مخطوبة او على وجه خطوبة ومتورطة....ادخلي ولابتندمي

تسلمين ليالي على النصائح الحلوة
انا اختي مخطوبه لكن مشكلتها ان خطيبها ثقيل جدا اويمكن خجول والله مدري وهذا الشي مسبب حزن عندها المسكينه. انا اقولها حاولي تقربينه منك تقول ماابي اكون راميه حالي عليه واطلع انا الي اركض وراه بعد الزواج ممكن لكن بايام الخطوبه حلوة البنت تكون ثقيله وتتدلع. طبعا هو واضح انه يموت فيها وهذا الشي واضح من كلامه عنها مع اهله لكن معها دايما جاف
واحس البنت ميته من القهر يعني هي تكلمه بالماسنجر يخليها تنتظر ايام واسابيع مايدخل للنت بعدها يجي وبالتلفون كلمها مره من شهرين وهم مارجع واتصل وزواجهم بعد كم شهر وهي تقول خايفه يكون من النوع الي مايظهر مشاعره على فكره هي بعدها ماملكت ياليت تعطينا الحل ولك الف شكر

:clap: :clap:

شكرا يا ليالي شهرزاد على النصائح و الامثلة الي ذكرتيها بالفعل مفيدة و حلوة :clap: و انا قريتها شوي شوي عشان اتعلم و اطبق

نحن متحتاجين جدا لهذي النصائح و محتاجين لاحد يوجهنا و يقولنا ايش نسوي و كيف نتصرف

انا الحين كاتبة كتابي و العرس بعد شهرين بس لين الحين احس اني ما اعرف اتصرف مع زوجي مع انه واصلين لسنة تقريبا و نحن كاتبين كتابنا

ما اعرف كيف اجذبه و اخليه يهتم فيني اكثر و يزورني دايما .. يزورني مرة في الشهر :confused::confused: بحجة انه في مدينة و انا في مدينة ثانية . اريد اتعلم كيف اتناقش معاه و كيف اخليه ما يقدر يتخلى عني ابدا و للعلم انا بسرعة ازعل و لما ازعل انكد على الناس كلهم و اولهم هو

:clap::up::clap::up:

بنات اان فعلا سعيدة لتفاعلكم
وانا طرحت الموضوع عشان اللي عندها مشكلة او سؤال تطرحه
يعني مافي شي محدد
رجه بس ثقل
حبيبتي لا تعطيه وجه اسمعي كلامي
تدرين ليش...زوج اختك من النوعية اللي تعتقد ان هالاشياء قبل الملكة مو اوكي..يعني مايستحب الوضع ويحب انه يكون واضح هذا احتمال طبعا
اان اذكر بنت حاتني وانا بالحج تسالني تقول لي انه ميت علي بس ما ادري اكلمه ولا لا وهو من سؤالي عنه رايه في البنت اللي تكلم قبل الملكة شوي مايحب
فقلت لها لاتكلميه لاتعطيه فرصة انه يمسك عليك اي شي
وفعلا مرة كلمتها اخته وكلمها وتفاجات بس ماردت عليه وظلت ساكتة بعد الزواج اتصلت فيني وشكرتني وقالت لي فعلا زوجي قال لي تدرين انك ذيك اليوم عجبتيني لما مارديت علي

هذا احتمال
الاحتمال الثاني يابنات ان الولد خجول يعني مايعرف يسوي هالشي مع اللي يحبها بس من وراها يمدح ويقول
هذا النوع يحتاج صبر يعني مع العشرة والتعايش تنكسر الاشياء فعليك بالصبر
احتمال ثالث ان زوج اختك مايدق خبر يعني يحبها بس مايعتقد انه من واجبه انها يظهر هالشي يعني مو رومانسي حيل زي اخوي مثلا واحد يقول مايحتاج انه يقول احبك لزوجته او يدلعها لانها عالرفة انه يحبها
وكثير من الرجال هنا كذا خاصة اجيال القديمة يعني ابائنا وامهاتنا
طبعا في هالحالة انا انصحك لاترمين نفسك عليه مادام مابينكم ملكة لان اللي ممكن تسويه محدود بس بعد الملكة لازم شوي شوي تعلميه على قواعد معينة وحدود معينة

مثلا انا اقول لك واحد نسي مناسبة لزوجته وهي ماتنساه ابد المهم وهو متوقع انه يحصل هديه منها لازم ماتحقريه وتقولي مابجيب له هديه
جيبي له هدية بس عتاب
يعني مثلا اان استخدمت قلب قصيته لنصفين وحطيت معاه رسالة بالانجليزي تعبر كيف انك لما عطيتك قلبي نسيته .............
يعني ممكن ختى بالايميل ترسلي له هالنوعية من الرسايل وتكوني واضحة معاه
الرجل لازم يحس ويعرف ان البنت لها مشاعر وقلب رقيق وحساس وتحتاج العاطفة عشان تحافظ على حبها له
عاتبيه زي ماقلت لك ..بطريقة خفيفة وحلوة وبطريقة ماتستفزيه فيها مع بيان ان حبه اغلى من كل شي بس لانه جزء منك فهالشي خلاك تشكين وتفتحين قلبك له

