اللي موعد ولادتها في أغسطس الجاى .. تعالوا ندردش سوا

بنات شكرا على سؤالكم.....اسم جميل جدا يا عسووولة...
بحرينية عسل ..بداية من الخامس عرفت جنس المولود ..وفى السادس حسيت بحركة البيبى كتير

عسوله ونسمة ربيع مشكورين على الرد.

اليوم كان عندي موعد مع الدكتورة وبقولكم بالتفصيل شنو صار.

الاول رحت للممرضة وخبرتها اني بروح المختبر اول علشان اخذ تحليل السكر وبعد ساعة رجعت لموعدي ودخلت وخذيت الضغط والوزن وبعدين طلبت مني الممرضة اخذ عينة دم لتاكد من نسبة الدم hp و الله يعزكم بول فرجعت مرة ثانية للمختبر وخذيت العينة وكانت نقس المرة الي فاتتة 11 وشوي عدت للممرضة وعطيتها النتيجة وخذيت عينة البول وحللته وكان كل شيى زين ولله الحمد وانتظرت دوري للدخول على الدكتورة ولما دخلت سألتني هل كل شيئ اوكي قلت لها الحمدلله وبعدين حطت على بطني جهاز نبضات القلب وقعدت ادور نبضات وما في صوت غير صوت هواء وبدلت الجهاز ونفس الشيئ وقلبي يدق الله يستر المهم بعدين حصلت البيبي تحت وهي كانت حاطه الجهاز فوق والحمدلله كل شيئ كان اوكي بعدين طلبت مني الدكتور الذهاب للمختبر للمرة الثالثة لانه كانت نتيجة ناقصة للبول الله يعزكم فذهبت اتيت بها كانت اوكي وبعدين عطتني موعد بعد اربعة اسابيع في 25/5/2005 إنشاء الله.

عسوووووووولة
ذوق زوجج مثل زوجي
لأنة زوجي كان يقول شرايج نسمي إذا بنت دانة!!!!!
بس طلع ولد الحمدلله

بحرينية عسل
الحمدلله إنج طمئنيتي على كل شي
والله يسهل عليج

نسمة ربيع
شلونج وشلون النونو؟

برايد
خير إن شاء الله طولتي علينا

بقية الحوامل شلونكم وشخباركم مع الحمل؟؟؟؟؟؟؟؟؟

campoocha
ايه والله اسم دانه واااااايد حلو وكشششخه :)


بحرينية عسل
الحمد لله ان كل شي اوكيه اتصدقين نفس اللي صار معاي
سبحاااااان الله !!
امس الاربعاء كان عندي وزن والحمد لله كل شي اوكيه والبيبي
عال العال صج دمي ناقص بس الحمد لله على كل حال احسن من غيري.
المهمممم.. يوم حطت جهاز القلب قعدت تدور على البيبي ما لقته بسرعه
مثل كل مره!! ويوم لقته ما سمعنا صوت القلب لا ههههه كانت البنوته قاعده
وترافس وتتحرك فى كل صوب وكان صوت حركتها هو الوااااضح اوضح من
صوت القلب حتى الدكتوره تقول لي اشفييييييه ولدج عنده مباراه كره قدم
بالداخل؟؟ هههههه قلت لها لا الضاهر عندها عرس وقاعده تسشور شعرها
وتتمكيج ههههههههه قامت تضحك اتقول ما شاء الله حركتها قويه ريحي
بطنج ورخيه اشوي يمكن توقف حركه ونسمع صوت القلب عدل.. وبالعكس
زاااااااااادت حركه البنوته فديتهااااااااا والله بس فى النهايه سمعنا القلب
بوضوح والحمد لله سالتها عن حجمها قالت واااااااااااايد زين بالنسبه لعمرها
خمس شهور وثلاثه اسابيع.. يعني باقيلي اسبوع واحد بس وادخل السااااابع
وناااااااااااسه ما باقي شي ونوصل للتاسع :) الله يسهل عليي ياااااااااا رب.
وبسسس.. عورت راسكم بهذرتي صح خخخخخخ.

أهليين بنات.. أقصد يا حواااامل..

وحشتوني ان شاء الله كلكم تمام...

حزروا وش طلع فبطني..؟؟؟






















طلعت بنوته ... وبسميها باذن الله حياة على اسم جدتي الله يرحمها..
ما شاء الله البنوته حركتها كثيره بس تراقص طالعه لأمها تحب الرقص..

