أدعوا لي بالصبر ....

:think::think::think:
:think::think::think:
:think::think::think:

لكم يا الغاليات والله أن وقفتكم معاي ما تتصورون أشلون معنوياتي مرتفعة ، اولاً سامحوني على التأخير لأن كنا بأجازة العيد الطنى 4 أيام واليوم داومت العمل وهاي قصتي من يوم الأربعاء راح اخبركم بكل شي واحكموا،،
يوم الأربعاء مثل ما ذكرت لكم جاء البيت على الغداء وفاتحته بهدوء وضحك (ها متى راح ترجع أغراضك) هو ضحك وقال يعنى هاي سالفة انا شايل اغراضي وارجعهم المهم طلع برع البيت وما عطاني رد لرجوعه.. بس عطاني 20 دينار علشان اودي بنتى المستشفى... الساعة السابعة اتصل وكان يتكلم قلت له الله الحين هاي خوش اجازة نسافر فيها انشاءالله عن قريب احنا نسافر... تخيلوا شنو رد قال من يسافر (قلت له انا وانت والبنت) قال عاد لين فكرت اذا بارجع او بطلق...:pain: انا من القهر اللي بقلبي قلت له خلاص ما راح اتوسل فيك أكثر من جيذي.. وسكرت الخط وأقفلت خط الموبايل وبندت صوت التلفون بالبيت ،، المهم وديت البنت المستشفى ورجعنا بالعاشرة بالليل هو يتصل على الموبايل والخط مغلق ويتصل على البيت أليما حفى ولا أحد يرد عليه ، المهم هو يتصل ويتصل وانا مقهورة من كلامه،، المهم قفلت البيبان ما شفت ألا احد يطق الباب الساعة 12 بالليل أتاري هو دخل من خلف البيت وطق نافذة حجرة الخدامه وقال لها فتحي الباب ، المهم طق علي الباب وقال لي افتحي الباب وقال لي اشفيك ما تردين على التلفون قلت له آه اظاهر البنت كانت تلعب بالتلفون وبعدين صكت رنة التلفون وبعدين ما شفت الا شاري لي تلفون جديد يجنن وقال هاج فتحي خط الموبايل وشاف البنت وبعدين طلع مرة ثانية ،، المهم يوم الخميس اصريت على اني انهي الموضوع معاه اتصل بالليل وقال لي راح اجي البيت قلت له اوكي بس انا والبنت طقت جبدنا من البيت نريد نخرج شوي ، قال اوكي بطلعكم نتعشي :rolleyes: وبعدين واحنا بطريقنا للمطعم قلت له ممكن افاتحك بموضوع وما تزعل وتعصب ،، قال تفضلي قلت له ممكن ننهي هاذي المهزلة واللعبة الليلة لو سمحت قال اي مهزلة قلت له مهزلة طلعتك من البيت قال انت سويت شي كبير كبير كلمت بيتنا وفضحتينى وقلت عنى اشياء مو صحيحة وانا اريد اطلق بعد شهرين لغاية ما نعود البنت ،، انا رديت عليه اذا انت ناوي على الطلاق فطلقنى الليلة لو سمحت ولا تخرب أعصابي اكثر من جيذي قال انت متأكدة تريديت تتطلقين قلت له نعم بس تدفع لي نفقة البنت ، والأجار ، والكهرباء ، قال اوكي بس الخادمة انت تدفعي لها ، قال خلاص بعد الأجازة راح اطلقك وشفت الريال كان متضايق حده وانا اضحك وما هامنى المهم يقول انت خبلة في وحدة تريد تطلق وهي تضحك .. المهم رجعنا البيت علشان يعطى البنت أدويتها تخيلوا يا بنات سبحان الله البنت ما خلته يطلع عمرها سنتين الله يحفظها ما اعرف اشلون تعلمت كلمة ((بابا بدل ثيابك سو نوم منى على سرير بابا ))
ما تروح افيس بابا بدل بدل والله ان انا جلست اصيح عليها ، بعدين هو قال لها انشاءالله بابا انا بنام معاك الليلة ما تتصورون البنت نامت بحضنه كانت مستانسة ان ابوها معانا بالبيت ،، المهم يوم الجمعة ذهبنا للمطعم وبعدين ذهبنا للبر وبالطريق يقول لي انا شاريك واحبك جم يسوى لين اجي البيت واحط راسي جنب راسك مو احس ما انك تكونين مطلقة ،، يعنى قال فكري عدل بالموضوع قلت له شنو تريد الحين قال انا مستعد ادفع اللأجار واضعك على راسي وادفع مصاريف البيت والبنت واطلعك مرتين بالأسبوع بس اللي اريده منك سكوتك عن طلعاتي واللي اسويه خارج المنزل وقت ما ادش البيت ادشه ووقت ما اطلع اطلع ووقت ما اسافر اسافر انت بس اريد سكوتك ، قال لي فكري وردي علي راضية بالهشرط او تريدين الطلاق.
:pain: شاورت امي قالت لي بس اهم شي يدفع الأجار واعتبريه ميت بحياتك ، قالت امي احسن لك من الطلاق .. المهم بالأمس جاء بالليل واتفقت معاه اني راضيه على شرطه ثمن سكوتي طول عمري بس المهم يدفع الأجار ويسفرني كل سنة مرة وما يهددنى بالطلاق كل مرة واخلاقه تكون زينة معاي ، قال اوكي لأنى احبك واموت فيك وفي بنتى وما اريد اخسركم ،،، بعد ما رجعنا البيت ذهب للقهوة للأصدقائه السوء وقلت له ارجع نام معانا لأن احنا خايفين ،،، تخيلوا رجع وقال لي انا استشرت اصدقائي بخصوص الإتفاقية اللي بينا وقالوا لي (شوفوا يا بنات الحقيرين ربعه اللي يشوشون مخه) قالوا له انا خسرت وهي الي ربحت .. قال لا لازم انت بعد تشاركين بالبيت ، قلت له ولا فلس راح ادفع انا مزوجة علشان زوجي يصرف علي كفاية مصاريفي الخاصة انا ادفعها لروحي ، المهم البارحة قال لي اوكي راضية ادفع لك 150 دينار لللأجار والبنت يعنى حليبها والبامبرز واغراض البيت ، قلت له اوكي راضية ،، يعنى بنشوف اليوم شنو راح يصير بعد ما يتشاور مع اصدقائه ،، انا قلت له شوف بكلتا الحالتين بتدفع بتدفع اذا طلقتنى بدفع نفس المبلغ ، فتدفع وانت معانا احس ما انك تطلقنى وتعيش وحيد انا ما راح ادفع ولا فلس ، وقلت له تتعهد انك ما تتزوج علي ، وما تخوني علشان يعرف اني قبلت اجلس معاه ومو راضية بالخيانة. اش رايكم هل اللي سويته زين او لا.
انتظر ردكم وسوري للإطالة هاي اخبار الأربع ايام اللي راحت .
تعتقدون يحبنى وما يبي يخسرني صج ، او علشان بنته.

