هدية الطبيعة ..ماكياج من صنع يديك..

تسلمين اختي ع المعلومات المفيدة واتنمي تكملين بخصوص كريمات الأساس والعنايه بالجسم

وتحياتي لك

مشكوره ونتمنى المزيد من هذه الافكار.

:clap:

ويه مايسوه اطحن واشيل واحط
:pain:
وليه التعب ودورة الراس :pain:

كل شي متوفر والحمد لله:shy:

مشكورين على المرور بنات


بالنسبة للكسولات الله يخلي لهم محلات التجميل
:D2:D2:D2

المهم هذي مجرد معلومات حبيت اشارككم فيها وكل وحدة لها حرية الاختيار
:shy:

المهم نجي لوصفتنا اليوم



ركزوا معاي للون بني محمر للخدود والشفاه

جيبوا قشر بصل (تقريبا ل 5 كيلوا بصل) القشر بس اوكي
حطوه مع كاس ماي واغلوه اضيفوا له التالي
فنجانين نسكافيه
فنجان حنة
وملعقة عسل

واغليه لما يصير كثيف واللون طلع

المهم بعد ما يبقى مقدار بيالة شاي خليه يبرد واخلطيه مع المقدار اللي تشوفينه مناسب من الفازلين
يعني انا احط معاه 2 م ك او حتى يصير متماسك
واخلطه بالخلاط

المهم بيصي مايل للسايل فخليه يبرد ويتماسك بالثلاجه

وللشفاه تقدرين تستخدمينه كلون ومرطب وملمع
وللوجه لو كان دهني ممكن تحطي شوية نشا لانه يخخ اللون ويسحب الدهنية اوكي
شرايكم اكمل الالوان الباقية

:smile:

السلام عليكم ورحمة الله وبركاته

DESERT ROSE
موضوع حلوووووو
ياللا كملى
مستنيين باقى الوصفات
ومستنيين الكريم الاساس والبودرررررررررر

:clap:




حبــيبــــــــــــــــه

:smile:

بناتي الحلوات في اشياء ابيكم تحطوها ببالكم

اول شي لا تستخدموا المستحضر وهو حار خلوه يبرد بالثلاجه
وبعض البنات رسلوا لي على الخاص انم مايحبون الفازلين بالنسبة لللوجه
على اية حال ممكن تستخدمونه للوجه كسائل كثيف بس لازم تنتبهوا وانتوا تحطون
شي ثاني ممكن تستخدمون كريم ترتاحون عليه بس افضل شي الفازلين وانا ماجربت غيره لان لونه شبه شفاف ولا ياثر في اللون

المهم لو تبون لون بني شكولاته
ممكن تحطوا كاكاو فنجانين بس بدون سكر يعني مو محلى مو بعدين تقولون خليتكم تحطون شي على وجوهكم ولزق..:D2
اوكي اتبعوا نفس الطريقة بس لاتضيفوا حنة وضيفوا 2 فنجان كاكاو مو محلى اوكي

ولو تبون احمر عنابي حطوا كركديه بس مع قشور البصل اوكي والعسل وخلوه يغلي واتبعوا باقي الخطوات عادي

يعني لون بني
قشور البصل
النسكافيه والكاكاو
العسل

لون عنابي
قشور البصل
وكركديه
العسل

اوكي فهمتوا علي نكمل بعدين
وياليت تذكرون الالوان اللي تبون عشان اقدر اساعدكم اوكي

:smile:

هاي

بنات وينكم ليش مافي احد يشارك :confused:

ساعدوني قولولا لي شنفسكم فيه من الالوان عشان اعرف احدد

والله اضف وجهي :o

:clap::clap::clap::clap::clap::clap::clap:



تسلمين اختي والله من زمااان ادوووور علي طريقه المكياج الطبيعي



ماشاء الله عليج كل مواضيعج رووووعه حتي جدول العنايه بالبشره بصراحه كفى ووفى:up:


