هام للبنات المصريات..الجزء الثاني ...

حبيبتى yasema

انا قريت اسئلتك فقلت بما انى بجهز اقولك اللى اعرفه علشان ماتتعبيش فى اللف .

بالنسبه للكروت: زى ما egyfairy قالتلك فى درب البرابره بس على فكره هوا مكان زحمه جدا علشان انا لاجظت انك بتسألى على الزحمه وانا بصراحه ما اعرفش هوا بالضبط فين علشان مابروحش لوحدى بس اظن انه فى العتبه.
وفى محلات كروت كثيره هناك بكل الاسعار والاشكال وانا اشتريت من محل اسمه خطاب الكروت عنده تقريبا من 3 جنيه لحد اربعين ومتهيألى فى اغلى كمان وفى فرع منه فى ميدان صلاح الدين بس الميزة فى اللى فى درب البرابره انك بتفاصلى معاه يعنى ممكن ينزلك مثلا 30 او 40 جنيه على مجموع الفاتوره.

وبرضه فى درب البرابره فى نجف واباليك بس خلى بالك:eek2: اولا اوعى تروحى من غير راجل علشان المكان زحمه وثانيا خدى معاكى حد بيفاصل كويس علشان هما فعلا بيغلوا قوى عن الحقيقى والاسعار بتختلف من محل الى محل حتى لو نفس البضاعه ووالله لقيت الفرق النص :eek2::eek2::eek2:

انا اشتريت من هناك النجف الخشب علشان بحبه جدا وماشفتوش غير هناك واسعاره رخيصه بس بقيت النجف لقيت حاجات احلى وارخص يعنى مثلا كنت حاجيب نجفه غرفه النوم ب 500 لقيت واحده احلى منها بكتير فى محل اسمه style team ب 370 تخيلى!!!! ولو ماتعرفيهوش هوا فى شارع النزهه قدام دار الدفاع الجوى روحى برضه شوفى عنده حاجاته تحفه بس اضاءه الحمامات بتاعته هى اللى غاليه سشويه بس بصراحه تحفه:up:


ونرجع لدرب البراره حتلاقى هناك براويز وورد مجفف وصناعى واباجورات وفى كل الاسعار انا اشتريت اثنين من هناك تحفه ب 800 جنيه بعد فصال

المهم مش حاطول عليكى لو عايزة اى اسئله تانيه انا تحت امرك يا جميل :smile:

بس كنت عايزة اقول ل egyfairy الف مبروك وربنا يباركلك فى زواجك الفرح بوصفك ماشاء الله جميل ربنا يسعدك يارب:smile:

شكرا اختي على الافادة


المشكلة انه بدي ستايل مابعرف هلاقيه ولا لا
يعني انا مش كتير الي خلق عالزحمة ...
وخايفة اروح واطلع عالفاضي من غير شي على ذوقي
ولانه لسة بعرفش لا درب البرابرة ولا وكالة البلح

جزاكي الله خيرا
انه اهتميتي ورديتي

طيب سؤال
قررتي وين تعملي فرحك
القاعة
الميك اب عند مين
الكوافيرة
الدي جي
يعني ممكن تعطيني فكرة

كاتب الرسالة الأصلية : yasema142
:smile:مرحبا صبايا كيف حالكم
:smile:اليوم رحت كارفور وشفت الشغلات الحلوة:smile:


واشتريت ....
بودي سبراي ..من نفس السوبر ماركت
وفي منه كذا نوع
بالتفاح
ب عباد الشمس
ب الخوخ
ب الكمترى
وفي water waves
هدا اللي جبته..لقيت ريحته فريش :shy:

بس حبيت افيدكم
على فكرة البودي سبراي اللي جبته
مش ثابت ابداااا:down:
وقلت انصحكم قبل ماتتورطوا وتشتروه :down:

وانتوا حرين طبعا

:smile:

كاتب الرسالة الأصلية : مسلمه مصريه
حبيبتى yasema

انا قريت اسئلتك فقلت بما انى بجهز اقولك اللى اعرفه علشان ماتتعبيش فى اللف .

هناك النجف الخشب علشان بحبه جدا وماشفتوش غير هناك واسعاره رخيصه بس بقيت النجف لقيت حاجات احلى وارخص يعنى مثلا كنت حاجيب نجفه غرفه النوم ب 500 لقيت واحده احلى منها بكتير فى محل اسمه style team ب 370 تخيلى!!!! ولو ماتعرفيهوش هوا فى شارع النزهه قدام دار الدفاع الجوى روحى برضه شوفى عنده حاجاته تحفه بس اضاءه الحمامات بتاعته هى اللى غاليه سشويه بس بصراحه تحفه:up:


ونرجع لدرب البراره حتلاقى هناك براويز وورد مجفف وصناعى واباجورات وفى كل الاسعار انا اشتريت اثنين من هناك تحفه ب 800 جنيه بعد فصال

المهم مش حاطول عليكى لو عايزة اى اسئله تانيه انا تحت امرك يا جميل :smile:

بس كنت عايزة اقول ل egyfairy الف مبروك وربنا يباركلك فى زواجك الفرح بوصفك ماشاء الله جميل ربنا يسعدك يارب:smile:

شوهو النجف الخشب يا غاليتي
بعدين قد ايه بتفرق بالسعر من دبر البرابرة لبرة يعني محلات تانية

دزاكي الله خيرا

مسلمة مصرية
الله يبارك فيكي و عقبال كل البنات ان شاء الله و الحمدلله انا عندي بيبي دلوقت عنده 4 شهور

yasema142
في محل تخصص فيرفورجيه شغل حديد عنده نجف حلو اوي و اسعاره معقوله جدا هو في رمسيس اسمه الزعبلاوي و عنده كمان طاولات شغل حديد و انتيكات كتير

كاتب الرسالة الأصلية : egyfairy
مسلمة مصرية
الله يبارك فيكي و عقبال كل البنات ان شاء الله و الحمدلله انا عندي بيبي دلوقت عنده 4 شهور

yasema142
في محل تخصص فيرفورجيه شغل حديد عنده نجف حلو اوي و اسعاره معقوله جدا هو في رمسيس اسمه الزعبلاوي و عنده كمان طاولات شغل حديد و انتيكات كتير

انا مابدي فيرفوجيه...مابحب شغل الحديد ولا الخشب
في اباليك وضاءات كيف اشرح شكلها ؟؟؟
عموما هاحاول اجيب صور
يعني انا بدي شي مودرن
بعيد عن الحديد وحفر الخشب واي انتيك او اي مدهب
ما الي غرام فيه ابدااااااااااااااااااااااااااا

وجزاكي الله خيراا

عموما اللي يعرف محلات للاضاءة عموما يقلي عليها
غير كريستال عصفور لانه مابدي كريستال

السلام عليكم ورحمة الله وبركاته

ازيكم يا بنات عاملين ايه وحشتوني اليومين دول

yasema142

شوفي الوكالة دي على كورنيش النيل بعد ماسبيرو ورمسيس هيلتون لو أخذتي تاكسي من التحرير هيوديك هناك بـ 4 جنيه بالكثير وهى بتكون زحمة قوي في أيام الأجازات فأحسن حاجة تروحي يوم عمل بالنهار

بالنسبة لدمياط أنا جبت الصالون ستيل والأنتريه أميريكان يعني لو دورتي هتلاقي كل حاجة ان شاء الله بالذات في المحلات الكبيرة الي قلت لك عليها

النجف والشمع والكروت والأباليك كل ده في درب البرابرة زى البنات ما قالوا لك بس برضه لازم تفاصلي كويس عموما في محل هناك اسمه شعبان هيجعبك قوي

يلا سلام دلوقت يا بنات

بالنسبة للاضاءة عندك محل اسمه تيفاني في المهندسين بجوار سور نادي الصيد في الشارع اللي فيه جي بي وكوري فاشون بس هو غالي حبتين

جزاكي الله خيرا يا برايد
انتي كلك ذوق
انتي وكل اخواتي هون:smile:

وانا ان شاء الله هاعمل بنصحيتكم
واروح اشوف:smile:

امبارح شفت عند محل في كارفور اسمه

in and out:up:
اطقم انتيرهات ولغرفة الجلوس :up:
اسعارها تترواح بين :up:

6500
7000
هيك يعني
وفي ال ب 5000

شو رايكو غالي ولا معتدل
بالسنبة لخبرتكم:eek2:

وصراحة قماش وموديل حلو كتير

:smile:اه حبيت افيد كل الصبايا بشيء
سالت عنه الاخت مصراوية:smile:

الفرش تاعة الميك اب عموما :eek2:
للشادو :smile:
للبلاشر :smile:
موجودة عن ميك اب فور ايفر
انا شفتتها بفرعه اللي ب فيسز في كارفور

وسالت قالولي موجودة بفرع مصر كمان
للي حابب يشتري هالفرش
ودور عليهم في مصر ومالاقاش

جزاكم الله خيرا

اه

لامل عادل:smile:


شفتلك امبارح في كارفور :cool2:
شوية موديلات عند جويا :cool2:
:cool2:اشي حلو كتير :cool2:
الوان احمر كتير حلوة وناعمة

بس بدي اسال الاخوات

وين موجود فرع جويا بالقاهرة
ممكن تعطوني كذا اختيار

yasema142

ربنا يخليكي ده بس من ذوقك،

والله أنا الأنتريه بتاعي كان بـ 4:500 من دمياط فمتهيألي 5000 في القاهرة معقول بس ممكن تلاقي أقل عند محل اسمه الجارحى ومحل اسمه قصر عرابي وعندك محلات في طريق النزهة الجديدة بجوار السندباد مليانة حاجات مودرن وكلاسيك

لفي لفة كويسة قبل ما تشتري

كاتب الرسالة الأصلية : bridetobe
yasema142

ربنا يخليكي ده بس من ذوقك،

والله أنا الأنتريه بتاعي كان بـ 4:500 من دمياط فمتهيألي 5000 في القاهرة معقول بس ممكن تلاقي أقل عند محل اسمه الجارحى ومحل اسمه قصر عرابي وعندك محلات في طريق النزهة الجديدة بجوار السندباد مليانة حاجات مودرن وكلاسيك

لفي لفة كويسة قبل ما تشتري

هاعمل بنصيحتك والف يا برايد
وان شاء الله اشوف
اللي افدتيني فيه انتي واخواتي هنا في الموضوع

:smile:معلش يا yasema اتاخرت فى الرد علشان خلاص الوقت اتأخر وانا فرحى الاربعاء اللى بعد اللى جاى يوم 22 ان شاء الله وناقص لسه حاجات .

بصى انا فهمت شويه من كلامك اللى انت عايزاه علشان انا مهندسه معماريه فى محل 3 brothers ده قدام المريلاند وفى style team ده فى شارع النزهه وفى تيفانى برضه فى شارع النزهه متهيألى انك حتلاقى اللى انت عايزاه فيهم وفى كمان هانيمكس اللى فى شارع متفرع من مكرم عبيد بصى لو فى مكان مش عارفه توصليه قولى لى وانا حاحاول اشرحلك اكثر او اجيبلك ارقام تليفوناتهم. بالنسبه للانتريه انا شايفه ان سعره مناسب بس bride عندها حق ماتشتريش الا لما تلفى كويس علشان ماتندميش على حاجه .

وبالنسبه لدرب البرابره لو حتجيبى الكروت بس المحلات بتاعتها على الشاره بره يعنى مش حتلحقى تدخلى فى الزحمه قوى وفى برضه كذا محل نجف بره على الشارع بس لو انت عايزة حاجه مودرن يبقى ابدأى بالمحلات اللى قلتلك عليها.

بالنسبه لفرحى هو ان شاء الله فى دار الدفاع الجوى وطبعا كلكم معزومين هو يوم 22/9 :smile: والميك اب عند مديحه سليم والفستان عملته عند ناديه الشيخ .

ولو عايزة اى استفسار انا فى الخدمه بس ادعولى اخلص حاجتى على خير علشان لسه ما استلمتش الفستان وقلقانه قوى

ازيكم يا بنات عاملين ايه

انا معلش هاخصص ردي انهارده لياسمين لاني حاسه انها محتاره ومشتته

بصي يا ياسمين اول حاجه انصحك بيها انك تكتبي كل معلةمه تفيدك البنات بيقولوهالك علشان ما تنسيش وتسالي عليها تاني وطبعا قسميهم يعني الفرش لوحده والنجف لوحده والستائر وكروت الفرح والكوافيرات والماكيرات وغيره وغيره فاهمه قصدي

ثانيا هقولك على محلين للفرش اعتقد هتلاقي عندهم الموديلات اللي انتي عايزاها بس هما اسعارهم غاليه شويه

البيت الابيض وده هتلاقي فرع له في العقاد مول

والتاني الهابيتات وهتلاقي فرع له في اول عباس العقاد وواحد في اركيديا مول وكمان في محلات صغيره في مدينة نصر ومصر الجديده زي ما البنات قالولك

وياريت يا ياسمين تتابعي معارض الديكور والاثاث اللي بتتعمل في قاعة المؤتمرات او فندق سمراميس زي معرض لاكازا واندور وغيرهم هتلاقي فيهم حاجات تعجبك

اما بالنسبه للاضاءه عندك ثري برازر وكمان السراج ودول في مصر الجديده شارع الحجاز وعندك في مدينة نصر هاني مكس بالاضافة طبعا لباقي الحاجات اللي البنات قالولك عليها

بالنسبه للستائر اشهر محل هو قصر بيان اللي في مصر الجديده بس اسعاره غاليه نار
اما الوكاله فيها حاجات حلوه قوي واسعار معقوله بس بالفصال ومكانها زي ماقالتلك برايد على الكورنيش جنب مركز التجاره على طول ولو عايزه تروحيها وتبقى فاضيه روحي اي يوم فترة الظهر من الساعه 11 لحد 3 هتلاقيها معقوله

طبعا كل محلات الستائر بتفصل او بتدلك على حد يفصلك الستائر فممكن تتفقي عن طريقهم


اما بالنسبه لدرب البرابره فهي معروفه جدا في العتبه سهل توصليلها بتاكسي او المترو وبرضه تنزلي وقت الظهر علشان الزحمه هتلاقي هناك بتوع النجف بس الموضو محتاج منك لفه كويسه لانك ممكن تلاقي عندهم بالصدفه كده حاجات على زوقك وتعجبك وكمان عندهم تابلوهات اما الورد المجفف فانتي ممكن تخليهم يعملوا ليكي على زوقك
وكمان عندهم شمع العروسه وسبتت الورد وكل الحاجات اللي ممكن تحتاجيها

الناحيه التانيه من الشارع هتلاقي بتوع الكروت وفعلا عندهم كل الاشكال والانواع واكيد هتلاقي حاجه تعجبكم عندهم واشهرهم فعلا خطاب وله فرع في ميدان الجامع في مصر الجديده زي ما البنات قالولك وفرع تاني في العباسيه بس ميزة درب البرابره ان الاشكال كتيره جدا والاسعار افضل

في بقى ناس اللي بيعملوا تجهيزات الافراح يعني تتفقى معاهم وتقولي لهم على القاعه اللي اختارتيها وهما عليهم الباقي من تنسيق مراسم الفرح والكوشه وزينات المدل وفقرات الفراح وكسوة الترابيزات والكراسي وكروت الفرح وتورتة الفرح وشمع العروسه والجيرب بتاعها وكل حاجه تخص العروسه والفرح ودول تلاقيهم في معرض تجهيزات العروسه اللي بيتعمل في الصيف والاعياد في فندق ماريوت او في مجلات زي ويدنج ايجبت وا بلاك اند وايت وهتلاقي المجلات دي في كارفور او الفا ماركت او وسط البلد

بالنسبه لمستحضرات التجميل انا عن نفسي معظم حاجاتي من ايفون واوريفليم انا ارتحت في منتجاتهم

اما بالنسبه لللانجيري فحبيت اقلك ان في ماركتين انا اشتريت منهم حلوين قوي بس غاليين شويه يعني السعر يبدا من 100 جنيه لحد 350 مثلا
اول واحده اسمها اوليفيا لينز ودي معقوله شويه وموديلتها رقيقه قوي وكمان الوانها جديده شويه

الثانيه اسمها دوريل ودي غاليه شويه بس حاجاتها حلوه

اما بالنسبه للجيرب ففي محلات ورد كيتير قوي في المهندسين والزمالك ومصر الجديه ومدينة نصر عندهم كتالوجات تختارى منها الشكل اللي يعجبك او ممكن تجيبلهم صورة عجبتك يعملوهالك بس خلي بالك ان انواع الوردكمان ليها مواسم

يعني مثلا الجيرب بتاعي اللي انا نزلت صورته عملته عند واحد في الزمالك وكلفني 130 جنيه ووصلهولي لحد البيت يوم الفرح

اما اخر حاجه عايزه اقولهاك ان الكوافيره او الماكيره مش لازم تكون مشهوره علشان تبقى كويسه لان فعلا في منهم بقوا مغرورين وغاليين على الفاضي المهم انها تبقى حبوبه وانتي مرتحاله وتضمني اناه هتلتزم معاكي في المواعيد ومش هتقلب شغلها معاكي علشان تلحق شغل تاني

لاني بصراحه لسه حاضره فرح لواحده صاحبتي كانت حاجه الكوافيره عند مجدي وسيد بس علشان تلبسها الطرحه لانها محجبه واتاخرت عليها جدا والبنت تعبت واعصابها انهارت وقعدت تعيط اما المكياج كانت حاجزه مع نانيس بس بصراحه حسيت انها عملت لها المكياج باهت قوي وما انش منور لها وشها خالص كان ممكن تبقى احلى من كده علشان كده اقتنعت ان الموضوع مش بالاسماء

اتمنى اكون افدتك ولو احتجتي حاجه تانيه اسالي

السلام عليكم ورحمة الله وبركاته

ازيكم كلكم يا بنات؟؟ معلش انا بقالي كتير مش معاكم بس مشغولة شوية اليومين دول.

الف مبروك يا مسلمة مصرية و ربنا يتمم لك على خير و نعرف اخبارك بعد الفرح ان شاء الله يا جميل

ايمان، ازيك يا قمر؟ عاملة ايه؟ وحشتيني جدا. كنت عاوزة أسألك فين الأماكن اللي بيتباع فيها الماركتين اللي قلتي عليهم: "اما بالنسبه لللانجيري فحبيت اقلك ان في ماركتين انا اشتريت منهم حلوين قوي بس غاليين شويه يعني السعر يبدا من 100 جنيه لحد 350 مثلا اول واحده اسمها اوليفيا لينز ودي معقوله شويه وموديلتها رقيقه قوي وكمان الوانها جديده شويهالثانيه اسمها دوريل ودي غاليه شويه بس حاجاتها حلوه" ؟ يا ريت لو تقول لنا اسماء المحلات اللي ممكن نلاقيهم فيها

لي عودة مرة تانية ان شاء الله أول ما افضى شوية

ازيكم يا بنات

عاملين ايه

ازيك يا ايمي وحشتيني

ياسمينا

كل اللي قالت لك عليه ايمي هايل وعاوزة اضيف عليه منتجات لونا وأماندا والله حلوة جدا في الميك أب وسعرها جميلة وشكلها حلو على التسريحة

بالنسبة لكوافيرة والماكييرة زى ما قالت لك ايمي مش مهم فعلا تكون مشهورة وبعدين حرام الواحدة تدفع 1000 جنيه علشان ميك أب وبعدين يتغسل :confused:

أما ربطة الطرحة فدي مش مشكلة خالص انت ممكن تفضلي تجربي من دلوقت ليوم الفرح لحد ما تظبطيها

مسلمة مصرية

ألف مبروك وربنا يتمم لك بخير

عودة ومصراوية

انتم فين :confused::confused:

ازيك يا امولة عاملة ايه يا عروسة :smile:

وحشتينا والله

يا بنات نسيت أقوللكم على التنجيد انا جبت مرتبة ماستر بد وطبعا فيه يانسن هايلة :up: أحسن من القطن ألف مرة (هى أصلا قطن وسوست) وسعرها طبعا هيكلف أرخص كثير من القطن والقماش والتنجيد والحاجات اللي انتم عارفينها يعني أنا جبتها هى والمخدات (طبي طبعا) كلفتني 1000 تقريبا شوفوا انتم بقى القطن لوحده مش أقل من 1500

كاتب الرسالة الأصلية : bridetobe
ازيك يا امولة عاملة ايه يا عروسة :smile:

وحشتينا والله

يا بنات نسيت أقوللكم على التنجيد انا جبت مرتبة ماستر بد وطبعا فيه يانسن هايلة :up: أحسن من القطن ألف مرة (هى أصلا قطن وسوست) وسعرها طبعا هيكلف أرخص كثير من القطن والقماش والتنجيد والحاجات اللي انتم عارفينها يعني أنا جبتها هى والمخدات (طبي طبعا) كلفتني 1000 تقريبا شوفوا انتم بقى القطن لوحده مش أقل من 1500

برايد
المرتبة
طرية ولا ناشفة؟؟؟
ومن وين جبتيها
لانه بدنا نشتري شي حلو
وطري وانا مشم قتنعة بفكرة القطن هي

ازيك يا سمسمة

المرتبة قطن وسوست يعني فيها نشوفية القطن بس السوست عاملة شغل حلو :D2:up: أما مرتبة طرية خالص قيبر يعني ؟ مش عارفة في منها ولا لأ عموما أنا جبتها من توكيل يانسن في برج الأطباء شارع المقريزي في مصر الجديدة بالقرب من كلية التربية معروف قوي