نودو مصخت السالفة، قاعد حضرته يتلاعب بعواطفك ومشاعرك، يعني شنو بيدفع 150 دينار (ماتسوي شي في هالزمن، لأن الحفاضات لوحدها مصرف)و تسكتين عن كل اللي اسويه، وين نصايحي لك يوم الخميس، فكري حبيبتي عدل قبل ما توافقين على هالإتفاقية، لأنك يمكن تخسرين أشياء أكثر بعدين، مشكلة زوجج ربعه المأثرين عليه ومخربين حياتكم.

فكري الف والف مرة قبل ما تعطينه الإتفاق النهائي...

شروطه بعد ، يقول انا طلعت خسران ، قلت له انت ما تريدنى اتكلم وانكد عليك ، شروطي ثمن سكوتي تضحك معاي وتعطينى حقوقي الشرعية مثل الأودام ، وتتصل كل بين جم ساعة تسأل عنى ، وتدلعنى وتعصب علي واهم شي انك تلتزم بدفع الأجار. الحين بنشوف اليوم شنو راح يصير هو ميت يريد يسافر الشهر القادم وبعدين يرجع البيت ما يعرف اشلون وشي سوي علشان يسافر انا قلت له السفرة اللي بتجي لازم تكون من نصيبي ونصيب بنتى وانت بعدين وقت ما تبي تسافر لو تريد تم السنة كلها برع الديرة ما يهمنى اهم شي تسفرني قريب.
اش رايكم تعتقدون انتصرت عليه ويحبنى او لا ، البارحة لين رد ونام عندنا قلت له انت مستانس الليلة قال اكيد قلت له شوف الأمان اللي انت فيه قال لي انا موب مستانس وانا بعيد عنكم لا تتوقعين انا مستانس ببيت اهلي.

بس انا لازم اكون ذكية ، تره الطلاق شي مش سهل وبالذات عندي بنت لازم يكون ابوها على راسها ، وبعدين اهم شي انا في بيت ابوي ساكنه يعنى هو يدفع الأجار انا ما راح اخسر شي ، صدقينى اغلبية الرياييل جيذي انشاء الله راح يتغير تره الحال ما يبقى عليه اهم شي يكون زوج على راسي ينام جنبي آخر الليل جهنم فيه اللي بيسويه برع الله بياخذ حق المظلوم ، وبعدين صدقينى اعتقد اللي اسويه صح اش رايكم يا بنات ، اهم شي هو يلتزم بالإتفاقية اللي عملتها انا ... وصدقينى انا احاول قد ما اقدر اني اغيره انشاءالله البنت بتكبر وبتتكلم واعتقد راح يتغير صدقونى اهم شي اذا هو يحبنى وشارينى وشاري بنته ما راح يتخلى عنا.
بنات هل انا اسوي الشي الصحيح.. او راح اخسر حياتي معاه ..
انا اقول خلاص هاي نصيبي الله عطاني نصيبي لازم اقبل فيه وبعدين هاي مو حل اعتقد اني اتطلق باشوف اذا ما راح يلتزم بشروطي اهنى راح اطلب الطلاق. مع العلم هو قايل لي انتى وبنتى اكبر خسارة بحياتي.

أختي نودو مش عارفه اقولك ايه ..مش عايزة اقول كلام يضايقك من زوجك اكتر ..بس الصراحه مهزله ..ماله زوجك ده الله يهديه !!!!..بينقط عليكي في الفلوس و عاوزك تسكتي على خيانته و كمان بيقولك خسران ..يا اختي كوني صارمه معاه ..هو حاسس انك بتحبيه وهي دي النقطه اللي هو ماسكها ضدك لازم توصليله اوكي انا بحبك لكن لازم اخد حقوقي كلها كامله سواء ماديه او عاطفيه..انتي قاعده في بنسيون وللا ايه؟؟هو راجل البيت واب يعني لازم يكون قد الكلمه مش يقولك ادفعي انت فلوس الخادمه وانا اخرج و ادخل زي ما احب و بعدين يقولك لا انت اللي ربحتي .. و زي ماهو لا يقبل التهاون في حقوقه انتي كمان لازم تحسسيه بكده لانك لو رجعتي بالاسلوب ده مش هيمر فتره طويله و هتلاقيه رجع زي الاول و ابشع (لا قدر الله) ..وكمان هو صغير مش يعرف ياخد قراراته بنفسه لازم يجري على اصحابه ياخد منهم الاذن وللا ايه؟؟؟؟؟؟؟؟؟؟؟؟؟؟؟؟؟؟ وياريته مثلا مختار اصدقاء صالحين متدينين الا الواضح انهم اصحاب سوء و خرابين بيوت الله يهديهم ويبعدهم عنك ..اختي نصيحتي لا تقبلي منه بالفتات و ليحترم الميثاق الغليظ الذي اخده منك و من اهلك امام الله ..وذكريه دايما ان له بنت وانه زي ما بيظلم بنات الناس بيجي يوم اللي يظلم بنته (الله يحميها يارب و يبعد عنها الشر) يعني خوفيه ببنته و قوليله اتقي الله ..

عزيزتي ,,

انا متوقعه ها ال4 أيام بتحصل أشياء تفرح القلب , بس لا والف لا
بأكلمك بكل صراحه انتي أعطتيه الفرصه وخيرتيه مابين الإلتزام معاكي او الطلاق .

بس هو طلع أذكي منك ياماما اقترح عليكي الإلتزام والسكوت عن تصرفاته في نفس الوقت.

انا في البدايه كنت أحاول اخلي الموضوع مجرد مشكله يمكن حلها بس الأن لا , لازم تحطين حد نهائ للموضوع يعني يلتزم زي الأوادم ويكون نعم الزوج والاب لكم وحاله حال اي زوج ثاني اما الإنفصال "أسفه" بس اعتقد هذا هو الحل.

وبعدين الين امتى بيكون طالع راجع من عندك؟؟ ولازم تخافي من الأمراض , يختى المرض منتشر بكثره حاليا, وبعدين ايش ضمنك انو مايلعب من وراكي؟؟

حبيبتي مش لازم تسكتي أكثر من كذا , وحاجه ثانيه مش كل صغيره وكبيره يتكلم فيها من ها الأصدقاء ! يتشاور من امه , ابوه معقوله بس مو اصدقائه صح ولا لا؟؟

بعدين ليش تسكتين عنه؟؟ الين امتى بتظلين ساكته عنه؟؟ بعد ها القرار الي عطاكي (لو كنت انا مكانك والله لانزل من السياره فورا) اعتقد زوجك رجله متعود على بره مستحيل يلتزم معاكي ومستحيل يتخلى عنكم في نفس الوقت "والله حيره" زوجك فعلا غريب.

اتمنى الأن تدخلو الكبار في مشكلتكم "من الأهل" وهم أدرى بالحلول واحنا قاعدين نشاركك في الحلول بالكتابه بس , مش عارفين وضع الطرف الثاني بالموضوع فعشان كذا خلي الأن دور الأهل والباقي على رب العالمين.

لاتعتقدين احنا مش حاسين فيكي بالعكس احنا نحاول قدر المستطاع نحل المشكله واتمنى ماتخذي كلامي معاكي عتب او اي شيئ ثاني , وحاولي كمان تستخيري ربك في زوجك والله يوفقك.

تحياتي,,
صباحي

وبعدين اختي هو عمل مشكله كبيره و قوم الدنيا عشان انتي قلتي لاهله على اللي بيعمله بسبب خوفك على بيتك و هو داير يحكي لاصحاب السوء على حياتكم و ايه اللي المفروض فيه و اللي مش مفروض ..!!!!!! المفروض حياتك و اسرار بيتك و خلافتكم تكون بينكم و لو عاوز يستشير حد يفكر في ناس عدول يستشرهم مش ناس.......

السلام عليكم ورحمة الله وبركاته

أختي نودو..

الله تعالى يقول في كتابه العزيز ( و أخذنا منكم ميثاقا غليظا )...

يعني الزواج عبارة عن ميثاق غليظ...

و إنتوا صار موضوع الزواج عندكم كله منحصر في الصرف على البيت ؟

وين المودّة و الرحمة...وين المشاركة و الحب ؟

وين المحافظة و الغيرة على الطرف الآخر ؟

وين التربية و الأخلاق اللي لازم تنقل للأبناء ؟

مثل ما قالوا أخواتي رانيا البحرينية و فتاة مسلمة...إحنا مش في فندق أو بانسيون

و كيف راجل يطلب من زوجته إنه ما يطلقها على شرط سكوتها عن خيانته و الحرام و المعصير اللي يرتكبها

الساكت عن الحق شيطان أخرس...فمابالك اللي ساكت عن حقه

زعلت أختي نودو من مجرّد موافقتك على المبدأ الخاطئ

أين الله في تصرفاتكم ؟

البيت تحدث فيه معصية كبيرة لله...كيف تريدون من الله التوفيق ؟

الله يهديكم يا رب و يصلح لكم الحال

و آسفة على أسلوبي في الكلام...لكن فعلا طريقة التعامل بتنرفز

هو يحلف انه ما يخوني انه يروح القهوة مع الشباب ويقول انا احبج وما اقدر استغنى عنج ويقول انت توهمين انتي اخونك ، يقول مستحيل تشوفين شي بعد اليوم ورايح شي يجرح مشاعرك ... يقول كل الشباب كذه يسهرون لوقت متأخر وهو معاهم وما يعمل المعاصي اللي انه اتهمه فيه ، ويقول ما يريد يشوفنى ماده البوز ، يعنى يريد يشوفنى مبتسمة دائماً ، انا اقول اذا هو انه ما يرتكب خطأ بحقي واغلب الرياييل اش رايكم بعد آشوف الى وين اوصل معاه .. هو يحلف ان ما يخونى وان الناس يشوشونى .. فشو رايكم بالموضوع ليش قمتوا علي ياجماعة :pain: :pain: انا محتاجة تواسونى مو تهاوشوني :pain: وبعدين عطوني الحل هذا طبع زوجي ما يحب احد يتحكم فيه.. ويأمره حتى ما يتقبل من امه وابوه.:pain: ارجوكم خلكم صوبي ولا تهاوشوني .... هو يحلف انه يكون مع الشباب وانه عطيته انذار ان شفت شي عليه مرة ثانية راح اطلق على طول.

السلام عليكم ورحمة الله وبركاته

أختي نودو...

الأم تصرّخ على أطفالها..و هي تحبهم و تموت فيهم...

لذلك ...بما أنك طلبتي مساعدتنا...فمن واجبنا أن نواسيكي...و من واجبنا أيضا أن ننبهك أنك ترتكبين خطأ

نحن إعتمدنا في الحكم على زوجك بكلامك أختي...أنت ذكرتي أنه يملك مكتب للخدم...و أنك متأكدة أنه يخونك مع إحداهن...

و بعد ذلك قلتي لنا أنك وجدتي بقعة أحمر شفاه على قميصه...

لكن الآن الكلام إختلف...و أصبح فقط يسهر مع أصدقائه.,...بغض النظر إذا كانوا سيئين أو صالحين...لكن الفكرة نفسها مختلفة...


فمشكلة أنه يسهر مع أصدقائه...هذه مشكلة يمر بها الكثير من الزوجات...و حلّها مختلف تماما عن حل مشكلتك...و لا يمكن أن تصل للطلاق...

لذلك...وضحي لي أختي نودو أكثر...ما هو الموقف بالضبط..و هل فعلا أنت ظلمتي زوجك باتهامه بالخيانة...أو هو يقول هذا الكلام فقط لترضي به ؟

ومن قال احنا نهاوشك ؟؟؟ :D2 :D2 :D2

بالعكس احنا معتبرينك أختنا يعني مشكلتك من مشكلتنا ولاوم ننصحك , وقلتلك لاتعتبري كلامي او كلامنا عتب لك.

شوفي ,, من البدايه و طريقة وصفك لحكايتك يبين زوجك عنده علاقات بره البيت , وقبل كذا انتي قلتي انه عنده علاقات محرمه مع الفلبينيات وظبطيه كذا مره بكذا دليل يدل على الخيانه صح ولا انا غلطانه؟؟؟؟

اختي انا ما اخاف على المشكله نفسها لانها ممكن تنحل بس خوفي من المرض الي ممكن ينتقل لعندك بكل سهوله وبصراحه انتي بعدك صغيره على تحمل اغلاط زوجك وطيشه .

يختي , انا بصراحه حاطه نفسي مكانك وفعلا شفت نفسي مأقدر أعيش عيشتك ولا اتقبل بالظرف الجديد الي عاوزه زوجك (انك تسكتين على سهراته وحركاته بثمن انه يصرف على البيت) يختي عنه ماصرف هاذي انتي 4 سنين تصرفين جاي الحين ويخيرك مابين السكوت او الطلاقّّّ!!!


اسمعي خواتك وخليكي من زوجك الي لاحول منه ولا قوه وقلتلك
"رجله متعود على بره" او زي ماقلتلك خلي الكبار يحلوها.

قلنا مسحور , قلنا مريض نفسي وقلنا وقلنا وقلنا بس للأسف مافي اي حل نفع الى الأن , والحل بيدك انتي (تسكتي او تنفصلي).

واحنا دائما موجودين جنبك,,

تحياتي
صباحي

على فكره: في وحده من البنات قالت يمكن زوجك متزوج ها الفليبينيه ؟؟
اسأليه يمكن متزوجها وعامل كل ها الفوظى علشان خايف تكشفينه , سأليه ماراح تخسري شي وبعدها قوليلنا..

كلمته من اسبوع هل انت متزوج قال لها لا ، وبعدين هو ساكن بيت اهله يعنى لو متزوج جان راح عندها ، وبعدين هو يحلف انه ما يخونى وانا ما اعرف شنو اعمل ،،، يا جماعة لا تصكون الأبواب بوجهى الحين انا اقول انا انتصرت ، انت تقولين ان صرف البيت ما يفرق بالعكس الا يفرق ويفرق اذا الزوج ما يعطينى لملبسي وللدكتور على الأقل اقدر ها120 دينار اوفره بالبنك لمستقبلي واوفر باقي معاشي بالبنك ، كنت مخنوقة وانا ادفع الأجار لأن كان علي قرض سيارة لمدة 5 سنين والحين الزمنى الدفع الأجار يعنى عبارة الى الأن انا ملزمة بدفع اقساط ، فليش جهنم فيه وفي ربعه الحقرين انتوا يا بنات انا حتى اذا تطلقت ملزومة اعيش مع بنتى في بيتى واحنا نستوحش بروحنا وانا احاول قد ما اقدر احل السالفة علشان ما نتوصل للطلاق.

ردوا علي يا جماعة...

كل واحد يمر بنزوة بحياته يعنى مش عين الصواب ان على اخطاء نفترق آآآآآآآآآآآآآه ارجوكم ساعدونى والله باجن.

الصراحة انت وايد على نياتك، قاعد يستغلك، بيت أهلك خالي ليش تعيشين لوحدك، تركي البيت وروحي لبيت اهلك معززة مكرمة، لأن إستغلال ما بعده إستغلال اللي قاعد ايسويه زوجك وانت وايد قاعدة تقدمين تسهيلات له...