ولو تحطين طريقه الجلوس البرتقالي الفاتح والوردي والبني الفاتح للشفايف ....... بيكون تمام التمام:up:
لاني ما احب الالوان الغامجه

ولايهمك يالغالية
انت بس جربي وقولي لي

حبيبتي للوردي الفاتح

لو توضحين لي تبينه اللي يكون زهري ولا قصدك يكون فاتح ويعطي لمعة طبيعية للشفايف ويعطي لون طبيعي وزاهي

على اية حال للمعان ولالوان طبيعية خذي هذي الوصفة

امزجي قشور البصل مع العسل والكرديه (لكن كمية الكرديه تكون قليلة)
بحيث ماتعطيك لون مركز يعني تحكمي بالكمية حتى توصلي للون اللي تبيه

حتى لو بين لك غامق لاتخافين لانه لما يمزج مع الفازلين وينحط يصير جدا طبيعي

ونفس الشي للبني الفاتح حطي بس نسكافيه او كاكاو واحد منهم بس وتحكمي بدرجة اللون ونفس الشي لما تحطينه بيكون طبيعي

للبرتقالي ممكن تحطي الزعفران مع قشور البصل والبعض يحطون صبغة الزعفران

انا انشالله بكتب لك الوصفات اللي استخدمهم والمقادير مضبوطة انتظريني اوكي

هلا حبيبتي .......

موضوع اكثر من رائع

كملي واحنا معاك

انا ابي اعرف طريقة اللون البيج الفاتح ...

والوردي الفاتح .......

وطريقة كريم الأساس ..

و اذا في بدوره لتثبيت .. ياليت ماتبخلينا علينا بطريقتها

ومشكووووووووووره


بروح اجمع علب صغيره :D2

:up::up::up::up::up:

يعطيك العافية اختي كملي
ولو سمحتي اللون الودري الفاتح واظل الاسود

مشكورين على تشجيعكم يابنات

حبيبتي نعووومه


لو بس تبينين لي الالوان اللي تبيها للشفايف او للعيون
ودرجة اللون لكريم الاساس
وبالنسبة للبودرة كيف تبين لونها

شوق ووله

الاسود الفاحم
بذر كتان او قشور اللوز تحرقيها وتطحنيها وممكن تستخدميه حتى ككحل وانا مجربته بنفسي ورررووووووووووعة

الوردي الفاتح
للشفايف
لو تبينه وردي على بيج وفاتح
تحطين
كاس ماء مغلي مع 2 كيلو قشر بصل
وورد مجفف او ممكن كمية بسيطة جدا من الكرديه
طبعا مزيج غامق وانت تبينه افتح ضيفي له نشا بس لما يغلي ويخلص ويبرد لان لو حطيتيه قبل بيقسى المزيج
المهم لما تضيفي النشا للتفتيح ضيفي الفازلين واخلطيهم بالخلاط زين وفتحي اللون باضافة النشا ولو كانت الكمية كبيرة اضيفي الفازلين حتى توصلي للقوام اللي يعجبك

لو ما تبين الا انه يكون وردي فاتح اغلي بس الكرديه مع العسل والماء وفتحيه بالنشا ولاتضيفي كثير كرديه عشان لاتضطري تحطين نشا كثير
م ك عسل

بنات المقادير تعتمد على درجة اللون اللي تبون

وبالنسبة للغليان لازم اللي يبقى يعادل بيالة شاي
يعني من كاس الى بيالة شاي ويكون طبعا مركز وفيه كثافة شوي
:smile:

الوصفات جنوووووووووووووووون

و الله انك ذكيه, انا من زمان ابحث علئ لون الضل الاسود

بنات بس حبيت اقول لكم شي بالنسبة للظل
اي وصفة بعطيكم اياها فيها الظل على شكل بودرة لازم تطحنوها جدا جدا جدا ناعم عشان افضل النتايج

