تجربتي الخاصة في علاج الهرمونات و التخلص من الشعر الزائد بإذن الله

انا عندي نفس المشكله اضطراب في الهرمونات واعالج عند نفس الدكتور كمال الشومر

دموع الكويت
ان شالله لاحظتي تحسن ؟
شاركينا بتجربتج :)

هلا وغلا اختي

خف الشعر اللي بويهي بنسبه 40% وحمدالله الحبوب راحت اللي كانت بويهي بس هم ما حسيت بتحسن كبير


بغيت اسألج ما عندج تساقط بالشعر ؟؟؟

دموع الكويت
الصراحه انا عن نفسي ما لاحظت التساقط لاني اسوي شعري كيرلي و ما امشطه الا لما اغسله .. يعني مخليه شعري على راحته
بس امي تقول ان شعري كان خفيف من جدام و بعد العلاج شكله صار احسن :)

بغيت اسئلج دموع .. اشكثر صارلج اتعالجين ؟ و شنو الأدوية اللي تاخذينها ؟
لان انا بكمل سنه مع نوعين ادوية : الدوكتون و دايان

هلا وغلا اختي

انا صارلي من شهر 5 /2002 اول شي عطاني حبوب اسمهم AIdactone اعتقد نفس اللي تستخدمينهم وبعدها بفترة عطاني حبوب ديان ... وبعدها عطان حبوب اسمهم Androcur اخذهم مع ديان بس لمدة 10 أيام .


وبعدها عطاني هالدوا واسمه Metphage


وانا مستمرة على العلاج والله كريم وغلطتي انه وقفت العلاج شهرين لاني مليت والدورة قامت اتييني 20 يوم متواصل المهم لما رحت موعدي قالي السبب انه قطعت العلاج من نفسي


بس ما قلتي اشرايج باالدكتور كمال الشومر ؟

الله يشفيكم يا مس.ب و دموع الكويت

الظاهر ان بنات الخليج كلهم عندهم مشاكل هرمونات ........ عادي ترا انا و حده منهم
و اخر مره رحت للدكتور قالي ان هرمون الذكوره عندي عااااااااااااااااااااااااااااالي

و هرمون التبويض عندي ناااااااااازل


الله يكون في العون و يشفينا و يشفيكم من الهرمونات و بلاويها

دموع ما تشوفين شر يارب :)
و الله كمال الشومر ما جربته و ما شفته الا بمراجعتي اللي طافت بعد ما فصل عيادته عن الدكتورة مروة القضيبي لاني كل مره ادش عنده بس اهي اللي تفحصني و تشوف تحاليلي و تعالجني
بس مادري اذا بيفرق العلاج عنده ولالأ لان الحبوب اهي نفسها

GIS
ما تشوفين شر يااااارب
صاجه حتى احنا اغلب بنات عايلتنا عندهم مشاكل هرمونات
ها مثل ما اتفقنا تمشين على العلاج اوكي ؟؟ و تعاليلنا قوليلنا اشصار معاج :)
ان شالله هالمره يمشي علاجج عدل و ربي يشفيج و يعافيج

آمين خواتي

آمين
:)

يسلمووووووووووو حبيبتي على المعلومات القيمه و الله يوفقج ان شاء الله و يتم العلاج و ترتاحين و توصلين للنتيجه الي تبينها

الله يشفي الجميع ..

اللهم رب الناس أذهب البأس وأشفي أنت الشافي لا شفاء الا شفاءك شفاء لا يغادره سقما"

السلام عليكم شكرا اختي على المعلومات القيمه وربنا يتمم شفائك

حبيبتي مس.ب

و الله اني يوم السبت رحت عند الكتور و قالي الكلام اللي قتلج اياه و الحين انا يالسه اخذ ابر منشطه للتبويض و الله كريم و ان شاء الله احمل هذا الشهر

و بعد رجعت اسوي ليزر لاني مليت من الحف و الشعر كان مسببلي ازمه في حياتي ...... و الله لحيتي كانت اطول من لحية ريلي

روح الروح

الكرز

مردقوش

تسلمون حبيباتي :)
ربي يسمع منكم و يشفي الجميع .. اللهم آمين

GIS
ياااااارب تحملين هالشهر و كل المتزوجات اللي يتمنون هالشي ربي يرزقهم عاجلا غير آجل
حاسه فيج بخصوص الشعر في الوجه .. انا بعد ويهي تعب خصوصا اني بشرتي بيضه فصارت مبقعه :(

السلام عليكم ورحمة الله وبركاته

خواتي أنا قريت الموضوع وخايفه أغلبية الاعراض صارت لي تدريجيا

مثل الشعر بين الفخود كان قبل ناعم والحين صار كثيف واجد وتظهر لي حبوب فجأه في الصدر والكتف

الشنب خاصه هالشهر أحسه بسرعه طلع كنت أتركه شهر وبعدين احفه والحين مرتين وظهرت لي شعره وحده ثقيله في الذقن وكنت

اشيلها بالملقط

والدوره بعد صارت 3 أيام وقبل 6

أحس أني من تزوجت أختربت

بنات تتوقعوا عندي لخبطة هرمونات



بلييييييييييييييييييييييييييز ردوا علي

والله قلقه وخاصه أني للحين ماحملت

منوله
مافي الا تروحين الطبيب و تسوين كل التحاليل اللي يطلبونها و تشوفين النتيجة
بشرينا اول بأول اوكي ؟
ما تشوفين شر يارب :)

مثل ما قالت الاخت Miss.B


روحي الطبيب وسوي التحاليل المطلوبة وان شاءالله ما فيج الا كل خير


بس ما قلتي جم صارلك من تزوجتي ؟؟

MISS.B
مشكوره حبيبتي على المرور وأن شاء الله أروح الطبيب والله كريم وأخبركم أول بأول


دموع الكويت صار لي سنه و4 شهور من تزوجت

ومشكوره للمرورعزيزتي