بسم الله الرحمن الرحيم

عزيزتي .. نودو

أنا من رأيي تكلمي زوجك بكل هدوء مرة ثانية عن موضوعكم وتقولي له اذا ذكر لج اصدقاءه .. انك انت الرجل بهالبيت وكلمتك هي الماشية مب كلام اصدقاءك .. ومثل ما انت زعلت وتضايقت لما قلت لابوك وامك عن سوالفك بدافع خوفي عليك وعلى بيتنا كمان انا زعلانه ومتضايقة لانك تروح لاصدقائك وتقول لهم على الي بينا وتنشر اسرارنا وتعطيهم لهم ... ولو أصدقائك يحبونك ويحبون سعادتك ما قالوا لك هالكلام وخربوا لك بيتك .. وانت ما شاء الله واعي وفاهم وناضج .. تفضل اصدقائك على زوجتك وبنتك الي يحبونك و ما راح يستغنوا عنك مهما يكوون لو حدث لك أي شئ (لا سمح الله) ... ويعني من هالكلام بس باسلوب ثاني طبعا وبدلع وحنااان عشان يتقبله وما يقلب عليج لانج دخلتي أصدقائه لانه ما راح يرضى عليهم وشكله ما يمشي الا بشورهم ... آسفة كلامي مب مرتب بس أنتي حاولي ترتبيه وحاولي تبعديه عن أصدقائه ... لاني أحس ان مشكلتكم كلها من اصدقاءه وتعلقه فيهم؟؟!!

الله يبعد عنه اصحاب السوء ويهديه لك ويسخر قلبه لك يا رب

طمنينا عنك ... وممكن الاخوات ينصحونك بشأن كلامي هذا لانهم أدرى وخبرتهم اكثر عني :o

الله يفرجها عليك عاجلا غير آجل

الكئيبه كلامها عدل

الغاليه nodoo........

خليني أنبهج لعدة أشياء إنت راح تفرطين فيها....

* من حقوق الزوج على الزوجه حسن المعاشره
سواء كان في الفراش أو في الحياة اليوميه ولا يجوز
ان يهجرها بدون سبب لان للمرأه حق في زوجها كما للزوج.

* من حقوق الزوج على الزوجه الإنفاق عليها وإن كانت تعمل.

فلا تفرطين في حقوقج ولا تتنازلين لأن اللي يتنازل مره راح
يعيش عمره كله وهو يتنازل عن حقوقه........

السلام عليكم ورحمة الله وبركاته

عزيزتي لوقلنا انك بتتغاضين عن كل اللي صار قبل بقولك اغلقي تلفونك وسكري صوت التلفون و بندي على عمرك كل البيبان و جيبي ورقه وقلم

بالاول توضي و صلي ركعتين عشان الله يلهمك بكل ماهو لصالحك ولصالح بنتك


والحين جيبي ورقتين و قلم احمر والثاني اي لون ثاني اسود ازرق اخضر

المهم اول ورقه اكتبي في بدايتها على شكل عنوان بالاحمر السلبيات والورقه الثانيه اكتبي عنوان بقلم ثاني الايجابيات

انسي كل شي و امحي كل الذكريات الثانيه خلي ذهنك صافي و ركزي على هالاخر كم يوم اللي مروا عليكم

وافضل انك تخلين الجهه الثانيه من الورقه فقط لاخر 4 ايام بينكم لانها فعلا فيها وايد احداث مهمه

الحين الجهه الاولىمن يوم اختلفتوا ( اعتقد من يوم اتصلت ام زوجك و كلمت ولدها وعصب عليك)

قولي لنفسك بصراااااااااحه وين السلبيات اللي استوت و وين الايجابيات حاولي تعصرين مخك عدل عشان ماتظلمينه ولاتظلمين نفسك

لاتقولين ما في ايجابيات صدقيني فيه لانك قلتي انه قال انه يحبك و ماله غنى عنك ونفس الوقت حلف انه مايخونك

لاتتكلمين عن قبل واعتبري نفسك توك تعرفينه

افتحي صفه جديده معاه

اهم شي لاترمين نفسك عليه ولاتكلمينه لا وانتي تترجينه ولا وانتي معصبه ولاترفعين صوتك ولا تمدين بوز على قولته لانه الريال لو حتى قتل حد مايحب يشوف حد يعاتبه ويمد بوز

اوكي خليني شوية ابدء معاك وانتي كملي لانك مهما كان انت تعرفينه و عندك وايد اشياء تعرفينها عنه

الايجابات :