تحياتي

انزين انا مالكه وخطيبي انسان حساس واخاف لو قتله كلمه يتحطم :down:
وانا انسانه دفشه حبيتين اعرف انه يبالي كورس في الرقه والدلع وانا بطبعي احب اعاند واغايض :D2 بس في السوالف و في الجد لا الوضع يختلف (a) وانا مابا اكلم خطيبي الحين لانه العرس مطول شوي يعني يمكن عقب سنه ونص وفي رايي اني اتعرف عليه عقب العرس احسن ...
لكن هو قايل انه يبا يكلمني بس مو الحين عقب فتره وانا مب عايبني هالشي .........
كيف اتعامل وياالشخص الحساس ؟؟؟؟؟؟؟؟؟؟؟؟ انا حساسه بس مب شراته ومب من اي كلمه ازعل وبطبعي ما احب اشل على حد .........

السموحه شكلي طولت عليكم

:up::up::up:

أنا مخطوبه وعلى وش زواج... ياريت تكثرين منه النصايح... و خصوصا خطيبي سبق له الزواج و عنده اولاد من زواجه السابق ... واحب ان اخليه ينسى زواجه السابق :o

nono_me
اان ابي افهم هو مايجيك لان مايبي او لان في نوع من الضغوط يعني يعتمد
مثلا في رجال يقول ما ارتاح من معاملة اهلها وما اخذ راحتي معها
بس لو هو مطنش فاليك الطريقة
اولا لازم في وحدة من قعداتكم تتكلمين معاه بهدوء انك ترغبين انه يزورك اكثر عشان تقدرون تتناقشون باموركم وبحياتكم
لازم من الحين تحطون اسس للتعامل في جياتكم الزوجية
شي ثاني ابحثي عن الاشياء اللي يبيها
مثلا هو يحب الرياضة او القراءة او اي شي هو يعجبه
ممكن تبدي تتعلمي عن الاشياء الي يحبها لان الرجل يحب احد يشاركه افكاره مو بلازم تتفقي معاه بوجهة نظره بس مجرد النقاش والاهتمام يخليك تكبرين بنظره ويعرف انك مو انسانة فارغة المضمون ومايهمك الا الدلع واللبس والمكياج لازم تراويه الجانب المشرق من شخصيتك وتفرضيها عليه بالحب والكلمة الطيبة
شي ثاني لازم تفخميه انه اهم شي عندك بالدنيا ولكن نقطة مهمة ابي اوضحها لكل البنات لازم كل وحدة فيكم تفهم زوجها بطريق غير مباشر ان على قد ماتعطيه من حب واهتمام انت بعد تبين بالمقابل ...يعني يد وحدة ماتصفق
بعدين النقاش الجدي مهم عشان كل واحد يعرف حدوده وكيف يتصرف
مثلا قولي لو انا سويت شي غلط او زعلتك كيف تبي اعاملك وتبدين تشرحي له الطريقة في علاج المشكلة هالشي بيخليه يفرح ويعرف شقد عاقلة انت وحكيمة ومو متهورة
اان انصحكم بكتاب IF LOVE IS A GAME THIS IS ITS RULES
هو كتاب مشهور ونفسي ويبرمج الانسان كيف يتعامل مع الشريك وهو مفيد جدا وانصحكم تقروه وممكن تلاقوه بالعربي بجرير على ما اعتقد
وهو تقريبا 150 صفحة تعلمك كيف تتعايشين مع نفسك ومع اللي حولك
يعني بالعربي يبرمجك عشان تقدرين تتعايشين وتعالجين مشاكلك العاطفية


طفرااانه
حبيبتي الانسان الحساس لازم تكوني حذرة معاه
هذا مانسميه بالتكيف و التعايش يعيني انا لازم على حسب احتياجات حياتي اتعايش واجادهد عشان (لاحظي اللي بقوله) مو احميها من النهاية بل عشان ازيدها توثقا كل يوم واخليها احسن
لاتركزوا على النهاية بل ركزوا على البداية دايما وخلوا بببالكم ان كل شي تسووه قليل ومازال في اكثر عشان ازيد من علاقتي الزوجية او مع الشريك وثاقة وقوة

