تجمع حلم الامومة

هههههه عشوقه يوم واحد فقط اجازه الوطني����
وبيكون دوام يومين بعدها اجازه الحج

جوفااني

هههه يالله زين بعد يوم واحد اسمه فيه اجازه ؛)
يالله عليكم بالعافيه..


جديدي

اليون طبعا كان موعد زوجي مع الدكتور
كشف ع الجرح و وضع عليه مطهر ودواء وقاله خلاص بنشيل الستيكر
وان يقدر يتحمم بس يحاسب لايصيد الجرح ماء

والحمدلله الحمدلله الحمدلله الدكتور طمننا وريحنا ان العمليه تمام وخلاص
مافي شي اسمه دواااالي عند زوجي :) :) :)

ويوم الخميس، الا هو بعد بكره يروح العياده عشان يشيلون السيم (تبع خياط العمليه)
ويقدر يمارس حياته بشكل طبيعي من بعدها ان شاءالله
وكتب له نوعيين ادويه ياخذهم لمدة شهر
- سترس تابس مع زنك
- كلوميد
وبدا فيهم من الليله، الكلوميد ياخذه لمدة عشرين يوم والحبوب الثاني شهر كامل
ومن بعد الشهر يسوي تحليل للسائل المنوي عشان يتطمن الدكتور على كل شي ونتطمن احنا بعد


عن نفسي قبل شوي كانت اخر حبه لي من حبوب الدافستون
وقاعده احس باعراض الدورة وان شاءالله تشرف هاليومين
اي صح نسيت اقول لكم بعد ماخلصنا من عيادة زوجي
رحت استلمت نتيجة تحاليل الدم (اللي سويتها ايام الدورة)
واستلمت صورة اشعة قناة فالوب (الصبغه)
وان شاءالله يوم الخميس اذا راح زوجي عيادته يمر ياخذ تقريري من عيادة دكتورتي السابقه

وتكون كل اوراقي جاهزه لما اروح لدكتورتي هالمره ان شاءالله



دعوااااااتكم حباااايبي
احبكم جدددددا
:)

تسجيل دخول
هههههه
كيفكم ياحلوين؟؟

سلام
مأجورين

جوفان

عليكم السلام حبيبتي
مثابييين،، نسألكم الدعاء

صباح الخير
حبايبي انتو والله استانست حييل لما شفتكم تسالو عني
أسفه شغلتكم علي ماينشغل بالكم ع غالي ياارب
ورجع الوحام اشتد علي وماقدرت ادخل اطمنكم علي
سبحان الله من اول الحمل وانا كل مااتحرك كثير ينزل دم مو دم احمر لا
مثل إفرازات بنيه مثل نهايه الدوره وانتو بكرامه وسالت الدكتور
قال ٨٠٪ من حوامل اطفال الانابيب ينزل عليهم هذي الإفرازات اهم شي ارتاحي وخذي المثبتات بوقتها
وهذاك اليوم جاني نزيف دم احمر انجنيت كلمت دكتوري قال روحي الطوارئ واعملي التراساوند والحمد لله رحت وأطمنت ع البيبي
وزاد لي المثبتات والدم صار يخف تدريجيا لما وقف الحين
وربي شعور مدري كيف أحط يدي ع بطني مااتخيل الحلم الي انتظرته سنين يروح مني بغمضه عين
يارب انت اكثر واحد عارف شقد تعبت يارب احفظ جنيني ولا توريني فيه مكروه
والحمد لله عدت ع خير
قبل يومين كان عندي موعد والحمد لله طمني الدكتور ان كل شي تمام بس ماعرفت جنس البيبي
سنفوري مسكر رجوله والحبل السري بالنص بيعملها مفاجاه شكله
مع انو دخلت الرابع والدكتور يقول لازم نبدأ نخفف من المثبتات بس ماخفف لي مشان مايرجع الدم
الحين استخدم إبر مثبته وتحاميل مثبته وحبوب تثبيت
الحمد لله ع كل حال

كله التعب كوم وزوجي كوم ثاني كرهته كرهته كرهته
شكل الوحام المتأخر جا عليه
صدق صدق مو طايقته ياربي مو مصدقه متئ يعدو هاليومين وأروح لأهلي
ولا احب اطالعه ولا أطالع وجهه حتى صوته مو طايقته
كل هذا فجآه كذا من دون سبب

عشوقه
الحمد لله ع سلامه زوجك ربي يشفيه
وان شاءالله نفرح بحملك قريب

عبق هايدي جوفان دف وكل الصبايا
كيفكم شو اخباركم والله مشتاقه اسولف معاكم بس شفت الموت بحملي
اذا صحصحت شوي بدخل أعطيكم اخباري بالتفصيل واسولف لكم عن اكشناتي

دودي


الحمدلله

يارب يثبته تسعة أشهر ويسهل عليك ويفرحك بشوفه وهو بخير وسهاله يارب

يارب يطمن بالك عليه دائما يارب

عاشقه

ان شاء الله اتكون نتائج التقرير كلها زينه واتفرح

دودي حمدلله على السلامه
والله يتمم ويقر عينج بشوفته

هههههههه ذكرتيني بنفسي
جات فتره خلاااص مااطيق اسمع صوووته
من يتكلم اصررررخ
اسكككككككككككت
وهو يضحك عليا هههه

دودي

الف الحمممدلله زيين طمنتينا يابنت
الله يثبت لج النونووو يارب ويقومج بالسلامه
عندي احساس انه ولد هههه
اهم شي سلامتج وسلامته.. :)

وتسلمييين ياقلبي الله يسلمج وامييين يارب اللع يسمع منج
ونفررح بولادتج بالسلامه


هيوووده

تسلميين حبيبتي
عذا التقرير من الدكتوره اللي كنت اتعالج عندها
تتكلم فيه عن حالتي كااامل اول مابديت علاج عشان اعطيه لدكتورتي الحاليه لما اروح



راح زوجي العياده وشالوا له السيم تبع العمليه
وبس
دعواتكم

عشوقه حبيبتي الحمد لله ع سلامت زوجك وان شاء الله
الايام الجايه بتكون احلى يارب
بالنسبه للجماع تقريبا سمحلنا الدكتور بعد اسبوعين ونص
الله يوفقك ياااااقلبي واي شي انا بالخدمه

دودي حبيبتي
الحمد لله ع سلامتك والله يحفظ لك النونو
من كل شر واذيه يارب
وتجيبيه سالم معافى

عشوق
نزلت الدوره؟

مخدوعة

ان شاءالله يارب حبيبتي الله يسمع منج
انا واااااايد متفااائله ولله الحمد وزوجي نفس الشي
لا انا زوجي من شالوا سيم العمليه امس
قال له الدكتور تقدر تتحمم وتمارس حياتك بشكل طبيعي
يعني عادي لو بيصير بيننا شي..
ومشكووووره حبيبتي على النصايح والرد :) استفدت بصراحه
بس لنا صار بينكم شي بعد العمليه
حس زوجج انه فيه الم مكان العمليه او تحت؟


جوفاااني

هلا حبي
لا والله بس المها كلش ذابحني
على الطررررررف احسهااا هههههه
ان شااااءالله تشرف بسرعه ابي اروح للدكتوره
واجوف الجدييييد هههههه
دعواتكم حبيبتي:)


تصبحوووون على خيررر صباياااا
وجمعه مباركه مقدما ونسألكم الدعاء :)

حلم الامومة دائما يوراودني

عشووق

حمد لله على سلامة زوجك
حاسة عن قريب نسمع اخبارك الحلوة.
قرات باحد المواقع ٣٩٪ يحملون بعد شهر من العملية
وكل شهر تزيد النسبة!



زوجة دودي

الف حمد لله والشكر على سلامتك وسلامة النونو
ربنا يتمم حملك على خير


البقية

ان شاء الله كلكم بخير يا حلوات

لولوووو

حياااااتي والله الله يسلمج ويحفظج
تسلميييين على الدعواااات :'(
ولج بالمثثل يارب.. الله يسعد قلبج ويفرحج مثل مافرحتيني


مريوم الدبه

ولكم اختي ومنوره
وعذرا حبيبتي انا مو قصدي شي
بس اولا انتوا ف البدايه كللللللش يعني 4 شهور حتى ماصرتوا سنه!!!
فهمي زوجج ان بعدكم ف البدايه
والطبيعي اللي يوصل سنه ومايصير حمل اهني يبدي الواحد يحاتي ويخلف ويحلل ووووو
بس انتوا بعدكم عرسان جدد! :|
اذا الله لايقوله كملتب سنه وماصار حمل حياج التجمع
بس حاليا نصيحه ادخلب على تجمع حلو وفرفشه وغيره
عشان لاتضغطين روحج اهني وتفكرين وتحاتيين ويمكن حتى توسوسين لما تقرين قصصنا
او المشاكل اللي مرينا فيها وانتي يمكن وزوجج تكونون سليمين بس مجرد مسألة وقت!
فلا تكبرين الموضوع وخلي كل سي بيدالله
وانتوا بعدكم عرسااااااااان جدد مثل ماقلت لج
والله يرزقج ويرزقنا بالذريه الصالحه يارررب
:)
وسامحيني اختي اذا كلامي ضايقج بس الشي لمصلحتج

عشوقه حبي
صراحه اه كان احيانا يحس بالم من تحت
احيانا بعد الجماع
بس بعد فتره ان شالله ما بيحس بشي
وحتى مكان العمليه مارح يبين
حبيبتي ان شالله يكتب لكم الخير يا قلبي