مخطوبة او على وجه خطوبة ومتورطة....ادخلي ولابتندمي

وتسلمين على النصائح الحلوه والمفيده مشكوره غاليتي

حبيبتي تسلمين على الموضوع الرائع جداً .. أنا عندي مشكلة مكدرة خاطري .. أنا مالكة واحب زوجي موت وهو بعد يحبني يعني خطبنا وملكنا عن حب .. زوجي يشتغل وعنده زميلة في العمل تقهرني موت .. هي اكبر مننا في السن ومطلقة بس مرت فترة انا حسيت ان بينهم شي .. مو بالضرورة شي جدي لهذيك الدرجة لكني احس بميول منه ناحيتها .. مرة كان مريض ورحت مع امي بيتهم ازوره وخلونا وحدنا شوية وكان يكلمني وفجأة ناداني باسمها .. انا اتمالكت نفسي هذاك الوقت بس لما حسني زعلانة وكلمني في التلفون في الليل عصب علي واخذ اسلوب اغلبوهم بالصوت. المهم بقت في نفسي وفي داخلي شك مع انه كل تصرفاته معي تثبت لي انه يحبني موت .. المهم انها بعد فترة انتقلت من المكان اللي معاه وراحت فرع ثاني .. والآن يكلمني انهم يمكن ينقلوه لنفس الفرع .. كان هو طلب النقل لفرع ثاني (حسب ما قال لي لأن عنده مشاكل) بس هم يريدوا ينقلوه لنفس القسم .. انا متضايقة وحاسة انه هو يريد هالشي ومو عارفة كيف اتصرف .. خاصة انها تتصل فيني احياناً على انها زي اخته وتضايقني بطريقة مخفية .. انا حاسة ان الوضع مو طبيعي بس ما اريد اخسر زوجي وعصبت عليه مرة وخسرت لانه عنادي رهيب ويمسك كل شئ علي .. افيدني جزاك الله ...

عزيزتي ليالي شهرزاد مشكوره ويزاج الله خير لأني يوم جفت موضوعج وااايد ارتحت لأني حصلت من أسأله بالنسبه لي خطبي شاب طالب أنه يكلمني لكن أنا رافضه إني أكلمه لأن أنا مقتنعه بسنة رسولنا صلى الله عليه وسلم .أبي آخذ رايج في في موضوعي ويعني لو صرو أهله علي شنو أسوي هل أكلمه أم أطنش وأثبت على رايي أفيديني يزاج الله خير.وإذا كلمته كيف أبدأوشنو أول حوار يكون مع الخطيب وخطيبته آنا ما اعرف أصلا لو كلمته كيف بتصرف لأني أحيانا أكون خجوله وأحيانا أكون جريئه .في هذا الموقف شنو المطلوب مني .

اما بالنسبة لي الحمد للة انا مابيني وبين زوجي شي بس حبيت ارد على مجموعة فاضية حبيبتي انا بقولك على صار معاي وان شاء الله تستفيدين:smile:
انا ملكت وكان زوجي يكلمني مثل مكالماتك انتي وخطيبك يمكن اطول مكالمة 20 دقيقة وكل اسبوع مرة ودائما يقول اخبارك واخبار اهلك ونسكت شوي ونقفل:pain: جلسنا على هذا الحال شهرين انا طبعا تضايقت وقررت اني اطيح الميانة بينا في يوم ارسلت لة رسالة استهبل علية فرد علي باستهبال وارسلت انارسالة ثانية استهبل فيها ودق علي بعدها وجلس يتكلم عن رسالتي وانة ماتوقع مني اقولهم مثل هذا الكلام وماتوقع اني اطلع احب اضحك واستهبل ودائما يقول اني مثل الاطفال :shy:واحنا مانعرف بعض قمت انا ابادر بالحديث واساله حتى تعود علي وقال انة اللي يخلية مايطول معاي انة ماعندنا شي نقولة وانة كان مستحي مني وقلق لانة مايعرف عني شي طبعا ولا يعرف شخصيتي واذا بتقبل كلامة او لا والسبب انة اول مرة تعرفنا علية هو واهلة اليوم اللي جاءت امة تخطبني فية
زواج في الحج ادعولي ان الله يوفقنا ويرزقنا بالذرية الصالحة..

الموضوعـ حلو ،،، و مفيد .. و يا ريت لو ترجع الأخت شهر زاد

بناااااات وش رايكم .. لو صاار شئ قبل الملكه .. يغني موقف او كلاام
هل انه ينساااه او يتزكروا دائما ويسال عنه ...
وسؤاال تااني اذا صاار سوء تفااهم بين اشخااص يقربوونه وبني ((خطيبته ))
كيف ممكن احل المشكله _علما انني لا اتكلم معااه ابدا و لا باي وسيله ..
اقولكم كذا لانو من جد صارت معي مشكله سووء فهم بني وحااد يقرب له
واخاااف انو خد عني سووء فهم
ادعوا لي ربي يطلعني منهااا