يــاحوامـل و متـزوجــات....يـالــلا نـدردش مــع بـعـض

بسم الله


موضوعك واااااااااااااااااايد حلو انا متزوجه :o:o وحامل في الشهر الثاني:shy::shy: ومن حملت وانا تعبانه وكل يوم اشتكي من شي غير عن اليوم اللي قبله يعني اول شهر كله فيني حمه وزكام وصداع وخشمي يرشح وانتو بكرامه بلغم واعيوني تدمع ( يعني باختصار كان فيني كل شي تتخيلونه يكون مع الحمه) اه نسيت وارتفاع في درجة الحراره:smile::smile:

ومن دشيت الشهر الثاني وقام ضرس العقل يعورني واااااااااايد:confused: :confused: :confused: بس تدرون وين المشكله :rolleyes:
ان الحامل ما تقدر تاخذ اي نوع من الادويه حتى ولو وصفتهالها الدكتوره انا استوت عندي في البيت صيدليه من كثر الادويه وما اخذت ولا شي منهم يالله الله يعيني على الشهر الثالث ما ادري شو بيستوي فيه الله كريم

وهاي قصتي مع الحمل ترى ما عندي واااااااايد قصص لاني توني في البدايه


واسفه طولت عليكم بس ادعولي الله يكملي على خير :up::up::up:

السلام عليكم ورحمة الله وبركاته

bintdubai

:pain:الله يكون بالعون

وربى يقومك بالسلامه

كله يهوووووووون علشان عيون البيبى

وياللا مستنيين اخبارك بعد

دى دردشه ياقمررر يعنى بنستنا اخبارك على طوووووول وكل يوم:shy:


:)

حبيبتي دردشة حلوة
بسم الله الرحمن الرحيم
ابتدي
:smile:
طبعا انا حامل للمرة الثانية
بس الله ماكتب للبيبي الاول يعيش
بس الحمد الله الله ما ينسى احد
انا اللحين حااااااااااااامل في الاسبوع 32
اما عن شو متعبني 1- الحكة في كل الجسم مثل الحساسية
2-نزيف والتهاب اللثة
طبعا كان خاطري في بنت بس الحمد لله والشكر له الله رزقني بتوأم اولاد
وان شاء الله اسمهم (محمد-علي)
وعن الحركة اشوي وينشق بطني من كثر الحركة كأنهم في ملعب وصرت احس حتى بأيدهم الصغيرة ورجليهم بس ساعات يزيدونها اشوي خصوصا في النووووووووووووم الله يحفظهم:smile:
اما عن الوحم لا حول ولا قوة مآساة الحمد الله افتكيت بس اللحين اشوي لوعة في الصبح بس قبل على طوووووول ترجيع ولاااااا كل ما احب اكل شي صرت صايمة بس اكل شبس ليز ومسكين زوجي كرهتة لدرجة اقعد وياة وبينه مسافة طويلة وعلى طول معصبة ومحترقة الى اللحين

اما ان اغراض البيبيات ما شاء الله ما خليت شي الا شريتة حتى علقات في خزانة الملابس ما خليت صحيح خساير كثيرة على شهر واحد بس ما يغلى عليهم شي
اخذت ملابس صغيرة مرة للطفال حديثي الولادة قبل الاوان ما ادري احس بكونوا حجمهم صغير
جهزت الشنطة واغراض لي ومستعدة
:smile:
وخاطري اذا بولد اكون زوجي معاي في غرفة العمليات بس مترددة :o
ونصيحتي لكل وحدة تنتظر انها تحمل لا تحاتي وبتحمل بأذن الله لا اصير نفسي صرت مجنونة وفي حاااااااااالة نفسية الله ما ينسى احد بس اهم شي اتكون في حاااااااااااااالة نفسية :up: لانه وايد يأثر على الحمل
واهم شي انها اذا حملت ما تاخذ اي شي من الادوية بدون علم الدكتورة والراحة المهمة في الشهور الثلاث
والله يرزق الجميع
يا رب
يا رب
وسهل على الحوامل
:smile:

[ALIGN=RIGHT] السلام عليكم ورحمة الله وبركاته

مشكورة اختى حبيبه على الفكرة الحلوة و ان شاء الله كلنا بنستفيد منها, لانه عن طريقها بنتعرف على بعض اكثر و بنقدر نقول كل اللي في خاطرنا و كل وحده بتستفيد من تجربة الثانيه.

