يــاحوامـل و متـزوجــات....يـالــلا نـدردش مــع بـعـض

[ALIGN=RIGHT]حبيبتى عسل الله يعنيك على ما بلاك لاني انا بعد صار لي مثلك في حملي الاول و هذا حملي الثاني و الله يستر ما ابغي اللي صار لي يتكررر .

انا اصبت بحساسيه في نهايه الحمل قبل اسبوع من الولادة بس صادني حكه في جسمي و ذبحت روحي من كثر ما احك بطني و رجولي و ايدي حتى اني اتشوهت من الحك و ما اقدر انام منه و لدت و بعدي اعاني من الحكه قالت لي الدكتوره عادي :pain: ناس وايد ايصير لهم مثلي و عطتني حبوب علشان اقدر انام لاني ما كنت اقدر انام من الحك بس ما استفدت و رحت عياده خاصه و عطوني حبوب و كريم ادهن به جسمي كله تقريبا و بعدين خف بس صار لونه اسود و ترك اثر و رحت لدكتورة امراض جلديه و قالت ليش ما جيتن من قبل وسكته عن روحك كل هالمدة و عطتني غسول و كريمات و حبوب بعد و الحمد الله كله راح .

[ALIGN=RIGHT]حبيبتي ليل و نهار انا عطوني موعد الولاده 9/3/2005 يعني انتي قبلي بكم يوم بس . الله يسهل عيج و على كل الحوامل يا رب .

بنت كيوت

طمنينا عليج دايم و روحي المستشفى بخصوص اللي نزل عليج و ان شاء الله خير عمري , و يارب بحق هذا الشهر الكريم يرزقك بالذريه الصالحه و ايفرح قلبك يا رب .

هم شجون الله يرزقك بالذريه الصالحه بحق الشهر الفضيل و الله ما ينسى عبده المؤمن ابدا و اكثري من الدعاء و الله يوفقك ان شاء الله و اتبشرينا بالحمل قريب انتي و بنت كيوت .

عزيزتي ليل المجاريح

لو أنا مكانج كنت تمنيت بدل البنت خمس بنات ..
عشان دلع ولدج يروح عنه :D2

وبالنسبه لأسم يزن ..
أنا طلعت معناه لج.. :cool2:

معناه يا عزيزتي
اسم موضع في اليمن سمَّوا به، وكثيراً ما أضافوا "ذو" قبله، والرماح اليزنيَّة: تُنسب إلى ذي يزن وهو ملك من ملوك حِمَيْر. سيف بن ذي يزن (ت. 574م) : طرد الأحباش وأنهى احتلالهم لليمن بعد أن استمر حوالي 72 سنة ، له سيرة شعبية مشهورة تتغنى بمغامراته الأسطورية لا زالت تستحوذ إعجاب العامة في كثير من الأقطار العربية .

يعني مثل ما فهمت .. إنه اسم لبطل .. :up:

عزيزتي قلوووووووب

تقريبا حالتي نفس حالتك..
يعني الحمد الله لا وحام وغيره..
بس أشتهي أكلات .. وهذا الحمل مركزه على الكشري :cool2:

وبصراحه أنا أول حمل تمنيت بنت .. والحمدالله الله عطاني بنت . .. عقبها ولد.. وهالمره بعد في خاطري بنت .. الله يرزقني على قد نياتي..

عزيزتي عــــســــل

الله يحفظ لج أولادك إن شاء الله..

وشكلك متلعوزه مع هذي الحساسيه .. :down:
يقولون الحساسيه ما تيجي للحامل إلا إذا حامل بولد..
وأنا بصراحه جاتني لما حملت في ولدي وفي حمل بنتي ما شفتها..
يعني إن شاء الله يوم الله برزقك ببنوته.. ما بتشوفين هذي الحساسيه...

عزيزتي bent^cute

مادام نزلت منك قطعه دم كبيره..

يعني كنتي حامل :up: ... وما شي تفسير ثاني ..