يعني مثلا برمجي نفسك على الاشياء الي يحبها وتجنبي مضايقته لان الانسان الحساس بطبيعته رومانسي وجرحه ماينساه وان كتمه
بعدين مع الوقت قد ينفر من الانسان اللي شوي يعاند لانه حساس وعاطفي ويعيش حياة وردية
ومادام حساسيته ما تاثر عليه كرجل وككلمة فهالشي زين وحلو لان كثير من الحريم يشكون من الزوج الجاف او المطنش وانت اكيد قريت موضعي وشفت بنفسك الشكاوي

dwaween007
اان اقدر افيدك بهالمجال لاني كنت بنفس وضعك يعني زوجة ثانية مع اولاد من زوجة سابقة
اولا لازم ابدا لاتذكري ضرتك او طليقة زوجك بالشر
حاولي انك تبينين لزوجك ان سبب طلاقهم او مشاكلهم كانت تضارب بالشخصية وان الانسان يعني ممكن زوجته عند رجل ثاني تكون مثالية وهالامور ترجع للشخص نفسه وانت بعد ممكطن هو يرتاح لك بس رجل ثاني قد مايعجبه شخصيتك
يعني اذكريها بالخير عشان الله وعشانك
يعني لاتحاولي تسوي اي شي يثير حنقه او حقده او كراهيته
تدرين ليش لان لو لاسمح الله صار بينكم شي بيحسب عليك هالشي
ولو انك تتجنبي الحديث افضل بس انا انصحك لو انحطيت بهالموقف
ثانيا مافي اب ينسى اولاده حطي ببالك هالشي
دايم اسالي عنهم وحسسيه انك مثل امهم وانك خايفة عليهم وهالشي ماينفع تمثيل لازم تبرمجين نفسم\ك على هالشي
يعني انا عندي ولد وبنت وولد من زوجته السابقة والحمد لله الحين هو كبير ومايستشير امه او ابوه بالعكس يلجا لي ويعتبرني الحضن اللي ممكن يقول كل اللي يبيه فيه
وعمره ماسماني غير امي
مع انه كان يزورني بين فترة والثانية وساعات يصر ينام عندي بالبيت لمدة اسبوعين على الاقل وانا الشاهد الله اعزه مثل اولادي واكثر
وامه تحترمني بسبب هالشي
ثالث شي هو يعني ابدا لاتحاولي تبررين له كل شي
مثلا يعني كوني امينة معاه هو ممكن يقول انا سويت كذا وهي سويت كذا يعني برايك من الغلطان
كوني صريحة ولاتكذبين لانه بقرارة نفسه يدري من هو الغلطان
اعطيك مثال واحد زوجته طلبت منه يروح السوق يجيب شي وهو جاي من الشغل هلكان وتعبان والطلب كان من صاحبتها او اختها يعين انحرجت معاهم وكل ماقال لها مابروح تعبان وهي منحرجة فتصر
المهم قام هو ورمى شي على الجدار مثلا وزعلت فترى من هو الغلطان
هي غلطانة لان كانت لازم تهتم براحة زوجها وتعتذر ولاتعتبر هالشي معيب او احراج
لكن هو بعد بتصرفه في نسبة من الغلط يعني كان لازم يمسك اعصابه
يعني بهالشكل
واعطيك مثال ثاني واحد طلب شي من زوجته وهي خالفته وجهة النظر وبعد فترة جا وجاب لها جريدة او معلومة او خبر ياكد وجهة نظره يعين كانه يقول انا صح وانت غلط
هو غلطان هنا ليش لانه استفزها وبشي مايستاهل يعني مع الايام ممكن يجي صح او غلط
انشالله فهمت علي
اان ابيك وكل البنات يعرفون كيف يعالجون الموقف ويكونون صريحين وامينين بطريقة لطيفة وماتجرح
:smile:
وللحديث بقية ياحلوات

عزيزتي ليالي و الله موضوعك جدا رائع و ما تتصوري كيف استفاديت من النصائح التي طرحت من قبل الاخوات فجزاكم الله الف خير والله نحن محتاجين الى مثل هذه النصائح


اختي العزيزة لدي سؤال عن كيفية التعامل مع خطيبي لان شخص معتاد على استخام بعض الالفاظ التي يستخدمها مع اصحابة وكم من مرة حاولت ان الفت انتباهه على هذه المسالة واقول له دائما اني لست فتى انا بنت ولا يصح التكلم امامي بهذه الكلمات فيجيبني بانه معتاد عليها ويصعب عليه الكف عنها فهل هناك طريقة اجعلة يكف عن استخدام هذه الالفاظ امامي وان يعمل حساب اني موجودة عندما يفكر بان يقول اي شى امامي


السوال الثاني كيف اجعله يشتاق لي وكيف اجعلة يحبني

حبيبتي كثير من الشباب كذا وهذي نتيجة لطلعاتهم المستمرة مع شباب مثلهم وتكثر الظاهرة عند الشباب الصغار
وهالشي مع الوقت والصبر يخف يعني انت لاتلفتي نظره بل شوي شوي حاولي تخففي من الكام هذا
يعني وانت تكلمينه حبيبي حياتي عمري
طبعا تخيلي يرد عليك والله يا ابو الشباب طبعا يسووها بعض الرجال بس السالفة تحتاج الصبر والحكمة
اصبري معاه وشوي شوي بيتعود
ولو مصخها ازعلي يعني نبهتيه مرة مرتين ومانفع خاصميه شوي
وحسسيه بالغلط
ساعات نحتاج نشد شوي عشان نقدر نمسك بزمام الامور
لان بعض الكلام مفروض ماينقال خاصة للبنت المخطوبة لانها تكون حساسة وتبي شي رومانسي وحساس
يعني حسسيه انك زعلانة عشان يحسب حساب الكلام مرة ثانية

:up::up::clap::clap:

بصراحه جزاج الله خييييييييير على هالموضوع القيم

موضوعج مفيييد ولااااااااازم كل بنت مقبله على الزواج تتعلم هالامور وكيف تتعامل مع زوجها وتتنبه شنو الافعال الصح وشنو الافعال الغلط عشان تتجنبها وتبتعد عنها

انا زوجي يحب يسمعني اقوله ياحبيبي لدرجه انه يقولي انسي اسمي بس ناديني حبيبي لكن مشكلتي الخجل :confused:استحي اقوله :o
يحب اقوله ياعمري ياقلبي ياحياتي وودي اقوله بس بصراحه استحيييييييييييييي :confused::confused::o

وياليت تفيديني ومشكوره مقدما :cool2:

حبيبتي لازم تعرفين ان هالشي عادي
خاصة لو كنت بالبداية
اان اتذكر كنت استحي اقول اي شي على التلفون وكان زوجي يقول يعني بس مع السلامة وتصبح على خير مافي كلمة حلوة او ...
اقول له لا
وبعدها ارسل له رسالة اقول له اللي بقلبي
بالنسبة لك ممكن تحطي له بكل مكان بجيبه تحت المخدة باماكن متنوعة كلمة احبك وحبيبي وعمري وحياتي ومع الوقت تتعودي تقوليها بنفسك
تحياتي لك
:smile:

بنات بعطيكم كم نصيحة على الماشي
بنات اللي زوجها يطلع معاها بالتجهيز يعني لما تشتري ملابس نوم بالذات لاتخليه يروح معاها ولو راح لايشوف شي
خله يشوف كل شي بعد الزواج
صدقوني هالشي مهم جدا جدا

لو كلمكم بهالموضوع لاتعطوه اي معلومة طيب

شي ثاني
ببداية الزواج كونوا دايم مستحيين يعني خله هو يكون المابدر ولما توصلوا لمرحلة جيدة من التقبل ابدوا تبادرون انتو معاه

البنت المخطوبة حلو عليها تكون ثقيلة ولا تخلي اي شي يهزها

انشالله اكون فدتكم وبانتظار اسئلتكم
:smile:

عندي سؤال واتمنى يفيد
الكل ؟
يعني اذا انا احب الشعر<<<<<تموت بالشعر
شلووون احسس زوجي اني احبه ؟؟
وودي انه دايم يشعر لي
واذا ماكان يحب الرومنسيه شلوون اخليه رومنسي ؟؟؟

هلا اختى شهرزاد
ومشكوووره

اهلين حبيبتي ليالي الله يعطيكي الف عافية ومشكورة على النصيحة جربتها وشفت تحسن خفيف يعني بدا يحس شوية باهمية الموضوع وكمان جربت من يتكلم بهذي الالفاظ اسكت وما اجاوبة وبنفس الوقت اكلب وجهي عليه فالحمد لله ان شاء الله يترك هذا الطبع

مشكوره يااخت ليالى على هذي النصايح

السلام عليكم ورحمة الله وبركاته
شكراً لك اختي الكريمة على هذا الموضوع...
حالياً ما عندي اي سؤال لاني ماني مقبلة على زواج ... بس هذا ما يمنع اني استفيد من هالنصايح ...بالمستقبل ان الله كتب و تزوجت ..

شكرا:clap:

مرحبا اخت شهرزاد

بصراحه مواضيعك مفيده.. وجزاك الله الف خير

ياليت تزودينا بالنصايح عشان نفيد غيرنا

ومشكوره:shy:

انا سؤالي كيف اتخلص من عقدة الخجل اثناء الحديث بالتلفون :o

يعني احيانا يطلب مني اقول له كلمات :o استحي اقولها :o حتى لو كان خاطري اقولها له :o

بس شو اسوي ما اقدر

شو الحل !!!!!!!!