انا حامل للمرة الثانيه عندي ولد عمره 3 سنوات الله يحفظه :smile: و الحين سجلته في الروضه علشان ارتاح اشوي ما شاء الله عليه حركي و امتعبني اشوي و مو عاطني فرصه اهتم بالبيبي اللي جاي في الطريق .

انا الحين في الاسبوع 18 بدايه الحمل كانت صعبه اشوي محاته و تعب و احس بالنوم بس كا كنت اقدر انام من ولدي و نساتي الحمد لله سهله مو صعبه بس كنت احس بالتعب بسرعه و كنت احاتي و كله جوعانه بس ما اقدر اكل , انا طبعا كله افكر في البيبي و احاتيه و ايد بس يوم تحرك في بطني مع انه الحركه كلش خفيفه بس حسيت براحه و اطمئنان اكثر .

انا الصراحه خاطري في بنت بس يوم حملت الحين اقول كل شي من الله حياه الله و اهم شي السلامه.

ما اعرف اعبر اكثر بس كل اللي اتمناه انه يرزقني بالذريه الصالحه و يرزق كل محروم يا رب .

السلااااااام عليكم

هذا انا من جديد يا بنات اول شي انا حابه اعتذر لصاحبة الاسم ( بنت دبي) وياليت تقبل اسفي لاني انا مب بنت دبي انا اسيرة السراب وما اعرف كيف يوم كتبت عن حملي في الاخير شفت ان هاذا مب اسمي ولا توقيعي. يوم سالت البنات قالولي هاي كانت داشه قبلج وما سوت خروج وانا يوم دشيت وكتبت ظهرت الكتابه باسمها وبتوقيعها يعني ها الشي انا مب متعمدتنه:o:o:o فالسموحه منها للمره الثانيه :s2:s2

وفي النهايه احب اقولها يمكن هاي بشرة خير الها لو ما كانت حامل ربي يرزقها اميييييييييين .....



وادعولي يا بنات ربي يكملي على خير ويكمل لكل الحوامل انشاءالله......:shy::shy:

والقاكم انشاءالله في الشهر الثالث وقصصه اللي ما بتنتهي


الى اللقاء

هلا والله بالبنات..

وحشتوني واايد.. بس كان الوحام مهلكني من الزين...

الحين أنا بالاسبوع ال13 وأحس اللوعه والترجيع قعدت تخف الحمد لله..

وأكتشفت أني حامل بتوأم الله يخليهم لي ويحفظهم..

وخاطري ببنت وولد لأن عندي كيسين مختلفين ومشيمتين..

وبصراحه أنا خايفه عليهم كثير لأني جاني انذار بالاجهاض لما كنت بالاسبوع ال7..

وكل العيله عرفوا بسالفه التوأم لما كنت بالمستشفى..:down::down:

يعني كل ما حد يدخل علي يمسك الدفتر مال النيرس ويقرى كلمه twins يفتح عينه..:eek2::eek2::eek2:

وبالذات وحده من أهل زوجي كانت تبا تزوجه أختها تكرهني وما تحاول تخفي هالشي تخيلوا شو سوت ..

راحت للدكتوره المناوبه بحكم شغلها كممرضه تقول لها أحسن تسوي لي تنظيف..:eek2::pain::pain:..

أعوذ بالله منها اللي ما تخاف الله تبي تحرمني من أول فرحتي بالدنيا..:confused:

بس الحمد لله الحين الاثنين كويسين والبيبي اللي فوق أحسه يتحرك بالخفيف وهالشي مطمني..

وأبي أنصحكم أنكم ما تحفون بالحلاوه أول ثلاث شهور لأني جاني النزيف لما كنت حافه بحلاوه قبلها بيوم بس الله ستر..

أحبكم..:smile:

أنا متزوجه بس مو حامل .

الله يرزقني ان شاء الله :smile:

دردشة تجنن:clap:

الله يعطيك العافية يا(u) حبيبة110 :up:

بإنتظار بقية العضوات:up:

انا متزوجة وحامل بالشهر الثاني ..