يقول انه يحبك
يحلف انه مايخونك
يموووت في بنته
يخاف عليكم و يهمه امركم لما مارديتي عليه شفتيه يدق عليج الباب نص الليل
يتصل باستمرار لما تلبسينه لانه لما شاف رقمك مغلق سالك عن السبب قلتيله تلفونك خربان ياب لك غيره
يتريا اي شي عشان يطول عندكم بس ماخذ الموضوع كرامه وكبر بس لما بنته قالت له يبقىفي البيت تم عندكم
مستعد يصرف ع البيت ولو جزء منه



السلبيات

يشاور ربعه في موضوع حساس مثل موضوعكم ( بس لاتنسين انك انتي بعد تشاورين صديقاتك الي هم نحن بغض النظر عن هالاصدقاء صح ؟ ولاتنسين انك انت قدامه غلطك اكبر لان اهلكم عرفوا بالموضوع)
حط شروط تقهر لرجوعكم لبعض ( تخلينه على كيفه يسهر و يسافر وقت مايبى)

يسهر مع ربعه أصدقاء السوء بس لاتنسين انك مو بالعناد تغيرينه بس القناعه والحيله والدعاء هم اللي يرجعونه البيت
خليني اقولك ان اكبر غلطه بالنسباله كانت انك خليتي امه تكلمه عن خيانته (لانه يحلف انه مايخونك وعلى اساس ان في ناس خبروا اهله بالموضوع واصلا انت الوحيده اللي تظن انه يخونك عيل واااااااااضحه وضوح الشمس انك انتي اللي خبرتي اهله وشوهتي صورته قدامهم مثلما هو يحس)

مايحب حد يتحكم فيه (حال كل رجل )

الفليبينيه خلي تحت هالكلمه 4 خطوط لانها بالنسبالك ساس المشكله وهو ينكر انه يخونك معاها وانت مصره ان لها علاقه معاه وفي وحده من البنات قالت يمكن متزوجها وانتي سالتيه وهو قال انه مو متزج عليك يمكن يكون متزوجها قبلك يعني مثلما قال قبل انتي الثانيه . بعد سالفة انه قال لك انه مايقدر يستغنى عنها لانها لها علاقه بشغله و رزقه او شي من هالقبيل اوكي وهو عنده مكتب خدمات و ليش ماتكون هي فعلا ماسكه شغله في بلادها ولو استغنى عنها تخرب عليه شغله وتتدهو حالته الماديه هذا احتمال وفي احتمال ثاني انها تكون هي تبغيه وتلاحقه ماتخليه يطلع من ايدها وشي اكيد انها بتسويله سحر وخرابيط والحمدلله انت بايدك العلاج اللي يفك هالسحر وغيره بفضل الله وهو سورة البقره لو تذكرين انا قلت لك عليه


بعدين ابيك تستغيل الاشياء الايجابيه هذي لصالحك مثلا مادام هو يحس انه ماله غنى عنك عيل استغلي هالشي لصالحك والبسيه كم يوم عشان يحس بالفراغ في حياته بدونك ويرجعلك بشروطك مو بشروطه اللي ماتعجب لاعاقل ولامجنون!


وبعد هذا كله صارحي نفسك شو تبين الاستمرار ولا الانفصال؟

وعلى طاري انه يبي الطلاق شهر فبراير صدقيني هالشي ايجابي ولصالحك تدرين ليش؟
لانه يبي يماطل وموقادر على الفراق و يبيك تذوقين الفراق و تعرفين انه مر وتتاكدين ان حياتك مالها معنى بدونه و بعدين يشترط عليك شروطه المايعه اللي عطاكي فقط نبذه منها و بالجاي بيكون اسوء لانه خلاص ضمن انك مابتقدرين تعيشين بدونه و تخافين الوحده و راضيه بس يكون معاك ويسوي اللي يباه على حسابك
لا الغاليه انتي محشومه من انك تكونين مثل اي وحده رخيصه تكون راضيه باي شي بس تحصل منه الفتاتو اللي يعطيها اياه ف الفراش !!!!!!!
واذا صدف وتكلمتي معاه عن اي شي حاولي تتحاشي موضوع الطلاق وخليه مايتذكره ابد

حياتي هو يموت فيك ومستعد انه يضحي عشانك لو انحط في موقف التضحيه
انتي بس عطيه وقت يراجع حساباته و ويرجع لك مثما كنتي تبين يركض وراك و يحب قاعة ريولك ويقول انا آسف :pain:

بس انتي عليكي بالدعاااااااااااااااااااااااااااء وانك تعطينه بولبسنج ع الاخر ولاتخلين اي حد من اهلك ولا اهله يتدخل لا في الخير ولا في الشر خليه هو اللي يقرر انه ماله غيرك و يكون مقتنع بهالشي

