اللي موعد ولادتها في أغسطس الجاى .. تعالوا ندردش سوا

دلوعة حبيبى ..تعرفى اسم حياة زوجى يريد ان يسميه اذا ربنا رزقنا ب بيبى بنوتة تانى...بس انا اقوله ما تكبر همى تسمى البنوتة الاولى والتانية بدك تعملها مشكلة من دلوقتى كمان ...

دلوعة حبيبي

هلا بالغاليه اشلونج انتي واشلون البيبي :)

ما عليج شر حبيبتي انا ما زلت اعاني من الدوخه والقهر

انها ما تجيني الا اذا كنت طالعه مع زوجي وخصوصا فى السوق :(

الله يعيني ويعينج.

اختي ما ابي احبطج انتي للحين فى الخامس يمكن لاني انا فى الاسبوع

ال 26 الحين ويقولون لي باقيلي اسبوع وادش السابع يعني بعدي فى السادس.

وبعدين انتي موعد ولادتج عقبي بوايد انا فى 10-8 وانتي 13-9 فرق شهر وشي تقريبا !!

عموما... ما علينا من لحسابات المهم اننا نجهز روحنا للولاده قبل الموعد باسبوعين على الاقل.

يا حوامل وينكم لا حس ولا خبر اشفيكم تنشطوا شوي اكتبولنا عن اخباركم وتجهزاتكم يا حلوات.

انا هناااااااااااااااا

انا ابصراحه ما ادخل النت ايام الخميس والجمعه

اجااااااااااااااااااااازه مع لعيال وابو لعيال :)

انتوا اشلووووووووونكم حبيباتي..

انا باقيلي 3 ايام وادخل السااااااااااااااااااابع.. وناسه..

مااااااااا بااااااااااقي شي.. منو معاي؟؟

بسم الله

اللهم صل على النبي محمد..

هلا حلوين .. شخباركم..

قلوا الف الحمد لله..

طلعت نتيجة السكر ولله الحمد طلعت براءة..

لك الحمد والشكر يا كريم..

بس الدكتورة قالت زايد وزني 2 كيلو في شهر واحد والطبيعي إني ازيد كيلو ونصف..

قالت لي لا تاكلين عيش" رز" ولا خبز ولا معكرونة..

تخيلوا الحياة بدون معكرونة صراحة عذاب..

الله يسهل لكم ولي ولكل حامل ويرزق كل محروم..يا رب..

هلا اشلونكم يا حوامل .

عسولة حبيبتي شخبارج يا بختج بدخلين السابع .بديتي اتجهزين والله لا. ومن وين بتجهزين انشاء الله إذا ما فيها ثقالة وسامحينا بس حبيت استفيد من كل حوامل البحرين علشان لما ابتدي اجهز اعرف وين اروح.

نور المدينة اشلونج الحمدلله طمنتينا عليج عقبالنا انشاء الله بس حبيبتي لا تقطعين الرز والخبز و المكرونة بس خففي منهم هاذي الي أعرفه.

نور المدينة

الحمد لله انج طلعتي براءه..

انا نتيجتي عقب اسبووووع والله يستر :(



بحرينيه عسل

هلا والله انا بخير دامج ابخير عنوني :)

وانا بديت اجهز للبنوته وكل اغراضها من السعوديه

ابصراحه احلى وارخص ابواااااااايد..

كيفكم ويش اخباركم وي الحمل بدون تحديد
انا لي يومين من دخلت السابع ورحة للدكتوره اليوم والحمد لله كل شي تمام بس التحاليل لسع ماطلعت النتيجه وعندي مراجعه
بعد اسبوعين ان شالله تكون النتيجه سليمه بس ظهري متعبني من لالم الله يعدي الشهرين الباقيه على خير
----------------
عسوله من وين تشترين في السعوديه عشان اقلدك وشتري زيك....