والحمل صار عقب شهرين من الزواج .. والحمدللة كنت في البدايو احاتي ليش ما حملت .. لكن الحمدلله كثر الدعاء والصلاة الله رزقني

ويوم عرف زوجي اني حامل استانس وما عرف شو يسوي واحيد يومها ما رقد .. وكل شوي يحسب في اي شهر بولد .. ويسألني شو بنسمي البيبي ووين بولد ...وغيره .. وانا كل شوي اقلة فيه نومه اسكت .. تعرفون الدوار واللوعة ..

المهم الحين انا في الاسبوع التاسع .. واللوعه وقفت وما احس اني حامل .. ومن كمن يوم اتيني افرازات خفيفة بنية شوي .. انا قبل ياني هالشي بوم واحد وقف.. سالت الدكتورة قالتلي عاديه هاي الافرازات .. وامس رجعتلي مرة ثانية بس خفيفة .. ما اعرف يمكن من الاكل ..؟؟

بس بغيت اسال خواتي الحوامل الي عندهم خبره ..

هل يجوز لي اكل التمر ..وهل له تأثير في بداية الحمل ؟؟

وشو من الاكلات الي لازم ما اكلها وانا في بداية حملي ؟؟

ومشورين على هالموضوع الحلو ..:o

يا سلام معنا دردشة

اختي بجعة
معنا في المنتدى مواضيع كثيرة عن الاطعمة الخاصة للحامل وما هو مناسب او غير مناسب بس سوي بحث وبيطلع لج على طول

وبعدين انصحج بعد لا تاخذين الادوية الشعبية في هالفترة بالذات وخاصة النعناع لانه مو زين في بداية الحمل بالذات

والافضل تبتعدي عن الاعشاب وكلها فترة وبتعدي

وحسب ما قرأت انتي في الاسبوع التاسع يعني في الشهر الثالث اهتمي شوي ولا تجهدي روحج وايد :smile:

اختي حوراء
تؤى الحساد وايد دائما كل صباح ومساء اقرأي القرأن واكثر شي المعوذات 3 مرات واية الكرسي بالذات لازم تقرئيها وقول ( بسم الله الذي لا يضر مع اسمه شي في الارض ولا في السماء وهو السميع العليم ) 3 مرات صبح ومساء
انا تعرفي من خوفي على البيبي اقرأ الصبح وظهر ومسا وكل ما حبيت اطلع اقرأ وخاصة احط ايدي على بطني وقرأ وربي يحفظهم ان شاء الله :smile:

:D2 نسيت اكتب عن حملي :D2 تدودهت :D2

المهم انا الان في الاسبوع الاخير من الشهر الرابع يعني كلها كم يوم وادخل بالخامس بالشهور الاولى تعبت بس اكثر ما تألمت منه هو الامساك الله لا يبلاكم فيه ان شاء الله :pain::pain:
اما عن الدوخة الحمدالله ما حسيت فيها غير يمكن مرة او مرتين وانا كنت قاعدة في البيت اما الترجيع عاد هذا والحمدالله ما حسيت فيه لانه ما صار معي ترجيع ابداً والحمدالله رب العالمين
بس عاد الم الظهر الي ما ريحني الى الان نايمة قاعدة واقفة الالم ما يروح بدأ معي هالايام صداع خفيف احس فيه يروح ويرجع

لكن عاد الله لا يراويكم الحالة النفسية ارف في ارف في ارف :down::down: حتى بروحي كرهت عمري والله خفت على البيبي احس بيطلع معقد ولا عصبي من كثر ما كنت عصبية والله الى اللان عصبية من اقل شي اعصب زين ما كفخت حد بعدي :D2:D2:D2

يوم الاربعاء كانت عندي مراجعه عند الدكتورة وشفت البيبي شفت العيون وشفت الانف وبعد الرجلين واليدين حليله صغيرون بيبي قلوووووووب :D2:D2 الدكتورة حاولت تحدد جنسه قعدة اطالع فيه وهي اصلا شاطرة في السونار قالت لي تقريبا يمكن تكون بنوته حلوة ان شاء الله يمكن بيتبين اكثر في المرة القادمة لاني موعدي بعد شهر يعني بكون نهاية الخامس

تعرفوا كان البيبي يحرك ايديه ورجليه شوي شوي خلتني اشوفه وقعدت اطالع وهي تراويني كل شي عنده راوتني عيونه حبيبي نونو قلوووووووب :smile::smile:

بس هذه كل اخباري الى الان


تعرفوا خاطري ارد مرة ثانية المستشفى واشوف البيبي مرة ثانية :D2:D2:D2


اما التجهيزات فالاخوات في المنتدى جزاهم الله كل الخير نصحوني ابدا اجهز من الشهر السابع افضل :smile:

السلام عليكم ورحمة الله وبركاته

مساء الخير يابنات

ازيكم اليوم:cool2:

منورين الموضوع والحمد لله ان الموضوع عجبكم

بس ياريت الموضوع يكون دردشه بينكم وبين بعض

مش كل واحده تدخل تكتب قصتها مع الحمل بس

اسالو بعض ودردشو مع بعض


اوكى:up:

مستنيه حواراتكم الحلووووووووه


:)

مرحباً.. دردشة حلوة شكراً لك حبيبتنا

اختي البجعة,

بالنسبة للتمر فيه موضوع توه منعرض في المنتدى, خلاصته ان التمر يسبب انقباضات وبالتالي ينصح به في الشهر الاخير, ينصح باكله بكثرة...

لكن هذا مو معناته انه تقطعينه بالمرة في الشهور الاولى.. لازم تاكلين منه باعتدال او على خفيف.. لأن التمر منجم فيتامينات,,

اختي حورا..

اللي فهمته من مواضيعك القبلية انك ما حملت الا بعد العلاج.. يعني لازم تحافظين على عمرج وعلى البيبي زين ما زين ، والاشياء اللي تشّكين فيها احسن تبتعدين عنها مثل بعض الاكلات وغيره.. وبالنسبة للحسد المعوذتين خليهم على لسانك ليل ونهار وبإذن الله اللي ما يخيب من توكل عليه ما راح يصيبك الا الخير ان شاء الله..

(( مو تروحين تسوين حروز وهالخرابيط.. استغفر الله.. ناس يسوون هالاشياء وما يدرون ان القرآن كافٍ باذنه.. حتى مرة شفت وحدة حامل كانت وياي بالمستشفى لما تعبت من الوحام.. كانت حاطة حلقة معدنية " لا وصدئة بعد!! :D2 " على ذراعها من فووق.. عشان ما يسقط البيبي لأن عندها نزيف!!! استغفر الله العظيم! ))

كأني هدرت واجد؟؟
يلا اسمها دردشة .. تحملوني :cool2:

اختي قلوووووووب

والله ذكرتيني بحالي لما سويت اول اشعة وشفت اعضاءه وعيونه وايده وحركته وهالسوالف .. تميّت لي سبوع ما اقدر اسكر بوزي من الفرحة.. صورته بالسونار ذاك اليوم محتفظة فيها وان شاء الله بحطها اول صورة في البومه .. فديت الغالييين اللي يخلون امهاتهم يستخفون .. والله يكمل شهورج على خير وراحة يا رب وتفرحين بشوفة النونو..


دارك ستار..

يلا هانت وتهوووون يا رب .. مضى الكثير وبقي القليل.. واسماء عيالج وايد حلوة.. بس ليش ما خذيتي اسماء على نفس الوزن؟ ولا هذي الاسماء مختارتنها لانها على اسماء جدودهم مثلاًَ؟؟






بس عاااااااااااااااد الحين جا دوري.. خلوني اسولف عن روحي شوي!!


لله الحمد والشكر .. وصلت شهري الاخير .. التاسع..
واكيد تتصورون شكثر صبري نفدددد خلااااااص ابغي اولد الحين الحين..

انا بالاسبوع 38 .. وحضرتي لا الم ولا شيء .. بس مجرد ازدياد الثقل على اسفل البطن. وشوي احس ان البيبي عطاني مجال للتنفس فوق .. شوي مو وايد..

امممم .. امشي كل يوم ما بين 30 الى 45 دقيقة.. بس ما اقدر.. جونا ما يساعد حاااااااار.. خلاص لازم كل وحدة تبي تحمل تخلي شهر ولادتها بالشهور المعتدلة من السنة .. مو مثلي في هالفطسة..

خلال شهور حملي.. اهم المحطات :

1- حملي ما جاء الا بعد سنة ونص من الزواج.. والحمدلله، ما اضطريت اني اتعالج .. بس الظاهر الحالة كانت نفسية.. لأني بمجرد الزيارة الاولى للطبيبة عشان الاستفسار عن تأخر الحمل، حملت!! الحمدلله على كل شيء .

