تجمع حلم الامومة

عرايس يا حلوات كيفكوا


هالشهر أخذت منشطات وأبره تفجيريه وكنت متفائله كثييير
والحمدلله على كل حال
نزلت نقط بالأمس واليوم موعد فحص الحمل
رحت وفحصت وطلع سالب
والحمدلله على كل حال

هايدي ربي يعوضك حبيبتي الشهر الجاي إن شاء الله

مثلي أنا الشهر اللي فات أخذت كورس تنشيط ونزلت

أنتي يوم أخذتي الابره التفجيريه كم كان حجمها البويضه ..؟!

وشنهو أسم أبر التنشيط ...؟!


أنا كان أسمهم فوستيمون عطتني أبرتين

عبق
تسلمي
كان حجمها 18
كان اسم الأبر Gonal f

أخذت خمس أبر منهن +كلوميد

والحين متردده
شو لازم اعمل
اريد أكمل

بس امي مش مرتاحه للابر والحبوب
لان بنت عمها كانت تاخذهم وبعدين صار عندها كيس عالمبيض وانفجر واضطروا يشلوه
الله يحمينا يارب ويعوضها خير
بس هي بهذيك الفتره ماكانت تاخذهم ويمكن حتى كانت قبل بس تأخذ كلوميد مو إبر بس امي قارنة الموضوع مع بعض هههه

عبق حسيتي بألم في بطنك وقت إبرة التفجير؟

اليومين اللي بعدها كان يألمنييييي بطني ناحية البويضات وبعدها بيومين الحمدلله راح

هايدي


الله يكفينا شرهم يارب
ونحمل في القريب العاجل

ايييه بعد ما اخذهم احس بالم في المبايض والم في بطني
وكثيره افرازات واحس بطني منتفخ بس بعد كم يوم اختفى الالم

انا بس اخذت ابرتين وكلوميد خمس أيام


طيب أي من الدوره أخذتي ابر التنشيط والابره التفجيريه ...؟!

اول شي بديت بالكلوميد ثالث يوم الدوره لمدة خمس ايام
والإبر خامس يوم الدوره خمس ايام
يعني
اليوم الثالث للدوره كلوميد
اليوم الرابع كلوميد
اليوم الخامس كلوميد+ابره
السادس: كلوميد + ابره
٧: كلوميد +ابره
٨:ابره
٩ ابره
واليوم العاشر الأبره التفجيريه

صح هيك؟؟!!
ههه كنت اعتقد اليوم ١١ أخذت الأبره التفجيريه
تقريبا هكذا كان جدولي

وعطتني الدكتوره دوفاستون + فوليك أسيد + فيتامين د

ايوااا

الله يعوضك خييير حبيبتي
انا بس اخذت ابرتين

وبديت هالشهر اخذ فوليك أسد
والله كريم

دعواتكم لي حبوبات اني ما اشوفها هالشهر
ولكم بالمثل ...

هايدي وعبق

الله يعوضكم يارب ويرزقكم ف القريب العاجل
وان شاءالله ماتجوفون الدورة هالشهر :)

زوجي صاير يخلص دوام متأخر يرجع نهاية العصريه او المغرب
مايمدي يروح العيادة!
وانا واايد مستعيله وحارقه اعصابي ابيه يبدا علاج مع الدكتور
تعبببببت استففر الله
ابي اسمع خبر حلوو
ان شاءالله شوي ويرجع البيت بس مادري بيروح او لا

بنات بحط لكم تجربة امراه بحرينية تقريبا قصتها مثلي انا وزوجي
والدكتور اللي تعالج عنده زوجها هو نفسه اللي بيتعالج عنده زوجي

القصه واقعيه في البحرين، وجفت القصه بالصدفه وماعرف المرأه ابدا..
قصه تجلب السعاده والامل والتفاؤل والفرح :)


جوفوا القصه تحت ٧٧٧٧٧٧

عنيده وكلي طيبه: 06-01-1434 هـ 04:42 صباحاً
زوجي يعاني من دوالي الخصيه وماعندي تبويض والدوره مومنتظمه وحملت بفضل ربي




السلام عليكم ورحمه الله وبركاته

المرحله الاولى :

تزوجت وكملت 8 شهور بدون حمل وطول هالفتره ام زوجي كانت تسأل ومن تشوفني اكل شيء قالت هذا ياخر الحمل وهذا مدري شيسوي لين كرهت عمري ورحت المستشفى عملت تحاليل وطلعت النتيجه نسبه التبويض 1 المفروض تكون 24 بس هذا نصيبي
طبعا اختكم في الله ماخلت مراخه ولا خلت مراميه ولا قرفه كل شيء بلعته ومافي فايده
وطول الوقت كنت شاكه في زوجي وابيه يحلل لانه حرام اعالج واخرتها يطلع السبب الرئيسي منه وطبعاا زوجي العزيز موراضي يسوي التحليل لكن ماخليته لين حطيته جدام الامر الواقع قلت له عندي تحليل بهاليوم يوم وصلنا قلت له يالله سوي التحليل
وطبعا زوجي واثق الف بالميه انه مافيه شيء وهذا طبع رجالنا الله يهديهم

استملنا نتيجه التحليل وحجزنا موعد عند الدكتور محمد الدرازي وكشف عليه وقال لنا نتيجه التحليل مافي حيوانات منويه وكشف ع الخصيه وقال فيه دوالي بس لازم نتاكد اكثر عطانا اشعه نسويها وطلع عند زوجي 3 دوالي حجم كبير ولكم تتخيلون مدى صدمتنا والحمدلله ع كل حال طبعا الدكتور سالني اذا عندي اي شيء يمنع الحمل وقلت له ماعندي تبويض وسالته هل ابتدي علاج او انتظر تحسن حاله زوجي قالي اصبري لاتعالجين الحين .

المرحله الثانيه :

بدايه العلاج الدكتور وصف حق زوجي حبوب يستخدمها مدتها 3 شهور وطبعا الحبوب ماتنصرف الا بوصفه طبيه وبعدها نوقف جماع 3 ايام واليوم الرابع نحلل وانتهت المده وسوينا التحليل والنتيجه صفر لايوجد اي حيوان منوي الدكتور قال لنا لازم عمليه لازاله الدوالي لانها السبب في عدم وجود حيوانات منويه تم اجراء العمليه بتكلفه 800 دينار بحريني (8000 ريال سعودي ) في مستشفى الكندي مده العمليه ساعه وحده فقط وبعدها يرتاح ساعتين وعقب يطلع من المستشفى وبعدها وصف لنا حبوب مده 3 شهور وبعد ماكملنا الفتره المحدده سوينا التحليل ونفس الشيء لاتوجد حيوانات منويه الدكتور يقول الحبوب مفعولها بطيء فقال احسن شيء يبتدي كورس ابر الهرمون وسعر الابر (500 ريال سعودي اي 50 دينار بحريني ) ناخذ الابر من السلمانيه الطب الخاص طريقه الابر تنضرب في العضل وهي نوعين النوع الاول 3 مرات بالاسبوع والنوع الثاني مره وحده بالاسبوع ونفس المده 3 شهور طبعا اختكم في الله محبطه وكنت احس الدكتور يلعب علينا
بس ياخذ فلوسنا لكن في امل بسيط في داخلي يقولي صبري كملنا 3 شهور ورحنا للدكتور
وانا خايفه وزوجي نفس الشيء والدكتور طمنا بان العدد صار 3 مليون لكن بدون حركه وفيه صديد وتشوهات ورجع الاحباط يحتويني طبعا الدكتور قال دام في تحسن بالعدد راح نعيد الكورس و نركز على العدد لين يوصل 10 مليون بعدها نعالج مشكله الحركه و التشوهات والصديد لانها سهله وومضت 3 شهور الثانيه ورجعنا للدكتور وكان متفآل يقول العدد صار 6 مليون ونفس الشيء بدون حركه وتشوهات وصديد استمرينا بعد 3 شهور على نفس الكورس ووصل العدد 10 مليون واستبشرت خير وقالي الدكتور خلاص الحين لازم تعالجين طبعا انا قلت له تصرف حق زوجي علاج للحركه والتشوهات والصديد في البدايه كان رافض لانه يقول الحركه والتشوهات والصديد علاجها سهل .

المرحله الثالثه :

طبعا انا ماسمعت كلام الدكتور ومن صارالعدد عند زوجي 3 مليون بديت انظم الدوره لانها مو منتظمه ورحت للدكتوره وصرفت لي كلوميد ماعندها وقت الاخت وخليتها تولي وانا طبعا اغلب وقتي في قسم المتاخرات اتابع المواضيع بصمت فقريت المواضيع عن حبوب الدفاستون لتنظيم الدوره واستخدمتها حبه الظهر وحبه بالليل من 16 من يوم الدوره الى 26 من يوم الدوره وبعدها اوقف وتنزل بعد 5 ايام واصلت ع الحبوب 6 شهور تقريبا واخر شهر خذت مع الحبوب كلوميد من ثاني يوم الدوره الى خامس يوم الدوره حبه الظهر وحبه بالليل وجاء موعد الدوره ومانزلت تاخرت 10 ايام وكنت خايفه احلل وانصدم وزوجي رافض احلل يقول اصبري بس طبعا ماقدر ماحلل كل شوي اقول حامل وعقب اقول لاموحامل ومافي اعراض دوره ابد كلمت اختي تجيب لي تحليل بول وسويت التحليل وطلع لي خطين واضحين وطبعا كنت قاعده من نومي وسيده احلل ومن شفت الخطين طلعت من الحمام الله يعزكم اركض ابشر زوجي فقير كان نايم وانا اصيح وحالتي حاله قلت له لازم اتاكد من النتيجه فرحت احلل بالمستشفى دم وفي الطريق كنت اقول لايكون انا ماشفت عدل لاني قاعده من نومي وارجع اطالع التحليل واقول اشوى الخطين ماراحوا
حللت وطول الوقت كانت مشاعري ملخبطه بين خوف وفرح وطلعت حامل والحين انا في السادس دعواتكم لي الله يسهل ولادتي .

هايدي
ربي يعوضك بحمل طبيعي من دون ادويه يااارب
اذا خايفه من الأدوية استخيري انا بكل خطوه استخير حتى لو كان شي بسيط
بس المنشطات اذا كانت تحت إشراف طبيب متخصص ان شاء الله ما منها خوف
وربي يكتب لك الحمل

عبق
ان شاءالله هالشهر نسمع اخبار حلوه عنك

عاشقه
ان شاءالله يتابع عند دكتور وتكون أموره تمام
اذا هو يراجع بمستشفى خاص عادي المستشفيات الخاصه
العيادات للساعه ٩ وكمان السبت يداومو ا
وربي يرزقك حبيبي

انا اخباري مو تمام
صدري اليمين يالمني وأحسه حاار ومتخدر يعني مافيه احساس لو قرصت نفسي
بقوه مااحس وأحسه من الجنب منفوخ كانه فيه بيضه جوا
خايفه كثير ومو مطمنه أخذت موعد بكره بروح واشوف شو القصه
ان شاءالله خير دعواتكم حبايبي قلبي مو مرتاح

عشوووق

ان شاء الله يكون زوجك تحسن مع العلاج
ويروح ويطمنكم الدكتور ومايحتاج للعمليه


دووودي
الله كريم ياقلبي


مالج شر يا قلبي
ويمكن لان الدوره مقربه تجيك
لان بعضهم تصير لهم أعراض صدرهم ينتفخ ويألم
وان شاء الله ماكو الا كل خير طمنينا عنك ...
اقري سوره البقره بنيه الشفاء وحطي يدج على مكان الالم
ويارب كل خييير

عبق
يااااا رب تفرحي هالشهر واتفرحينا بأحلا خبر
يارب يرزقك ويسعدك

عاشقه
ان شاء الله نتايجكم اطمن وتحملي قريب يارب

تسلمولي على دعواتكم الحلوة اللي أتفرح القلب شكرًا


دودي
مشكووووره أحس كلامك ريحني
بس كيف اصلي استخاره وانا فيني الدوره ولازم اتصل بكره وآخذ موعد جديد اذا بغيت اكمل الشهر الياي

بسم الله توكلت على الله

دودي طمنينا عنك بكره على فحصك ويارب يارب خير

عبق
الله يسلمك حبيبي
امس قرأتها وأحس ارتحت شوي

هايدي
اه نسيت الدوره بس انا مره قرات ان الي بيستخير وعليه
الدوره عادي من دون صلاه اقراي دعاء الاستخارة
شوفي اذا كان الشهر الي راح اول شهر تبدي تنشيط أنصحك تكملي
لان اذا كان التنشيط ورا بعض تزيد فرصه الحمل
اما لو كملتي ٦ شهر متتابعه من التنشيط لازم راحه

هايدي

الله كريم يا قلبي
ويرزقنا كلنا ان شاء الله

دووودي
رحتي العياده ولا للحين
الله يطمن قلبك عزيزتي ..

امممم بالنسبه للمنشطات
انا هذا الشهر الثاني اللي اخذهم
ولا قدر الله ونزلت قلت بوقف منهم
ولا شرايكم
اخاف من ضرر الابر
على اني بس اخذت ابرتين في الشهر
وغير التفجير ...

دووودي
شكرا
طمنينا عنك رحتي العياده؟



عبق
ان شاء الله يارب تحملي يارب
وماتحتاجي اتعيدي العلاج

هايدي

تسلمين حبيبتي على الدعوه
وانا والله حييييل متفائله
وظني بالله كل خييييير