والله وناااااااااااااااسة...
تدكرت لما كنت بنص اشهر الحمل شلون كنت بالسادس ولله الحمد نشييييييييييييييييييطة عقب ما عانييييييييت من الشهوور الاولى ، واستمر النشاط حتى نصف الثامن ، وليلحييييييييييين انا اتحرى ولادتي بفارغ الصبر لاني عن جد تعباااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااانة ولا عوار الظهر وييييييييييييييييييييييييييع ولا لمن ييني الطلق الخفيف استانس اقول يلا اليوم وماااااااااكو وها أنا ليلحين باخر التاسع وموعدي 15 -5 ولاقام يصير فيني طلق ولاهم يحزنون وابي اوووووووولد باسرع وقت لانا الياهل بعيد الشر عنكم راسه فوق وجسمة لمن يلف يعورني وخصوصا منطقة السرة ، والله انا ودي اولد ادعولي عفياااااااااا والله اشهر السادس والخامس والسابع مااتعوض :)


يلاااا ادعولي

تحياتي

هلا حوامل.

عسولة فعلاً أنا بعد ناوية اجهز من السعودية إنشاء الله لأني سمعت ان اغراضهم ارخص. بس ياليت تعطيني اسماء محلات إذا تعرفين:o وهل هذه المحلات في الدمام او الخبر؟؟؟ أنا صديقتي بعد جهزت من هناك تقول طقم كامل لها وحق البيبي 75 دينار بس :up:بعد بسألها من وين. بس ما أعرف هل الخام مالهم من النوع الزين الي ما يخترب لأني دايماً انا اجهز من مذركير وفعلاً الخام ممتاز ما يخترب بس هالمرة بأغير. ياليت بعد خواتنا السعوديات يفدونا في هالموضوع.

نورس الوجود اشلونج حبيبتي إنشاء اتطمنينا عليج بعد أسبوعين. يالله هانت دخلت السابع ما بقى شيئ.

أحلى كويتية ليش ما تروحين علشان يفرون لج البيبي عند دكتورة او مسادة ثقة. يالله إنشاء قريباً تبشرينا عنج بس لا تنسين تبشرينا.

السلام عليكم ورحمة الله وبركاته ..

اللهم صل على النبي محمد..

شحوال..

شخباركم؟؟

عساكم بخير وطيبين...

عسوووووووولة اي والله الحمد لله .. كنت احاتي وخايفة .. الله يطلع كل الحوامل براءة من السكر والقيصرية يا رب..

بس مو تعب عليك الروحة للسعودية..

أنا في البحرين وما اروح مانطق بعيدة بعد احس تعب..

الله يساعدك ويعينك.. البنات حلويين ويجننون ..

الله يخليها ليك يا رب ويقومك بالسلامة..

***

نورس الوجود..

إن شاء الله نتايجك كلها سليمة * سليمة..

وخليها على الله والله يسهل يارب..


***

أحلى كويتية..

أختي ما بقى شي..

هونيها وتهون.. وكلها بإذن الله تغميضة عين وتلقين ولدك على صدرك..

ومثل ما قالت ليك بحرينية عسل..

روحي للمراخة ..

***

بحرينية عسل..

أختي في البحرين في اطقم بهذي الأسعار..

فيه محل في جدحفص .. قريب من معجنات رنا يسوي طقم كامل للأم والولد بهذا السعر..

الله يرزق كل محروم ويسهل على كل حامل يا رب..

نورس الوجود

اهليين حبيبتي اشلونج انتي :)

نورس انتي جم عاطينج موعد الولاده؟؟ لانج تقولين

دخلتين السابع من يومين وانا باقيلي يومين بعد وادخل

السابع؟؟ يعني موعد ولاداتنا متقاربه او نفس الشي؟؟

بالنسبه لاغراض البيبي انا اشتريها من الدمام والخبر.. حلوه ورخيصه :)

**************************************

أحلى كويتيه

هلا وغلا اختي والله يعينج على ألم الضهر وعواره.. لكن ما عليه ما باقي

شي على الولاده انتي طلعي امشي كللللللللللللل يوم لمده ساعتين ليمن

تتكسر رجولج ههههه وان شاء الله الله يسهل عليج ويردج بالسلامه يا رب.

***************************************

بحرينيه عسل

اهليين عنوني انا اروح الدمام فيه محل اسمه السعر المنافس وايد حلو واسعاره حلوه.

وآخذ لي لفه هناك فى المحلات ساعات الاقيلي اشياء تحفه ورخيصه واشتريها :)

واروح الخبر المحل الكبيييييييييييير اسمه طابا مدري اتعرفينه ولا لا؟؟ عنده كلللللللللل

شي يخطر على بالج حق البيبي واسعاره جدا رخييييييييييييييصه بالنسبه للبحرين.

***************************************

نور المدينة

هلا خيوووو انا الحين احاتي نتيجتي بعد انا متأكده اني مافيني سكري بس

هالعصير اللي يعطونا اياه نشربه هوووووووو اللي بيرفعه ههههههههه..

روحه السعوديه ما اتعبني الحمد لله احنا نمشي على راااااااحه وما ورانا شي

بالذات اذا كانت ليله اجازه.. يعني انا رايحه حق اغراض معينه فى بالي ما يحتاج

الف وادور السوق كلها عليها لاني عارفه اماكنهم زين وبعدين فرررررررررررصه

حق تغيير الجو اشوي واللللللللللللله ملل ملل ملل لا يطاااااااااق اتحسين حياتج صارت

روتين يومي.. متى اولد واجوف البنوته بسسسسس.. الله يسهل عليي وعليكم ياااااااااا رب.

نور المدينة حبيبتي انتي من وين جهزتي؟؟؟ وهل الخام الي في المحل الي قلت عنه زين يعني غريب والله عادي وشنو اسم المحل ولا عليج كلافه حبيبتي.

عسوله المحلين الي قلتي لي عنهم اثنينهم اروح لهم وعندهم اغراض حلوة فعلاً بس ما فيهم طقم كامل للام والطفل صح ؟؟؟؟ وهذا الي انا ادور عليه اذا شفتي وين بس خبريني حبيبتي لأنه من الشهرالقادم انشاء الله ببتدي اجهز.

اوكييييييييييييييييه عنوني..

مساء الخير لاعز خوات واغلى حوامل 0000
والله واحشيني حيل 00 انا اطول مااكتب معاكم لكن قلبي معاكم وادخل اتطمن عليكم كل يومين لكن احيان مايمديني اكتب 0000
المهم اتنمى كلكم بخير 00 والله خلاص صرت احس بثقل فضيع مو زي الاول واالم في بطني لكن الله يعين هانت انشاءالله 000
تصدقون انا بالاسابيع ماادري في اي اسبوع لكن حاسبه لنفسي من البدايه اني كل 10 من الشهر الهجري ادخل شهر يعني انشاء الله 10 ايام وبدخل السابع 000
وانا والله يالغاليات مشغوله عنكم شوي لاني قاعده اجهز نفسي لسفر انشاءالله راجعه لاهلي في السعوديه ادعولي اوصل بالسلامه لاني مشتاقه حتى لتراب السعوديه الغربه صعبه حيل الله يرجعنا سالمين تصدقون لي 10 شهور ما شفت اهلي مشتاقه حيل من كثر الشوق مو قادره اتحمل هالاسبوعين :cry:00000
يارب يرجع كل مغترب لبلاده 0000
وكل حامل يارب بشوف النونو بين يدينها 0000

اهلييييييييييين عنوني لاقارد

ايه والله صادقه يا وخيتي الغربه صعبببببه حيل :(

بس ديري بالج على روحج فى الطياره والاحسن انج

تتطمنين من دكتورتج نفسها وتخبرينها انج بتسافرين

بالطياره علشان الضغط وهالسوالف لا سمح الله.

الله يردج بالسلامه يااااااااااااااااااا رب وتقر عينج بجوفه

اهلج وحبابيج ولا تنسين تطمنينا اذا وصلتين بالسلامه.

الله معاج اختي وبالتوفيق يا رب.. تيك كير :)

السلام عليكم ورحمة الله وبركاته


عسووووووووله..

هلا بيك الله يسهل يا رب ولا تشربي العصير اللوعة..

***

هلا بحرينية عسل..

أنا يا حبيبيتي.. اسم المحل ( BABY born ) رحت المحل هذا شفت الأشياء اللي عنده كانت أشياء حلوة ومميزة..


وصيت طقم كامل فيه:

- مفرش 13 دينار.
- قماط (مهاد) 2 دينار.
- بساط 2 دينار.
- خيط دينار.
- سلة أغراض البيبي 14 دينار.
- سلة صغيرة ينام فيها 30 دينار.
- فستان صغير 2 ونصف.
- شنطة للأغراض 6 دينار.
- جلابية لي 13 دينار.

طلع كامل السعر كامل بـ (83 دينار).

والمحل الأحلى هو محل ريام جنب صيدلة ناصر .. أشياء حلوة كثيييييييير بس اغلى شوي..

******

لاقارد..

الله يكون في عونك ..

صراحة الغربة تعمي الواحد وتزلزل القلب..

الله يقومك بالسلامة ويردك يار ب..

وتبشرينا بالنونو القمر الله يخليه ليك..

لاقارد
الله يردج بالسلامة و يهون عليج انشاء الله بس طمنينا عليج لما توصلين بالسلامة.

نور المدينة
مشكوره حبيبتي بس ياليت تشرحين لي وين مكان محل New Born . بالنسبة لريام تعاملت معه من قبل بس إذا بأخذ منه طقم كامل بيطلعلي تقريباً في حدود 200 دينار مايسوى خاصة انه الطفل يكبر بسرعة كل الي الفترة الي بستخدم الطفل فيها الاغراض ما تتجاوز ثلاث اشهر عن تجربة. وأنا اطقم اعيالي السابقة من مذركير بس عطيت مرةجماي طقم وزوجة اخوي بعض الاشياء ولا كنت حاطه في بالي الحمل الحين ولكن حصل فجأة وعلشان جذي بضطر اشتري مرة أخرى طقم كامل.

مساء الخير على الكل .. بصراحة هالدردشة مادخلت معكم فيها كثير .. وحبيت أشارككم فيها هالمرة.. أنا الآن في النصف الثاني من الشهر السادس وولادتي رح تكون في نهااااااااية أغسطس .. ( يمكن أنا آخر وحده تولد فيكم في هالشهر) ..

أنا مابعد جهزت شي ..وماشريت شي .. لأني سويت أشعه عادية وقالت الدكتورة انتي احمل بولد .. ومن فرحتي صبرت حتى دخلت السادس ورحت ركض على عيادة خاصه حتى أسوي أشعه رباعية الأبعاد ملونه وأحتفظ فيها بشريط فيديو للذكرى .. بس تفاجأت إن الدكتورة قالت أنك حامل ببنت ..بصراحة خلوني بحيره .. زوجي فرح لما قلتله ولد وصار كل كلامنا عن الولد ورحنا وأخترنات بعض الأغراض له لكن لما قالت بنت تفاجأنا وحسينا كأنه كان بحياتنا ولد وخسرناه .. لكن مو أقصد من كلامي إننا مو فرحانين بالبنت لكن تخيلنا حياتنا بالولد والآن بطلنا نتخيل حياتنا لا بالولد ولا بالبنت لأننا احترنا ..

السلام عليكم ورحمة الله وبركاته

بحرينية عسل..

شوفي الخاص..