2- تعرضت للرقاد في المستشفى خلال الشهر الثاني, وطبعاً تعرفون السبب: جفاف بسبب الوحم.. رغم اني ما رجعت الا مرات معدودة خلال شهوري الاولى.. لكن ترافق هذا مع اسهال شديد .. ودوووخة ودوار ( مسكين زوجي .. فشّلته كنا رايحين مكتبة وطحت قدام الاولي والتالي.. لكن الزين انه عرف اني لازم احظى باهتمام خاااااااااص جداً ، وهذا اللي حصلته عقب هالموقف ) :D2


3- شهوري التالية عدت عادية.. بس عقدوني الناس من كثر ما يقولون بطنك صغير .. ما شفنا اصغر منه!! لو يدرون كم وزنه وانا بأول التاسع الحين كان شهقوا!! :D2
على فكرة هذا الموضوع سألت عنه وقالوا يرتبط بتركيبة انسجة الرحم لا اكثر.. وهي بالطبع تختلف من امرأة الى اخرى.. وليس له علاقة بجنس المولود ولا حجمه! صدق الناس يحبون يعقدون!


4-في نهاية الشهر السابع .. طقّت علي اني اروح العمرة! وتعرفون طبعاً ان العمرة تستلزم مجهووود في الطواف والسعي وغيره.. بس الجنون وما يسوي! الحمدلله أديت العمرة ومافيني الا الخير.. ربي يسّر اموري.. وعلى فكرة هناك بديت احس بتغير حركة البيبي من مجرد رفسات الى حركة الجسم كاملة.. صدق عجيييب. لكن ما اعودها مرة ثانية.. خفت من الولادة المبكرة موووت.

5- في الشهر الثامن على نهايته .. سويت لي سالفة .. او فضيحة.
واذا كنتون تذكرون كنت حاطة الموضوع هني بعنوان مثيييير هههههههه لحقوني قتلت البيبي وعمره 8 شهور .. وما شاء الله البنات اثبتوا انهم قلوب وحدة صافية ونظيفة ..ما تتمنى الا الخير.. والسالفة باختصار اني كان التهاب ابوال ولما رحت المستشفى ما انتبهت زين للجرعة ورحت اخذتها مضاعفة.. ولا انتبهت الا لما خلص الدوا!! .. بس الدكتورة طمتني انه البيبي خلاص كبر واكتمل نموه وهذا الشيء ما راح يأثر عليه.. اشوه .. انجان ما سامحت حالي!!


6- يمكن تستنكرون السالفة القبلية.. وتقولون شنو هذي هبلة ما تنتبه؟؟
بس اللي بسولف لكم عنه يمكن يوضح شوي الموضوع..
قبل الحمل كنت اعاني من التهاب بالامعاء.. يسمونه المرض " كرونز" على اسم مكتشفه .. المهم ان هذا المرض كان تاعبني وايد .. اسهال مستمر لمدة 10 شهور قبل الحمل طبعاً واضطريت اني اروح عدة مستشفيات قبل لا يكتشفون المرض.. وطبعا العلاج كان شيء جايد.. اكثر من 15 حبة باليوم..
من حسن حظي.. ان الحمل يفرز هرمونات وايد تخلي هالمرض او الالتهاب يخمد .. وما يحتاج اخذ ادوية..
من جدي من حملت فرحت حدي وافتكيت من الادوية.. ولكن هيهاااات..
رجع علي الالتهاب في الشهر الثامن على نهايته العن من الاول.
واضطريت اني ارجع للادوية اللي ما تتعارض مع الحمل بسس
وبنفس الوقت جتني سالفة التهاب الابوال.. من جدي صارت اللخبطة عندي في الجرعات وصار اللي صار..

الحمدلله على كل حال..
والله فيني هدرة اكثر.. بس راحمتكم :D2


الله يعين الي بتقرأ..

عذراء القلب

بسم الله الرحمن الرحيم السلام عليكم ورحمة الله وبركاته شكراً لكي اختي الكريمه على هذا الموضوع الجميل0 انا حامل وفي نهاية اشهر الثاني0 وهذا الحمل ا لسابع عندي بنتين مثل القمر وثلاثه اولاد وحمل ماكتب لي نزل في الشهرالثالث 0ومثل ماجلت لكم الان اناحامل بس ماكنت اريد احمل والحين اناتعبانه من الوحام ومادري اشلون اقنع نفسي في الحمل واخاف من الله لاني عملة اشياء ابي الحمل يطيح لكن ارادة الله اقوى من اي شي 0

السلام عليكم ورحمة الله وبركاته


darkstar

ربنا يقومك بالسلامه ياقمر وتفرحى بمحمد وعلى

ويكونو من الذريه الصالحه

وربنا ماينسى احد والحمد لله انه اكرمك بتوأم

ربى يقوم بالسلامه



:)

السلام عليكم ورحمة الله وبركاته

عذراء القلب ياعسل

:D2<<<ضحكتينى فى الحلقه المعدنيه الصدأه

اللى تمنع سقوط البيبى:pain:

ربنا يهديهم لعقلهم اللى بيعملو كده

وفعلا ان معك بالرأى بخصوص التمر

مش معنى ان التمر يسبب انقباضات انه يتمنع بالشهر الاول

لاء المقصود ان اكله يزيد بالشهر الاخير

----------------------

حبيبتى عذراء القلب

معنى انك تحسى ان النفس اصبح خفيف والثقل زاد اسفل بطنك

وممكن يزيد رغبتك فى التبول اكرمكم الله

معناه ان البيبى نزل بالحوض ياسكرررررر:up:

-------------

2<<<النقطه التانيه فعلا

الوحام بيخللى الواحده تحظى باهتمام خاص:cool2:

وفكرتينى بمشكلتك الكبيرررررررره لحقونى قتلت البيبى:D2

وفاكره كمان لما الدكتوره قالتلك انك مفجوعه>>ادويه:cool2:

الحمد لله انها عدت على خيررررررررررررررررررر:up:

---------

حبيبتى مرض كرونز ده متلازمه بتصيب المعده والجهاز الهضمى

الشكوى الكبرى منها اسهال مزمن


ومشاكل تانيه علاجها بيكون

راحه والاكل زياده البروتين والفيتامينات والحديد نتيجه لفقد الدم اللى

بيحصل مع هذا المريض

ومضادات للالتهاب

والحمد لله ان علاجها مايضر البيبى زى ماقلتى

بس بعد الحمل والولاده حاولى تبدئى العلاج تانى

او شوفى راى الدكتور على حسب حالتك بتحتاج تدخل جراحى ولا لااء

وبتكتفى بالعلاج بس

والف سلامه عليكى ياسكررررر



:)

السلام عليكم ورحمة الله وبركاته


ايه يابنات

ليه ماتتكلمون مع بعض:think:

الموضوع مش حلوووووووو ولا ايه:pain:

:)

السلام عليكم ..

أولا ..

عزيزتي حبيبه

ألف شكر لج على هذي الدردشة الحلوه..

ثانيا..

أنا عن نفسي حامل للمره الخامسه..
عندي بنت .. وولد.. وحملين الله ما كتب إنهن يكتملن..

والحمد الله والشكر أنا من النوع اللي ما يتوحم..
بس هذا الحمل :confused: صداع 24 ساعه..
معني في آخر الشهر الثاني..
يعني الشغله عندي مطوله..

بس يالله الحمد الله والشكر على كل حال..
والله يتمم على خير .. ويسهل علينا حملنا وولادتنا..
قووووووولن آمييييييييين

عزيزتي
bintdubai

حشى إنتي سكراب صايره بسبت الحمل :D2

بصراحه الله يعينج ويعين ريلج :shy:

شوفي حبيبتي..

بالنسبه للضروس .. ترا وايد منه في الأشهر القادمه :smile:
ما أريد أخوفج .. بس حبيت أنصحج ..
أولا .. كثري من الحليب .. عشان الكالسيوم يقوي الأسنان..
ثانيا .. بتحصلين في الصيدله كريم مخدر للضروس ..
أشتريه واستخدميه وإن شاء الله بفيدج..
على فكره في منه نوعين .. للأطفال وللكبار..
إنتي استخدمي أول شي مال الأطفال .. وجان فادج .. أستمري عليه..

والله يسهل عليج حبيبتي..