مئة الف ريال الا تكفي لتجهيز عروس

اهلا في عرايسنا الحلوين وفي ردودهم الممتعة اللي تثري الموضوع ...

qatar girl انا في الخدمه قولي ايش تبين بالضبط وانا اساعدج حتى الفستان اذا ما تبين تفصلين ممكن اساعدج وادور معاج على فستان تشترينه بسعر حلو لان عندي ربع وايد ذوقهم كشخة في بعضهم عرسوا وبعضهم لين الحين ... يعني ممكن ادبر لج الموضوع ...

ام محمد صاجة لكن المشكلة مش فينا في المجتمع والظروف اللي احنا عايشين فيها .... وتحياتي...

بوران ..... شكرا واحمدي الله على النعمة اللي انتو عايشين فيها وياليت الكل يقتدي بعيلتكم .......

عروس الدوحة .... فستاني تصميم ايلي صعب ... وخياط فوزية النافع ... بس يجنن .... والكوشة عند محل في النصر ... نسيت اسمه .. قبل عيادة الدوحة .... ومكياجي عند سعاد البحرينية ... وشعري عند نعمات ... والحنة زبيدة ... والطاولات بالاتفاق مع اهل زوجي ( شي علينا وشي عليهم )
الاضاءة والتصوير والدي جي عند الوان الخليج ... والزفة انا جايبتها من النت .. شعر وبعدين اغنية اصاله اللي غنتها في عرس المكتوم ..

عمري قطر ...... ( صج قطرية عرفتي اتقطين كل شي على الريل هاهاهاهاهاهاها:D2:D2:D2:D2 ) اضحك معاجججججج
اللي تبينه انا حاضرة اقري المكتوب فوق واي سؤال او مساعده انا حاضره.....

مرحبا .... انا للحين ماتزوجت بس خواتي قبلي واخر وحده
اختي السنه اللي فاتت متزوجه وكان مهرها 40000
بس لكن الحمدلله تجهزت جهاز من احسن مايكون و
خذت جهازها من الخبروالرياض وكانت اشياء جدا راقيه
وهم تمت لها فلوس 10000 يمكن الكل يقول اتبالغين
والله لأ اني صاجه لانه في بنات ملاقيف وياخذون اشياء
دفشه وتفصل فستان وتم حره في قلبها لانها خسرت
الدنيا ولاستفادت منه اما اختي اجرته والكل بعد ساعدها
بزينة الكوشه واللستندات وحجزت لها بالرتز وكانت جدا
مستانسه يعني قوما تعاونوا ماذلوا ليش نرهق الريال
وجد عايلتنا كلها مهور بناتنا بذمتي جذيه اغلا مهر كانت
اختي لصغيره وهي اللي اصرت عليه 80000 والكل قالها
حرام وايد باجر يعوضج بس ماطاعت عموما الف مبروك على
زواجج ويرزقج ربي الذريه الصالحه اللهم اميــــــــــــــــــن

عقبالج يا اوديت ......... والله يوفق خواتج وويوفقج ......:clap:(u)(u)(u)

السلاااااااام عليكم جميعاً.....انا أول ماقريت الموضوع استغربت ...اشلون كفاج المبلغ....لكم يوم دريت انه الفندق ولوازمه على المعرس راااااح العجب لأنه هو اللي ياكل المهر ...وفي هالحاله 100ألف تكفي وتزييييييد .


ألف ألف مبروووووووووووك عزيزتي.....الله يهنيكم ان شاء الله

اخت شهد اعتقد ان 100000 تكفي لكنها ما تزيد . احسبي وشوفي صحيح ان الفندق على الزوج بس لا تنسين الكوشة والتصوير والدي جي والاضاءة والطاولات تقريبا عليج .......:rolleyes::rolleyes::rolleyes::rolleyes::rolleyes::confused::confused::confused::confused::confused::confused::confused::confused:

لالالالالالالالالالالالالالالالالا والله 100000 في قطر ماتسوي شي ، الاسعار عندنا واااااااااااااااااااااااااااااايد توب ضاربيييييين ضربتهم الصراااحه ، لكن ماعلييييهم شرهه لانهم محصليييين ناس ياخذوووووون منههم ..



انا كان مهري 100000 وكل شي كاااااااااااااااااااااااان على المعرس وبرضاااااه طبعا ، على فكره ابوي بس طلب عليهم 1000 ريال لكن هو شهم وعطاني 100 الف ...

لاتستنكروووون من المهر اللي في قطر لان والله انا يوم رحت احجز التصوير والاضاءه طلعت علي 14000 والوالده استحت وقالت حق ام المعرس احنا بنسويييه لان كل شي غالي ، والطاولات ب35000 لان معازيمنا كانوا وااااايد الصراااحه والكوووشه 15000 الف ...
فقولوا لي 100000 شتسوي ...

واسعار الفساتيين الكشخه عندنا ماتبتدي الا من 10000 وطالع ...
صج صج المهر مايكفي ...


لا وفوق هذاااا كله نص تجهيزي الوالده دافعته لي ...

لاتحطون في بالكم اني بذرت فلوووسي وخذت اشيااااء غاليه بالاف لا والله تجهيزي كان كله من الخبر والدمام والبحرين والامارااااات كله من المحلات اللي البنات كاتبييين عنها فالمنتدى ...
لكن انتي تحطييين في بالج شي وترووحين المحل وتلقييين شي ثاااااااني ...


وبعدييين لازم مايكفي لان لاتنسوووون العرووس تجهز من الصفر حتى مقراض الاظافر تاخذه :eek2:

وسمحولي عالاطاله ...


بس لان الاسعار عندنا توووووب وااااااااااااااايد ...

:clap:(u)(u)(u)والله يا قطر ما ادري شاقولج كلامج صحيح 100 % .... والله يعينا

موضووع حلو وايد الصراحه


نحن في عايلتنا متوسط المهر 150 الف واذا كان كثير يكون 300 الف والباقي على المعرس واذا البنت حبت تساعده براحتها ما تكون مجبووره شو نسوي هالدنيا يعني مانقدر نعق اللوم على العرووس او اهلها لان المحلات قاموا يستغلون ها الشي والكوووش غاليه وايد في عرس اخويه كانت الكوشه ثمانين الف يعني التجهيزات الاساسيه حق الزواج غاليه لكن الثياب والمكياجات الوحده تقدر تتحكم وتقسم الفلووس وشكثر تصرف عليها



:cool2:

شكرا يالفطيم على المرور والمساركة ....

اذا كلنا نتفق ان المهر على المستوى المعيشي ......ولكن التجهيز واحد لان السوق عارض نفسه والكل غالي .... صح لو لأ ....:cool2::cool2:

مرحبا اختي noofe1 اول شي اانا مش حزينة بس النك طلع معاي هالشكل بعدين انا وياج اهلي عطيتهم من الهدايا وبعد من فلوس المهر لان اهم اللي بدوا قبل المهم اللي راح راح وبعدين انا مع الاخت قطر الصراحة كل شي غالي في الدوحة مع ان بعض الاغراض ماخ\تهم من السعودية وياالله الباقي من الابو والاخوان شنسوي بعد

احنا خلصنا وافتكينا يا قطرة حزينة الله يعين باقي الخوات اللي يجهزون شكلهم بتطلع عيونهم قبل ما يعرسون.....:D2:D2:D2:D2:D2

مشكلتنا في قطر انه الأسعار ناااااااااااااااااااااااااار واحنا (وانا معاكم) نطالع بعض وايد واللي مااااااعنده يبي يصير أحسن من اللي عنده ومانبي الرخيص ولا المتوسط ...لا....نبي الغاااااااااااااااااااااالي لأنه فلانه وفلانه بيجون العرس ...ومثل ماقلت لكم انا مثلكم ....الله لا يحرمنا من نعمته ويعاقبنا على تبذيرنا ....أحس مافي مثلنا في حب المظاهر......:down:

:clap::clap::clap::clap: >>>>> انا بعد طلعت سنعه مثلج يا noofe1 وجهزت بمية الف بس وكفتني وزادت بعد .... صفقولي:clap::clap::clap:

االصراحه انا اختى توها متزوجه من عشره ايام كان مهرها 80 الف وما كفتها تقريبا زادتها 50 الف مع ان القاعه وتجهيز الطاولات والبطاقات على هل المعرس بس اختى من النوع المسرف وتحب الاشياء الغاليه

بس انا بنظري تكفي ميه الف

الف مبرروك عزيزتي ... بس اشوف المهر كثير مرة ويرهق العريس ويثقله والافضل برأيي 50000 ريال ... كما ان العطور والشيل والعبايات ما رح تختفي من الاسواق :smile: ..

بس هذي وجهة نظري .. واكيد تختلف عنك ... بس لاحظوا اسباب زواج الخليجين من اجنبيات اول سبب يذكروه قلة مطالب الاجنبية مقارنة بالخليجية وهذا دليل ان ارهاق الزوج بالطلبات يشرده من البيت :D2


مع تمنياتي لش بالسعادة والتوفيق


تحياتي :up:

براحة أنا ماأأيد الإسراف وايد والمهر الكبير وبصراحة مئة ألف وايد واتكفي وتزيد منها وايد وايد وحرام هذا كله اسراف وتبذير يعني الوحده لين بتعرس جنها أول مره تشتري أغراض في حياتها وماشايفه خير جنها طول عمرها ماراح تشتري أغراض أشدعوة قلنا عروس اتجهز بس ماقلنا اسراف وتبذير واللة بحاسبنا على كل فلس أوريال صرفناه والرجال حرام واللة تعب واتسلف وحط ديون على ظهره واخر شي نسرف ونكسر ظهره بهالمهر الكبير لا انا ماأأيد مئة ألف مهر الا اذا كان تجهيز العروس كامل عليها ومثل ما قالو ا ( أقلهن مهرا أكثرهن بركة ) أوخيرهن بركة ) مااتذكر نص الحديث عدل .
المهم اللة يوفق الجميع بس أنصحكم نصيحة أخواتي لا تكسروووون ظهر الرجال بالمهر لأنه بعد العرس كل شي بطيح فوق راس المره وبتتحسف قد شعر راسها ليش اكسرت ظهر الرجال بالمهر وبكثرة طلباتها أهم شي السعادة معاه بعد العرس نش يوم العرس والمخاسير اللي بتروح في ليله وحدة واللة بيحاسبهم على المخاسير وترى سبحان اللة اللة مايوفق الناس اللي يسرفون ويخسرووون على يوم واحد بس علشان كلام الناس وجدام الناس واخر شي بعد اللي خسروه وسووه للناس علشان يستانسون وبعد مو عاجب الناس وبعد راح يتكلمون عنهم .

وللمرة الثانية اللة يوفق كل عروسين ويسعدهم ويجمعهم على الخير انشاللة .

هلا خواتي

بالنسبة لي.. كان بين ملكتي وعرسي ثلاث أسابيع جهزت فيهم كل شي: نفسي وعرسي وبيتي.. والحمدلله ربي بارك لي في الوقت مع إني كنت أداوم وكانت إجازتي 10 أيام قبل العرس

كان مهري 30000 .. عطيت منهم أمي وكانت حفلة الحنة علي يعني اللي صرفتهم في تجهيزي وملابسي كان تقريبا 24000 واضطريت استلف 2000 درهم بس .. وفستان العرس أجرته وكان المكياج والتسريحة مجانا معاه .. :clap:

أما باقي تجهيزات العرس كانت على المعرس لكن أنا اللي كنت أتصرف وأحجز وهو يدفع .. أخذت القاعة بالعشا ب 20000 بعد خصم 2000 درهم لأن عندي أشتراك بالنادي عن طريق الدوام :up:

الكوشة وكانت بسيطة ومن أروع ما يكون .. الكل تخبل عليها .. والتصوير والفرقة والبطاقات والإضاءة ب 12000 درهم .. وفي يوم العرس حط لي المحل إضاءة ليزر مجانا لأن كان عرسي أول عرس يجربون فيه هذه الإضاءة :D2

أما طقم الملكة بالدبلة كانوا ب 5000 درهم وأنا بطبيعتي ما أحب ألبس ذهب وايد عشان كذا ما كثرت منهم

يعني العرس كله بالمهر ما كلف 70000 درهم بالمهر والتجهيزات والحفلة والحمدلله ربي بارك لنا في حياتنا وإن شا الله تتم البركة علينا وعلى كل المتزوجات يارب

بالنسبة للبيت أجرنا عن طريق الدوام وفرشنا بعد عن طريق الدوام يعني ما كلفنا شي .. وأنا فرشت شي بسيط وحلو وراقي ب 20000 درهم هذا غير الهدايا اللي من أهلي وربيعاتي والناس .. أما هدايا أهلي وربيعاتي تراني اتشرطت فيها عشان ما أبي شي يتكرر وعشان أكمل الناقص عندي ..

وبعد العرس صرت أكمل شوي شوي في البيت خصوصا في الكماليات :up:
وبالنسبة للملابس ترا الجسم يتغير والمقاس يتغير يعني أشتري كل ما أحتاج أما مع الحمل كل شي يتغير ويقولون بعد الولادة الحرمة ما ترد مثل ما كانت يعني لازم ملابس جديدة .. عشان كذا أنا ما كثرت من البداية وهذي نصيحتي لكل عروس

ممكن سؤااااال ؟؟؟؟:smile:

الريال الفطري كم يساوي من ريال سعودي ولا زيه؟؟؟:D2


وسلامتكم:cool2:

:هلا

احنا المهر 500000

احيان 600000
على حسب كل واحد ومقدرتة


بس والله انة يكفي ويزيد

واحنا مانعطي الوالد والوالدة

هم يعطونا

هذا عندنا بالسعودية بالشرقية

بس تكاليف الزواج كلها على الزوج

يعني ام العروس من تكون شبة مدعوة

في الزواج

يعني العروس ماعليها الا انها تشتري حق نفسها وغير

هدايا الزوج من فترة لفترة

السلام عليكم ..


صراحه وانا اقراا المهوور .. وكل وحده تقوول احنا كذاا واحنا كذاا


صرت :eek2::eek2::eek2:


كل هذا عشان المظاهر .. لا اله الا الله ..

اماابالنسبه للاخت كروزه ..

اي منطقه في الشرقيه مهورها ها القد ..

احنا عندنا في منطقتناا المهر يكون 30 الف

وتقدر الوحده تسووي فيه كل شيئ ..وتشكر ربهاا بعد ..

بصراحه هذاا موضوع مااراح ينحل لوو ويش يصير ..

عشان كذاا ..العنووسه زايده ..

عشان المهور والشبااب ماايقدرو

على العموم الله يوفق الجميع ..

تحياتي ..:smile: