تجربتي الخاصة في علاج الهرمونات و التخلص من الشعر الزائد بإذن الله

حبيبتي العاش تسلمين يا قلبي على نصايحج الطيبة:up:

خلل الهرمونات يختلف من وحده للثانية و انا الحمدلله الحمدلله اللي اعاني منه ماراح يأثر بإذن الله على الحمل و حتى الدكتورة قالتلي ان وقت ما انوي الزواج لااااازم اقولها عشان توقفلي العلاج :shy:

حتى دايان وصفته لي عشان الدورة عندي ضعييييفة و سببتلي انتفاخ بجسمي لانها ما تنزل و احتمال يكون حل مؤقت و اوقفه بعد ما يتعدل الوضع

و من ناحية الليزر مادري شقولج !! شلون الشعر يزيد و يطلع بعدها بشهرين ؟؟ لازم يالعاش تكملين علاجج بصورة مستمرة و ما تقطعينه و يمكن الانقطاع المستمر اهو اللي خله الحاله تزيد عندج :eek2:

ما تشوفين شر يااااارب يالغالية و بشرينا عنج اول بأول .. اتفقنا ؟ :smile:

يااااااااااااارب آميــــــــــــــــــن

مشكووورة بعد عمري a witch على هالدعاء .. الله يسمع منج :shy:

ذكرتيني بأمي لما كنت بالثانوي .. نفسج ما كانت ترضى احف الا بعد التخرج :D2

روحي عالجي لا تخلين نفسج جذي لان لو كانت عندج مشاكل بالبشرة راح تظل الآثار موجوده و ما تروح بسرعه .. تصدقين ويهي الحين فيه آثار حب الشباب القديمة ماراحت و اليديدة كلها راحت الحمدلله مع العلاج فلا تهملين نفسج و روحي دكتور جلدية متخصص مو اي واحد يلعب في بشرتج و يخربها لج

و اذا على الشنب مو مشكلة كلنا كان عندنا هههههههههه اهم شي شوفي المناطق الثانية اللي المفروض مافيها شعر و انتبهي اذا حسيتي بفرق فيها :smile:

:up: الحمدلله على كل حـال ..
بس بغيت أسـألك .. منو دكتوررتك .. ؟ :shy:

الله يسلمج يا قلبي ريما :smile:

انا اعالج في مستشفى مبارك تحت إشراف كمال الشومر تخصص غدد و هرمونات لكن الصراحه انا ما شفته ولا شافني خير شر لان الدكتورة اللي تعالجي بكل مراجعه و توصفلي الأدوية اهي مروة القضيبي :up:

السلام عليكم ورحمة الله وبركاته
بسم الله الرحمن الرحيم


الحين صارلي 4 ايام على حبوب دايان و مفعول دايان مثل ما قالت الدكتورة يبين بالدورة القادمة

عندي سؤال لكم يا بناااات .. افكر اسوي ليزر حق ويهي .. اشرايكم ؟؟؟

لان بيني و بينكم ويهي تعب من الحف احسه مبقع و لونه مو متساوي فقلت اسوي ليزر و احاول اعتني ببشرتي كثر ما اقدر عشان ترجع صافية خصوصا ان احنا داخلين على اجازة .. يعني ماراح اتعرض للشمس وايد :shy:


ياريت بنات اللي عندها تجربة بهالموضوع تنصحني :smile:

الظاهر مو متابعين الحاله معاي لكن مو مشكله انا وعدتكم اكتب كل شي :smile:

الليزر شلته من راسي لان الشعر قاعد يخف اكثر و اكثر الحمدلله رب العالمين فمابي العب فيه .. بديت اسوي تقشير كريستال لبشرتي بدل الليزر عشان اوخر آثار حب الشباب القديمة اللي تحت الجلد و صعب تروح بالعلاج :up:

دايان الحين استخدمه صارلي شهرين لكن لاحظت انه يحبس الدورة اكثر من الأول !! قريت بالورقة المرفقه معاه ان هالشي عادي اول الشهور و بعدين تبدي الدورة تنزل بشكل طبيعي .. ربي يسهل ننطر اشوارنا :D2 قبل الدورة انزلت علي افرازات بنية و سألت امي عنها قالت صلي مو مشكلة هذي ما تعتبر ضمن الدورة .. هذي افرازات طبيعيه ناتجه عن حبوب منع الحمل :shy:

