زوجي مسوي كارثه..ألحقوني

كلام الاخت كلثم ما عليه زيادة:clap:....
بس دايما تجاهلي الحركات والتيلفونات... كبري راسج وخلييك قمر ولسانك عسل...
كل كلام حلو قوليه وهو طالع ودعيه بابتسامة وبكلام حلو... وهو برة ودي مسج حلو وحار.... وبعد ما يرجع كوني جاهزة ومتعدله ... وحتى لو سمعتي شي ما عيبج احتسبي لله .. ورد عليه بضحك وسوالف...
ادري انه الوضع صعب بس الله يعينج...

انا بعد مريت بموقف مشابه وكنت بجن.... وما عرفت ارتاح لين فوضت امري لله واكثرت من الدعاء وواصلت بعدين اسلوبي الحنون والطيب واهتمامي فيه اكثر عن ولده.. وأحاول اطلع معاه بروحنا لو شوي ... ومااطلب ولا اناقش في موضوع الحرمة...

يعني خليج دائما متجاهلة الحركات اللي ما تعجبج لين تحسين زوجك رد يغليج اكثر عن اول... بس ابد ولا في حياتج تردين تذكرينه بهذا الموقف...

هوه اللى خلاج جيه انج انصدمت فيه ... بس لا توقفين وتميين تفكرين في اللي صار... عليك انج تتحركين وتحاولين تردينه لج بكل الحنان والاسلوب الرائع والحركات الحلوة...

الله يوفقج ويسرلج امرج... ياكريم اجمع بينهم في الدنيا والاخرة...

الحين شو الأخبار ؟؟

طمنينا !!

ويجعل حياتك انتي وزوجك كلها سعاده وهنا يارب

الله يصلح مابينكم
ويهديه ويرده لك مثل ماكان واحسن

السلام عليكم ورحمة الله وبركاتة

ماقول غير حسبي الله ونعم الوكيل على أصحاب السوء والله يهديهم

الله يكون في عونك ياقلبي

والله الي أشوفه أن الزوجات يمرون بتجارب صعبه مع أزواجهم أكثر من الأزواج نفسهم

ومشكلة الخيانه يبالها حل ؟!!!

شوفي ياقلبي أستهدي بالله وحاولي تسترجعين زوجك كما كان

غيري نمط حياتك معه يمكنه مل من الروتين

لاتضغطين عليه أبداااا خليه هو بنفسة يترك طريق الغلط أنتِ بس قومي بالي يستوجب عليكِ

وأهتمي فيه أكثر وغمريه بحنانك حتى ماتكون له فرصه ويدور عليه من بره

لاتستسلمين لو فشلت محاولاتك في البدايه ولاتقولين تعبت

وصدقيني ( كثر الدق يفك لحام )

وأنتِ من كثر ماتقربينه منك وتحجبين نظره عن غيرك راح يتعود وينسى خرابيطه ويرجع لك برجلينه

والله يهداه

وأسأل الله أن يجمع بينكم على الخير والسعاده ومايفرق بينكم ويبعد عنكم عيال الحرام

بالتوفيق ياقلبي


مملكة القلوب

حبيبتي الله يصبرج ... ومالج الا الدعاء ... وانشالله يعتدل حال زوجج وربي يهديه

بالحرف الواحد بس والحمد لله زوجي تحسن وعشان افيدك مراح يكفي كلمتين لان الموضوع يبغاله جلسه فاذا ماعندك مانع راسليني عالايميل تبعي واذا عندك ماسنجر اضيفيني وان شاء الله افيدك

كاتب الرسالة الأصلية : mmohdd
زوجك هذا مصرقع ورخمة(مع احترامي)
والا كيف يعرف انك تفتشين وراه وما طلقك الى الحين؟؟
للرجل خصوصياته

لا حول ولا قوة الا بالله .. يعني لهالدرجه الطلاق سهل وبهالبساطه عند الناس ... يا أخي ترى ابغض الحلال عند الله الطلاق .. واذا الطلاق بيكون على سبب تافه مثل هذا ... فمن عذر لما يقولون نسب الطلاق مرتفعه .. واذا كل من كان هذا حله لمثل هالمشكله البسيطه الطلاق فاعرف ان ما من احد بيظل متزوج في هالدنياا ...


يبااا كل شي بالتفاهم ينحل ... والله يوفق الجميع وماله داعي للاستهزاء بحال الناس ..

والسموحه

انتم الحين بدال ماتنصحونها بعدم تفتيش خصوصيات زوجها والبحث في اسراره جالسين تقوون عينها!!!1
هي الغلطانة!!!
وانا لما اقول الطلاق(فهذه مجرد مبالغة) المقصود فيه تنتبه ولا تكرر الشئ هذا.
لانه انا بصراحة مااقبل احد يفتش وراي افلامي واوراقي وجوالي
هذا عيييييييييييييييييييييييييييييييييييب

كاتب الرسالة الأصلية : mmohdd
انتم الحين بدال ماتنصحونها بعدم تفتيش خصوصيات زوجها والبحث في اسراره جالسين تقوون عينها!!!1
هي الغلطانة!!!
وانا لما اقول الطلاق(فهذه مجرد مبالغة) المقصود فيه تنتبه ولا تكرر الشئ هذا.
لانه انا بصراحة مااقبل احد يفتش وراي افلامي واوراقي وجوالي
هذا عيييييييييييييييييييييييييييييييييييب

مش وقت الكلام هذا هو ممكن يكون عيب بس هي في حالة صعبة ومش قادرة تفكر انه تفتش ولا ماينفع واي وحدة مكانها بتسوي كدا خصوصا لما تشوف زوجها يعمل الحاجات الغلط دي :s

الله يعينك ويصبرك اختي ام امجاد والله حاجة صعبة وتوجع ربنا بيبعد عنة رفقاء السؤ ويرجعه لك يحبك اكتر من اول خلي اتكالك على الله وادعي كثير صدقيني مافيش غيرة سبحانة بيريحك وكلام كلثم جميل جدا ومنطقي وماقصرت جزاها الله خير اهم شي لا تطلعي الخبر ولا لايي حد من اهلك ولا اهلة وخلي كل شي بينكم على قد ماتقدري والله يوفقك حبيبتي بس طمنينا ايش بيصير معك

كاتب الرسالة الأصلية : mmohdd
انتم الحين بدال ماتنصحونها بعدم تفتيش خصوصيات زوجها والبحث في اسراره جالسين تقوون عينها!!!1
هي الغلطانة!!!
وانا لما اقول الطلاق(فهذه مجرد مبالغة) المقصود فيه تنتبه ولا تكرر الشئ هذا.
لانه انا بصراحة مااقبل احد يفتش وراي افلامي واوراقي وجوالي
هذا عيييييييييييييييييييييييييييييييييييب

لا

هي الغلطة الوحيدة اللي عملتها انها قالت له انها شافت وعرفت لكن من حقة تعرف و تفتش اذا كان الموضوع واصل لهذه الدرجة

والعيب اللي كان هو يعملة( واقول كان لاني اتمنى من قلبي انة الموضوع يكون انتهى واتحلت المشكلة)

الله يهديكم بس

الله ييسرلك امورك اختي ام امجاد
ومابزيد على اللي قالوة البنات اصبري واحتسبي والله كريم
وماتنسي تطمنينا

أتمني من الأخ الكريم mmohdd انتقاء الكلمات المحترمه او حذف الرد


مو من حقك تسب الرجال :down:

يارودين
الله يصلحك
انا ماسبيت الرجال
مصرقع = منفلت ويحتاج ترصيص
رخمة =تقال لاي رجل تتجرا عليه زوجته وتفتش اسراره

كاتب الرسالة الأصلية : mmohdd
انتم الحين بدال ماتنصحونها بعدم تفتيش خصوصيات زوجها والبحث في اسراره جالسين تقوون عينها!!!1
هي الغلطانة!!!
وانا لما اقول الطلاق(فهذه مجرد مبالغة) المقصود فيه تنتبه ولا تكرر الشئ هذا.
لانه انا بصراحة مااقبل احد يفتش وراي افلامي واوراقي وجوالي
هذا عيييييييييييييييييييييييييييييييييييب

احنا مو قاعدين نقوويها بس اللي سوته صح ومن واجبها تعرف شنو اللي مخرب زوجها ... ولو كان زوجها ماشي سيده وصح يمكن كنا راح نقول لها عيب تفتشين باغراض الريال وهو مستقيم وزين ..

والمهم اختي مثل ما قالولج لاتييبين سيره حق احد من اهلج ولا اهله ..

الله يعينج حبيبتي ويصبرج
هذا وباء ومرض منتشر هذي الايام اكثر النساء يعانون منه لو تسمعين هم غيرج همج يهون الرجال صارو مثل الاطفال يتصرفون من غير عقل:confused: الله سعنج ويحل مشاكلج يارب
مو اول مشكلة اسمعها من هذا النوع :down:

mmohdd

والله محد مصرقع و رخمة و ما عنده شخصية

إلا اللي يرخص كرامة زوجته و كرامته هو نفسه قبل أي حد ثاني

و يسوي هالسوايا

اللي فيه ذرة رجولة و نفسه عزيزة عن الدنايا و يعرف ان الله حق ما يمشي هالدروب

:angry:

قال عيب !!!!!!!!!!!!

حبايبي ..أشكركم من كل قلبي على ردودكم

بصراحه طيبتوا خاطري ...حسيت إني مو وحيده من اليوم

ورايح وراي خوات ينصحوني ويساعدوني في الأزمات

المهم أنا بقولكم ايش صار معايه

الحمد لله الخلاف الأخير مع زوجي انتهى وتصالحنا

وانا دوبني راجعه من السفر كنت معاه

هو الحمد لله تمام طول ماهو بعيد عن الشله

وهوحاس بغلطه حتى اني كل ماأبغى أفتح معاه الموضوع

وأعرف منه ليش يتصرف مثل هاذي التصرفات

يقول ارجوك لا تفتحيه وانسيه لانه كل مايتذكر اللي سواه معي

يتألم ويحس بتأنيب الضمير

وبالنسبه لتفتيشي على قولة البعض

هذا مو تفتيش ..كل هذا من خوفي عليه وعلى بيتنا

وهو مازعل من الشي هذا لانه عارف غرضي

وبين الزوجين مافي أسرار

السلام عليكم ورحمة الله وبركاتة

هذي الأخبار الزينه

الله يتمم عليكِ السعاده والفرح

ويهدي زوجك

والحمد لله أنه معترف بغلطتة

وأهم شئ أنك ماتفتحين السالفه معه أبداا وكأن شئ لم يكن وفتحي معه صفحة جديده ونسو الماضي

ماتدرين قد أيش فرحت لك:smile:


مملكة القلوب

اللهم لك الحمد حمدا كثيرا طيبا مباركا فيه ملأ السماوات والارض ومابينهما كما ينبغي لجلال وجهك وعظيم سلطانك ..


اختي ام امجاد الله يبارك لج بحياتج والله انج فرحتي قلبي يوم انج قلتيلنا هالخبر الحلو .. والحين اهم شي لا تلحين عليه بالاسئله عن ربعه وتصرفاته .. وخليج زينه وايد بنظره وحسسيه انه وياج واهو ماشي سيده عايش بخير ونعمه ...


وغيري باللوك مالج عشان ما يمل الريال .. مو الحين كلهم يبونج كل يوم شكل ...:D2:D2:D2

وابدي معاه شهر عسل يديد ..


والله يوفقكم ويبعد عنكم المشاكل ... ياااااااااارب

وسامحيني .. سولفت وايد ..:o

:clap:


ألف ألف مبرووووووووووووووك


والله فرحتينا


الله يصلح بينكم دوم و يبعد عندكم رفقاء السوء