اللي موعد ولادتها في أغسطس الجاى .. تعالوا ندردش سوا

نسمة ربيع
ضحكتيني هههههههههههههههههه
انا اول حمل ما توحمت كان خاطري اتوحم مثل بقية الحوامل
ويصير خاطري في شي معين او اكره شي معين
لكن كلش ما توحمت

بس هالحملة غير كلش
يعني لوعة ودورة
واشياء وايد كرهتها في الاكل واولها الحليب واللبن
وما اقدر اعد لج من كثر الاشياء اللي كرهتها الى درجة إن حتى طاليها يجيب لي الوعة
بس الحين الحمدلله راح الوحم وفتكيت
لأني باجر بدخل الاسبوع ال16
يارب تنتهي هالشهور على خير

أهلين يا حواااااااااااااامل

شخباركم وشخبار النونوات ؟؟؟؟

كمبوجا
هلاااااا حبيبتي انتي اللي مختفيه وينج من زمان ما شفناج


ممممممممم
بالنسبه لسمار الرقبه انا احس ان رقبتي سمرانه وقالوا لي في السونااااااار انه ولد
اما بالنسبه لحملي الاولي اللي ما تم فحسيت من اول شهر اني حلويت والكل كان يقول "يمكن تكون بنت " وتشفع لي في الاخره

عسوووووووله وبرااااااااايد
شخباركم وشخبار النونوات

[CENTER]أهليييييييييين بنات وحشتوني.. من زمان ما سمعت أخباركم..
تسلمون يا عرايس على السؤال والدعوات وان شاء الله نفرح كلنا بمواليدنا..

لي يومين ما شاء الله احس البيبي يتحرك وخصوصا عند النوم.. على قولت امي صايع يحب السهر..

وحم ااااااااااااااه منه تعبت وقرفت الى الان معي وحم
اقرف من كل انواع القهوه ومن ريحتها حتى .. أقرف من العطور بجميع انواعها حتى البخور ما اقدر عليه.. في البدايه كنت اقرف من ريحة زوجي على قولته اف ريحه..

بس اتوحمت على الجبه الكرفت السايله والشيدر..

ممممممممممم
انا يوم كنت حامل بولد رقبتي سمرت بشكل مو طبيعي بس ما اعتقد ان له دخل الله اعلم..

طمنوني عليكم يا احلى حوامل كيف حملكم ان شاء الله بخير؟؟

برايد..

عسوووووووووله

نسمة الربيع

بحرينيه عسل

نورس الوجود

camppucha

نوراء الحلوة

tft

العسل

bent_palestine

مممممممم

نور المدينه

السلام عليكم يا أحلى حوامل في المنتدى.
وحشتوني مووووووووووووووت
بس أنا زعلانة منكم محد سأل عني :confused:
اتغشمر معاكم ادري انا الحمل متعبكم مثلي
تعالوا بأقولكم ايش صار فيني
انا الله يسلمكم أعاني من زكام أول ما اصحى من النوم وبعدين يختفي لوحده هذا من سنة تقريباً
بس من حملت لازمنى الزكام على طول وبعدين صادني صداع حاااااااااااااد وقلت لكم عنه اذا اتذكروني
ولازمني ثلاث ايام وبعدين وبدون مقدمات التهبت عيني بشكل فظيع الي يشوفني اخاف من منظرها
الله لا وريكم انشاء الله وبعد معاناة خمس ايام خفت ولله الحمد مع القطرات. بس هاذي الي صادني الله لا يوريه لأحد.

كان عندي موعد مع الدكتورة يوم الاربعاء 30 مارس عملت لي بعض التحاليل للدم والبول الله يعزكم وعطتني موعد لتحليل السكر واستغربت الي اعرفه تحليل السكر يسونه لما يدخلون السابع وأنا توني داخل الخامس المهم وعطتني ابرة تسمم الحمل الي يسمونها منشطة وسمعتني دقات قلب البيبي لأول مره اسمعها كل مره اشوفها في الترا ساوند وعطتني موعد تاريخ 27 ابريل . بس لحين ما حسيت بحركة البيبي اللهم من يومين بس حسيت نوع النبض الخفيف بس مب متأكده اذا حركة والله غازات.

[CENTER] السلام عليكم ورحمة الله وبركاته

اللهم صل على محمد وآل محمد..

أمهات اغسطس شخباركم؟؟

عساكم طيبين وبخير وصحة وسلامة انتوا والنونوات.

برايـــــــــــــــــــــــــــــــــــــــــــــــد

و

عسووووووووووووووووووووووولة



وينكـــــــــــــــــــــــــــــــــــــــــــم؟؟


ممممممم..

هلا اختي يعني انتي اقرب وحدة لي في موعد الولادة لأن آخر دورة لي كانت 26 أكتوبر ، 12 شهر رمضان..

بالنسبة للشعير ما اعرف عنه..

بس سمار الرقبه ماله دخل أبد بجنس الجنين..

لأن حماتي صارت رقبتها سوده ، مو سمرة..

وولدت بنت قمر تجنن..

وصديقتي ما تغير فيها ولا شي من حملت وبعد ولدت بنت..

كله بيد الله وكله نعمة من الله يا مممممم..

الله يسهل علينا يارب وعلى كل حامل.

[line]

تفت..

اسم الله عليك..

وما تشوفي شر..

الحلبة مضرة للحامل ..

بس فيه نوعية حبوب وصفت له الدكتورة في بداية حملي لمن كان عندي التهاب اسمة زينات علبه بيضاء وزرقاء شريته من الصيدلية بـ 14 دينار بحريني..

واستفدت عليه..

ونصحتني الدكتورة بشرب الماء بكمية كبيرة للالتهاب.

بس انتي استشري الدكتورة تبعك مثل ما قالت العسل وعلى الله شفاك يا رب.. ويتمم لك على خير ولنا وعلى كل حامل..
[line]

نورس الوجود..

أي هواجيس .. تقصدين أحلام وكوابيس..

صل على النبي وخلي تحت وسادتك صدقة وقرآن وما راح تشوفي شي بإذن الله..

وبالنسبة للسمار ..

كانت صديقتنا المغربية عندنا بالبيت وتتكلم عن ولادتها..

تقول عندهم في المغرب لمن تسمر رقبة الحامل وجاها الطلق كلما عرقت تاخذ شعر ها وتمسح على رقبتها ويروح السمار والعهدة على الراوي..

[line]

campoocha

هلا اختي ..

شكراً على النصيحة الحلوة يا كمبوجة ..

ما قصرتي..

وعلى الطلعة..

البارحة لفيت مجمع البحرين كله لحد ما تعبت ورديت البيت راح الملل..

الله يسهل يا اختي..

[line]

نسمة الربيع..

قولي الف الحمد لله انك ما توحمت..

الوحم يتعب يا اختي..

ويخرب النفسية والمزاج..

بس زين سويتي استغليتي الوضع بس خسارة اكتشف زوجك الموضوع خيرها في غيرها..

أنا كرهت زوجي وأهله وأكلهم وبيتهم وكل شي له علاقة بهم..

كرهت مرقة اللحم وريحتها على الرغم انها مووووووووتي قبل حملي..

كرهت الشاي والقهوة..

وطحت طيح في كل انواع المعكرونات.. كل ليلة معكرونة..

[line]

نوراء الحلوة..

الله يسهل لك يا رب وتشفع لك بنتك بإذن الله..

[line]

دلوعة حبيبي..

انا الحمد لله بخير ولله الحمد واتمنى كل الحوامل يكونوا بخير..

وعلى ابنك اللي يحب السهر الظاهر حصل له ولدي صديق نفس الحالة أنا ابي انام واهو يبي يلعب ..

الله يخليهم لنا يارب ويعطي كل محروم..

بحرينية عسل..

هلا اختي ما تشوفي شر يالغالية..

الحمد لله على سلامتكم انتي والبيبي..

ولا تخافي ووكلي امرك على الله..

اهلييييييييين يا احلى حوامل
اشلونكم واشلون البيبياااات
قبل كل شي بقولكم عن سبب انقطاعي عن المنتدى
وتراه مو مني لاااااا من المنتدى نفسه مدري اشمعنى
اناااااا اللي لازم بين كل فتره وفتره يسكررر وما يرضى
يفتح خير شر؟؟
اليوم من الصبحححححح قلت بجرب وبجوف والحمد لله فتح
عندي ما صدقت والله وسييييييييده نزلت شكوى بخصوص هالسالفه.
حبيباتي بعدين برجع اكمل معاكم لان الدوره واللوعه رجعت لي.
مع السلامه.

باااااااااااااااااك
الحين انا رايقه اشوي.
بنات وحشتوني وحشتوني وايد وايد.
والله اني اضيييييع من غير المنتدى اشكثر
متعلقه فيه ابصراحه مونسني مع الحمل.
اتصدقون.. رجع لي الوحام مره ثانيه.. رجعت
لي الدوخه واللوعه والغثيان وفوق هذا كللللله
رجعت للنوووووووووم.. اتصوروا بعد ما افتكيت
منه جم شهر رجع لي مره ثانيه..
يا ربي اشكثرررر اعاني والله هههههههه.
بس تعرفون ان الوحام معناته ان كل شي سليم
وطبيعي انا سالت الدكتوره وخبرتني بهالشي وطمنتني.
احس بألم مع شدددد اسفل البطن مو دايم متقطع وطبعا
هالشي عادي وكل حامل تمر به. بس اللي مضايقني ومتعبني
التقلصات والشدددد فى بطني كله احسه بينفجر عليي من زود
ما هو جاااامد ويابس لدرجه اني اذا المس بطني احسه كانه حجررره
والله. انا قلت كل شي للدكتوره والحمد لله طمنتني بس تعرفون
الوحده لاااااازم اتحاتي واتفكر فى كل صغيره وكبيره.
وبسسسسس..
وان شاء الله ما ينقطع الموقع عندي مره ثانيه لاني محتاجه لكم واااايد.
سي يو حبيباتي.

عسولة
هلا ومرحبا فيج من جديد

برايد
وينج ليش ما تخلين
عسى المانع خير

السلام عليكم............... شخبار كم يااحوامل

هلا عسوله حبيبتي ما تشوفين شر ان شاء اله

بسالج اختي فوزيه كمال عنده تلفزيون ثلاثي لابعاا د اذا دخلت السابع ان شاء الله بروح بسويه عندهاااا ان شاء الله او عند دكتوره ..........:think:..........!!؟؟؟ ناسيه اسمها بس هي في مركز جلسرين للسكر كانه افتخار او فكريه ما ادري والله بس هي مصريه ............... شكلي طولت عليج ...........:o.......السموحه خيوه

(r)على فكره خيه اني توني داااخل الخامس تاااريخ 23 يعني بااقي علي مشوار طويل الى ما اوصل السابع يالله الله يتمم لينا على خير ان شاء الله

مع السلامه

مشكورة خواتي الله لا يحرمني منكم

السلام عليكم ورحمة الله وبركاته


اهلين بالحوامل والله يابنات اني كل ماشفت امي ابوسها ياهم شافوا تعب لا متابعة ولا ادوية وولادة بدون مخدر كيف بتحمل لو كنت مكانها الله يجزاهم الجنة ولايحرمنا

اختي نور المدينة انا مثلك ياعسل اخر دورة 13 رمضان

عندي موعد الخميس ودي اعرف نوع الجنين انتي عرفتي؟

بنات انا بسالكم في السيارة احيانا نمر بمطبات وحفر تهز الواحد هز هل تسبب ولادة مبكرةانا مرة خايفة ولمل اخرج لازم امر منها ؟

مين مثلي زاد وزنها 9 كيلو وهي في بداية السادس والله مره دبدبت اله يستر من التاسع


اشوفكم على خير

محبتكم ممممممم

[CENTER]مرحبا بنات كيفكم اليووووووم؟؟

بحرينيه عسل

سلامتك يا قمر.. تدرين اعتقد اللي معك جيوب انفيه انا مان عندي نفس المشكله وخفت بس يوم حملت اااااااااه رجعت ثاني مع صداع استعملي قطرات الانف اللي ملح وماء ممتازه وللحوامل والاطفال..
والله يطمنك على تحاليل السكر
بس اول مره اسمع عن الابره المنشطه لإيش؟؟

[line]

نور المدينه

انا بخير الحمد الله وبعافيه
يعني مو انا بس اللي ولدها صايع؟؟ ههههههه
وربي يستجيب دعاك ياؤب..

[line]

عسوووووله

الله يعينك على الوحام انا مثلك مازالت معي الدوخه والغثيان وياويل لو ااخر وقت اكلي على طول يجيني هبوط..
وهو الوحام طبعا زيييييين لأنه يدل على نمو الجنين..
والانتفاخ اللي تحسينه فبطنك احتمال يكون غازات كلي الياف وفواكه كثير بيخف لأنها لما يصير معي اسوي كذا..

[line]

tft

والله ذكرتيني بالتصوير الثلاثي الابعاد ودي اسويه بس ما ادري وين يسوونه عندنا بجده..
والله يتمملك على خير يارب..

[line]

ممممممممم

والله صادقه كنت بحملي اللي راح كل ما شفت الالم والتعب ادعي لأمي حسيت باللي مرت فيه من تعب والله لو احاول اوفيه لها الدهر كله ما يكفيها..
والمطبات ما ادري اذا تبكر الولاده بس اعرف انها خطر ما ادري ليش بس انتي اذا ركبتي السياره امسكي بطنك من تحت وارفعيها لفوق كل ما جا مطب او ارفعي نفسك وبيخف الخطر..
ذكرتيني بسواقنا الله يهديه امس بغى يسوي فينا حادث ولا من جهتي بس ربي ستر..
وانتبهي من زيادة الوزن لأنها تصعب الولاده.. حاولي تاكلين الياف كثير
أنا ماشاء الله من بداية حملي الى اليوم ما زدت الا كيلو ونص
بحملي اللي فات زدت 30 كيلو بس والله مرررره تعبت كنت ما اقدر اقوم واقعد بس انا كله كان موياات وتعبت منها..

والله يتمملنا جميعا حملنا ويفرحنا بمواليدنا..

[CENTER]السلام عليكم ورحمة الله وبركاته

اللهم صل على النبي..



هلا بيك عسوووووووووله..

الله لا يقطع النت عنك أبد.. ونشوفك منورة الموضوع يا عسل..

الله يعينك على وحامك اللي مو مخلص يا رب..



tft..

هلا اختي..

يعني فوزية كمال أكيد عندها جهاز ثلاثي الأبعاد الملون.. إذا عندها بروح لها بإذن الله..

وردوا علينا شنو اسمها الدكتورة الثانية...




ممممممم..

هلا

أنا للحين ما عرف إذا كانت بنت أو ولد..

بس احساسي يقول لي انها بنت .. الله يخليها لي..

موعدي يوم السبت وبإذن الله راح اعرف إذا كانت بنت او ولد..

دلوعة حبيبي..

يا رب الله يسمع منك ويعطي كل محتاج حاجتة وكل محروم يا رب..

السلام عليكم ورحمة الله وبركاته
كيفكم ياحومل يحلوين ياقمورين الي كروشكم متعديتكم <<ماكنها منهم<< ههههههههههههههههههههههههههههههههه
عسوووووووووله..&tft..& ممممممم..&دلوعة حبيبي..&نور المدينة &بحرينيه عسل
برايد&نوراء الحلوة..&نسمة ربيع&كمبوجا
ماشاءالله تبارك الله اللهم زيد ويبارك
هااااااااا اليوم نشيطين ولافيكم نوم ويكسل والبيبي كيف حاله كم هدف دخله ترى الكاس جاهز بس ينتظر
وصوله على خير .....
انا الحمد لله بخير ..بس اسأل عن سلامتكم
ومع الف سلامه&&&&&&&&&&&&

السلام عليكم
شخباركم ياااحوامل ...........ان شاء الله الحمل مو متعبنكم........... الله يتمم عليكم وعلينا على خير ان شاء الله


بنات اكتشفت شي عجيب وهو ....:eek2:....... ان البصل الابيض يعطي البيبي نشااااااط ويخليه يتحرك وااااايد

قالت لي خالتي بالوصفه العجيبه وصدق من أكلت البصل الابيض اشوف البيبي صار عند نشاط ويتحرك اكثر من قبل


يالله بنات لي ماااتحس بحركة البيبي وااااضحه عليكم بالبصل لابيض

وسلامتكم

السلام عليكم ورحمة الله وبركاته

هلا يا حوامل يا حلوين اشربوا الحليب ...

اخباركم وشوه مسوين وشوه الحمل ...

هلا اختي بحرينية عسل ...

اسمحيلي اختي على التأخير .. صح بربي في شهر 6 ..

بس جنس البيبي ما عرفته اخر كلام بنت .. وكلهم حلوين البنات والاولاد :)

هلا عسولتنا ....

اخبار الحمل وياج حبوبه ؟؟؟

campoocha

شوه الحمل وياج ؟؟؟ واخبارج ...

اسمحولي على التأخير ...

تعرفون الحمل ومتاعبه ادعوا لي انا في نص السابع ...

وما بقى لي شي ...

وسلامتكم ...

بنات شو اخباركم وحشتونى....اليوم فى بعدكم سنة....
tftشكرا كتير على النصيحة و مع انى اكره البصل لكن راح اكل بصل لاجل عيون البيبى لان متعتى وهو يتحرك...؟
عسوولة اعتقد ان هذا عادى لانى فعلا احس بتحجر بطنى شوية لكن الغريبة ان الغثيان والدوخة عادت تانى والله خوفتينى من عودتها ..على فكره انا كنت فاكرة ان الوحم حاجة والغثيان حاجة تانية فاكرة ان الوحم اشتهاء شئ بعينه ...
يا بنات بدى اسالكم عن شئ .... انا اليومين اللى فاتوا كنت بامر بظروف جعلتنى متوترة جدا و غير متحكمة فى اعصابى و حسيت بانقباضات فى بطنى ...لكن سؤالى اذا كان هذا يؤثر على البيبى و كيف شكل هذا التأثير....

campoocha
هلا فيج عنوني شخبارج انتي وشخبار الحمال معاج؟!


tft
اهليين عنوني والله مدري اذا كان عندها سونار ثلاثي
الابعاد ولا لا؟؟ يبيلنا نتصل بعيادتها ونتأكد واذا عرفت
بخبركممممممم ان شاء الله.
وشكررررا على نصيحه البصل بس انا ما اعتقد اني بجربها
خبرج الريحه.. مااااا اقدر عليها ههههههه.


