زوجي مسوي كارثه..ألحقوني

كاتب الرسالة الأصلية : ريم81
لا حول و لا قوة إلا بالله .....

حاولي يا أختي تصبري عليه .... و تجيبيله شريط لعمرة خالد أو جاسم المطوع يتكلم عن حرمة العلاقات خارج الزوجية و كيف نحلها


و الله يهديه لج ....

يمكن غلطي يوم واجهتيه

لو استخدمتي اسلوب ثاني

الله يهديه اختي ويصبرك ان شاء الله
ويارب يرجع لك ولاولادك ويهديه

السلام عليكم ورحمة الله وبركاته
الله يهديه اختي ويصبرك ان شاء الله
ويارب يرجع لك ولاولادك ويهديه

ام امجاد
انتي مكبره الموضوع هي حالة طيش بسيطه ويرجعلك تاني احسن من الاول بس لاتحكي كتير لاهلك او اهله ولا تشتكين منه

أشكركم اخواني كلكم...
أنشالله تكون فترة طيش وتنتهي ...
انا فعلا مااشتكيت منه أبدا لا لاهلي ولا اهله
يارب يرجع لي زوجي ..ياااارب

كاتب الرسالة الأصلية : اَخر العنقود
الله يهديه....... إدعي له و هدي نفسج علشان تقدرين تتصرفين معاه صح...
و يا ريت لو تطلبين منه تتكلمون و بهدوء علشان تعرفين لو كنتي مقصره معاه و انتي مب حاسه ... و بيني له إن لج عنده حقوق مثل ماهو له و انج مهما يكون بشر .. و لو قصرتي مؤخرا في حقه فهذا ما كان بيدج و هو لو كان يحبج لازم يقدر و يصبر......... أوصيج على صلاة القيام و الله ماراح يرد ددعائج............ الله معاج

بسم الله الرحمن الرحيم

اختي الكريمه حاولي أن تلجأي إلى الله وتدعيه بقلب خالص
أن يصرف قلب زوجك عن أولاد الحرام وبنات الحرام اللي مايخافوه
وادعي لزوجك بالهدايه وقولي حسبي الله ونعم الوكيل في هذه
الانسانه اللي ماتخاف الله وفي اصدقاء السوء.
وربنا يجبر قلبك ,ويعوضك خير وحده قادر.......ولاتنسينا من دعائك

حبيبتي الرجل بطبيعته يحب الفرفشة وانت عامله حارس وخايفة عليه استخدمي معاه الحيلة ولو ما كانت في طبعك ولا تستسلمي وتكوني سلبية ترى كيدهن عظيم ما انقالت علفاضى... زوجك وحبيبك بيروح منك وانت عارفة انك حلوة وانه بحبك اذا تقعدي تندبي حظك وتقولي اصحاب السؤ... اسمحيلي زوجك اللي عنده استعداد للانحراف وحملك كانت فرصتة( اسفة لو كنت قاسيه) رجعي نفسك لايام الخطوبه من دلال وتمنع ولا تزيدي الخصام تراهم يستغلوها فرصه ويقولوا نكديه
واتمنى اسمع خبر منك عن قريب

عزيزتي
الله يصبرك

على فكرة زوجك برئ .. وبعده يحمل في طياته الطفولة
والي مخربين عليه ربعة .. صدقيني.

حاولي توقفين الى جنبة
ذكرية بالله .. وبالقرأن .. وبالعمرة لو حابب يعتمر.

وبيهتدي ان شاء الكريم

تحياتي لش
اختك
الشيخة
:smile:

اختي الله يكون بعونج و يصبرج و يصلح ما بينكم

أهم شي خلج دبلوماسية و انتي ادرى بزوجج و طريقة التعامل الأنسب معاه

نصيحة اخذو اجازة في اقرب فرصة و سافري انتي وياه

حاولي تجددين اللي بينكم و تجددين الصلح و الله يكون في عونج والله يجبر بقلبج

أنا بصراحة وحدة كارهة الرجال و بلاويهم من قبل لا أتزوج - إذا هاي حالات طيشهم البسيطة الله يعين !! :mad2:

الله يهديه انشاءالله

شوفي اختي بقولج يمكن لما كنتي مريضه وانشغلتي عنه تعرف على رفاق السوء اسمعي نصيحتي

اولا :
من اليوم اشتري مكياج وملابس مثيرة وجديده منها محتشم للخارج والداخل منها القصير والمثير من ملابس النوم للبيت وصبغي شعرج وقصيه سوي حركه جديده البسي تكشخي غيري شكلج 180 درجه حتي لو ماعندج امكانيه تسلفي ورديهم بعدين

طبعاا حتي لو انتي بالنفاس مايمنع تعدلي ولما يرجع لاقيه بحب واشتياق وسلمي عليه واسئليه عن شغل اشلون اجواء اشتاق لج او لا حتي لو رد عليج كلمتين تعور قلب ضحكي اخذيها برحابه صدر دلليله سويله غداء وعشاء اللي يحبه خليه بيت دوم ريحته حلوة ومبخر خلي جو رااايق وهدوء عطيه يمسك ولده ودايما اشغليه فيج وباليهال لين قال بطلع قوليله اوكي لاتقولين له لا بيعاند بس قوليله لين طلع انا احبك وتحمل بروحك انا وولدك ماعندنا الا انت