وإن شاء الله نسمع خبر حملك عما قريب..

ولا تنسين تطمنينا..

عزيزتي هم شجون

إن شاء الله نسمع خبر حملك عما قريب...
بس إنتي إنسي فكره الحمل نهائيا ..
لأن الحاله النفسيه تأخر الحمل ..
وإن شاء الله ما يمر شهر رمضان.,,
إلا مبشرتنا بحملك..
وساعتها الكل يفرح.. أنت وزوجك وأمك ونحن..

عزيزتي (( سحر المودة))
مشكورة وايد وايد والله يسمع منك
بس بغيت طلب ممكن ؟؟؟؟؟؟؟؟؟:o
بغيت اسأل عن الدكتورة اللي رحتي لها وتعالجتي من الحساسية
لانة اذا ما راح عن بعد الولادة بروح لها

موضوع حلو أختي حبيبة

يعطيك العافية

انا بالنسبة لي باشهر الثاني

وظهري فيه ألم مو طبيعي بآخره بالذات اذا جلست الحمد لله والشكر لله

والمشكلة الثانية كل ماصار جماع نزل دم:down: مع اني أطول بين الجماع والثاني لكن برضه ينزل دم بعد مايخلص الجماع وماعاد ينزل الا وقت الجماع الثاني

وأيضا الزكام والعطاس والجيوب الانفية مأذيتني الحمد لله على كل حال

وحرقان المعدة

ماخليت شئ هههههههههههه وربي الحريم ضعاف :s2

أختكم يسر

[ALIGN=RIGHT]هلا حبيبتى DarkStar


اول رحت مستشفى الامريكي و عطوني كريم لجسمي و حبوب و خفيت الحمد لله بس ترك سواد في الجسم .

بعدين رحت لأخصائيه اسمها سميرة المتروك و عطتني ادويه ممتازة .

الله يسهل عليج و واتقومين بالسلامه و تفرحين بالتوم :smile: .

(سحر المودة)
مشكووووووووووووورة وايد حبيبتي
بس ممكن وين عيادتها سميرة المتروك ممكن
:smile:

تسلمين اختي بشاير

انا ناسية سالفة الحمل لاني وايد تعبت
انا بس الي طلبته بس الدعاء

تحياتي

ام شجون

(( الهي لا تذرني فردا وانت خير الوارثين , واجعل لي من لدنك وليا يبرني في حياتي ويستغفرلي بعد وفاتي , واجعله خلقا سويا ولا تجعل للشيطان فيه شركا ولا نصيبا ))

اختي الفاضله حبيبه لكي منا كل الشكر والتقدير على هذا الموضوع المتميز وان شاء الله نستفيد وجميع الاخوات من من تجارب بعضنا البعض ..

انا متزوجه ورزقني ربي بثلاث وردات (( بنات )) , اثنين منهم موجودين وصاروا بسن المدرسه .. اما الثالثه والاخيره فقد اختارها رب العالمين بسبب خطأ الممرضه في لحظة الولاده بعدما عاشت سبع شهور .. ولكن لك الحمد ربي على كل شي ..

واللحين ربي عوضني الحمد لله وانا حامل بالشهر السادس واسال الله سبحانه وتعالى يرزقني الولد الصالح المعافى ان شاء الله ... بس تصدقون يا اخواتي بحكم تجربتي المريره بالولاده الماضيه واللي تسببت في وفاة بنتي .. احس اني خايفه مووووووووت من لحظة الولاده واحاتي بصوره غير طبيعيه وصايره عندي وسوسه غريبه حتى النوم ماني قادره انام مثل الناس رغم اني مؤمنه الحمدلله بقضاء الله وقدره لكن الشيطان الملعون مايخلي احد في حاله والعياذ بالله ...
بس ارجوا منكم اخواتي ان لا تنسوني من دعواتكم الطيبه خصوصا مقبل علينا شهر رمضان .. شهر الرحمه والمغفرة واستجابة الدعاء ..
واسال ربي يرزق كل وحده الذريه الصالحه ويهب كل محرومه ان شاء الله ويلبسنا جميعا وابناءنا نعمة الصحه والعافيه ..