اوكي


زين بنات بس حبيت اقول لكم شي تدرون لما سالت واستفسرت ايش لقيت يسون عشان يسوون بودرة وجه تخيلوا
:smile:
ياخذون رز ويغسلونه ويحطون له لون على حسب لون البشره بتقولولن كيف مثلا اللون البيج المحمر يحطون له صلصة الطماطم وقلبل من الزعفران
طبعا ماتطبخون الرز تنقعونه بمزيج من الماء وصلصة الطماطم والزعفران اوكي طبعا تنقعونه طول الليل واليوم الثاني تجون وتنشرونه تخلوه ينشف يعني تصفونه مو تغسلونه عشان لايفقد اللون ولما ينشف تطحنونه بس تطحنونه جدا جدا جدا ناعم

تدرون انا قمت وجربت هالوصفة واليوم طحنته كذا مره بمطحنة القهوة الكهربائية لما صار جدا جدا ناعم

المهم اللون صار يجنن وطبيعي ولا يعطي صحة والق للوجه

طبعا هذي طريقة من الطرق
بس حبيت اعطيكم فكرة عن الطرق

بالنسبة للظل بنستخدم خامات طبيعية وبتعطينا الوان مختلفة مثلا الاسود قمنا بحرق بذر الكتان وقشر اللوز

البني مثلا اطحنوا نوى التمر المحمر وممكن تعطيكم كذا درجة حسب تحمير النوى
وفوق هذا مفيد جدا للعين ويحتوي على زيوت مفيدة للرموش والجلد

طبعا اللي تبي تعطي لون اكثر ممكن تضيف الوان طبيعية للمزيج كالحناء والكركدية وخلاصة الرمان والزيوت الملونة

وهذا كله بنجي له بعدين في وصفاتنا

اوكي
الجلوس هو اسهل شي ومتوفر بخيارات كثيرة

طبعا انا بس حبيت انوه على شي المكياج الطبيعي هذا للاستخدام اليومي والطبيعي عشان كذا تلاحظون الالوان هادئة وبالنسبة للمناسبات بتضطري تستخدمي الماكياج العادي بس اللي حابة تعالج بشرتها وماتسرع من شيخوختها وبنفس الوقت تستخدم ماكياج بترتاح على هذي الطريقة ومابتضطر الا لاستخدام الماكياج الصناعي الا بحالات المناسبات

المهم برجع لكم بس الحين بروح افطر
:smile:

:up::up::up:

الألوان اللي ابيها للشفايف ...

وبنسبه لكريم الأساس .. انا استعمل افتح درجه بالماركه اللي استخدمها

بس اذا تقدرين تعطيني افتح درجه .. وكيف ممكن اغمقه بالتدريج ..

عشان اذا احتاج لتغميق ...

والبوورده .. ابي البورده المضغووطه المثبته لكريم الأساس .. نفس درجته ابيها وبرضو ياليت توضحين طريقة تغميقها ...

وعندي لك سؤال غاليتي ...

قشر البصل تقصدين القشره البنيه الناشفه للبصله ؟؟

اذا هذا اللي تقصدينه فحجمه خفيف مره

كيف اوزنه ؟:rolleyes:

حبيبتي اول شي انا اقصد قشر البصل الاحمر وقصدي بال 5 كيلو البصل يعني تجيبين 5 كيلو بصل وبعدين تستخدمين القشر يعني القشر ما يجي ربع كيلو اوكي

كريم الاساس يعتمد على النوع اللي تبيه يعني تبين كريمي ..سائل
ايش بالضبط

وبالنسبة للبودرة المضغوطة شوي صناعتها صعبة تحتاج قوالب عشان بعد اعدادها نخلطها بنوع من السوائل والزيوت عشان تتماسك وبعدين نجففها عشان تصير جافة وجاهزة للاستخدام اوكي
المهم انا بكتب المرة الجاية بالتفصيل عنها