ثانيا غيري طريقتك بكلام معاه لاتعصبينه لاتعاندين معاه لاتهاوشين معاه بقدر الامكان لان كل ماتهاوشتي او عاندتي بيزيد حتي لو شفتي شي غلط لاتصارحينه وخصوصا هالوقت اسئليه شنو يبي منج عشان تسوينه لان في بعض الازواج يبون اشياء وخاطرهم فيها بس يستحون او مايعرفون يعبرون


ذكريه بليلة زواجكم طلعليه صور وتغشمروا واضحكوا اشتريه هديه حتي بدون مناسبه كل يوم عطيه لمسه حنان لين طلع قوليله احبك والله يحفظك انا وولدك مالنا غيرك لين رجع عطيه كلمتين بعد قوليله وحشتك


صدقيني اختي لو غيرتي طريقتج بدون هواش وعناد بيترك البنت لان هو كلمها موعشان ربعه لا لان انتي تركتيه فترة الحمال وهو يبقي عاطفه مهما ريال كان ملتزم يبي حنان وعطف وحب

دلليله اشتريله هدايا لو بسيطه مثل دبدوب وداخله بطاقه مكتوب فيها شعر وسله كاكاو مولازم شي غالي الهديه بشكلها مو بفلوسها كم ؟

المهم انج فكرتي فيه


بعد اذا هو يحب افلام روحوا سينما او اشتروا فيلم وطالعوه في البيت طفي ليت او الاضاءة وحطيه شموع وعطي الجو شوي رومانسيه وطالعوا واضحكوا وتكلموا


غيري فراش سرير غيري ترتيب اثاث غرفتكم عطيه شوي لمسه غير عن ملل

الصبح عطيه وردة سويله فطور لين رد من الشغل جهزيله حمام

بس تحملي في هالفترة حتي لو عصب وطلع ضحكي وقوليله لاتزعل مني انا احبك وانت زوجي وحبيبي واخوي وابوي ومافي حد بغلاتك

اااااااهم شي بكل صلاة واذان ادعي ربج ان زوجك يترك رفاق رالسوء ويبعدهم عن طريقه ويرجع لكم


اختي سوي طريقتك واذا مالاحظتي انه رد لج مااكون كلثم

بس اهم شي صبر صبر تبين زوجك اصبري وتحملي كلامه تري اهم شي نفسية الريال لاتزعلينه ولاتضايقنه


وطمنينا عليج والله يصلحلج زوجك ويبعده عن رفاق السوء اللهم امين يارب

كلثم انتي :up:

ما شاء الله عليج

اختي أم أمجاد طمنينا عليج

يارب تكونين انتي و زوجج بأفضل حال

:flower:

ياااااارب يهدي لك زوجك اختي ويسعدكم ويبعد عنكم كل سوء


والبنات ماقصروا معاك ماشاء الله


اهم شي الدعاااااااء

وماشاء الله اختي كلثم ماقصرت :up:

الله يعين
ذكريه انه ما يرضاها منك كيف عاد يسويها خاصة اذا كان مقتنع بخطأها قوليله ليش هم لهم راي عليك وانت لا ، يغيرون فيك وانت ولا تحرك فيهم شي انت وانت وانت لازم عشان يعرف حقيقة نفسه ولو تكتبيها افضل عشان ما يصير خصام ربما ما يرضى يسمعها منك فلو كانت رسالة افضل واختميها بحنية وكلام حب علا وعسا ربي يهديه

وأي رجوله الرجوله عندهم انهم يلعبون بأعراض الناس
اصبري وذكريه والله يعينك

عورتي قلبي

بس ادعي للك ربي يصبرك

وادعي ربي يهديه ورجال امة محمد اجمعين

ما ادري ليه فيه رجال فيهم خصال الحسد عشان يحرضون غيرهم على دمر بيوتهم


ماجورة ان شاء الله بالصبر على زوجك ووفقك الله

ام كلثم انتي جذي :up:

نصيحه ثانيه اختي قعدي انتي و نفسج و حاولي تستشعرين قربج لله و اشتكيله لو انتي تصلين ركعتين و تشكين له ترى بترتاحين

انا مرة صادفتني مشكله قريبه من اللي صادفتج و قعدت على سيادتي و اشتكيت لله و ما قلت حق اي حد اب شي مع اني ثرثارة بس مسكتها بيني و بين الله


و اخر شي قلت اللهم ادبه فأحسن تأديبه .. لو شكيتي لاهله ما بيفيد لو شكيتي للدنيا ما بيفيد خلي الله يأدبه و شوفي النتيجه و كل ما شفتيه ادعيله بالهدايه والصلاح و احتسبي الاجر لله



لا تزعلين مني زوجج انقيادي و الدليل انه يحب يقلد ربعه حاولي تنتبهين لهذه النقطه لانها مهمه و كلميه عنها بشكل غير مباشر



نصيحه اخيرة الزوج على ما عودتيه لو عودتيه انج قريبه منه ما راح يقدر يبعد و لو ابتعدي راح يتعود و ما يفرق معاه

لصقي و قعدي على جبده بس بنصايح ام كلثم و انتي كاشخه و ياقمر وخر و انا اقعد مكانك :cool2:



و الله يوفقج

علايه عساني اشوفج اب بيت ريلج و انتي مستانسه :D2

:D2:o:o:o:o

جميع يارب