يــاحوامـل و متـزوجــات....يـالــلا نـدردش مــع بـعـض

عزيزتي DarkStar

الحمد الله إن الله عوضج .. والله تمم حملج على خير..

بصراحه أنا وايد أحاتيج.. ما أدري أحس إنج مثل أختي ..

الله يسهل عليج إن شاء الله..

عزيزتي بالنسبه للحساسيه .. أنا جربتها يوم كنت حامل بولدي ..
كنت ما أقدر ألبس لا ساعه ولا خاتم ولا سلسله إلا الجسم شب..
واستمرت الحساسيه الين خلصت الأربعين .. بس القصه ما أنتهت :confused: ولدي بعد ما كمل الأربعين يته الحساسية والأكزيما وأستمرت
المعاناه سنه وشهرين :cool2: عقبها أفتكيت ..

وعلى فكره يقولون الحساسيه ما إتيي للحامل إلا وراه ولد..

أقول عزيزتي ..
ليش تبين تسمينهم محمد وعلي ..
ليش ما تسمين أسمين متشابهين.. يعني محمد وحمد..

السموحه منج تراني هذراب..:D2

الله يوفقج ويسهل عليج..

عزيزتي ... سحر المودة

الله يعينج على ولدج... حسيت من كلامج إنه عنيد ومشاغب..
أنا بنتي عمرها 3 سنين .. وتبين الصدق .. من يوم ما حملت 24 مشتغله
صياح.. بسبب وبدون سبب ... ما كانت جذي من قبل . .. وإذا شافتني تعبانه تقولي شو بلاج أقولها النونو اللي بطني متعبني.. تدرين شو ترد علي :down: حشرتينا كل يوم تعبانه إنزين روحي طري بطنج وطلعيه :down: .. ولا وولدي اللي عمره سنه وتسع أشهر كل ما اقوله في بطني
نونو ما أحس إلا بهاذيج الرفسه على بطني .. والله تبين الصدق عيالي مب
ويه أييبلهم إخوان..

عزيزتي ..
حسيت من كلامج إنج وايد تحاتيين البيبي.. ليش جذي خايفه عليه..
إن شاء الله الله يحفظه لج.. ويقومج بالسلامه..

بصراحة الموضوع شيق جدا وأكيد انتوا قبل فترة تذكرون انكم باركتولي بحملي

وهو الحمل الثاني بس مدري ليش احس نفسي خايفة من اي حركة او مجهود اسوية ولو تشوفون كيف احس مابغى اترك شئ وسخ ولا ماهو مرتب مع ان بيتي و الحمد لله مرتب و نظيف بالمرة بس الوحدة فينا مع المرض و التعب تشيل الهم وتبالغ فية

انا الآن توني دخلت الشهر الثاني وحاسة بغثيان وضغطي نازل زي ماقالت الدكتورة وما أبي اطبخ شئ وحاسة اكل برى جاي على مزاجي

بالنسبة لحياة خففت من طلعاتي وحتى سهرات عندي مافية أخاف ارهق نفسي وولدي زهقان ودلعة زايد من يوم قلتلة فيني نونو

ونفسي في ولد وابغى اسميه (( يزن )) لكن زوجي :down:

وهذي آخر سوالفي مع الحمل و همومة اليوميه

عندى سؤال/ ليش الإلتهابات تحبني موت دائماً فيني تروح وتجي ومع اني نظيفة :D2

اسفة طولت :shy:

السلام عليكم ورحمة الله وبركاته

هلا بالحوامل والمتزوجات... الصراحه دردشه حلوة.. بس ما ادري اذا تستحملوني ولا....

عني انا الحمدلله هذا الحمل الثالث لي والاولين الله ما راد ان يكمل فالحمدلله على كل حااال.. والحين حااامل بالخامس ولله الحمد والشكر...
المهم حملي هذا جاء في وقت حسيت فيه اني انهرت و تعبت مع اني حاولت اني انسى..والشهر اللي سويت فيه اشعه صبغه حملت على طول:cool2:

المهم حملي كان هديتي لزوجي في ذكرى زواجنا الثاني..والحمدلله زوجي استانس وحمد رب العالمين... اما عن الشهور الاولي ما صار ترجيع مجرد لوعه وصداع وبعدين الله لا يوريكم ضروسي بدا فيها الالم وخف لما بديت اتغرغر بماى وملح.., وقراءه صوره الفاتحه كمن مره على ضرسي والدعاء وخف عني.....

وفي الشهر الرابع اختكم خافت لان الوحم خف عنها ...بس يوم شافت النون على السوناااار ياااربي سبحانك من شي صغير ومكور الى مخلوق انساني وخذت صوره له و احتفظت فيها....

المهم الله يعينكم علي انا صح خجوله بس اصير هذربان ....

والحمدلله انا الحين في الاسبوع 19 وجريب 20 بعد كمن يوم....
اللي محيرني اني ما احس بالبيبي ..وصديقتي تتمصخر وتقولي من متنج ماشي احساس :confused: الصراحه اتضايجت....الدكتوره تقولي بعد عشر ايام بتحسين بالحركه..........

بناااات ادعولي انا رب العالمين يفرح قلبي...و اشوف النونو واخلي في حضني... والله ما تعرفون شكثر فرحانه..على الرغم من التعب و الدوخه بس الحمدلله ....


اكيييييييييييد طولت عليكم....
السموحه:o

هلا خواتي اشلونكم وشخباركم الله يسهل على كل وحده حامل ويرزق طل انسان محروم اااااااااااااامين ياارب
انا كنت حامل بتؤام بس الله ما كتب اتمم حملي كامل ولدت بالشهر السادس بنتين زي القمر وسميتهم ابرار واسرار الله يخليهم يا رب والى الحين بالحاضنه ما بقى عليهم الاالقليل ويطلعون بالسلامه:shy:

ام حوراء.. كنتي طالبة منا اسم على وزن حوراء عشان تسميه التوائم شنو صار وغيرتي الى ابرار واسرار؟؟

[ALIGN=RIGHT]شلونك يا حوامل ان شاء الله اتكونون ابخير .


عزيزتي بشاير الله يخلي لك اولادك و يتمم لك حملك على خير :smile: انا طبيعتي جذي دائما افكر واحاتي و ايد و بذات في الحمل و ايد اخاف على البيبي من كل شي :pain: و ضحكني كلام بنتك الله يخليها و لدك اللي من درا انك بتيبين نونو و هو يرفسك ....... انا بعد ولدي من قلت له استانس في البدايه بس بعدين تملل و ما ايصدق اذا اقول له انه في بطني نونو يضربني على بطني و ايقول انا في بطني نونو مو انتي :D2 اقول له لا بس الماما اللي اتيب النونو و مثل ما قلتي بعد زاد في الصياح و العناد و ايد امغربلني:smile: الله يهديه ان شاء الله .

[ALIGN=RIGHT]عزيزتي ام حوراء الحمد لله على سلامتك و سلامه البنوتات الحلوت و الله يخليهم لج ان شاء الله :smile: و على فكره اسماءهم و ايد حلوه ما شاء الله .

انا بعد عاجبني اسم ابرار .

عذراء القلب الله يسهل عليج ولادتك ان شاء الله و اتقومين بالسلامه .

ليل المجاريح

عندى سؤال/ ليش الإلتهابات تحبني موت دائماً فيني تروح وتجي ومع اني نظيفة :D2
[ALIGN=RIGHT]
:D2 ضحكتيني الالتهابات اللي اتجيك مو مو معناتها انك مو نظيفه .... انا بعد عندي صديقه ما شاء الله عليها مثلك اتموت على التنظيف نظيفه وايد و اتعاني بعد من الالتهابات بشكل مزمن و تتعالج عنها على طول بس ما فيه فايدة حتى انها مأجله الحمل بسبب الالتهابات اللي عندها و عندها ولد ما شاء الله عمره 4 سنوات اقول لها انتي متى بتحملين حرام عليج ولدج كبر و يبي له اخت و الا اخو يلعبون معاه ..... و الحين الحمد لله حامل :smile: توها في الشهر الثاني بعد .

[ALIGN=RIGHT]ليل و نهار

مبروك على الحمل و الله يتمم لك على خير و تفرحين بالنونو قريب :smile: انا على فكره انا في الاسبوع 18 تقريبا معاج في نفس الشهر بس انتي سابقتني باسبوع .

حبيبتي حوراء مبروووووووووووك والله ما دريت انك حاااااااااااامل بتوأم مثلي تماما كل واحد في كيس بس مشيمة وحدة الله يتمم حملك على خير والله انك تستاهلي الف الف الف خير بس حلاتها السالفة اتكون مفاجأة بين الاهل والله يا رب يحفظهم من العين والله الناااااااس عينهم حااااااااارة حتى من الاهل الله يقومك بسلامة والله اني فرحت لك وايد وايد لك كأني انا اول مرة دريت بس حبيبتي عااااااادي الدم كنت انا ينزل علي في الاسبوع السادس وكنت خايفة اخسر البيبي لكن الحمد الله الله ارد اكمل
سؤال حوراء شنو كان شعورك يوم دريتي انك فيك تؤام وهل كنتي حاسة او شاكة قبل لا تعرفي وهذا كان بالعلاج او وراثة
الله يحفظهم يا رب وتفرحي بشوفتهم
حبيبتي حوراء انا ما بحسد روحي لكن الحمد الله ما حسيت بتعب كبير في الاشهر اللي راحت على الرغم انة الشي كان مضاعف والى اللحين الحمد الله ولا كأني في بطني تؤام كأنة جنين واحد لكن ما شاء الله وزنهم تمام حتى الدكتورة مبسوطة وحتى الوزن اللي اشوفني اقول ما فيني شي ازيادة غير البطن لكن الجسم مثل ما هو يعني الحمد الله ما تنفخت في اي مكان في جسمي وان شاء الله انتي بعد ما تتغيرين غير بطنك ولا يخترب الجسم
الله يتمم لك وسهل عليك وتولدي في التااااسع
يا رب

حبيبتي بشاير
مشكووووووووووووووووورة حبيبتي مووووووووووووت على هذا الشعور احرجتيني:smile: ما ادري شنو اقول الا الله يوفقك ويتمم حملك وثبته هذي المرة بس لازم تتحملي بنفسك من الرفسات ترى هذا امانة عليك حافظي عليها وان شاء الله يتم حملك بخير
اختي انا من قبل ما فيني اي حساسية بس في الحمل اخاف اصير في اولادي
اما عن الاسم (محمد )امي مصرة لانها اتقول هذا علشان الله يبارك لكم اما اسم (علي) لانة زوجي كان خاطرة في هذا الاسم من حتى قبل الزواج اما (حمد ) لاااااااا طبعا لانه هذا اسم زوجي
:smile:
ومشكوووووووووووورة حبيبتي مرة ثانية تسلمي
:smile:

اختي (ليل ونهار ) الحمد الله على هذي النعمة وان شاء الله تكملي اشهر الحمل بخير وعافية
والله ما ينسى عبادة الحمد الله
لكن لا تخافين بتحسين قريب برفسات البيبي وبتملين من رفساته:smile:
لا تحاتين الله يسهل عليك
يا رب

DarkStar


الله يسهل عليج ما بقي شي ان شاء الله و تفرحين بقدوم التوأم الحلو :smile: بالتوفيق عمري.

مشكووووووووووووورة حبيبتي (سحر المودة)
تسلمين الله يسمع منك واتكون الولادة طبيعية وسهلة
يا رب
:smile:

الموضوع حلو يعطيج العافية اخت حبيبة


انه الحين بالشهر السابع .. وماشالله حركة الجنين آكتيف بشكل مو طبيعي .. وقالت لي الدكتورة فيني ولد ..

وان شالله ناوية اسميه ( علي ) .. وأول مابديت يعني اول شهرين كان ودي بتوت أسود فريش بس للأسف ما كان موسمه فشريت التوت المثلج ..

والحين ماأحس بأي شي الحمدلله .. وحركة الياهل تهبل .. فيه ناس تقول انه الياهل لمن يتحرك الام تحس بعوار خفيف بس الحمدلله .. انه لمن يتحرك الياهل ما احس بأي عوار .. بالعكس احس بدلدغة وناسة :smile:

وووو من الشهر اللي طاف يعني من السادس بديت اشتري له اشوي اغراض .. جهزت له ملابس الاستقبال وو السرير وو ملابس للبيت و الطلعة طبعا اخذت شتوي .. لأنه ولادتي راح تكون بالبرد ..

بس الصراحه احلى شي جهزته ملابس الاستقبال .. كلها حياكة طلعت تهبل

بس باقيلي ككاو التقديم و ملابسي الاستقبال بسويها دراعة قطن بس حاشيتها وحاشية الاكمام حياكة مثل ملابس استقبال البيبي ..

يالله .. خل نسمع سوالفكم بعد وناسه ..

وادعولي الله يسهل عليييي :shy:

Mousawiya


اهلا و مرحبا فيج ويانا يا أم علي :smile: الله يسهل عليج حبيبتى و اتقومين بالسلامه .

غمظتوني:D2

كسرتوا خاطري يعني :smile:

بسكلة يهون صح :up:

السلام عليكم ورحمة الله وبركاته


سحر الموده

ربنا يخليلك الشقى الصغير

هو متعبك اوى كده>>>حطيتيه بالروضه:pain:

وربنا ينولك البنوته اللى نفسك فيهااااااا:shy:



:)