تجمع حلم الامومة

السلام عليكم ورحمه الله

مرحبا فيكم حبيباتي شخباركم ..

عذرا لقله دخولي بس كنت مشغوله الفتره اللي طافت ..


دفء
الف الف مبروووك حبيبتي ربي يفرح قلبك
ويعوض عليك بدل هالصبر حييييل فرحت لك والله من كل قلبي

فلسطين
ربي يتمم لك على خير وكلها كم شهر وان شاء الله النونو بحظنك بكامل صحته ..

دودي
عمررري ربي لا يضيع عليك تعب وتجين تبشرينا باحلى خبر وتوم ان شاء الله ..

عشوووق
ربي يطمن قلبك على نتيجه زوجك وان شاء الله كل الامور تمام وتفرحون قريب

جوفان ..
بشريني عنك وييين وصلتي بالعلاج ولا وقفتي

هايدي
مارجعتي تاخذين كورس جديد ..؟!

انا جديدي هالشهر رحت للدكتوره وعطتني نفس الشي ابر تنشيط
ورحت سويت سونار صار التبويض تمام وفي كذا بويضه وعطتني ابره تفجيريه
وهالاسبوع موعدها دعواتكم فديتكم ..

مخدوووعه
ربي يحفظ لك مااالك ولا تقاطعينا حبيبتي ..


وعذراااا اذا نسيت احد
بس فقدتكم واشتقت لكم ...

اهلين رجعوا الحبايب
الله يفرحكم دودي وعبوقه
وان شالله الشهر الجاي نسمع خبر حملكم

عبوقه انا صار ل سنه موقفه علاجات طفشت من المستشفى
لكن الله كريم

هلا وغلا مشكورين حبيباتي والله يبارك في حياتكم وعقبال ما تفرحونا وتقر أعيننا جميعًا بالذرية الصالحة .

فلسطين

اميييييين يارب
الله يسمع منج حبيبتي
ماتقصرين :)

جوفان

ههههه افاااا علييييييج
من عيوووني ماطلبتي شي يالوردة :*


مخدوعة

وحشتيناااا يالقاطعه
الله يشغلج بالخير وبطاعته
والله يخلي الحلو مالك ويبلغج فيه وتفرحين فيه
وتسلميييين ع الدعوات الطيبه كلج خييير حبيبتي
والله يرزقنا من فضله الذريه الصالحه يارررب


دودي

امييين يارب الله منج حبي
دعواااتج وان شاءالله بعد شوي زوجي يكمل شغل
وعلى طول بيروح العياطة يستلم النتيجه ويقابل الدكتور
ويارررررب خير
والله اني قاعده على اعصابي
واحاول الهي روحي بأي شي عشان ما احاتي :(

ان شاءالله تصير فرحتج فرحتين، ذكرى ميلادج وتتيسر امورج مع الحمل
وتبشريناا قررررريب :)


عبووق

ياررررررب ياكرريم الله يسمع منج
والله يفرحج ويفرح نظرتج بالذريه الصالحه قريبا


ام احمدي

حبيبتي والله
ان شاءالله يارب ويعوضج ويعوض صبرج
ويفرحج بالحمل السليم المعافاه يارررب


جوفان

سنه مو كافيه تخلي الملل والطفش يروح؟ :p
خلاص يختي سنه مو قليله
رحعي للعلاج احسن حبيبتي
اعمر يمشي والايام تمشي
والله يرزقج بالذريه الصالحه يارررب

عبق

يارب اتبشرينا قريب بحملك يارب

لا ما رجعت آخذ كورس جديد

مساء الخير بنات

انتبهوا للتشخيص ودققوا عليه @@ من تجربتي الطب صاير تجاري

كله منشطات ودفعي الفاتورة واذا تأكدتوا من التشخيص بعدين ابدئوا خطوة العلاج

واني قدامكم اكبر مثال تعالجت ٨ سنين ما خلوا شي ماجربوه عليي
ويوم رحت للدكتورة الخبيرة المتخصصة قالت اول فحوصات دقيقة و٩ شهور اني وزوجي بس تحاليل
ومامهلت سنة الا حملت بعد ارادة رب العالمين

واذا تبون رقم الدكتورة وعيادتها بطرشه لكم ع الخاص

ما اتمنى اي أحد ينحط في موقفي والله يوفقكم حبيباتي

دفء

مع اي دكتورة اللي استفدتي منها؟
ياريت اسمها ورقمها حبوبه
وتفاصيل عن موقع العسادة وجم تاخذ ووووو
وفعلا كلامج صاير الطب تجاره
مايدرون ان هذي ارواح وناس جايه لهم عشان تتعالج
وتوصل للشي اللي تبيه!

الله يثبت حملج حبيبتي
ولاتنسيني التفاصيل والرقم



بنات

بقولكم شصار مع زوجي..
راح اخذ النتيجه اول وعقب راح للدكتور
نتيجته طلعت زينه وفي تطور شوي بس يقوله الدكتور توقعت بتكون نتيجتك بعد افضل من جذي!
بس الحمدلله اهم شي جسمك استجاب للكورس شوي
وعطاه نوع حبوب جديد ياخذه لمدة شهر
وبعد الشهر يروح يسوي تحليل للسائل المنوي
اذا طلع كل شي تمام.. خير وبركه ونعمه
واذا مافي تطور عدل وما استاب جسمه للعلاج الثاني
لازم عملية يشيلون الدوالي
قلت له يالله الحمدلله ع كل حال
ان شاءالله يستفيد ع هالعلاج ومايحتاج لعمليه
واو احتاج الله لايقوله
مافيها خطورة الحمدلله ومضمونة وناس وايد سووها والحمدلله حياتهم ماشيه :)


ودورتي طبعا ماشرفت لسا
وماعرف شسوي! :'(
لو شرفت برجع اروح للمراخه
بس مو قاعده احس بأعراضها وضايق خلقي


دعواتكم حبيباتي

عبق الله يسمع منك يارب , و يتم هالحمل على خير
بحس حالي متوووترة لكن متفائلة كمان و الله كريم



مخدوعة الله يخليلك ابنك يارب
و يعينك عالمسؤوليات الجديدة
و إن شاء الله مع الوقت بتتعودي ع الوضع


دفء تسلمي حبيبتي على كل معلومة قدمتيها
و الله يتمم لك حملك على خير ياااااارب



عشوقة الحمد لله إن نتائجه تتحسن
و الله يرزقك بالذرية الصالحة عن قريب


أنا عندي أخت عزيزة علي
لها متزوجة حوالي سنة و نصف ماحملت
كان عندها أكياس تعالجت منها و ماحملت
و حلل زوجها و طلع عنده دوالي

حابة أسألكم بنات للي تعرف
هل تنصحوها تخليه يسوي العملية ؟
الدكتور نصحه يسويها السبت
هل تشوفون إنه الأفضل يتعالج بالأدوية و يخلي العملية خيار أخير ؟
و إنه غلط يسوي العملية بهالسرعة ..

و لا كلام الدكتور صحيح ؟ و يسويها السبت و يتوكل ع الله ؟


و شكرا الكم :f:

الله يرزق كل زوجين بالذرية الصالحه يارب

كرروا هذا الدعاء
ربي لا تذرني فردا وأنت أرحم الراحمين

فلسطين

اميين يارب
تسلمين حبيبتي

افضل ان اول ياخذ كورس ادوية وعلاج
يمكن الله يوفقه ويصير كل شي اوكي
لانه في ناس بس ع العلاجات الحمدلله يتحسن وضعهم
لو ما تحسن وضعه ع العلاج يسوي العمليه
يعني يخلي العمليه خيار اخير
خاصه انه توهم سنه وشوي زواج
يعني مو سنين صار لهم
عشان بنقول مايقدرون يصبرون اكثر وجذي
خطوة خطوه افضل
انا دخلت سنه ثالثه زواج
بس زوجي حاليا في ثاني كورس علاج
لو ما استفاد عليه نلجأ للعمليه
والله يسوي اللي فيه الخير
ويرزق صاحبتج

الحب الجنوني

اميييييييييين يارب

مسااااء الخير

كيفكم حبيباتي

شكرا لكل وحده دعت لي وربي يفرح قلوبكم

الحمدالله على كل حال
الدوره نزلت اليوم تقدمت على موعدها يوم

بس حاليا بوقف علاج لبعد رمضان ان شاء الله
ودعواتكم بعد البي اني احمل بدون علاج
والله تعبت من المستشفيات والمنشطات
ربي يكون بالعون

عبووق

ان شاءالله تكون اخر دورة
وتحملين قبل رمضان
بدون اي علاجات ياررررررب



انا لاجديد
الدورة بعدها ماشرفت

عبق يارب تحملي بدون علاجات
و تفرحينا في القريب العاجل يارب

عاشقة تسلمي حبيبتي ع الرد
أنا قلت لها
بس تقول إنه زوجها خلاص اقتنع بكلام الدكتور
و إنه حالته تستدعي عملية
و الله يكتب لهم إلي فيه الخير يارب

اهلا بنات
مساء الخير
من تجربتي بعد ما تم تشخيص الحالة انها دوالي نصحنا الدكتور بإجراء عملية لعلاج ضعف الحركة ومن ثم أخذ كورسات العلاجمن فيتامينات ومقويات وقد كانت النتائج ممتازة ولله

فلسطين

الله يرزقهم الذريه الصالحه قريبا ياررب


دفء

الحمدلله انه استفاد
ودكتور محمد الدرازي ماشاءالله عليه شاطر
زوجي قاله كورسين علاج الا هو الشهر اللي راح وهالشهر
واذا ما جاب نتيجه لازم عمليه

في هالكورس قاله ياخذ حبوب بعدوجبة الغذاء بس
لمدة شهر ويعيد التحليل عقب

الله يسوي اللي فيه الخير يارب

هلا حبايبي
كيفكم ياحلوات
بكره ماي بيرث دي لوووول
وبكره بيدا بالإبر التحضيرية خايفه لأنو أكره الابر مررره

عبوق
ربي يعرضك خير ياقلبي
طيب اطلبي من دكتورتك تحويل للرياض
حرام تهلكي مبايضك بالمنشطات
لان البويضات عند الأنثى من يوم ماتخلق تكون موجوده بالمبيايض
وكل ما تأخذي منشط تقل منك دوره
عكس الرجل جسمه ينتج حيوانات منويه وماهي متخزنه فيه

ام احمدي
منوره قلبي كيفك وشو جديدك ؟

عشوقه
ان شاءالله زوجك يستفيد من الكورس الثاني وما يحتاج عمليه
وبالنسبه لتأخر الدوره راجعي دكتورتك تنظمها
متعبه الدوره اذا تأخرت

هايدي
كيفك قلبي وكيف اموراتك؟

ام احمدي ودودي

تسلمون ع الدعوات حبايب قلبي
ان شاءالله هالكم يوم بعيد التحليل
واذا ماشرفت يمكن اراجع الدكتورة من جديد


متملله وضايق خلقي
لاعت حبدي من تاخير الدورة