الحمد لله ماتشوفين شر

الشر ماييج يا قلبي ام رشود :smile:

اختي ميس بي ..طيب لو سمحتي انتي اخدتي علاج هرموني ..يعني اخدتي هرمونات ..او إبر ؟؟..والشعر كان كتير بوجهك وللا لا؟؟..وبعدين العلاج ده ممكن يأثر بعد كده على الحمل؟؟

حبيبتي فتاة مسلمة الظاهر ما قريتي موضوعي كله لاني كاتبه كل شي :think:

حبوب الهرمونات بديت فيها من شهرين بس و هي حبوب دايان و خذيتها عشان الدورة ما تنزل عندي و الحمدلله ما احتاج ابر .. الحبوب اللي قبلها كانت مدرة للبول لكن لها تأثير على الهرمونات فالحين انا اخذ هالنوعين مع بعض .. حالتي نفسها مالها علاقه بالحمل ان شالله لكن العلاج لازم اقطعه اذا نويت اتزوج لان حبوب دايان تمنع الحمل بس اذا كنتي بتعالجين و تبين تحملين كلمي الدكتورة اكيد عندها ادوية مالها تأثير على الحمل :up:

الشعر بويهي ما كان كثيف وايد لان انا الحمدلله طبيعتي مو مشعره لكنه يطلع بأماكن المفروض مافيها شعر مثل الذقن و الخدود .. اللي بالخدود ناعم و اقدر اشيله بالكريمات اللي بالصيدليه .. لكن بالذقن كان خشن و سميك و يطلع بسرعه لدرجة اني كنت احف مرتين بالأسبوع !! ماشالله الحين الحمدلله الحمدلله صار أنعم و أفتح و ما يطلع بسرعه .. حتى بجسمي كنت اعاني من شعر زايد و سميك و لما اشيله يطلع بسرررررعه بأماكن مثل الصدر و الأفخاذ و البطن لكن الحين الحمدلله صرت اشيل عادي مره بالشهر :shy:


و لأي استفسار ثاني انا حاضرة :smile:

هلا اختي

الحمدالله ماعندي شعر زائد بس ضعف الدورة الشهرية .. تنزل عندي بوقتها الصحيح لكن بكمية قليلة جدا جدا و تنقطع باليوم الثالث او الرابع

ووزني زائد تعتقد دورتي الشهريه ضعيفه بسبب الوزن :eek2:

كلثم ماقدر احكم لان ماعندي الخبرة الكافيه بهالأمور مع ان مشكلتج نفس مشكلتي من ناحية الدورة الضعيفه .. لكن الدكتورة حذرتني من زيادة الوزن .. تقول كل مازاد الوزن كل ما تلخبطت الهرمونات اكثر و اكثر .. لهالسبب أغلب النساء اللي عندهم زيادة في الوزن عندهم مشاكل بهالهرمونات و الحمل و الشعر الزائد

انصحج كلثم تروحين تعالجين اذا عندج مشكلة لان العلاج يطول :pain:

السلام عليكم ورحمة الله وبركاته

الله يعافيك اختي Miss.B

:shy:

بقيت اسالج عن الكريمات اللي استخدمتيها للوجه شو اسمها وهل لها أضرار ؟ وهل يطلع الشعر خشن وبسرعة .. يعني بصراحة عطيني من خبرتج انا ويهي يه شعر بس الناعم ( الخدود) اشقره بس يبين واحيانا افتشل من شكله يلمع احمر :o

وعليكم السلام ورحمة الله وبركاته
تسلمين حبيبتي الملاك الحزين الشر ماييج :shy:

نسيم البرايح انا استخدم كريم ( اوكسي ) لإزالة شعر الوجه .. انتبهي لان في منه انواع مختلفه قوليلهم ابي للوجه لا يعطونج واحد مفعوله قوي