والحمد الله طمني الدكتور ان البيبي طبيعي وكل شي سليم ما شاء الله..
بنات قولولي انا اتعديت مرحلة الخطر بان البيبي يطلع لا سمح الله مو سليم؟؟

الله يتمملي حملي على خير واشوف البيبي وافرح فيها.. والجميع ان شاء الله..

السلام عليكم ورحمة الله وبركاته

والله لكم وحشة يابنات


انا كنت افتكر اني في اخر السادس قالت الدكتورة اني في اوله من جد تحطيم

المشكلة يابنات اني احس الالام في اسفل البطن مقدر امشي ولا اتحرك حتى النوم مقطع


اي اسوي رغم اني احب اجلس على الكمبيوتر هل في ضرر وكل يوم اخرج في السيارة وانتوا

عارفين مطبات وغيره بس ايش اسوي شغلي

دلوعة حبيبي

اهلييييييييييييييييين عنوني ومبروووك على البنوته

الله يخليها ويثبتها لج ان شاء الله.

وتره هالموسم موسم البناااااااااااااااات كل الحوامل اللي اعرفهم

فيهم بنات سبحان الله :)



ممممممم

اهليييييييييين حبيبتي

بالنسبه لحساب الحمل فعلااااااااا تحطيم انا جم مره يأخروني اسبوع

وساعات اسبوعين قهررررررررررر :(

يلا.. المهم السلامه صح :)

بالنسبه لجلسه الكمبيوتر ان شاء الله ما منها ضرر ولاحظي احنا

كلنا حوامل ونقعد على النت صح :)

السياره هم ما منها ضرر بس حاولي انج تختارين الشوارع لمسفلته

وقليله المطبات اامن.

والله يتمم لكم ولي على خيييييييييييييييييييييير يا رب :)

حوامل اشلونكم وشخباركم.

وينج يا برايد توب مفتقدينج عسى المانع خير حبيبتي.

بنات انا دخلت على الرابط الي حطته عسولة وطلعلي ان الجنين 22 أسبوع فهل تنصحوني انا اعمل التراساوند الحين والله انتظر اشوي علشان اتأكد من جنس المولود في الاسبوع 19 عملت التراساوند وقالت لي ما يبين بس 70% بنت . ثانياً اشرايكم في اسم دارين حلو الاسم خاطري اسمي هالاسم اذا كانت بنت إنشاء الله.

بحرينيه عسل..

رووووووووووووووحي فوزيه كمال وهي بتقول لج

بالضبطططططططططط شنو جنس الجنين عمرها ما غلطت

وخبررررررره فى هالامور :)

ولا تنسين تعلمينا باللي يصير معاج..

******************************************

اليوم رحت حق تحليل السكري وكنت حااااازبه منه والله

اشوي واصيح هههههه :(

من جم سنه كانوا يعطونا كأس ماي ثلاثه ارباعه سكرررررر

جلوكوز هالمره اتطوروا وعطوني عصير (سانكيست) برتقال

ولمن شربته واااااااااااااااااو مو حالي وايد واستانست انه مو حالي

لاني مجربه شيصير فيني من بعد ما اشربه.. اللوعه والدوره والدوخان

وعععععععععععععععععع..

هالمره كل شي زين وطبيعي العصير كان طعمه عااااااااااادي وشربته

على ثلاث دفعات مره وحده.. اللحين انتظر النتيجه لما يجي موعدي الجاي

مع الدكتوره انشاااااااااااء الله خير وما فيني سكري يا رب :)

دعواتكم حبيباتي..

وبسسسس..

0000FF سلاااااااااااااااااااام يا حوااااااااااااااااااامل


شخباركم وشخبار البيبيات وتعب الحمل معاكم ؟؟؟؟؟؟


اشتقت لكم مووووووووووووووووووت


نسمة ربيع
انا فيني ولد وان شاء الله راح اسميه "علي"

امس كنت عند الدكتوره وطمنتني كل شي سليم وعلاوي قاعد يكبر ويتدرب على الكراتيه :up::up::up: لان طول الوقت وهو يتحرك والدكتوره تضحك والله جنيت وانا اشوفه يرافس ويتقلب

واليوم دخلت الشهر الثامن ..... والله يتمم حملنا على خير يا بنااااااااااااااااااات

نوراء الحلووووه

هلا وغلاااااااااااا حبيبتي اشلونج شمسويه

وحشتينااااااااا موووووووت عنوني :)

ومبروك على الولد الله يخليه ويثبته ويتمم لج

على خيييييييييييييير يا رب :)

سلام ياحوامل المنتدى

عسوله حبيبتي إنشاء الله بروح حق فوزية كمال نفس ما قلتي وبخبركم شنو يصير معاي. انتي الحين اي شهر انا عطوني حق موعد تحليل السكر اول الخامس واستغربت كل مرة اسويها في السابع. كل مرة هذا المحلول نفسه ( سنكيست) ومتى موعدج الياي انتي دايما معي مواعيدج أنا كان اخر موعد27/4 والياي إنشاء الله 25/5.

نوراء الحلوة الله يخلي لج علاوي ويتربى في عز والديه إنشاء الله يا بختج ما بقالج شيئ وتدخلين التاسع. بس ما خبرتنا هل جهزت لج وحق البيبي ومن وين علشان نستفيد وخاصة واحنا من نفس الديرة.

بنات احد يطمنا على برايد توب ما نشوفها من فترة؟؟؟؟؟؟؟؟؟؟!!!!!!!!!

اهليييييين حبيبتي بحرينيه عسل..

انا اللحين فى الشهر السادس وباقيلي اسبوع واكمله

وادش السابع ان شاء الله ونااااااااسه :)

ويوم السبت اللي راح سويت تحليل السكري وافتكيت منه

وصج بالاول كانوا يسوونه فى السابع بس اللحين تطوروا

وقاموا يسوونه فى الخامس او السادس.. احسن مو حزه الحزه

يمكن الوحده تجيها ولاده مبكره فى السابع مثل ما اتعرفين.

موعدي الجاي ان شاء الله بيكون فى مستشفى السلمانيه حولتني

عليه الدكتوره مناحستني مع اني جبت لها صور السونار بس ما هي

مقتنعه فيهم واتقول مب واضحين عدل..النتايج كلها سليمه

بس حظرتها معترضه على الصور اللي مب وااااااااضحه صج متفرغه خخخخخ.

عموما ان شاء الله بروح يوم الاثنين تاريخ 16-5-2005 والله يسترررر.

السلام عليكم ورحمة الله وبركاته

اللهم صل على النبي محمد..

هلا حوامل..

شخباركم؟؟؟

أنا من فترة ما شاركت..

انا الأيام اللي طافت ذبحوني الشغل..

هذا الاسبوع عندي 4 اجتماعات..

و كان عندنا زواج ولد عمي.. وانشغلت..

والملل زايد عندي.. هذا غير اني مرة وحده حسيت بألم في قدمي وارتفع لللفخد وبعدها لظهري ولمن رحت المستشفى قالت لي الدكتورة هذي بداية سخونة.. وعندي احتقان.. أقول اجتمعت كلها مرة وحدة..

اليوم بإذن الله موعدي مع الدكتورة وعلى الله يا رب يكون كل شي بخير وعافية يا رب..

وبالنسبة لتحليل السكر سويته يوم الثلثاء اللي طاف..

وصراحة طعم العصير لووووعه..

ربي ارزق كل محروم يارب..

ازايكم يابنات....
انا بخير يا كمبوشا والنونو بخير ان شاء الله وما وراها شئ غير انها تلعب وترفس يمين وشمال وزوجى يقول اتركيها تعمل ما يحلو لها بنتى وتلعب زى ما تحب ...ربنا يفرح قلبه وقلبى بهذه الثمرة..اللهم امين...على العموم انا راح اذهب للطبيب هذا الاسبوع كى اطمأن على البيى
.مبروك على يانوراء الحلوة ..انا لى صديقة ولدت من قريب جدا اقل من شهر وسمت على وان شاء الله يطلع و لدك بخير و قمر مثله...
نور المدينة انا ايضا قمت بمجهود كبير كان عندى زفاف ...وخرجت اكثر من مرة مع اصدقاؤنا وسافرت ورجعت فى نفس اليوم لدرجة ان فى النهاية ما حسيت بظهرى....ونمت نوم عميق جدا....وسلامتك الف سلامة....
يا عسوولة ان شاء الله نولد كلنا فى ميعادنا او على الاقل فى التاسع اطفال اصحاء باذن الله......
يا برايد وبحرينية عسل كيف اخباركم ..ان شاء الله بخير..
دلوعة حبيبى ما خبرتينا اسم جدتك....

نور المدينة

اهليين حبيبتي وحشتينا والله يعينج على الشغل وعوار الراس..

اما الالم فحدث ولا حرج انا من دخلت الخامس والالم ماسك لي

فى الحوض ورجولي اليسار :( والله ان اني ما اقدر اقوم من على

السرير الصبح الا عقب عشر دقايق احسها نااااااايمه عليي:(

يلا هانت راح الكثير وما باقي الا القليل حبيبتي والله يعينا.


نسمة الربيع

اهليين حبيبتي

والله يخلي لج البنوته ويقر عينج بجوفتها وتفرحون بيها ياااااااااا رب.

السلام عليكم اشلونكم.

اما انا فتعبانة جداً سخونه انفلونزا الله لا يوريكم الحمدلله على كل حال. وابشركم اني اليوم دخلت السادس إنشاء الله. من معاي او بدش هالايام السادس؟؟؟!!

عسولة ليش حولتج الدكتورة السلمانية المركز نفسه ما عندهم التراساوند؟؟؟ وأي صور مب واضحة الي سويتهم لج فوزية كمال؟؟

عسولة انا دايما ريلي اليسار نوع الي فيها شد يبدأ من تحت ( خبرج) حتى الفخذ تقريباً حتى شكيت قلت لا يكون الحبل السري ملتف على البيبي الله لا يقوله .

نسمة الربيع اشلونج واشلون البنوتة انشاء الله كل شيئ تمام بشرينا بعد ما تشوفين الدكتورة.

ما زلت اسأل عن برايد توب افتقدناها.

وكمبوجا وينج عسى المانع خير.

بحرينيه عسل

هلا وغلا عنوني :)

الله يسلمج مركزنا المتواضع ما فيه الترا ساوند من جذيه حولتني السلمانيه

وهذا شي عادي وطبيعي متعودين عليه كل حامل من توصل السابع يتم

تحويلها السلمانيه وانا بالذاااااااااااااااات لاني كنت مسويه عمليه قيصريه ببجري

فيبون يتطمنون على الجرح اللي صار له 9 سنوات خخخخخخ فراااااااااغه الصراحه..

بالنسبه للصور اللي مب واضحه لاااااااااااااااااا مب مالت فوزيه كمال يحلمون اعطيهم

اياهم هذولا واضحين عدللللللل الملامح والاذرع ولرجول مستحيل افرط فيهم ابي احطهم

فى البوم البنوته للذكرى ان شاء الله.

الصور اللي قصدتهم هم نفسهم ماليين السلمانيه كنت تعبانه اشوي وانا فى الخامس وسووا

لي التراساوند وقالت لي الدكتوره خلاااص ما يحتاج تجين عندنا اذا حولوج المركز عطيهم

هالتقارير وهالصور وبس.. لكن عاد ويييييييييين.. دكتورتي ما اعترفت فيهم خخخخخخخخخ

وقالت لي لاااااااااااازم تروحين وتسوين مره ثانيه انا اش عليي عاد بروح عادي ومره وحده

اتطمن على البنوته واجوفها وهي تتحرك فى الشاشه فديييييييييييييتها والله :)

وبس توته توته خلصت الحتوته ههههههههههه.

اهليين يا أحلى حوامل..

كيفكم وش اخباركم..؟؟ وكيف النونوات ان شاء الله بخير؟؟

بنات تتوقعون اكون دخلت السادس انا بالاسبوع الـ 21؟؟
انا الحمد الله صحتي كويسه وحملي ما شاء الله تمام.. ومو متعبني شي بس اللهم الدوخه لو اتأخرت شوي بالاكل يجيني هبوط على طول.. حتى مره كنت معزومه عند الناس وبغيت اطيح على وجهي من الكرسي.. والله فشله لو صارت.. ولا من هبالتي قمت للحمام ما ابي اتفشل واطيح قدام الناس بس انتبهت لي امي لحقتني للحمام..

جدتي يا نسمة الربيع اسمها حياة وكنت ادلعها حيوت.. الله يرحمها..
بنات من معي في الولاده انا باذن الله 13 سبتمبر..؟؟

السلام اشلونكم يا حوامل.

عسولة الحين فهمت القصة ههههههههههه.
دلوعة حبيبي أنا على حساب التراساوند موعد ولادتي 14 سبتمبر يعني انا وانتي انشاء الله سوا بس انتي فيج بنت والله ولد بنت على ما اعتقد صح؟؟؟!!

وين بقية الحوامل كأنه ما في الا انا وعسولة أكثر المشاركات.