ليل ونهار وسحر المودة الظاهر شهر 3 ان شاء الله بيشهد مولد اطفال المنتدى لان انا بعد موعد ولادتي في شهر 3 بس انا في تاريخ 21 /3/2005 م يعني انا اخركم :D2:D2 الله يسهل علينا يارب وعلى كل الحوامل ان شاء الله


بشاير انتي بعد مثلي :smile: زين يعني موب بروحي بنفس الحالة بس الحمدالله على كل شي الله يرزقنا ويرزق الجميع ان شاء الله


اخواتي بطلبك انكم تدعون لصديقتي صار لها متزوجة حوالي 4 سنوات وما صار حمل ولا مرة مع ان تتعالج
والدكتورة اخر مرة قالت لها بصراحة اني ما فيج اي شي بس مجرد تأخير ادعوا لها ربي يرزقها بالذرية الصالحة امين :smile:

اختي (( مرافئ الفيروز )) الحمد الله على كل شي والحمد الله انك حامل
الله يتمم على خير وتولدي بسلامة وتربي النونو لما اشوفينة رياااااااال
لا تحاتين ربك كريم
:smile:

حبيبتي (( قلووووووووب ))
الله يسهل عليك وتولدي بسلامة
يا رب
والله يرزقك صديقتك وكل الاخوات بذرية الصالحة
يا رب
بس انتي لا تنسين صديقتك تدعين لها في وقت الولادة
والله كريم
الحمد لله
:smile:

هلا حبيبة

موضوع رائع وشيق ،،، وماشاء الله فيه تفاعل كبير

انا الحين حامل بالشهر السابع ،،، وهذا حملي الثاني ،،، حملي الأول اجهضته في الشهر الثالث ،،، والحمدلله على كل حال

فترة الوحام ،،، كانت صدق مأساة ،،، كنت كل اسبوع اترقد في المستشفى ،،، حياتي كانت ترجيع في ترجيع ،،، حتى الماي كنت اشربه وارجعه بنفس الوقت ،،، لكن الحمدلله مع بداية الشهر الرابع كل شيء صار :up:

الحين انا مشتاقة اشوف البيبي ،،، خاطري ببنت وزوجي بعد ،،، لكن اللي يجي من الله حياه الله

ما شاء الله لا قوة إلا بالله ،،، البيبي ذابحني حركة ،،، مرات لما اقرأ كتاب الحمل وانا على السرير ،، اشوف الكتاب يتحرك ،،، لأني احطه فوق بطني والبيبي ما يقصر ،،، فوق تحت فوق تحت ،،، الله يحفظه ويجيبه بالسلامة

الأحلام هاجسي يا حبيبة
سواء احلام منامية او احلام يقظة
ما تمر ليلة إلا واحلم اني ولدت ... ودايما احلم اني ولدت بنووته حلوة

ذهني شارد على طول ،،، و زوجي مرات يتضايق ،،، لأنه مرات يكلمني وانا في عالم ثاني ،،، افكر واهوجس كله بالبيبي المنتظر

هذا كل اللي يحضرني الحين ،،، راجعة لكم بسوالف ودردشات جديدة :smile:

[ALIGN=RIGHT]هلا حبيبتي DarkStar

اسفه اني اتاخرت عليج في الرد بس ان شاء الله بعطيج العنوان , بسال لك زوجي اول علشان اعطيك العنوان مضبوط :up: لاني بصراحهرحت مرة وحده و ما ادل المكان بالضبط بس تعرفين صيدليه ناصر اللي جنب النادي الاهلي اهني . هالايام صايمه و مشغوله اشوي بس بكرة بالكثير و اعطيك العنوان :smile:

قلووووب هلا حبيبتى , ماشاء الله الحمد لله على هذي النعمه و الله يرزق الجميع ان شاء الله :up:

