تجمع حلم الامومة

عبق
يارب يأجرك ويخلفلك خير يارب

دكتورتي قالتلي أن وحده اتكون بواسطة صبغه خاصه ولازم التصوير بأشعة أكس
والثانيه اتكون مثل الغسيل بالماء ويصوروا فيها بالألترا ساوند
وكلاهما يقدروا يشوفوا قنوات فالوب بها
بس الثانيه اللي مثل الغسيل يكون ألمها أخف والنتائج مش دايما واضحه اذا مفتوح أوكي أكيد صح بس إذا
يظنوا أن فيه انسداد بالأنابيب يصوروا بالصبغه (الأولى) يبين أوضح وأنه مافي انسداد مثلا

هايدي

تسلمين حبيبتي
والله كريم ويعوضنا خيييير ...
الحمدالله ان عندي خوات مثلكم اقدر افضفض لهم عما بداخلي

ايوا انا اتوقع اللي سووها لي اشعه اكس
لانهم عطوني اياها الاشعه
وبنت خالتي تو سوتها وشرحت لي طريقتها حسيتها مختلفه عني
ويوم خلصت ما عطوها الاشعه
واهم سووها لها بعد ماخلصت الدوره باسبوعين

وانا اذكر سويتها بعد ماخلصت من الدوره على طول
يعني بعد ثلاث ايام تقريبا

هايدي
كيفك ياعسل ؟
انا عملت الاولى دخلو الصبغه واخذو اشعه إكس
كانت مؤلمه والله بس الم الواحد يقدر يتحمله
الله يعيني عليها بعيدها ع الدوره الجايه

عبق
ربي يعوضك ان شاءالله
وكملي هالشهر كورس العلاج لان دكتورتي كانت تقولي كل ماكان العلاج ورا بعض يكون افضل
وتزيد فرص الحمل

عاشقه
طمنينا عنك ان شاءالله ماتكون دوره وتكون علامة حمل

مرحبا دودي
الحمدلله بخير

ويارب يعينك عليها

عبووق وهايدي ودودي

طلعت دوورة مو دم عادي هههه
الله كريم الحمدلله ع كل حال

وعبووق ان شاءالله تكون اخر دورة لج يارررب
والله يفرحكم يابنات التجمع كلككككم :)


ان شاءالله بداية عالشهر بيروح زوجي للدكتور عشان يبدا علاج
دعواااتكم بنات


قالت لي صديقتي انها حلمت عني هههه
كأني اطلق بالمستشفى واهيا معاي مسكينه
وعقب الا زوجي يقول خلاص انا باخذها البيت
قالت له صديقتي مو على كيفك تاخذها اهي راقده بالمستشفى من قبل لايجيها الطلق
لا تتسبب عليها

وبس

تقول قالت لخالتها بالحلم، قالت احتمال حمل قريب والله اعلم ههههه
الله يسوي اللي فيه الخير يارب

مساء الخييير

عشووووق

تسلمين يا قلبي
والجميع يااارب
والله يعوضج ونكون الشهر الجاي انا وانتي وبنات التجمع حوامل

اليوم رحت للدكتوره
وأخذت معاي نتيجه الاشعه وشافتها الدكتوره
قالت لي ماشاء الله تبارك الرحمن جداااا ممتازه مثل العسل ع قولتها خخخخخ
وقلت لها ابي اعرف شنهو السبب بالضبط لتأخر حملي
قالت لي انتي ماعندج مشاكل وزوجج نفس الشي بس خليه
يستمر على فيتامين e
وانتي محتاجة لتنشيط البويضات اكثر
فحتى هالشهر بتعطيني منشط
وبديت في الكلوميد من اليوم واخذت اليوم ابره والثانيه بكره ..
وسألتها شنهو الفرق بين اني اخذ الكلوميد يوم ثالث او يوم خامس
قالت لي اهوه نفس المفعول بس الغالبيه اذا خذوه من ثاني يوم
يزيد في الوزن عاد وزنتني وقالت لي انتي ماشاء الله وزنج حلو
فعادي حتى لو زدتي كيلو فخذيه هالشهر من ثالث يوم
وان شاء الله خييير


بناااات لا تنسوني هالشهر من دعواتكم
وانا مابنسااااكم


جدااااا انا محتاجه لها

دوووي

الله كريم حبيبتي
والله يطمن قلبك الشهر الجاي
وتكون النتيجه تمااام

حتى الدكتوره قالت لي افضل يكون التنشيط ورا بعض

عاشقه
ربي يعوضك وان شاءالله تبشرينا بحملك قريب
كنت بسالك صح انتي لما اجهضتي باي شهر كنتي وعملتي تنظيف ولا لا

عبق
مشاءالله كويس ان كل شي تمام
ربي يرزقك هالشهر ياارب

معقول من ثاني يوم يسمن ومن الأيام الاخيره للدوره لا
انا الي اعرفه ان المنشطات تزيد الوزن بس بدون تحديد اي يوم
انا أخذت منشطات كذا مره بس الحمد لله مازاد وزني أبد
بس انا دكتوري يقول المنشط لليوم الرابع بس مانقدر نصرفه بعد اليوم الرابع

متفائله ان أعيد الاشعه وتكون الأنابيب مفتوحه
قرات النتيجه تبع اشعه الصبغه مكتوب بالانجليزي بس ترجمته
١) الرحم مقلوب
٢) الأنابيب مغلقه
٣) درجه الأنابيب منخفضه شكل يعني فيها توسع او سوائل يعني حتى لو كانت مفتوحه ماتودي وضيفتها كويس
الحمد لله ع كل حال

دوووودي

الحمدالله على كل حال
الله بيرزقنا ان شاء الله بس يختبر صبرنا
والله هذا اللي قالت لي الدكتوره يوم سالتها
ووزنتني وقالت لي احتمال تزيدين كيلو هالشهر

وان شاء الله بتعيدين الاشعه وبتتطمنين
وبتكون الانابيب مفتوحه
طيب والرحم اللي راجع للخلف نفس الشي يعتبر مشكله
مايصير حمل ..؟!

انا في مره دكتوره قالت لي رحمك راجع

احس اني اتفاءل بس اذا قرب موعد الدوره تعتفس نفسيتي
واصير كاني محبطه استغفر الله

وان شاء الله بحاول هالشهر يوميا اختم سوره البقره
واستغفر ١٠٠٠ مره

وحلووو اذا تشاركنا بهالعمل ونذكر بعضنا فيه
والله الرزاق ...

عبق
تفائلي ياقلبي وأكيد الله بيفرحك قريب
والله مابعرف الرحم الراجع للخلف انا مكتوب رحم مقلوب
الدكتور ركز ع الأنابيب ماقال شي ع الرحم بس الموعد الجاي بساله

حلو سوره البقرة شفاء
انا ماقلت لكم شو صار معي من فتره
رحت لأهل زوجي وكان عندهم جارتهم تقرا قران ع الناس وكثير تشافو على يدها بعد ربي
المهم قلت لها اقرائي علي وبدأت تقرا بعدين قالت لي ان عندي عين جداً قريه وهي مآثره ع الحمل
والعين موجوده في الرحم قالت لي انتي عندك مشكله بالرحم او الأنابيب وقلت لها ع الانسداد
قال يابنتي أنتي مافيك انسداد ولا شي هذي العين الي فيك تبين بالاشعه كأنها انسداد
المهم رجعت بيتي وجاني الم في بطني كنت بموت من الألم اقوئ من ألم الدوره
واعطتني زيت مقرو فيه قران أدهن فيه بطني ومويه كمان
وقالت ان شاءالله شهر شهرين وتبشريني بحملك انا متفائله فيك
وصتني اقرأ سوره البقره ٤١ يوم
وبديت فيها صارلي اسبوعين تقريبا

دودي
ان شاء الله بكون متفائله هالشهر
والله كريم سبحانه

والله الحسد في ايامنا كاثر وبقوووه
الله يحظنا من عين وشر حاسد اذا حسد
بس حلووو انك خليتيها تقرا عليك
وماشاء الله الاستمرار على سوره البقره
له معجزاته بس مشكلتنا التكاسل
ويارب لو كانت فيك عين تكون راحت بمداومتك على السوره

وان شاء الله بتروحين وبتطمنينا عن الاشعه

كم باقي لك يوم وتعيدينها ...؟!

عاشقه
ربي يعوضك خير ان شاء الله

عبق
الله يوفقك ويسهل العلاج ويارب تحملي وتفرحي
الشهر اللي فات لما عطتك الدكتوره الأبره التفجيريه كم كان حجم البويضه
اعتقد لازم يكون ١٨ إلى ٢٢ بس مش متأكده نسيت


دودي
الله كريم ويارب ييسر أمورك
على فكره انقلاب الرحم او رجوعه مايمنع الحمل بس يمكن يأخره
في مره دكتوره قالتلي أن لازم له وضعيه خاصه وقت (ال...) لحتى يصير حمل

هايدي

تسلمين حبيبتي على الدعوه
الشهر اللي فات كانت ١٧ حجمها وبعدين عطتني ابرتين تفجير
بس قالت لي حجمها ممتاااز

