هدية الطبيعة ..ماكياج من صنع يديك..

هذي الوصفة توصلت لها بالموت لكريم الاساس وكنت احاول اوصل فيها للون بشرتي بس بنفس الوقت بتورد ولمعة حيوية

المهم لكم الوصفة القنبلة وجربوها وادعوا لي ومكت لو زدتو الفازلين تصير جلوس بيج وردي

اغلوا قشور 3 بصلات
مع 1/4 م ص قهوة نسكافيه
1/م ص جلو احمر او ملعقة ص كركديه
1 فراولة
1/ 4م ص نشا
م ص عسل
المهم اغلوه بكاس ماء حتى يبقى مقدار بيالة شاي وبتلاحظون لون بني محمر
بعد مايبرد خذوا ربع فنجان قهوة اضيفوا له م ك نشا
وم ص فازلين واذا كان متماسك اضيفوا شوي فازلين
اللون بيكون يشبه البرونز ولما تحطينه على البشرة بيكون يلمع كانه فيه حبيبات مضيئة ويورد بشرتك
كيف تعرفين ان التركيبة صحبحة
امسحيها على ايدك لو لاحظت انها مو مدهنة وبس عطتك لمعة هذي هي التركيبة الصحيحة ممكن تشوفونها مدهنة شكلها بس لما تحطيها ماتكون مدهنة جربوا وقولوا لي تراها رهههههههههيبة
وممكن تزيدون الفازلين حتى يصير عندكم جلوس
وللبنت البيضا ممكت تفتح الخلطة بالنشا حتى درجة اللون وتضيف الفازلين بعدين اوكي
بنات انتوا اشتغلوا بيدكم جربوا ترى وناسة
:smile:

اختي ..

يعني بعد مااشيل القشره البنيه الناشفه للبصله

اخذ الطبقه اللي على بنفسجي لونها اللي تجي بعدها ؟

هذا قصدك ؟


وكريم الأساس .. ماابيه زيتي لأن بشرتي مختلطه

سائل بس مو زيتي

حبيتي القشرة البنية هي اللي تستخدميها مو الطبقة اللي بعدها
وانا قصدي تجيبين 5 كيلو بصل كامل تاخذين قشرته يعني 5 كيلو بصل خذي قشرتها :smile:

بالنسبة لكريم الاساس انتظريني الليلة اوكي:cool2:

تحياتي
:up:

ياليت تذكرين لنا كريم اساس للبشرة المركبة ولونه مثل البيج يعني يفتح البشرة شوي

وتسلمين على الموضوع المفيد والرائع

كريم أساس للبشرة المركبة
اغلوا قشور 3 بصلات
مع 1/4 م ص قهوة نسكافيه
1/م ص جلو احمر او ملعقة ص كركديه
1 فراولة
1/ 4م ص نشا
م ص عسل
ممكن وضع م ص ليمون مع المزيج للي تعاني من دهون زايدة او مسام مفتوح
وممكن اضافة عصير الخيار م ص
(ملاحظة ممكن تضيفي الشيء اللي ترتاحي له للوصفة يعني كعلاج
مثل الليمون الخيار الجزر وعلى فكرة عصير الخيار روووعة وممكن تستخدميه بدل قشور البصل للي تعاني من حساسية من قشور البصل
بس تزيد الكركديه والنسكافيه بحيث يصيرون 1/2 م ص
وهذي الوصفة أفضل بعد بس البصل ميزته يعطي لون قوي فممكن تعتمدوا عليه بمرطبات الشفايف وممكن تستخدموا عصير الجزر للوجه
وبحط لكم المقادير
1/2 :وب جزر
1/4 م ص نشا
1/ م ص كركديه او جلو احمر
1 فراولة
1/ م ص نسكافيه وممكن تقللوها لو شفتوه اغمق من اللازم على حسب النوع
م ص عسل
وتغلوه مع 1/2كوب ماي حتى يكثف (تقريبا يبقى مقدار بيالة شاي او اقل)

المهم خلوه يبرد واذا حبيتوا اضيفوا الليمون او عصير الخيار او البقدونس بعد مايبرد

المهم للسائل مابنستخدم الفازلين وبنستخدم الجليسرين السائل

اخلطوا ربع فنجان من المزيج مع م ك نشا او حتى توصولوا للون المطلوب يعني درجة اللون وبيكون بيج مورد يعني رووووووعة
واضيفوا الجليسرين حتى تصير عندكم تركيبة سايلة بس لاتكثروا عشان لايصير دهني ولو كان ثقيل حطوا ماء ورد او ماء عادي بس اخلطوه زين
تقريبا انا احط 1/2 الى 1/3 علبة الجليسرين اللي ب5 ريال
والثلث افضل ولو كان ثقيل اضيفوا ماء بارد او ماء ورد واخلطوه زين
اختبروه اذا حسيتوا يعطي لمعة وتمتصه البشرة بسرعة ومو مدهن على الوجه هذا تركيبته صحيحة ولو كان مدهن ضيفوا نشا
ومع كل استخدام رجوا العلبة قبل الاستخدام

وسلامتكم

:smile:

أختى الحبيبة DESERT ROSE موضوعك روعة بس كان عندى سؤال ممكن؟؟ ازاى احرق بذور الكتان ووقت اد ايه؟؟؟ وكمان مكياج الوجه وكريم الأساس فيه فازلين مش يسمر الوجه ولا لأة ؟؟؟ وشكرا مقدما

موضوع مو طبيعي

روعة

نفس سؤال حنونه ????
وكمان عاوزه اعرف بالنسبه لزبده الكاكاو من اين اشتريها؟
وهل الكركديه مع العسل ينعم الشفاه ويطريها؟