي ذوقك بس انتي حاولي لا تفكري في الطلاق فكري اشلون تعمري بيتك بالحب والرعاية اضيفي لمسات حلوة علي ديكور بيتك اخلقي لك جو جديد في كل شي وانا متأكدة انك راح تلاقي كل شي جميل وعلي ذوقك ويرضيكي
بس انتي اتحلي بالصبر والتسامح والغفران انسي اي شي يضايقك في زوجك وابدأي من جديد اعطي نفسك للتحدي لخلق كل ما هو جديد وانا متأكده ان الأمور ستسير حسب ما ترغبين واكثر وبعد ما تهدأ النفوس فكري في الأنجاب والله يوفقك ويهديكي للصواب

مشكوره اختي COCOmademoisell و اختي ام انوار....
مشكوره على الردود...

اختي لعيونها...
انتي ادرى الناس بوضعج...فكري بينج وبين نفسج...يمكن المشكله الاساسيه بزوجج..يعني من الاساس هالرجل مايناسبج لانه ماكو شخصيه ومستحيل تعيشين معاه معززه مكرمه بهالدنيا اللي مافيها خير...اذا جذي فكي عمرج وتطلقي خصوووووصا انه مابينكم عيال..
اما اذا كان يحبج وعنده شخصيه ويقدر يشيلج لكن نقطة ضعفه اهله...
اللي فهمته من اخواتي ان اهله خلاص مشو من بيتكم...
فحاولي انج اتصلحين الامور..فكري عدل,,
اذا تطلقتي وين بتروحين..هل ممكن ترضين باحد ثاني غيره...وبقرب انسان ثاني...دوري على غلاته بقلبج واذا كانت موجوده...فحاولي بغلاته انج ترممين اللي انكسر...وكوني قريبه من ربج...هذا حل كل مشكله ودفع كل بلاء...والله يوفقج ياقلبي

مشكوره غاليتي OoOo.kuwaiteyah.oOoO على ردج...

عزيزتي لعيونها
ما اقدر اعطيكي حل لان مشكلتك مش واضحه بالنسبه لي وصار لها وقت طويل
والقرار لازم يكون نابع من داخلك وتكوني مقتنعه بقرارك ميه بالميه لانها حياتك
وانتي اللي عايشتها وحاستها
واذا ممكن توضحيلي بعض النقاط عشان افيدك بشكل احسن
قلتي ان زوجك يدرس وانك متزوجه من 4 سنوات طيب متى بيخلص دراسته؟
واذا خلص دراسه بترجعو بلدكم وبتسكني ببيت لحالكم ؟
انا ما انصحك تكوني معه في لندن لانك قلتي انه يخرج من الساعه الرابعه الى
العاشره ليلا يعني وقت طوييييل وراح تملي واذا كانو اهله موجودين راح تكثر المشاكل
وحتى لو اهله مش موجودين وفي بلد غربه راح تملي لوحدك
الله يكون بعونك ويزيل همك
انتظر ردك ولي عوده