الا جوفااان
صار لها فتره مو مبينه
ان شاء الله تكون بخير وتدخل تطمنا

وصحيح الدكتوره قالت لي المفروض الازواج اللي حريمهم يتاخرون بالحمل
ياخذون فيتامين e لانه مقوي
وانا المستوصف اللي اتعالج فيه اغلب ادويتهم امريكيه
فالعلاجات اللي عطوها زوجي امريكي والفيتامينات جداا ممتازه ..
اللي عند زوجها ضعف تخلي ياخذ فيتامين e

عبق
معاك حق والله انا خفت لما قالت لي هالكلام
انا كنت عارفه ان فيني حسد ومتاكده من هالشي لاني
عانيت قبل مااتزوج مررره ومرضت وصدق صدق تبهدلت بس الحمد لله
قرا علي شيخ سنتين والحمد لله تحسنت لو أقول لكم وش صار فيني تشيبو

بالنسبه لسوره البقره
وحده من عيلتنا اعرفها كويس المهم صار لها اكثر من ٦ سنين ماحملت وماخلت مستشفى ولا دكتور مشهور
ماراحت له وكلهم قالو لها انسي انك تحملي انتي عندك عيب خلقي بالجهاز التناسلي مستحيل يصير عندك حمل
وهي خلاص تركت المستشفيات سنين المهم الأسبوع الي راح تبشرنا بحملها الكل انصدم كيف والدكاتره يقولو مستحيل
قالت كل يوم اقرأ سوره البقره وحملت سبحان الله

اشعه الصبغه اعملها ع الدوره الجايه
والدوره موعدها بعد اسبوعين

هايدي
معاك حق انا اسمع ان وضعيات تساعد ع الحمل للي رحمها راجع
بس انا مافهمت كيف يعني الرحم مقلوب
الأبره التفجيرية مايعطوها اذا كانت حجم البويضه اكثر من ٢٠
انا كذا قال لي الدكتور يقول لان بعدالابره التفجيرية تزيد البويضه ٢ملم
الله يرزقنا ويعوضنا خير يارب

يتصفح الموضوع حالياً: 4 (3 من الأعضاء و 1 من الزوار)
‏عبق الورد 22, ‏◕‿◕زوجه دودي◕‿◕

مين المتخفييييه ..!!!!!

دودددي

الحمدالله رب العالمين
انك الان بخيير وعافيه
داومي على قراءة المعوذات
وشغلي سوره البقره يوميا في بيتك ..

عبوقه
تسلميلي قلبي
بطلع اتقهوى انا وجارتي فوق السطح
ليتكم معانا

دودي

عليكم بالعافيه حبيبتي
ايه والله يا ليت
عاد انا اليووووم كلللش ما طلعت بس الصباح اخذت الابره ورجعت
واغلب اليوم جالسه لحاااالي
حددددددي مليت انتظر بكره عشان اروح بيت أهلي ...

عبووق

امييين يارب الله يسمع منج
ويارررب تبشرينااا قرريب
والحمدلله انج تطمنتي :)


دودي

اميين يارب حبيبتي ولج بالمثل ان شاءالله
يوم اجهض كان لي شهرين اعتقد، حسبي معاي هههه
كان اخر دورة لي ١٨-٣-٢٠١٣ .. واجهضت تاريخ ٢٦-٥-٢٠١٣
وماسووا لي تنظيف لانه قالت لي الدكتورة الجنين صغير
بتنزل كل الاوساخ مع الدورة

حلووو انج رحعتي تتفائليين
مثل ماقالت عبوق الله بيرزقنا كلنا ان شاءالله بس يبي يختبر قوة ايماننا وصبرنا
وترى صج التداوي بالقران وااايد زيين واذا مانفع اكيييد مابيضر
ان شاءالله يكون الشي فاتحة خير عليج وتبشرينا قررريب حبيبتي


هايدي

امييين يارب وياج ان شاءالله





بناااااااااااااااات نسيييت ابشررررركم

انا نجحت بامتحان السياااااقه :)

وخلاص صار عندي ليسن ههههه

امس الاحد كان امتحاني ونجحت بس نسيت اخبركم امس

عبوقه
الله يعافيك يارب
انا متعوده ع الحبسه بالبيت
الجلسه لحالي
اليوم ماشفت زوجي آلا نص ساعه
من ٨ راح الدوام وجا ٥ وطلع للجامعه لان محاضرته٦ ورجع ٩ ونص
وصار عندهم مشكله بالشغل طلع ع طول مالحق يأكل ولسا مارجع