اللي موعد ولادتها في أغسطس الجاى .. تعالوا ندردش سوا

الله يسلمك يا رب من كل شر

اشكرك يا جميلة

سلامتش اختي برااااااااااااااااااااايد وما تشوفين شر

وينش اختي عسوله عسى المانع خير ان شاء الله

وسلامتكم

bridetobe
سلااااااااااااااامات حبيبتي ما تجوفي شر
وطمنينا رحتي للدكتور ولا لا؟؟
عموما الدوخه لابد منها وانا بعد رجعت
لي مره ثانيه هاليومين. الضاهر اننا ما بنخلص
منها الااااااا يوم الولاده. ضريبه الحمل.
الف سلامه عليج حبيبتي وطمنينا على أخبارج اول باول.

tft
كاااااااااااااني موجوده.. آمري.

أهلين يا حواااااااااامل

كيفكم وشوووووووو عاملين مع الحمل والنونو شوووووو عامل معاكم
الله يتمم لكم على خيرررررر انشاء الله


براااااااااااايد
ما تشوفين شررررر حبيبتي والله يتمم لج على خيررررر

انا الحمد لله كل شي تمااااااام وحركة البيبي (علاوي ) قاعده تزيد يوم عن يوم والله وناسه :D2

بس صار لي يومين احس بدوره ولوعه ما ادري من شنووووو قلت يمكن دمي ناقص .... فلازم اجيك هالمره على نسبة الدم عندي مع اني ما قط نقص دمي من حملت


بسسسسسسس شنوووو الاكل اللي تنصحوني فيه علشان ما يصير عندي نقص

مرحبا حبيباتي كلكم بلا استثناء

بنات ما قلتوا لنا ايش اخترتوا اسماء اطفالكم المنتظره

انا عن نفسي كل يوم اقول بسمي بنتي شي اخر شي راح اسميها بدون اسم :D2

بس عاجبني اسم جنى ومعناه ثمار في الجنه

انا اليوم دخلت الشهر الخامس والاسبوع ال 18 بالتحديد والى الحين ما احس بحركه البيبي :( مستعجله على الحركه

وامس رحت اشوف اغراض البيبي قلت ابغى اشتري لون محايد وعجبني اللون تفاحي يصلح للبنات والاولاد والا شرايكم ؟؟

وقلت ما راح اسوي اشعه مره ثانيه الا بالشهر السادس اسوي رباعيه واتاكد من جنس البيبي مره ثانيه ....

انا الحين اخذ كالسيوم وحديد ... واحس اني بديت اسمن هذي الفتره مع انه ما ودي ابداا :(

وبنات البحرين يا ليت تقولون لي المحلات المميزه عندكم لاني يمكن اروح البحرين بعد اسبوع ...

وسلامي للجميع

نوراء الحلووووه
اهلييين حبيبتي انتي اشلونج واشلون علاوي معاج
هههههه الله يثبته لج ويتمم عليج على خير يا رب.
اتصدقين عاد.. الضاهر ان الوحم رجع لنا كلناااااا
مره ثانيه!! اكره شي اللوعه والغثيان فضييييييع.
والله لا يقول ليش حاسه ان دمج قاصر؟؟ انتي ما
تاخذين حبوب الحديد والفيتامينات؟؟


bent^cute
اهليين عنوني اشلووونج واشلون الحمال معاج؟؟
عاد اتخيلي ينادونج يا ام بدون اسم هههههه حلوه.
انا اخترت دانه اذا بنت اما الولد للحين ما قررت شنو
بسميه؟؟
بالنسبه لحركه البيبي فلااااازم البكريه تتاخر اشوي
فى احساسها لحركات البيبي بس لا اتحاتين عنوني
ان شاء الله على نهايه الخامس بتحسين به وبتشبعين
من رفساته القويه.
المحلات فى البحرين ابصراحه معدوده وانا شخصيا
مااااا تعجبني لا من حيث الخامات ولا من حيث الاسعار
اللي شابه ضو. بس عندج مذركير اللي فى السقيه او
اللي فى مجمع المارينا مول. هذا اشهر مكان حق لبس
واغراض المواليد الجدد. سبحان الله انا عكسج بجي عندكم
حق اشتري اغراض البيبي احلى وارخص ابواااااااااايد والله.

