مئة الف ريال الا تكفي لتجهيز عروس

الحمدلله والصلاة والسلام على رسول الله وعلى آله وصحبه أجمعين

في رأيي ورأي الجميع هذي المبالغ كبيرة جدا.

قال صلى الله عليه وسلم: ( اقلهن مهرا اكثرهن بركة).

فأين البركة اخواتي اذا كل وحدة بتبدأ حياتها بهالطريقة .

اتقوا الله في انفسكم وفي اموالكم

قال رسول الله صلى الله عليه وسلم :

(..لن تزولا قدما عبد عند ربه حتى يسأل عن عمره فيما افناه وعن شبابه

فيما ابلاه وعن ماله من اين اكتسبه وفيما انفقه وعن علمه فيم عمل فيه.. )

اللهم اغفر للمؤمنين والمؤمنات والمسلمين والمسلمات الأحياء منهم والاموات

السلام عليكم أخواتي ...

احنا في البحرين مهورنا قليلة جداً نسبةً لباقي دول الخليج يعني ما تجي شي قدام مهوركم و رغم إن الكثير من البنات قانعات و راضيات و يساعدون ازواجهم بعد .. مع ذلك شبابنا يصرخون من غلاء المهور :eek2: طبعاً السبب الرئيسي في نظري هو تدني الرواتب نسبةً لغلاء المعيشة.

الحمدلله رب العالمين.

كاتب الرسالة الأصلية : كروزة
:هلا

احنا المهر 500000

احيان 600000

:eek2:

احنا بالامارات معدل المهور عدنا 100000
بس الأغلبية كل شي على راس العروس
والصراحه أحس ما يكفي .. انا في نظري اذا الوحدة تبي تفصل فستان اقل شي ب20000 الصراحه ما عندي خبره بس هذا اللي اأسمعه

وغير القاعه +العشا في حدود 350000

وغير وغير وايد أشياء واحنا لازم بعد لازم نسوي اقل شي 3 فساتين حفلة زياده ليلة الحنا والجلوة والصباحية واحيانا 4 اذا ام المعرس تسوي حفلة في بيتها يوودون المعاريس عندها

وغير الملابس والعبايات والعطور والذهب ..........
الله يكون في العون

السلام عليكم ...

الصراحه أنا واجد أستغربت لما سمعت عن هذا المهر

100000 وتقولون بعد بس

صراحه حرام هالغلاء لو كل بنت بتتزوج بتطلب هذا المهر كان ما أحد تزوج مو كل شاب يقدر يدفع هالمهر ..

هذا المهر يزيد العنوسه وبعد الفساد لإن مو كل عازب يقدر يصون نفسه يمكن يلجأ لطرق محرمه غير الزواج ..

أحنا عندنا في منطقتنا (القطيف )

اغلى مهر 30000
والمتوسط اللي في العاده ياخدونه 25000

وفيه بعد بنات يأخدون (15000-20000-10000
و
في الفتره الأخيره صارت فيه بنات كثير يطلبون مهر ما تصدقون لو أقول لكم كم ؟؟
250 ريال بس

أكيد هذا المهر ما بيكفي لشيء بس يكون مبلغ رمزي لتسهيل الزواج ..

وبعد بل فترة وحده ما خده مهرها قرآن كريم ..


ومشكورين ..

زرقاء

مممممممممممم

عن يازعم الحين المهر شوي

اشوف للحين قاعدين يحلون قضية المغالاة في المهور

الحمد لله احنة في البحرين المهر في البحرين اكثر شي 1500 الى 2000 بالكثير وفي من هم مهورهم اقل طبعا بالدينار أي مايعادل 15000 ريال وتكفي حق اشياء واجد بدل ما تفصل فستان تستأجره لأن تفصيله بقيمة سيارة وبدل مايصير في فندق فخم واخر صيحة في صالة وياكثر الصالات الفخمة والارخص من الفنادق بس اذا 100000 ريال مهر الله يساعد لرجال صدق بيضلو طول عمرهم مديونين

الحمد لله انا بنت من اللي يؤمنون بقول الرسول أكثر النساء بركة اقلهن مؤنة

اختي الهام يمكن انتوا بالبحرين عندكم الصالات رخيصه تدرين احنا بقطر اقل قاعه عرس ب25 الف واقل كوشه ب10000 وبس حسبي الباقي بالستاند والورود والشراشف وبس لو حسبتي توصل ب50000 ويمكن زياده حتي لو عروس اجرت فستان وقصرت على روحها توصل 100000

بالعدل

بيكفي وزيادة

بصراحه ما كنت متوقعه ان المهور هالقد غاليه في دول الخليج:eek2:
الله يعين شبابكم

احنا في البحرين مثل ما قالت الاخت الهام المهور رخيصه نوعا ما واغلب الابهات مايحددون المهر والزوج هو اللي يعطي من نفسه وعلى حسب مقدرته والمهور عندنا ما تزيد عن 4000 دينار بالكثير الله يساعد الشباب كل شي على راسهم والحمدلله انا بنات جان انكسر ظهرنا من الديون:D2

اسمحولي يابنات صراحه هذي كلها مظاهر خداعه
وش رايكم انا مهري عشرين ألف ريال وأنا جمعت لي عشره آلاف ريال وصار المجموع ثلاثين ألف ريال وكفتني والحمدلله ولااحتجت لحد يساعدني وسويت كل الي نفسي فيه ومانقصني شي وعرسي الكل يتكلم عنه.

تحياتي: احالمه.

بس كم يساوي الريال القطري بالنسبة للامارات؟؟

وكم يساوي الدينار البحريني بالنسبة للامارات؟؟

[CENTER]السلام عليكم

أنا مهري ما يوصل نص المبلغ ,, عادة قبيلتنا ,, لكن تكاليف الزواج والثوب والمكياج كلها من عند أهل زوجي

بس على أختار وهم يدفعون أما مهري كله الشغلات اللي بشتريها لي ..

والله ماأدري كم يساوي عن الإمارات بس أنا بما أني من السعوديه
مهري 20000 يمكن يساوي عندكم 17000تقريبا.

الريال السعودي يساوي نفس الدرهم الاماراتي

اما نحن المهر عندنا اللي محدددنه الشيخ زايد الله يرحمه ما يتعدى ال30 الف درهم

هذا المهر بس يكون جيه

اما الباقي مثل التجهيزات والذهب ناخذ من حدود 35 الف الى 70 الف

اما قاعة الزواج واضاءة الزينة على البيت فتكون خارج نطاق بيزات التجهيزات تكون من المعرس

عزايم قبل العرس ابد مانعملها

فقط ليلة الزفاف في القاعة لا قبلها حفلة حناولا شيء

وش دعوه هالمبالغ

الصراحه كثير مررره

يعني الوحده جايه من الفضاء ما عندها ملابس و لا شي..

عندنا في نجد و القصيم اغلب العوايل (خاصه القبايل) المهر يكون

خمسين الف.. و ما فوق طبعا للي يبي يزيد من العرسان نفسهم

اما عن ان البنت او اهلها تحدد مهر لااااا طبعا عيب احنا نشتري الرجال

و خمسين الف هي المتعارف عليه

و هي و الله تكفي اذا ________ نظمتي صرفك ترا مو لازم تطقين لك ميه فستان

اصلا الموضه تتغير و المقاس يتغير يعني 3 فساتين جديده تفصيل يكفي و يزيد غير اللي بيعجبك جاهز

و خمسين الف تكفي اما بالنسبه لسالفه كوشه و عرس كبير و ....و... هاذي تعتبر شي ثاني

اللي يبي و عنده يسوي كل واحد حسب رغبته و لا تنسون يا حلوات الزواره

و تجهيزاتها...

و بالنسبه لفساتين الزواج يا ما و يا ما ضاعت فلوسنا بها لمشاغل النصابين

انا دفعت فوق ست الاف على فستان زواج يحوم الكبد و لا لبسته

و اشتريت جاهز بثلاث الاف يهبل من جد كل انهبل عليه

و ندمت اني اصلا فصلت

و اختي صار لها نفس الشي فصلت فستان و خرب و شرت جاهز

عشان كذا يا بنات نصيحتي:

فستان الزواج لا يكون غالي ترا و الله مرمي في الدولاب و حاولت ااجره محد بيستاجره

و لو استاجره احد سعر خربوطي ما يسوى

انتبهي من سالفه تخيطين غالي عشان تاجرينه

ترا الخياطه كذبت علي و اقنعتني اني افصل ب 6 الاف و

ما راح يمر وقت الا و بيرجع لي حقه و زياده و انها بتعرضه في مشغلها

و الله ما تاجر الا مره و حده و باقل من الف ريال ما يسوىىىىىىىىى

و لو بتقسمين فلوسك زين يكفييييييييييييييييييييييييييييييي

و اخر شي:

اذا كان مهرك غالي زوجك بيصير عليه ديون اكثر و التزامات و بعد الزواج بتمووووتين من الطفش

من كثرة الديون و الضيقه و لا راح تسافرين و لا تنبسطين

و بسسسسسسسسس خلاص...

[CENTER]انا اندهشت من الموضوع


مهور مبالغ فييها جدا جدا

ونتشتكى العنوسه وقلت الزيجات صراحه لو انا شاب واشوف هذى الارقام اكره العرس من وين الانسان يوفر كل هذا


ليش ما نرحم يعنى الشاب اذنب وقت حب يرتبط كل شى مفرووووض فى حدود المعقول


مب عشان افرح الناس بلييله وفى كل الاحوال مهما اسوى ماراح اعجب اتعس نفسى فى ديووووون مالها اول من اخر


بنات ليش نعاتب الشاب الخلييجى اذا تزوج من برة ونحن ما نبى نرحم؟؟

مب معنى كلامى يعنى نتهاون فى حقوقنه لا ناخذها بس بما يرضى الله ورسوله


واسفه على الاطاله

الله يوفقك يارب
ويسعدك ويرزقك

بنات

من صجكمانتوا


تشوفوون 100.0000 وايد


ليش الشباب يدفعون اضعافها في السياير وفي الخرابيط ويستخسرونها على البنت اللي بتصير في المستقبل زوجته وام اولاده وكل واحد يقول المهور غاليه وياريت يحددون المهور في قطر وهو سيارته بس ب 150 الف اذا مب اكثر بعد



بعدين ايعار السوق في قطر غاليه يعني انا مهري 80 الف وكل شي على المعرس القاعه والكوشه والطاولات والتصوير يعني انا ماعلي الا جهازي وبعدماكفاني زادته امي 25 الف ولين الحين ماخلصت الفستان ولوازم العرس واللي بقالي من المهر 28 الف ومتوهقه


وانتوا تقولون ان 100 وايد ومبالغ فيه يمكن في بلدان ثانيه بس عندنا مناسب ومرات مايكفي لان بلادنا غاليه والاسعار مرتفعه





اسمحولي على الإطاله


واختي nofeel مبروك العرس وعقبال مانبارك لج على البيبيات


تحياتي

qatar girl:
بنات

من صجكمانتوا


تشوفوون 100.0000 وايد


ليش الشباب يدفعون اضعافها في السياير وفي الخرابيط ويستخسرونها على البنت اللي بتصير في المستقبل زوجته وام اولاده وكل واحد يقول المهور غاليه وياريت يحددون المهور في قطر وهو سيارته بس ب 150 الف اذا مب اكثر بعد




تحياتي

الموضوع قديم ولكني حبيت ارد على كثير أخوات عزيزات اكيد يقارنون الزوجة بالسيارة ولا بغيره ويمكن انا مرة من المرات فكرت بهاذي الطريقة ولكن السيارة اللي تتكلمين عنها اللي مثلا بعشرة الاف دينار الزوج اذا احتاج وجت في باله سيارة غير راح يبيعها بس انتي لاء، لو طق مطر ولا شي ماراح يكلف على روحه الا انه يخلي هندي ينظفها ب500فلس . ولاسمح الله كل سيارة معرضة للضربات والحوادث .... والكل طبيعته كل جم سنة يبيع سيارته وياخذ وحدة بدلها... وانتي تجين تقارنين الزوجة بالسيارة؟

بنظري انا لو قيمتي بالمبالغ فما اعتقد في مبلغ راح يكفيني ... بس انا ما انظر للمهر بانه قيمة لي ابدا

وااااااااااااو احنة بالبحرين متوسط المهر 1500 دينار يعني 15000 ريال منجدي عندنة بالبحرين

اللي يتزوجون أكثر من اللي يرتكبون محرمات

بس بالصراحة بالسعودية وايد مهوركم فمب كل لرجال يقدرون يتزوجون في سن مبكرة قبل ما الشيطان يلعب بمخه

وبصراحة يوم الخميس والجمعة البحرين مشحونة شباب من السعودية يروحون الفنادق والعياذ بالله

ويمارسون الرذيلة بس لو كل فتاة سعودية فكرت بشكل صحيح أكيد ما بيكون هالكم الهائل من

الشباب موجهين نحو الخطأ لأن عندكم طريق الصح أغلى من طريق الخطأ

والله عندي صديقة تقول طلبت مهرها 1000 ريال مع ان اهلها عارضوها بس اهي قالت مهري وكيفي

فبالزواج عوضهه زوجهه واخذ لهه كل شي

واتمنى وصلت المعلومة للكل