اختى مرافئ الفيروز الحمد لله على كل حال و الله يخلي لك البنوتات و يرزقك الولد الصالح يا رب:shy:

غيمات الله يتمم لك على خير و ايسهل عليك و اتقومين بالسلامه و يرزقك ببنوته تفرح قلبك:smile:

ما ادري شو صار فيني اليوم كنت عصبية لدرجة الجنون بصورة غير طبيعية

وهالحالة معي من فترة اصلا من زمان بس الحين احس انها زادت خاصة في المدرسة اعصب على الطلبة لاقل شي واضايق من نفسي اني اعصب عليهم

تسلمين عزيزتي حبيبه على هالموضوع الشيق..
وان شاء الله الكل يستفيد منه..

ما شاء الله عليكم يا الاعضاء ذكرتوني بحملي ههههههههه..

اول شي احب اقول حق الي حملو لاول مره انهم ما يخافون من الولاده والاشياء الي تستوي في فترة الحمل ترى كل وحده وجسمها وشو الي تتحمله وشو الي لا..

انا ما كنت اسال اي حد ولا كنت اعرف كيف اتصرف وكنت استحي اسال امي او اي وحده كبيره في السن وعندها خبره.. اول ما حملت فرحت واااااايد بس يوم اتذكر كلام المتزوجات عن الولاده وآلامهات كنت ارتبك.. وزوجي كان يخفف عني ويخليني انسى هالاشياء الي اتخوف..

الحمدلله لا رجعت ولا تعبت.. بس في الشهور الاولى مره توحمت ب: كيما وبراتا.. اتسممت وتعبت حيل وقمت ارجع كل ساعه وطول الليل ما نمت هههههههه.. وما كنت اشتهي الاكل.. صرت ضعيفه وسلق الكل قام يعلق عليي.. والحمدلله في شهر الرابع قمت ازط زط وآكل كل شي جدامي وكله ايووووع لين ما صرات مصحصحه.. بس للاسف وزني كان ما يزيد الا شوي..

وحتى ما حان وقت الولاده وتعبت وشفت الي امي وجدتي واجدادي الحريم شافوه هههههههههه بس يوم ولدت ارتحت.. بس بقولكم يا الي بتربون جريب لا تستعيلون على البيبي.. ترى الليل بيطلع عيونكم هههههههههه حتى كنت اقول الياهل داخل البطن ارحم بوايد برع البطن..

المهم اكثرو من الخضروات والفواكه والحليب والتمر.. ولا تنسون المشي لحد ما تتعبون ريحو.. يعني في الشهور الاخيره تبدؤن المشي اوكيه..
انا صح اني تعبت وهالشي لازم يستوي لكل وحده بس والله الولاده كانت سهله بسبب المشي ودعاوي الاهل..

والحين النونو مطلعه عيني هههههههه فديتها.. :smile:

هلا والله بالبنات ...

وسوري على التأخير لأني بالجامعه وما عندي نت هناك..:down::down:

dark starحبيبتي ..

أنا كنت رايحه زياره عاديه للدكتوره وكان معاي زوجي اللي كان خاطره يشوف البيبي وصدمتنا الدكتوره لما قالت..

البيبي الاول تمام بس الثاني شوي أصغر بالحجم..:eek2::eek2::eek2:

طبعا خانني التعبير وبهتت فيها وزوجي فز من الكرسي مو مصدق..

وقعدت أصيح نص ساعه من الفرحه والدكتوره تحاول تهدي فيني..:confused:

فديتهم والله..

والحين البيبي اللي فوق بدى يرفس بس اللي تحت هادي ومما أحس فيه نهائي..

الغاليه بشاير..


ياريت أكون ظالمتنها بس الدكتوره نفسها هي اللي خبرتني وهي طاحت بلسانها وقالت أنها راحت تتطمن علي عند الدكتوره لما كنت مرقده..

ومشكورين كلكم ويا ريت يستمر هالتفاعل دوم ..

أحبكم..:smile::smile::smile::smile:

ح و ر ا