اهلييييييييييييين اخواتي

برايد الف سلامة عليج
ما تشوفين شر
تحملي في نفسك وفي البيبي

اف بنات عبالي بس انا رجعت لي اللوعة والوحم
والحين اكتشفت إغلبكم رد لكم النساة واللوعة وهالسوالف

والله من اقعد من النوم اشرب لي حليب
ولأني اقعد متأخرة يعني ساعة ويجي موعد الغذى ف ما اكل الى وقت الغذى بس المشكلة اللوعة توصل حدها وما اقدر اكل لي ولا شي
من اشوف الاكل
ضميري يأنبني
بس مو بيدي حيلة
والعصر شوي يخف اكل لي لو سندويش جبن على الاقل
وترد لي مرة ثانية بالليل
يعني ما في فكة منها
خاطري اكل على راحه
خاطري اطلع بدون ما يدور راسي واحس قلبي يدق بسرعة واتنفس بسرعة
طاقة كلش ما فيني
شنو هالسالفة اللي ما بتخلص خخخخخخخخخخ
اي والله صدقتي عسولة شكلة ما بنرتاح إلا لما نولد بتنتهي اللوعة

ودي ارد عليكم وحدة وحدة لأني مشتاقة لكم
بس عذروني تبعت
ما فيني قوة كلش
بقوم ارتاح لي شوي
عذروني

السلام عليكم ورحمة الله وبركاته

هلا يا حوامل ما عليه اغيب وارجع اسمحولي ...

بسألج عسوله انتي وين تشتغلين ؟؟؟

كل شوي القاج كاتبه ضريبة الحمل ليكون في تحصيل الضرائب ؟؟

والله يا حوامل انا هاليومين تعبانه ادعوا لي ان الله يعدي هالشهور الباقيه على خير ويسهل علي وعليكم الولاده ...

وطبعا حركة البيبي زادت ووايد بعد هذا شي طبيعي ...

وعندي المشيمة نازله ومن كم يوم تعبت حسيت كأني بولد من كثر الألم ...

كان فضيع بس قالوا لي هاي تقلصات عادي لا تحاتين وحد قالي اذا كانت الحامل ببنت تكون التقلصات في الشهر السابع ..

وسلامتكم ..

انتوا خبروني عنكم ..

[CENTER]مرحبا حوامل وش أخباركم؟؟

برايد
سلامتك حبيبتي ما تشوفي شر.. انتبهي لنفسك ما تمشي كثير بالشهور الأولى لأنه خطر عالجنين..

نوراء الحلوه
هلا حبيبتي تسلمين عالسؤال.. كلنا بخير الحمدالله
حبيبتي الدوخه تكون لسببين ممكن فقر دم أو البيبي يضغط عالشرايين فيسبب دوخه
بس تدرين احسن شي كلي عنب احمر او اسود و زبيب مررررررررره زين للحديد.. واذا اخذتي حبوب الحديد لا تاخذينها مع شاهي أو قهوه أو حليب او كالسيوم.. وأفضل شي تاخذينها بعد الاكل على طول ومعها عصير فيه فيتامين سي لأنه يمتصه بسرعه..

bent_cute
هلا حبيبتي..
أنا بإذن الله لو بنت بسميها حياة على اسم جدتي الله يرحمها لأني كنت متعلقه فيها مره.. ولو ولد بسميه طلال على ولد اللي توفى..
والله يتمملك حملك على خير يارب.. التفاحي يجنن للجنسين والأبيض والموف والأصفر كلها الوان تقريبا محايده..
وحبيبتي لا تاخذين الكالسيوم مع الحديد لأن الاثنين لو اخذتيهم بنفس الوقت ما يمتصهم الجسم والحديد بالذا ت اقري وش كتبت لنوراء الحلوه.. واهم شي الحديد للبيبي لأنه يمنع عنه الصفاري ..

camppucha
سلامتك من اللوعه تدرين انا كنت اعاني منها بالاول ولقيت طريقه وطلعا فعلا مضبوطه ونفعتني .. لازم طبعا تاكلين زين عشان البيبي بس لا تاكلين الاكل مره وحده قسمي الاكل لفترات كثيره ممكن لـ 6 أو 7 مرات باليوم واول ما تحسين بطنك مافيها اكل على طول كلي لأن الجوع والبطن الفاضيه هيي اللي تسبب اللوعه..
أنا اتبعت هالطريقه والحمدالله ماشاءالله ماتعبت مره مثل الحمل الأول ولا زاد وزني..

شاليمار
حبيبتي ما تشوفين شر سلامتك بس حبيبتي نزول المشيمه خطر لازم ترتاحين طول اليوم وما تقومين من مكانك الا للحمام لأنها لا قدر الله خطر عالبيبي والمفروض دكتورتك تقول لك هالكلام.. حبيبتي اتمددي وارفعي رجولك لفوق بس لا تنسحين على ظهرك ارفعيه شوي عشان الاكسجين للبيبي.. والله يسهلك ويعينك يا رب ويخفف عنك حبيبتي..

دوخت راسكم ادري مسويه فيها دكتوره وفاهمه :pain:

الله يتمم لكل الحوامل على خير ويقومنا كلنا بالسلامه مع بيبياتنا..

الله يسهل عليه وعلى كل حامل يارررررررررب

[CENTER] السلام عليكم ورحمة الله وبركاته

اللهم صل على النبي محمد وآل محمد..

شخبـــــــــــــــــــــــــــــــــــــــاركم؟؟؟

شلونـــــــــــــــــــــــــــــــــــــــكم؟؟؟

عساكم طيبين وبخير وصحة وسلامة..

برايد ..

ألف الحمد لله على سلامتك ما تشوفي شر يا حلوة..

اهتمي بنفسك يا حبيبتي ..

ولو تستطيعي تاخذي إجازة يكون أفضل لمدة اسبوع اسبوعين ..

ريحي في البيت والله يقومك ويقوم كل حامل بالسلامة يا رب..


[line]

عسووووووووووله..

هلا بنت بلدي شخبارك؟؟

شخبار البنوتة دانة لو أخوها ما ادري شسمه..

أنا أمووووووووووووت على اسم دانة.. يعجبني كثير .. الله يخلي لك دانة وتوصل لك بالسلامة يارب..

وشنو صار على الأشعة الثلاثية الابعاد.. ما خبرتينا وش صار ؟؟


[line]

نوراء الحلوة..

شلونك؟؟

شخبار علاوي...



وبالنسبة لنقص الحديد كلي زبيب و داومي على الحديد..

أنا الدكتورة وصفت لي حبوب حديد وفتامينات وكاليسوم ما تتأثر بالأكل اللي تاكلي..

واسم الحديد فروز (FEROSE) شريتة من الصيدلية ب 3 دينار ونصف..

الله يسهل يا رب وتقومي بالسلامة انتي وعلاوي..

[line]

bent^cute

هلا حبيبتي ..

شخبار جنى؟

صراحة عجبني الاسم كثيييييييير..

الله يخليها ليك يارب..

وتكمل شهور حملك وتقومي بالسلامة يارب..

أنا بإذن الله راح اسمي ولدي علي ولو كانت بنت إن شاء الله مريم..

وإذا تبين أغراض البيبيات الحلوة في البحرين..

في أماكن معروفة منها :

- مذركير اللي بالسيف ومذركير اللي في مارينا مول..

عندهم كل احتياجيات الطفل من ملابس أدوات استحمام، سراير، شنط، مهادات، بطانيات، مرضعات، شراشف ، الجهاز اللي ينحط للسماع صوت الطفل لو كنتي في مكان غير عنه وكل شي على بالك..

- وفي سوق واقف (مدينة حمد ) سمعت ان في أماكن حلوة للبيبيات.

- وفي مجمع مدينة عيسى محل اسمه كوخ الأمومة فيه أطقم كاملة للطفل ( سرير، سلة لأغراض البيبي، شنطة، مهاد، سلهة مهملات، ملابس بساط، قبعة) يطلع الطقم 81 دينار..

هذا اللي على بالي .. ولو تذكرت مكان راح أخبرك عنه..

الله يسهل علينا كلنا يارب..

[line]

campoocha

ردينا..

الله يعينك على اللوعة يا اختي..

أختي غير برنامجك في الأكل و لا تخلي معدتك فاضية أبدا..

الحامل واهي شبعانة بعد تتعب مو بعد خالية معدتها تزيد اللوعة وتضيق الصدر وتعفس المزاج..

الله يسهل يا رب وتشوفي النونو على صدرك يا رب..

[line]


شاليمار..

هلا حبيبتي ما تشوفي شر..

انبهي لنفسك ..

واخذي اجازة وظلي بالبيت..

وعلى طول ارتاحي..

ول و تروحي بيت أهلك أفضل لك يا شاليمار عشان الوالدة وخواتك يهتموا بيك..

ولا تشيلي ولا شي وخليك مرتاحة ..

آجر وعافية إن شاء الله..


[line]
دلوعة حبيبي..

هلا دكتورة ..

دمت لنا طبيبية الحوامل.. تشكري على النصائح الحلوة لكل الأخوات..
[line]


fatma

ربي يسمع منك ويلبي دعائك..

ويعطيك مرادك يارب..

نور المدينة
اهليين حبيبتي
انا ما اتصلت لها للحين تدرين ليش؟؟
الله يسلمج مركزنا الصحي حولوني
السلمانيه يوم الاثنين الجاااي حق
الالترا ساوند وان شاء الله تطلع
الدكتوره حبوبه معاي وتقوللي جنس
البيبي لانهم ابصراحه نزرييييين على قولتنا.
امااااا لو ما عطتني فيس بضطر اروح اسوي
الثلاثي الابعاد فى التخصصي لانه الوحيد اللي
سمعت عنه ويمدحونه وااااااايد.
فوزيه كمال ما اعتقد عندها هالتصوير.

بنات اشلونكم وشخبار البيبيات معاكم إنشاء الله كل شيئ بخير .بس انا قاعده احاتي لأنه البيبي لحين ما تحرك مع اني دخلت الاسبوع الثامن عشر.بس إنشاء الله بروح اعمل سونار خلال هالأسبوع والله كريم.

ايه صج نسييييييييت..
خبروني عن الفااااااتح فى السلمانيه اشلون
معاملتهم وشنو الاشياء اللي لازم اسويها اول
ما اروح؟؟
انا اول مره اروح مدري اشلون بتصرف؟
عموما.. انا قلت من اجوف امهات الدبيب
بلحقهممممممم على طول واللي يسوونه
بسويه مثلهم هههههههه.
المهم اني ما اضيع هناك او اتبهدل او
يطوف دوووري وانا قاعده مدري بالدنيا صح!

دلوعة حبيبي
تسلمين على النصيحة

نور المدينة
مشكووووووورة حياتي بحاول اطبقها وبنشوووووووف

عسولة
حملي الاولي كنت اتابع في الفاتح الصبح
لأني سكلر ف المركز من نفسهم يحولني السلمانية اتابع عندهم على طول
زين انصحج تروحين من الصبح كلش
يعني على 7.30 انتين هناك او إذا كلش كلش 8
ترى زحمة وروائح واشياء ما اقدر اوصف لج
ومن تدخلين روحي داخل بتشوفين ممرضات قاعدين وحدة توزن وحدة تقيس الضغط
قيسي وبيعطونج في ورقة الوزن والضغط وبيقولون لج نطري دورج
شوفي لج كرسي قريب من غرف الدكاترة شوي
وكل شوي بتسمعين وحدة تنادي بأسم من غرفة ويا عالم انتي في اي غرفة الفايل مالج بيروح
ف خلي اذنج مفتوحة على طول
لأنة فوضى وغفصة ما ينسمع شي
انا كنت كل شوي اروح غرفة واسألهم فايلي عندكم
لين اعرف فايلي في اي غرفة واقعد قريب من الغرفة اللي فيها فايلي
وبعدين لما ينادون اسمج دخلي على الدكتورة بتشوف بطنج وبتسمع دقات القلب وبتحولج على السونار
وبعدين تطلعين تروحين قريب من غرفة السونار وتقعدين تنتظرين دورج
بعد الى حد ما ينادونج
بس لا تتأخرين لأنة الساعة 11 او 10 يطلعون بريك ياكلون وما ادري شنو وما يردون إلا متأخر

عسى ما عقدتج >>> ههههههههههههههههههههههه
انا تعبت وياهم لأنة
علشان جذي هالمرة ما طبيت السلمانية كلش
الواحد يروح صاحي يطلع طالع روحة من التعب والانتظار

تسلموا لي يا رب كلكم ما اتحرمش منكم

والله انا اليوم احسن كثير الحمد لله

ايه حكاية الغممان دي يا بنات مش كنا بقينا كويسين خلاص ، كده خلتوني افقد الأمل كنت عايشة على أمل اني ابقى طبيعية بعد الثلاث شهور دول ما يعدوا واضح انها 9 مش 3

يلا الحمد لله على كل حال ربنا عطي كل اللي عاوزة يا رب ولا يحرم حد ابدا حتى التعب ده نعمة ناس كثير محرومة منها

تحيه وبعد...

مرحبا بنوتااااات ...

انا اليوم غايبه عن الجامعه :( صار لي اسبوع بس انام ماادري وش فيني ...

مشكوره حبيبتي عسوله ونور المدينه على الاماكن الي عطيتوني اياها...

حبيبتي عسوله اكيد انتي قصدك الشرقيه هي الي اسعارها كويسه اما الريااض مو صاحيه :(

انا من الرياض ورحت شفت اغراض البيبي بصراحه تجنن ويساهل النونو هذي الاسعار تعرفي اول بيبي خليه يتدلع بس قلت اشوف اذا عندكم شي مميز اروح اشوف .

حبيبتي برايد انتبهي على نفسك والله يتمم لك على خير يارب....

bent cute سلامتك وده شئ عادى كلنا بنام كتير ....
brideما تقلقى الاعراض دى بتختلف من شخص لاخر....وماتقلقى لانها مش فى كل البنات....
عسوولة اخبارك ايه وكمبوشة وبنت فلسطين ونور المدينة ان شاء الله كويس كلكم يابنات....

برايد
ما تشوفين شر
انا مثلك كنت اقول اخلص الثلاثة اشهر وارتاح والحين انا في الاسبوع ال16 وبعد دوخة ودورة ولوعة
بس بنصبر كلة يهون علشان البيبي
بس حبيبتي ممكن سؤال؟
انتي بأي شهر الحيييييييين؟؟؟؟؟؟؟؟؟؟؟؟؟؟؟

bent cuteعادي حبيبتي
انا حياتي كلها نوم
اي وقت اخط راسي انام
حتى لو نمت لي من الظهر الى المغرب بعد بالليل ما اقدر اسهر وانام بسرعة
الله يساعد زوجي كلش ما اقعد معاه الحيييييييين
يالله خله يتصبر علشان خاطر البيبي

نسمة ربيع
تسلمين عمري
انا الحمدلله اسأل عنك خبارج الحين ؟؟؟؟؟؟؟؟؟؟؟
وشخبار البيبي؟؟؟؟؟؟؟؟؟؟؟؟؟؟