ممممممم
اهليين اختي..
ما اعتقد ان المطبات والحفر تؤدي الى ولاده مبكره يمكن
تسبب الم اسفل البطن والضهر ايه. اما ولاده مبكره لاااااا.
على هالحسبه انجان انا ما كملت حملي كل يوووم الصبح والضهر
الله وكيلج اطلع بالسياره حق اعيالي اوديهم وارجعهم من المدرسه
وتعاااااالي جوفي الحفر والمطبات اللي اطيح فيها هههههه تقولين
ما عندنا اسفلت بشوارعنا؟؟ وين البلديه عنهم مدري!!
اختي الحااااافظ الله واللي مكتوب علينا بيصير. والله كريم.


دلوعة حبيبي
هلا وغلا عنوني انا مااااااا عندي انتفاخ لا لا لا انا اشتكي من
انقباضات وشد فى البطن وبس قالت لي الدكتوره شي طبيعي
والحمد لله بس حبيت اعرف منو يصير لها مثلي. عموما تسلمين
يا الغاليه على النصيحه المفيده.


نور المدينة
هلا بالغاليه نوارتنا اشلونج عنوني انتي والموضوع منوور بيكم
حبيباتي..
جفتي اشلون يا نور رجع لي الوحام مره ثانيه وصااااااادقه متى
بخلص وبفتك منه بس؟؟ الله كريم.


نورس الوجود
اهليين حبيبتي اكيد الحمال متعبنج مالج لويه وايد فى المنتدى
ههههه اللللللله يعينج حبيبتي ويقومج بالسلامه يا رب.


شاليمار
هلا والله حبيبتي انا بخير الحمد لله والبيبي بعد بخيييير والحمد
لله بس الوحام رجع لي عقب ما افتكيت منه.. شسوي ضريبه الحمل.

نسمة الربيع
اهلييين حبيبتي.
اختي ريحي روحج وهدي اعصابج والواحد فى هالدنيا لاااااازم
يتعرض للضغوطات.. وشد الاعصاب لاااابد منها. ولا اتخافين ان شاء
الله البيبي ما راح يتأثر بهالموضوع بس انتي هددددددي مثل ما
قلت لج.
انا بعد عصبيه واااايد لدرجه ما تتصورينها ومن حملت زادت
العصبيه عندي ودي امشي واطيح تكفخ فى الاوادم ههههههه.
بس فترررره وتزول المهم اننا نريح بالنا وما نشغل تفكيرنا
باشياء تنغص علينا حياتنا. خلينا نستمتع بشهور الحمل.
بالنسبه لشد البطن اخيييييييييرا طلعت وحده مثلي هههههه
بس لا تخافين هذا شي طبيعي اكدت لي الدكتوره هالشي.
وسبحان الله يمكن هالشي يصير للعصبيات بس مثلي ومثلج!!
اشرايج؟
وما عليج شر ولا ضر باذن الله.

وحشتوني يا بنات والله

عاملين ايه كلكم ما شاء الله لو اقعد اعد قدامنا لبكرة ههههههههههههه

عسولة

سلامتك وسلامة البيبي ان شاء الله كله يكون تمام

نور المدينة، نوراء، نورس الوجود، نسمة الربيع، دلوعة حبيبي، ربنا يهون عليكم كلكم ان شاء الله

كمبوشة

وحشتوني والله كلكم

انا موجودة لكن الكم يوم اللي فاتوا كنت تعبانة موووت واغمي على في الشارع والناس روحوني البيت وكانت حكاية يعني الحمد لله فجأة لاقيت نفسي بادوخ ومش باشوف بعيني وفجأة قبل ما احلق افكر اعمل اى حاجة ما حسيت بنفسي الا وأنا باصطدم بالأرض

بس الحمد لله والله على كل حال روحت طبعا واخذت اجازة ومن يومها وانا كل ما اقوم ادوخ واشعر بغثيان فظيع

الحمد لله رب العالمين

كله يهون والله بس البيبي يكون بخير ان شاء الله

السلام عليكم ورحمة الله وبركاته
سلامتك حبيبتي ما تشوفي شر
انشالله خير يا رب