الالوان اللي تبيها
لبيج الفاتح ابيك تجيبين قشر البصل(2كيلو) وكركديه (شوي بس لاضفاء لون اوكي وتغليهم بدرجة اللون اللي تبيه ومعاهم م ك عسل يعني حطي كمية قليلة من الكركديه عشان ماتضطري تفتحيه
طبعا بعد ما يغلي ويبرد حطي معاه نشا للتفتيح وعلى طول اخلطيه مع الفازلين لدرجة اللون البيج اللي تبيه

للوردي استخدمي بس الكركديه مع العسل وسوي نفس الشي في النهاية يعني اضيفى النشا والفازلين بعد ماتبردي المزيج بالثلاجة
على فكره لو سويت خلطة الكديه مع العسل وقشر البصل ومافتحتيها واضفت لها كمية كبيرة من الفازلين تراه مرطب ممتاز ومع الوقت والاستخدام تتورد الشفايف
اوكي
تحياتي
:smile:

السلام عليكم ورحمة الله وبركاته

بناتي الحلوات تدروت اليوم بعطيكم وصفة بسيطة لكريم اساس كريمي

ابيكم تجيبون الاتي
زين
2 _4 م ك فازلين اوكي حسب القوام اللي تبيه
2 م ك جليسرين
2 م ك ليمون
1/2 كوب نشا
تضيفي لهم م ك من المزيج

ـ 3 ملاعق كبيرة زيت جوز الهند.
ـ 3 ملاعق كبيرة زبدة كاكاو.
ـ 6 ملاعق كبيرة زيت سمسم.
ـ 3 ملاعق كبيرة زيت زيتون.
ـ 2 ملعقة كبيرة زيت لوز.
ـ 570 مل شاي هندي مركّز بارد.
(للوقاية من الشمس)
م ك عسل
اخلطيهم زين بالخلاط ولو حسيت ان المزيج دهني اضيفي النشا بحيث يخفف دهنية المستحضر
المهم لو حسيتسه مدهن ضيفي نشا اكثر
للون اللي تبي تعطي بشرتها بياض وورد ممكن تستخدم المزيج بدون اي اضافات
وللي تبي لون ممكن تضيف الكركديه بكمية بسيطة الى جانب الزعفران لاضفاء لون برونزي (من الافضل نها تغليهم مع ماء حتى تتكون مركزة من اللون وفيه كثافة وتضيفه عندما يبرد )

ها نكمل :cool2:

:smile:نجي لسالفة المقادير اولا مرطبات الشفاه
طبعا انا بحط لكم مقادير لكمية اقل عشان لاتتورطوا بالكمية

البني المحمر(مائل للبني)
قشر بصل (1/2 كيلو بصل)
م ك عسل
1/4 م ص نسكافيه
1/4 م ص حنة
1/ 4 م ص نشا
للرائحة ممكن اضافة زيت عطري بعد الانتهاء
تخلط المقادير مع كوب من الماء وتغلى حتى تغلظ قليلا وتترك حتى تبرد
ومن ثم نضيفها بعد ان تبرد للفازلين وتخلط جيدا وممكن ان نزيد من كثافة اللون بزيادة اضافة الخليط للفازلين

البني
يستبدل الحنا بالكاكاو 1/2 م ص كاكاو او حسب اللون المرغوب

البني المحمر المائل للحمرة
يستبدل الحنا بحبة فراولة 1 م ص كركديه
وممكن اضافة الجلو الاحمر او صبغة الطعام الحمراء بدل الكركديه

العنابي
لاتضيفي الا الكركديه مع الماء والعسل وقليل من النشا


للبيج استخدموا قليل جدا من قشر البصل
تقريبا قشر بصلة صغيرة
1/ 4 م ص كركديه
مع عسل
بعد ان يبرد اضيفي النشا حتى يفتح اللون

للوردي لاتضيفي قشور البصل
بنفس الوصفة السابقة
ممكن اضافة ماء الورد للمزيج للفائدة
بنات ممكت تخترعوا الوان من عندكم استخدموا خيالكم
عندكم اشياء كثيرة الزعفران القهوة الشاي التبغ.............ز

تحياتي


:smile: