تجمع حلم الامومة

تسلموووون حبيباتي
ربي يفرحنا قريبااا

دووودي
خلاص هالفتره برييييح من اذيه المستشفيات
صحيح بتقولون لي العمر يمضي
بس بجد محتاجه اخذ راااااحه وراحتي بتكون
من القرب من ربي ومقبلين ع شهر الدعاء
وربي كريم تعالجت وسويت فحوصات وكل شي تمام
بس كتبه الله والحمدلله بجميع الاحوال
وحاسه ان الفرج قرييييب ...

دوودي
ربي يحقق لك ماتتمنين في سنتك ياحلوه
وتجيبين أحلى توأم ..

عشوووق
عيدي التحليل واذا مافيه حمل اشربي عصير برتقال فرش
او دارسين ..

وربي يحقق لك وحده ما تتمنى
ولا تنسوني من دعاءكم دائمااا..

مساء الخير والتفاؤل

الله ينولكم مرادكم ويحقق أمنياتكم في هذه الأشهر الفضيلة المباركة

اللهم صلي على محمد وآل محمد كلما ذكره الذاكرون وغفل عن ذكره الغافلون

مساء الخير
اللهم صل على محمد وال محمد

عبووق ان شاءالله برجع اعيد التحليل والله يسوي اللي فيه الخير
قاعده احس بالامها شوي
وانا اليوم صايمه ان شاءالله وخايفه تشرف ويروح علي الصياااام :'(


دفء

ان شاءالله يارررررب
وينولج مرج حبيبتي ويقومج بالسلامه
خيه تتابعين مع دكتورة نهايه حاليا اللي تبع دكتورة خلود في ابن رشد٢
او مع من تتابعين مواعيد الحمل؟
والله يسهل عليج ياررررب


لا جديد

عبوقه
ربي يرزقك من دون علاجات ولا مستشفيات
ربي كريم

عاشقه
ارجعي تابعي مع دكتورتك مشان تنظم الدوره
وربي يرزقك ياقلبي ويرزق كل متاخره

انا امس كان يوم ميلادي ومررره انبسطت وكان يوم جميل الحمد لله
وكمان امس كانت اول أبره تحضيرية صحيح ان الابره تحت الجلد مو بالعضل بس
حيل آلمتني الدوا حااااار جداً احس كان نار تدخل بجسمي
يستمر عليهم ١٦ يوم وبعدها اروح أقابل لدكتور واذا شاف الأمور تمام أبدا بأبر التنشيط
١٦ أبره ب ٦٥٠ ريال
اول بأول بدخل ان شاء الله وأعطيكم تفاصيل مشان الي يبي يستفيد

حاليا اخذ حمض الفوليك وبيبي أسبرين وعلاج هرمون الحليب والإبر التحضيرية
يااارب لا تضيع لي تعب يالله

وباقي الصبايا وينكم
وجوفان وين مختفيه

صباح الخير عسولاتي وحشتوني وايد.. ما شاء الله توا اعرف انه فلسطين حامل يارب يتمم لج على خير.... ومبروك دف حياتي .... الله يسهل عليكم

البقية شخباركم؟؟؟ شنو جديدكم؟؟؟ انا داخلة من لاب توب زوجي.. لاب توبي الشاشة انكسرت اهي اهي ..

حبيبتي زوجة دودي خبريني عدتي الاشعه ؟؟؟

هلا عرووس منوره ياقلبي
كيفك وكيف امورتك؟
عدت الاشعه واخصائيه الاشعه قال فتحت اليسار بس
اليمن مسكر مو راضي ينفتح
أخذت الاشعه وشافها الدكتور
قال هو انفتح بس مو كامل مفتوح جزئي يعني الصبغه لازم تطلع من نهايه الأنبوب بسرعه
الدكتور قال كانت تطلع بشويش وقل ان طرف الأنبوب من جهه المبايض متوسع
بالعربي الأنبوب ماينفع للحمل الطبيعي
والحين بديت باجرآت اطفال الأنابيب
اليوم رابع يوم من استخدام الابر التحضيرية
ربي يجعلها سبب بحملي ولا يضيع لي تعب

حبيبتي زوجة دودي.. كل شي ترى له حكمة من رب العالمين.. وان شاء الله بتحملين وبتجيبين توأم ان شاء الله وان شاء الله ما يمر رمضان الا انتي وبنات التجمع حوامل.. والبقية شخباركم؟؟؟

الله يبارك في حياتك عروسة يارب اللهم استجب آمين مايمر شهر الخير والغفران إلا أخواتي الغاليات حواااامل


عشوقة اتابع في المركز الصحي التابع لمنطقتنا واشوف متابعتهم ممتازة بس اذا بغيت اسوي اشعة اروح لدكتورة نهاية او ابي اطمن ع البيبي

زوجة دودي قلوبنا معك وربنا يفرحك بتوأمين سليمين معافين وأهمشي خلي معنوياتك عالية وثقتك برب العالمين وحده لاشريك له وربي يهون عليك العملية ويرزقك بلاحساب

الله يسعدكم بنات بالخير والعافية أشعر بأجواء شهر رمضان أكثر منذ أقبل شهر شعبان المبارك


اللهم صلي على محمد وآل محمد وبارك على محمد وآل محمد كما صليت وباركت على إبراهيم وآل إبراهيم في العالمين إنك حميد مجيد

صباح الخير

وحشتووني بناااات صار لي فتره مادخلت التجمع

جديدي

شرفت الدورة يوم الثلاثاء تاريخ ٢٧
واتصلت للمراخه وقالت لي يوم ثالث من الدورة تعالي
ورحت لها يوم الخميس بعد صلاة المغرب
وقالت لي كل ليله لاخر ليله اللي بغتسل
انقع روحي في ماء وديتول
لانه رحمي للحين يألمني شوي
لما ضغطت تحت السر حسيت بالم
الا تقول لي لانه رحمج للحين تعبان من الاجهاض
خاصه انه العياده ماسووا لج تنظيف
وكان المفروض يسوون لج لانه اللي تجهض في بداية الاشهر
تعبها والمها اكثر من اذا وحده لها وايد بالاشهر وهي حامل
بس شسوي الله كريم مقدر ومكتوب :(
المهم قالت لي ارجع لها يوم اللي بغتسل
مثلا اغتسل الظهر واروح لها المغرب
وان شاءالله خير

احيانا احاول الهي روحي بشي عشان ما احس بنقص الحمل
واحيانا ماقدر احس صج خاطري ارجع اجرب شعور فرحة الحمل
:'(

بنات احنا في شهور يستجاب فيها الدعاء
امانه لاتنسوني من دعواتكم

مرحبا ملايين بعرووووووس

طمنيني عنكم أرجوك


زوجة دودي
الخيره في ما اختاره الله

ويارب يرزقك بتوأم سليمين معافين ويسهل عليك حملهم وولادتهم وتربيتهم
ويفرحك فيهم يارب


دفء
يارب يثبت حملك ويسهل عليك ويفرحك

عاشقه

الله كريم
والحمدلله
ويارب يرزقك ويفرحك



عبق
جوفان
وينكم طولتوا الغيبه



ام مالك كيفك
وكيفه كتكوتنا

عاشقة انفاسه.. الله بيرزقج قريب وانتي والبقية ان شاء الله وبنفرح فيكم..

دف انتي بأي شهر الحين؟؟ الله يسهل عليكم يارب..

هايدي انا بخير الحمدلله.. بس بدور لها فترة تمرض والحمدلله على كل حال.. حرارتها كانت توصل 41

عروس

اسأل الله العظيم رب العرش العظيم أن يشفيها
أسأل الله العظيم رب العرش العظيم أن يشفيها
أسأل الله العظيم رب العرش العظيم أن يشفيها
أسأل الله العظيم رب العرش العظيم أن يشفيها
أسأل الله العظيم رب العرش العظيم أن يشفيها
أسأل الله العظيم رب العرش العظيم أن يشفيها
أسأل الله العظيم رب العرش العظيم أن يشفيها

يارب يطمنك عليها ويشفيها وتفرحي فيها يارب

ياعمري بدوور الله يشفيها ،، ولد أختي مثل بنتك دايمًا مسخن ومناعته ضعيفة ، أقل شي يمرض ،، إن شاء الله تكبر وتتغلب على المشكلة بإذن الله .
ما تشوف شر البدرة :y:

عروسة توي داخلة الخامس من كم يوم ،، يارب تعدي الأيام على خير وسلامة ونفرح بالنونو ،،:ballons:

هيوده

امييييين يارب الله يسمع منج
ويرزقج ويفرحج وكل البنات يارررب

عروس

ان شاااااءالله الله يسمع منج ام بدورة
الله كريم
وماعليها شر الحلوه الله يطمنج عليها


دفء

الله يقومج بالسلامه حبيبتي
ومتباركه بالليله انتي وجوفاني :)
نسألكم الدعاء

عبووق وجوفاني

مكانكم خالي
وينكم طمنونااا

ياعسولات
كيفكم
شكرًا عروس وهايدي وعشوقه
ع السؤال والدعوات
اليوم التاسع من الابر التحضيرية
وموعدي الأربعاء الجاي ان شاءالله
وبخبركم شو بيصير معي

هايدي حياتي.. اللهم امين...
دف يا قلبي.. ربي يتمم لك على خير.. وان شاء الله بتقومين لنا بالسلامة...
عاشقه حياتي.. شخبارج شو مسوية؟؟
زوجه دودي... الله يوفقج يا عمري ويسهل عليج.. وان شاء الله ربي يكتب لج توأم

دودي

الله يوفقك ويرزقك بتوأم يارب
وتفرحي فيهم

اللهم آمين

عروس

الحمدلله والله لا جديد
يوم الخميس اغتسلت ورحت المغرب للمراخه
وقاعده امارس حياتي طبيعيه هههه
والله يكتب لي الحمل السليم المعافاه يارب
انا وكل بنات التجمع وكل اللي يطلبون الذريه الصالحه السليمه

ياريت زوجي يطيعني ويسوي العمليه دايركت بدون ادوية وحبوب
استغفرالله مش ان يائسه ومو متفائله بس الايام تررركض
واحسن لو سوى العمليه .. اختصار للوقت والتفكير والتعب :(

مسااااء الخيير

وجمعه مباررركه حبيباتي
وربي يحقق لكم ما تتمنون ببركه هذا اليوم وهذا الشهر الفضيل ..

دودي
ربي يسهل لك امورك وتحملين باحلى توأم ياااارب

عشوووق ان شاء الله مع هالكورس زوجك يصير كل شي عنده تمام
ومايكون في حاجه للعمليه
والله كريم ...