ما منه اضرار ان شالله لكن لا تحطينه على بشرة جافه او ملتهبه عشان ما يحرق بشرتج .. بيني و بينج انا احطلي كريم مرطب خفيف قبله و انطر شوي و بعدين استخدمه لاني استخدم كريمات تقشير تنشف بشرتي بصورة فظيعة :pain: اقري طريقة الإستخدام عدل

الشعر يظل فترة طويله على ما يطلع .. طبعا يعتمد على طبيعه كل جسم :smile:

عدنااااااا من جديد
اليوم التاريخ 1/4/2005 ( يعني قايله شي يديد )
صارلي 4 شهور على حبوب دايان بالإضافه الى ألدكتون و النتايج الحمدلله واااايد حلوة :

الشعر بكل جسمي صار انعم و اخف و ياخذ فترة اطول على ما يطلع و لاحظت ان حتى لونه تغير صار افتح .. خصوصا الشعر اللي بالوجه بدأ يصير لونه طبيعي مثل لون الوبر الطبيعي اللي يطلع بالوجه .. ما زلت احف طبعا لكن اقل بوايد من السابق الحمدلله و قمت استخدم التشقير مرات و اللي كان مستحيل قبل العلاج بسبب سمك الشعر و كثافته

شغله مو حلوة صارت بسبب دايان و اهو اني صرت بطه نوعا ما ههههههه بس وايد قالولي ان هالوزن الزايد بيروح بعد ما اترك العلاج لانه عبارة عن تجمع ماء و املاح و ليس دهون .. الحين الجو حار و بديت اشرب ماي وايد و مع التعرق راح يخف الانتفاخ لان الصراحه وزني زاد بالشتا بسبب برودة الجو و قلة شرب الماء

الدورة مازالت ضعيفه لكني انتبهت لشغله كانت غايبه عن بالي .. حبوب دايان كنت آخذها على الغدا فلما تنزل الدورة الصبح و اخذ الحبة الظهر الدورة بتخف على طوووول .. صرت اخذ الحبوب بالليل قبل النوم يعني اعطي الدورة فرصه انها تنزل على راحتها يوم كااااامل و اخذها بالليل و انام و بعدين من باجر الصبح هم بعد تنزل الدورة بشكل طبيعي .. صحيح انها تخف و تنقطع بسرعه لكن فرصة نزولها بالكمية المناسبه صارت اكبر و بالتالي حتى الانتفاخ لاحظت انه خف

بعد ذكروني .. اممممم

اي اي تذكرت .. افراز الدهون بالوجه صار اقل و حب الشباب الحمدلله رب العالمين اختفى و خصوصا الحين اسوي تقشير كريستال فصارت بشرتي حلوة و نظيفه ماشالله لا إله الا الله

بنات قولوا ماشالله ترى انا خوافه هههههههههه بس و الله ما يهون علي اشوف بنات يعانون نفسي و ما اقولهم تجربتي لان علاج الهرمونات يعالج اغلب المشاكل اللي نعاني منها !! ما كنت عارفه ان الهرمونات تدخل بكل شي بأجسامنا الا بعد ما عالجت الخلل اللي فيني و شفت الفرق .. الحمدلله :handup:

موعد مراجعتي راح يكون ان شاء الله بتاريخ 19/4/2005 و اذا ربي عطاني عمر بقولكم اشصار :)

[CENTER]
ماشاء الله تبارك الرحمن

مس. بي

بالتوفيق يا الغالية

نفسي حالتي بالضبط بس سنة 2000

خذيت دايان بس الحمدلله مااثر على وزني لاني كنت اسوي ريجيم علشان

العلاج يحتاجله ريجيم لانه وزني كان 95
والحمدلله ضعفت فترة العلاج لين 69

وبس الحبوب يابتلي حالات الاكتئاب والصداع والياس والصياح بدون السبب

وحبوب دايان خففت الشعر خاصة اللي طلع على صدري

واخر شيء سويت الليزر الحمدلله واايد زين

بس انا اذكر يوم خلصت العلاج كامل

الدكتورة قالتلي اني انا تعافيت حوالي 80% و20% راح يكون بعد الزواج
لو تبين تحملي تعالي عندي ؟؟؟؟\ فما اعرف شو يعني تقصد

بالتوفيق اختي

تسلمين حبيبة قلبي فوانيس على مرورج و كلامج الحلو :)