ارجوك عطي نفسك بس 21 يوم اللي بتكونين في هالفتره باديه بقراءة سورة البقره
وفي هالوقت نفسه الهي نفسك باي شي ايييييييش اهم شي انك ما تردين على مكالماته ولا تتصلين فيه
واي وقت تحسين انك تبين تكلمينه اشغلي نفسك باي شي ثاني قراءة كتب مفيده ولا اشغال يدويه ولا ترتيب البيت ولا اطلعي مع بنتك المهم تكونين هلكاااااااااامه من الشغل وما تلقين فرصه عشان تذلين نفسك معاه
واصبري لان الله يحب الصابرين

:up::up:

نودو حبيبتي معلش ان كان في ردودنا بعض الانفعال لكن و الله من حبنا فيكي و من زعلنا من زوجك انه يعمل فيكي كده و انت زوجه طيبه طيبه طيبه و ماتستاهلي ابدا كده ..ليه تقبلي منه القليل وانتي من حقك الكثير جدا..ما تتهاوني يا اختي بجياتك و استقرارك ولازم تكوني صارمه معاه شويه عشان يحس بقيمتك ..

كنت حاطة ايجابياته وسلبياته مع بعض علشان كذه اشوي تنازلت ، صح انا اعرف انه يحبنى الحين هو رجع البيت ينام معانا والله يهديه بس ما رجع أغراضه واعتقد شايل فكرة الطلاق عن باله ، لأن وعدنى ان يدفع الأجار وهذا الشي وايد مهم بالنسبة لي ، وقال لي بالأمس أن راح يسافر للعمل (الفلبين) قال لي تعالي معاي مع البنت ، وانا يوم الجمعة قبل مجيئة البيت ذهبنا لمطعم وقدمت لـه شروطى مقابل سكوتى عن سهراته أنه يتصل يسأل عنى وما يهدد بالطلاق ويضحك معي ويعطينى حقوقي الشرعية دائماً وان يسفرنى ويطلعنى مرتين بالإسبوع بس بشرط ان ما يفعل اي معصية تسيىء لي وتجرح مشاعري انا وضحت له قلت له باعطيك الثقة فحافظ عليها ، وهددته اذا تأكدت ان يعمل شي يسىء لي راح أتركه من غير كلام ، وهو بعد ما قرأ الورقة وافق على شروطي وقال انا بعد لي شرو مثلا اني اضحك معاه وما افعل المشاكل واترك الغيرة والشك ، من يوم الجمعة الحمدالله رجع البيت نام معانا ، بالأمس تغدى معانا وبعدها بالليل أتصل وسأل عني ، وانا كنت جالسة اقرأ القرآن دخل علي الغرفة الساعة 12 بالليل وسلم علي بصراحة ما كنت متوقعة ان راح يجي البيت ، قال لي انا تركت البيت اسبوع كأن شهر تارك البيت ، واحس فيه افتقد الأمان والطمأنيه اللي كان يعيشها معي ، لأني كنت ابرز له كل شي ، ونفس ما قلتى انشاءالله بالدعاء بالدعاء والله انا واثقة الله سبحانه وتعالى بيبشرني بهدايته .. اهم شي حبيبتى انه ما يضربنى وهو بلسانه يقول اصدقائي وسهرتي وطلعاتي ما راح يدومون مثل ما انت وابنتى تدومون لي ، فهو اعتقد حس وندم لأن تركنا وطلع برع البيت بس هو مغرور .. ما يريد يبين لي ان تنازل وانا واثقة ان زوجي يحبنى وبصراحة هو حنون وغيور علي اعتقد الفلوس بحياتي مش كل شي انا الحمدالله قنوعة ومش راعية مظاهر ومعاشي الحمدالله يكفي عائلة كاملة اذا شال عنى الأجار ، واعتقد كل ريال له نزوة بحياته ، وانا قلت حق زوجي يطلقنى على أساس اليوم ، بس هو تراجع وما يبي يخسرني يقول انتى اكبر خسارة بحياتي... الحمدالله انا مبدية كل ليلة اقرأ سورة الواقعة والبقرة والدخان والملك وأي سورة اقدر عليها وصدقونى ثقتى بالله كبيرة ان الله ما يردنى خائبة.. راح يرجع زوجي لحضنى ولبيته وانشاءالله واثقة ان راح يترك اصدقاء السوء والسهر ، واطلب له دائماً ان الله يسخره لي ويدخل سخيمه بقلبه علي. وسامحونى طولت عليكم.